2006 年 7 月 3 日 星期一 【清涼】

feel到自己開始又病病地.....今日公司d人不停咁話我塊面好青....
果然到左夜晚已經頭痛上黎仲勁唔舒服勁想嘔.....不過點都要上埋個日文堂去!! (雖然今日上堂極不專心...>_<)

今晚同牛牛又解決左我琴日擔心既問題....對唔住呢,我又諗多左!!
好彩牛牛肯聽我講肯解釋俾我聽.....錫晒你呀~ ^3^

好期待月中果個活動呀!!!希望攪得成啦~好耐冇去玩過喇我都!!! haha....
有connie係度.....我係唔會怕架!!! hoho~

＋＋＋＋＋

小兒～～～～～～！！我份禮物既然係咁獨一無二，我一定會好好諗定幾時著既！！你放心啦～我唔會辜負左你既一番心意架！！ｈａｈａ．．．

>>July 4, 2006 at 1:54:54 AM GMT+8

2006 年 7 月 2 日 星期日 【清涼】

今日一早9點幾就起左身lu~又同ryan玩左陣電腦....(我諗朝早得ryan一個同我一樣咁早起架咋!!haha...)

12點半牛牛已經好準時咁到左我屋企樓下接我一齊去食lunch~haha....好攪笑呢~我地兩個竟然不約而同咁著左紫色衫!!! 成套情侶裝咁出街.....死未?! ^^"

孖寶兄弟賽車原來好好玩架~~下次一定要再去玩過!!

今日一次過見晒牛牛既爸爸媽媽家姐同姐夫.....真係緊張死我.....>_<
初頭我真係有d怕....好怕自己出醜又唔識點應對喎!! 好彩有牛牛陪住我!!
同埋牛牛既屋企人原來都好好人架呢~仲成日叫我食野添!! 今晚真係好飽呀~~

牛牛既媽媽原來係包餃子高手......今晚既餃子宴好強呀~我真係第一次食呢.....^^

同牛牛一齊睇埋"美女廚房"就番屋企lu~
今日真係好難忘既一日呢.....^^

p.s.好鐘意睇住牛牛"full" mask既樣.....haha....好靚仔呀!!! 希望牛牛快d學識今日我教佢既野啦!! ^-^

>>July 4, 2006 at 1:38:31 AM GMT+8

2006 年 7 月 1 日 星期六 【清涼】

以前叫極都唔肯起身既我....呢排有病....日日都7,8點就扎醒左!!!!!!!!!!!!!!!!!! >____________<
好好好唔夠訓呀.........我要訓覺呀!!!!!!!!!!!!!!!!!!!!!!!!!!!!!!!!!!!!!!
有冇人可以話俾我知點樣可以訓好d呀?! 我就黎死喇.....夜晚又鬼死咁精神......唉~

今日如常8點幾醒左,太早太冇野做喇,唯有上網~好彩RYAN都早起,上網同我一齊玩!!!
多謝RYAN又送左首歌俾我~好好聽呀....都好有意思!!! HAHA.....放心啦~我會好好珍惜依家我身邊既一切!!你都要呢.....快D同我追番阿玲番黎呀!!!知無?! ^^ 我真係幾鐘意呢個咁有性格既女仔架~

1點鐘出門口去銅鑼灣搵GLORIA~今次佢個肚好好好大呀!!!! 我又忍唔住去摸左幾下!! hehe....真係好想快d有個BB玩呀!!!!仲有一個月就有BB睇啦!! >3<

拎晒d野之後我又去左尖沙咀搵connie~hoho....今日我竟然一樣野都買唔到!!反而connie就買左兩對con屎~或者天氣實左太熱既關係啦....真係唔多想係條街上行咁耐....@______@

夜晚7點去左顯徑join埋阿筠,dominic,ada媽,ada媽囡囡同埋vic一齊打羽毛波~冇冷氣既場原來冇想像中咁焗架呢~反而令我地出汗出得更加爽!!!就咁又運動左兩個鐘lu.....hoho~

＋＋＋＋＋

ｃｏｎｎｉｅ, 我知道你今日打完俾阿德之後唔開心左一陣.....我都估到佢態度一定又勁惡劣.....我都知我講咩都冇用架喇.....我知你點都會堅持埋呢半年去既.....我知你既諗法.....所以有咩唔開心就話我知啦~ｏｋ？！不過呢....對住一個對自己唔好既人,應該要俾少d機會佢對自己唔好~何必再俾佢有機會傷害自己呢?

>>July 4, 2006 at 1:57:20 AM GMT+8

2006 年 6 月 30 日 星期五 【清涼】

這兩天有點擔心的問題.....今晚牛牛終於解決左.....
我還是喜歡這種決斷既男仔~(雖然有d係因為俾人迫...)
不過聽過今晚牛牛所講既野之後.....我......放心多了~

多謝牛牛時常俾信心我.....

＋＋＋＋＋

今晚又因為自己眼又懞耳又聾既關係......= ="
出左醜.....仲俾牛牛瘀左成晚!!哼.....唔制呀!!!!
點解我會發覺唔到牛牛係自己隔離架～～～～＞＿＜

＋＋＋＋＋

今晚同魚行左陣街！！終於買到我既ｃｏｎ屎～ｙｅａｈ！！

>>July 1, 2006 at 1:31:44 AM GMT+8

2006 年 6 月 28 日 星期三 【清涼】

放工雞頭哥同wuso約左我一齊去alex既新屋到玩!!順面陪下呢個uncle wu.....
原來alex既新屋係o係好遠既堅尼地城....叫"泓都"~俾我既感覺係一棟好好好高既樓呢.....
alex仲要住50樓....怕高既我企左係露台之後都唔敢望落去.....>_<"

今晚雖然去左alex屋企玩同參觀.....不過都忍唔住要同牛牛傾電話......我發覺訓o係張好大既雙人床上面望住個海同d飛機飛過.....咁樣講電話好正架!!

好鐘意alex張搖搖梳化呀~~~~~~~~

希望wuso快d好番啦......為左個咁易變心既女仔咁死心塌地.....係唔值得架.....

>>July 1, 2006 at 1:31:23 AM GMT+8

2006 年 6 月 27 日 星期二 【清涼】

今日除左用個煩字黎形容我既工作之外.....都冇第二個字更加貼切!!
琴日d野又未做晒.....今日d信又多到傻....個UM TINGO又死都要我做佢果個EXCEL....仲有FILING果D CANCEL SERIAL.....成日都冇停過手.....想早D走都唔得~~~ >_<"

＋＋＋＋＋

今晚牛牛屋企多左隻狗ＢＢ呀!!依家只有d相可以睇住先....好想快D去同狗狗玩呀~~

狗BB訓覺個樣好攪鬼囉....竟然覺得咁樣係舒服既?! (汗)

>>June 28, 2006 at 12:04:54 AM GMT+8

2006 年 6 月 26 日 星期一 【清涼】

紅十字會既人今日又黎左我地公司~上年因為我岩岩病左,食左藥冇得去捐血!! 今年健健康康,點都要去挑戰下自己去捐番包!! haha.....

不過今次我都預左同上次一樣呢.....一早就同姑娘講左我d血流得超慢.....右手通常都搵唔到血管吉,果然不出我所料!! hoho.....姑娘搵左好多都搵唔到條血管....= =" 最後用左左手捐血.....等支針吉落去果下真係好驚呢.....>_<" 嚇到我唔敢望要用手遮眼.....姑娘見我咁都笑左我好耐.....冇法啦,呢一世人最怕痛架!! 望唔到支針感覺好少少呢.....

不過每次捐血都好累架呢.....因為d血出得好慢既關係,果部機成日都"BB"聲咁響.....一響D姑娘就黎晒幫我扎實個手臂.....又按摩D血管.....又要我用力握緊隻左手.....= =" 人地5分鐘捐完.....我就要KEEP住呢個動作重複做左15分鐘......姑娘個個都"O"晒咀.....HAHA.....死未!!! ^^"

今晚日文TEST.....交卷後先發現有好多個寫錯左....>_<" 唉......今日確實不在狀態!!

不過番到屋企俾媽咪爸爸話左好耐.... 鬧我唔應該去捐血.....仲勁緊張咁搵野俾我食又要我飲番盒奶!! well.....我唔覺得我既身體真係差到捐一包血都唔得囉~~ = =" 太大驚小怪喇!!

＋＋＋＋＋

２００６年６月２６日１０：３０......一個你同我永遠都會記得既日子~

今晚我好開心呀!!! 多謝你呀~ ^____________^

>>June 27, 2006 at 12:03:50 AM GMT+8

2006 年 6 月 25 日 星期日 【清涼】

唔知睇緊既你中左幾多樣呢?!
haha.....今日一路睇一路笑左我好耐呢~

"112樣你鍾意一個人既跡象"

1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到佢
6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想送佢返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會睇）
12. 個個都可以睇你張身份證，除左佢之外（智能ID咭另計）
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見佢
17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊..
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方留連
26. SEND SMS之前之後都會不斷返睇自己SEND左乜野俾佢
27. 主動借D書、碟俾佢，製造再見既機會
28. 就算佢響你隔離，你都會成日掛住佢
29. 行街見到佢鍾意既野都會有奇妙既感覺
30. 響街度聞到佢搽果種香水（或洗頭水、番簡味），會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男/女朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起佢
47. 製造無理要求，睇佢有乜野反應
48. 想知佢鍾意邊一類型既異性
49. 佢做任何衰野都會幫佢搵藉口
50. SET佢張相做電腦WALLPAPER
51. 不論內容係乜，SAVE晒佢俾你既SMS
52. 任何關於佢既野都要KEEP
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下你高佢幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾佢
63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下你隻手大過佢隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾佢
79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想黼br />?）
82. 許親願同玩親乜野占卜都係同佢有關既
83. 唔會介紹靚男FRIEND俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到佢
101. 見到佢ONLINE，等佢同你SAY HI先,若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 響FRIENDSTER睇晒佢有乜FRIEND
108. 特登俾佢知道你有人追
109. 經常對自己既言行舉止好後悔
110. 希望佢同佢女/男朋友嗌交
111. 人地問你係咪鍾意佢，你會答「痴線﹗」
112. 如果你一路睇/聽呢段野一路諗起一個人既時候…啊~你鍾意左佢!

>>June 25, 2006 at 2:02:28 PM GMT+8

2006 年 6 月 24 日 星期六 【清涼】

今晚放工之後約左牛牛去睇"the omen"~本來諗住好好睇好恐怖架呢.........可惜........比我想像中悶得多喇!!!!!! ~_~" 如果佢真係有續集........我決定我唔會去睇!!!

睇戲前同左牛牛去元綠食壽司~~一心諗住去食我最鐘意既冷面.....辣味三文魚....仲有想試果個芝士炸南瓜.........點知樣樣都冇!!! 激死我喇.....>_<" 其實果時都唔係好夜o者........點會咁快賣晒架!!!! 食唔到唔開心呢.....一定要去食多次~~~

雖然今晚食唔到我想食既野....又睇左場悶戲,不過都過得好開心!!! 因為我發現牛牛係個好人黎架!!
仲有.....佢係個怕羞仔~(笑)

p.s.已經決定帶呢個怕羞仔去搵gloria攪攪~~~要令佢靚仔番先得!! >:)

>>June 25, 2006 at 11:43:10 AM GMT+8

2006 年 6 月 18 日 星期日 【清涼】

今日訓左3次.....傾左成日電話.....玩左成日sms......

屋企d櫃呀電腦呀....全部大執位!!!!

夜晚同魚魚出左新城市行!!!! 買左兩件衫衫~~~ ^0^

兩日既假期就咁結束lu~

p.s. 好想食壽司......好想食元綠呀!!!!!!!!!!!!!!!!! >_<

>>June 18, 2006 at 11:57:58 PM GMT+8

初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。 讀者留言 |  路人留言   | 小情人..睇到你有Y仁呢個咁好o >>March 10, 2009 at 10:54:18 PM GMT+8 雖然張卡普普通通..但係我用左九 >>March 10, 2009 at 1:15:04 AM GMT+8 我都要好多謝你送既情人節禮物.. >>February 15, 2009 at 10:26:49 PM GMT+8 其實經過今次旅行，你既日語能力應 >>April 8, 2008 at 12:39:11 AM GMT+8 不知不覺你又成個月無寫日記 >>February 13, 2008 at 2:59:37 AM GMT+8 連續幾篇日記都係遊同係咁食... >>October 17, 2007 at 12:16:11 AM GMT+8 呵呵呵~~ <br>老婆你今次一 >>October 16, 2007 at 12:07:08 AM GMT+8 你講到我咁偉大//,, <br> >>July 25, 2007 at 6:28:24 PM GMT+8 好～～早２日同你講生日快樂先 < >>March 4, 2007 at 1:04:28 AM GMT+8 咁爛訓既我..專登唔鬼訓我都留言 >>February 19, 2007 at 1:46:41 AM GMT+8 哈哈~~見到你同ryry咁開心. >>February 6, 2007 at 10:36:45 PM GMT+8 06就過去喇~~唔開心一掃而空 >>December 31, 2006 at 12:15:24 AM GMT+8 hehe...thanks! >>November 7, 2006 at 9:27:15 PM GMT+8 "不是愛傷害了我們 <br>是時 >>October 30, 2006 at 7:03:18 PM GMT+8 嘩!!~哈哈~我最近都聽緊呢隻電 >>May 26, 2006 at 5:15:19 AM GMT+8 吊!!!咩撚人黎架?!咁撚樣衰都 >>May 10, 2006 at 1:06:16 AM GMT+8 收禮物呀~! >>March 22, 2006 at 12:21:33 AM GMT+8 咪理佢咁多啦~清者自清, 心數自 >>February 20, 2006 at 5:45:36 PM GMT+8 其實星期六晚我都好想喊... < >>February 15, 2006 at 11:14:39 PM GMT+8 i agree with u t >>January 15, 2006 at 7:20:45 PM GMT+8 好&#24543;好&#2454 >>November 14, 2005 at 6:35:56 PM GMT+8 等我加手字先.... <br> >>October 26, 2005 at 3:56:19 PM GMT+8 叫動物家族好唔好呀﹖ >>September 5, 2005 at 11:29:01 PM GMT+8 路人甲行過 >>August 15, 2005 at 12:29:00 AM GMT+8 hihi....今日真係好開心呢 >>July 8, 2005 at 4:02:17 AM GMT+8 快d入黎我公司做啦！ <br> >>June 5, 2005 at 11:27:19 PM GMT+8 又唔駛錫晒o既,俾阿鵬鵬好"d" >>April 30, 2005 at 1:55:32 AM GMT+8 傻啦，豬豬，我又點捨得嬲你呢。 >>April 27, 2005 at 9:56:25 PM GMT+8 而!乜你又改左名叫小矮人咩 @_ >>April 24, 2005 at 11:17:23 PM GMT+8 我感覺到呢篇完全係發自內心寫 o >>April 11, 2005 at 2:14:17 AM GMT+8 依家除左阿筠,阿威,kathy同 >>April 4, 2005 at 11:49:50 PM GMT+8 哥哥知阿妹o既話係出於關心,安慰 >>April 1, 2005 at 11:40:50 PM GMT+8 我們不擁有任何人,相愛是一種默契 >>October 29, 2004 at 12:06:33 PM GMT+8 我都相信karma，重咩因，就會 >>September 7, 2004 at 2:30:39 PM GMT+8 最緊要問心無愧！對得住自己，對得 >>September 7, 2004 at 2:26:09 PM GMT+8 其實辛苦先會肥 <br> <br >>June 22, 2004 at 2:31:08 PM GMT+8 終於肯update！ <br> >>February 27, 2004 at 1:12:37 AM GMT+8 厭食.......... <br >>November 28, 2003 at 3:33:43 AM GMT+8 原來你也喜歡[決定愛你]這歌呀! >>November 27, 2003 at 11:50:22 PM GMT+8 I miss daniel ~~ >>November 25, 2003 at 8:02:37 PM GMT+8 一字記之曰: 男人冇本心 ~ >>September 28, 2003 at 5:53:40 PM GMT+8 我重申我為人好低調,亦唔鍾意映貼 >>September 16, 2003 at 9:55:57 PM GMT+8 if ur life is as >>September 1, 2003 at 2:15:40 AM GMT+8 YEAH!!!!! tmr is >>September 1, 2003 at 2:14:17 AM GMT+8 失戀、負債、失業、失學唔一定係唔 >>August 31, 2003 at 3:37:54 PM GMT+8 哀莫大於心死！ <br> <br >>August 29, 2003 at 12:18:18 AM GMT+8 Time makes every >>August 28, 2003 at 10:56:13 PM GMT+8 唔知叫咩名果個叫肥聰(都係胡忠仔 >>August 13, 2003 at 10:26:53 PM GMT+8 一定可以既!!!! <br>加上 >>August 12, 2003 at 12:13:04 AM GMT+8 有心唔怕遲！！！！！ <br> >>August 2, 2003 at 12:44:04 AM GMT+8 有o的朋友會o係我地人生既路上因 >>July 24, 2003 at 11:51:24 PM GMT+8 鼓之達人...呵呵呵...我地不 >>July 14, 2003 at 6:42:31 PM GMT+8 睇下原來你有咁多Friends原 >>July 10, 2003 at 3:07:59 AM GMT+8 妹睇左你5/7 o既日記後我終於 >>July 5, 2003 at 11:12:37 PM GMT+8 邊個欺騙你 ar?!妹 <br> >>July 1, 2003 at 11:01:01 PM GMT+8 波波你唔好亂咁諗 la <br> >>June 30, 2003 at 12:07:13 AM GMT+8 傻妹~~ <br>你唔好想太多喇 >>June 21, 2003 at 9:47:04 PM GMT+8 波波你無野 ar <br>又唔開 >>June 13, 2003 at 1:10:23 AM GMT+8 Fate chooses you >>May 31, 2003 at 5:33:08 PM GMT+8 我地都冇耐冇見,每次到訪~咩你都 >>May 28, 2003 at 3:51:27 PM GMT+8 天上有彩虹等緊你呀!! <br> >>May 26, 2003 at 6:23:39 PM GMT+8 開心0的啦香港人!! >>May 22, 2003 at 9:39:54 AM GMT+8 我黎喇!^^ <br>你就好啦! >>May 20, 2003 at 4:12:22 AM GMT+8 "妹"你近排係咪好多問題ar? >>April 26, 2003 at 11:52:35 PM GMT+8 咁無恆心ga <br>真係就快變 >>April 14, 2003 at 4:04:55 PM GMT+8 "E"...... <br>嘩a >>April 7, 2003 at 5:16:18 PM GMT+8 我都知阿琪係一個好好好..... >>April 7, 2003 at 1:38:06 PM GMT+8 頂你ar..... <br>個阿 >>April 6, 2003 at 2:21:27 AM GMT+8 你都知你阿哥係咁賤格架喇.... >>April 5, 2003 at 3:18:32 PM GMT+8 阿哥一定會原諒你,因為你係我阿妹 >>April 3, 2003 at 2:38:02 AM GMT+8 阿哥一定會原諒你,因為你係我妹妹 >>April 3, 2003 at 2:19:59 AM GMT+8 哈哈~~ <br>咁都俾我知道你 >>March 29, 2003 at 6:04:37 PM GMT+8 成編日記得羊冇牛既!!哼! <b >>March 22, 2003 at 11:18:25 PM GMT+8

人氣: 37257

Design & Scripting by ShowHappy.Net