2007 年 5 月 13 日 星期日 【炎熱】
媽媽節快樂!!!!!!!!!!!!!!!!!!!!
希望世界上所有媽媽都可以健健康康啦....當然特別係我媽咪啦!!!!!呵呵....^3^
+++++
雖然今日係星期日....不過我下午都番左公司出order...7點同ryan一齊放工就去買媽媽節禮物俾ryan同我既媽咪喇~今次買禮物都算快呢~行左2個鐘就買齊晒d禮物嚕!!!仲係唔錯添喎~希望佢地兩個媽媽都會like啦~
今晚本來睇中左一條裙.....不過.....>_<.....我實在受左好大既打擊呀!!!!!!!!!!!!!!!!!!!!!!!!!!!!!!!!!!!!!!!!!!!!!
我唔要再咁樣落去呀~~~~~~~~~~~~~~~~~~~~~~~~~~~~!! >_<
>>May 14, 2007 at 12:39:37 AM GMT+8
2007 年 5 月 8 日 星期二 【炎熱】
***梁靜茹---愛的大遊行---演唱會***
啦~~~啦~~~啦~~~好開心又可以同老公一齊睇我最鐘意既演唱會!!
我一直都有聽梁靜茹d歌....今次係佢第一次既香港concert....我點可以錯過呢!!
好在老公肯同我一齊睇$400....好前好清楚~~ ^v^
最開心既係....連老公都覺得靜茹d歌好聽....hehe....我都話冇介紹錯啦~
"出場喇~~~~~~~~~~!!!waoo...."
成個公主咁呀真係!!" >v<
"好近好近好近呀~~~~~~~"
今晚既guest係容祖兒呀!!surprise呢....
合埋眼靜靜聽靜茹唱歌時...真係以為自己聽緊cd....完全同cd一模一樣....佢唱歌既聲音真係好動聽....好溫柔....>w<
另外開心既係....老公又陪我一齊等靜茹出黎!!佢真人真係好cute好活潑呀!!係我面前好近好近呀!!!我地仲企左係佢後面同佢一齊影左相添呀~~
p.s.其實今晚我真係好想個大電視影到我地架.......haha~~~
仲有....今晚上台果對情侶....真係好幸福呢....可以係梁靜茹既見證下求婚成功.....靜茹仲唱左首歌送俾佢地....真係好touching呢....(不過如果個女仔靚d就好喇....haha)
>>May 14, 2007 at 12:34:09 AM GMT+8
2007 年 5 月 1 日 星期二 【微冷】
###~娛樂城一日遊~###
好難得好難得今日我,ryan,阿強同阿輝4個都放假!!我地一早就約定今日出黎玩~朝早11點半我地就去左沙田UA睇"SPIDERMAN3"!!雖然我冇睇過第一二集...(因為本來唔覺得spiderman型仔= =")點知睇完之後又發覺比想像中好睇喎~d笑位都幾多...加上spiderman本身既性格吸引左我....如果有第4集既話....我相信我都會再去睇~ ^-^
睇完戲到已經成2點鐘~我地決定番去娛樂城果度間酒樓飲茶~第一次同佢地成班男仔飲茶...比我想像中細食呢~~作死佢地既就係...我叫果d佢地一d都唔鐘意食...= =" 激死我!!!下次我都唔去拎野食lu...哼~~~ >w< 5個人食左二百幾蚊野之後我地就落下一層篤波~haha....原來ryan係唔識篤波架!!同我一樣咁咋!!我地仲要同阿邦一隊...簡直係雪上加霜....所以我地輸到負晒分....我諗都係正常既~~哈哈....
篤完波我地又搭番落最低果層打機~HAHA....我地已經迷上左果個籃球機!!係咁挑戰完又挑戰....打到出晒汗!!!= =" (真誇張....) 不過都玩得好開心~RYAN佢地仲拎到成三百幾分添!!我都係第一次睇到咁高分~平時我真係連第一關都未必過到呀~HAHA....
夜晚我地上左娛樂城既天台燒野食!!第一次去....D野食比想像中少款式....而且D野食係一人一件....真係唔多夠呢~不過未試過就試下咁解咋....SO下次我諗我地會選擇自己買野食去BBQ!!
開開心心....又一天!!
>>June 2, 2007 at 12:53:10 AM GMT+8
2007 年 4 月 29 日 星期日 【炎熱】
今日一早就番左公司ot....o到1點ryan就黎接我一齊去ua買定5月1號既"spiderman3"戲飛~已經預早3日去....都已經冇晒中間位!!依家睇戲真係愈來愈誇張....= ="
攪掂晒d飛,就開始我地今日既旅程~hehe....(其實都唔係有咩咁特別^^")
我部電話買左番黎冇幾耐就已經裂左,一直都懶得拎去整,今日ryan陪我出旺角既sony ericsson度整電話....個客戶服務部d人真係好有禮貌呀~唔駛錢之餘仲幫我upgrade埋部機!!太好喇~
之後唔知點解今日我好想好想食"粫米雞"...所以我地去左食十蚊魚旦粉當lunch~仲叫埋燒賣...沙嗲魚旦...豆漿...食到我好飽飽呢...^^
完成左整電話任務之後,我地向目的地進發~係銅鑼灣大shopping之前,帶左ryan去食一間我好想試好耐既雪糕先....果度d雪糕係低脂低卡架!! hoho....雖然係貴左d....不過芒果味真係好好味!!我地食完之後就去左times square既i.t. big sale度shopping!!! woo....個場都算大呢~好彩d人都唔係太多....可能已經係最後一日既關係啦~我係個場都行左好耐好耐先揀到幾件衫....好彩ryan有耐性又幫我拎野又同我一齊揀衫!!唔係我一個人都唔知點算....>_<" hehe....所以今日收獲好理想!!我地每人都有收獲~8樣野都係買左$8xx!!嘩~~~~~~~~~~~~~~~開心死我喇~~~~~~~~~~~!!
shopping完都已經到左食晚飯時間.....呢個時候我地兩個都好腳軟呢....去番888拉面度坐底休息+dinner~為左夜d個肚有位食甜品,今日我only叫左個迷你咖哩豬肉飯食就算....haha....我真係好期待今晚既甜品環節嘛!!!!!!!!!!!! *v*
第一站甜品就係我至愛之一===>燉蛋!!!今次試左過叫"水牛乳燉蛋".....唔太甜又夠滑~真係好好味~仲有ryan既雙皮奶~呢次係我地兩個第一次食雙皮奶!!原來面頭果層係厚厚地架....入面就係好滑既燉奶~又係好好味呢!!下次去銅鑼灣我一定要去食多次~~
就係呢度有我既至愛喇!!!
"水牛乳燉蛋蛋"~~yummy...
食完第一站,我地再去行陣街消化下先....haha....可能因為岩岩買完d好抵既野....我地行街睇果d野真係一d都睇唔上眼....點解?!....因為唔夠我地今日買果d咁抵囉~~~hohoho.....@v@
第二站===>Haagen Dazs!!今次又係我地第一次坐低慢慢食Haagen Dazs雪糕!!款式比我想像中少...唔知係咪因為銅鑼灣呢間比較細呢~不過都冇損我地兩個食雪糕既雅興!!哈哈....好味....特別係個朱古力熱餅.....上面果層....熱到融融地既朱古力.....真係....真係....令人....好開心.....一齊盡在不言中~~~~~~~~~~~~~~~~~~~~~~~~~~~~~~~!!
"到此一遊...."
"雪糕!!雪糕!! I LOVE U~~~"
***今日.....食左好多雪糕......好好好.....滿足呀!!!!***
>>May 6, 2007 at 9:27:27 AM GMT+8
2007 年 4 月 28 日 星期六 【炎熱】
今次升班試.....全部人都可以升班!!為左慶祝一下....我地約左今日出黎大食一餐!!
今晚去果間係一間日本既居酒屋~叫"en"....(呢個當然係日文字喇....)
雖然我一向都唔食蟹....不過今次係全蟹+和牛火鍋.....haha...食落d蟹....都ok好味!!仲要係任食~所以我都食左唔少呢~加上d和牛真係我既推介.....每塊都切得好薄....入口即溶咁~超正....
個個都食到冇停口冇停手....
"和牛...和牛....我要食晒你落肚!!" >v<
臨走仲會有鍋蟹粥.....好鮮甜之餘....d飯都好好味!!11個人....埋單$3300....可以任食日本長腳蟹同和牛....都算抵呢~~~
傳說中既...."長腳蟹蟹粥"
呢間居酒屋...如果想埋單只要搖一搖呢個鈴就得架喇~@.@"
>>May 6, 2007 at 1:18:26 AM GMT+8
2007 年 4 月 22 日 星期日 【炎熱】
卡拉ok pay back之夜....haha...
兩個人又係greenbox唱左幾粒鐘....咩合歌都唱晒...
今次唱完又要休息一排嚕~
+++++
給老公仔的~
"暖暖"....
*都可以 隨便的 你說的 我都願意去
小火車 擺動的旋律(回憶裡滿足的旋律)
都可以 是真的 你說的 我都會相信
因為我 完全信任你
細膩的喜歡 毛毯般的厚重感
曬過太陽 熟悉的安全感
分享熱湯 我們兩支湯匙一個碗
左心房 暖暖的好飽滿
#我想說 其實你很好 你自己卻不知道(你不知道)
真心的對我好 不要求回報
愛一個人 希望他過更好
打從心裡 暖暖的 你比自己更重要
REPEAT*
細膩的喜歡 你手掌的濃實感
什麼困難 都覺得有希望
我哼著歌 你自然的就接下一段
我知道 暖暖 就在胸膛
REPEAT##
我想說 其實你很好 你自己卻不知道
從來都很低調 自信心不高
愛一個人 希望他過更好
打從心裡 暖暖的 你比自己更重要
REPEAT*
我也希望變更好
........老婆仔上
>>May 6, 2007 at 10:45:07 AM GMT+8
2007 年 4 月 21 日 星期六 【炎熱】
期待左好耐既"十分愛"終於上左畫喇~~今日6點放工,同ryan會合左食完dinner就去睇8點鐘場...
今次睇都有喊呢....不過唔係因為stephy同方力申呢一對喊....反而係因為小武對鐘嘉欣果份愛而喊....戲入面個個都做得好好...比起上一次既獨家試愛更為有進步!!!演得好迫真....睇過呢套戲既朋友不約而同都話今次拍得好寫實....不過我反而不太喜歡呢次所要帶出既msg....始終佢拍得戀愛呢樣野太過黑暗面喇....就好似呢個世界根本唔會有pure love一樣....講得拍拖太過覆雜....冇人可以信得過咁...呢點我完全唔同意~係我心目中拍拖係一對一架....係可以好簡單好簡單....如果連同自己拍拖既人都唔信任,咁點解仲要同佢一齊呢?!既然一齊得....我一定會投以最信任既一票~(除非佢真係已經做左d令人不能原諒既事啦....)只要大家呢點想法一樣,我好相信拍拖一定可以拍得快樂又放心!!
睇完戲之後我地又去左ruby tuesday食甜品雪糕!!!haha....ryan自上次食完之後對果舊熱餅日思夜想....我怕佢再唔去食真係會諗到痴線....haha!!!so...今次我地又叫我地既favour加多個朱古力新地....um.....同樣咁正!!今晚之後我又重幾磅嚕.....= ="
"hehe...開心死我喇~"
我好相信ruby d人已經開始認得我地兩個嚕....因為只有我地先會成日去食雪糕....仲要係only食雪糕....haha.....^^"
>>May 7, 2007 at 12:58:36 AM GMT+8
2007 年 4 月 19 日 星期四 【炎熱】
巧巧巧.....開心牙!!!!
一朝早老公仔就黎陪我去買concert票~~
今日我地排第2.....買到個位置好好既$400票....hoho!!
老公.....鍚晒你~ ^3^
>>April 19, 2007 at 2:28:53 PM GMT+8
2007 年 4 月 16 日 星期一 【酷熱】
一早做晒野....琴晚去唔到睇豆豆.....今晚一定要睇到!! 7點我同ryan一齊放工,去ua...終於俾我地買到票,睇到ryan好想睇既豆豆~~yeah!!
今晚又去左RUBY TUESDAY食甜品....試左個"焦糖雪糕朱古力餅"....再黎多個"濃情朱古力"!!! 嘩....真係巧巧食牙!!!!!!!!!!!!!!!!!!! 特別係個"焦糖雪糕朱古力餅"下面果舊餅.....一凍一熱既配搭.....真係好味到唔知點講.....>v<".....
我淨係知我同ryan兩個係咁食唔停~~haha.....
"豆豆"套戲比我想像中好睇~好多笑位呀....唔似平時係home tv睇果d咁無聊~
p.s.下次一定一定要試埋其他果幾款雪糕甜品!!!! yoyoyo.....\^0^/
>>April 19, 2007 at 4:05:13 PM GMT+8
2007 年 4 月 15 日 星期日 【酷熱】
訓到9點幾就醒左lu....係屋企整靚靚本"壽C"簿整到12點幾1點,就搭車番公C搵RYAN食LUNCH~順面番公C做埋D野佢.....
6點放工同RYAN出旺角百老匯電影中心諗住用左果兩張FREE TICKETS睇豆豆,作死佢....又因為果場未有人買票而唔用得住!! SHIT.....我地已經去左果度好多次喇!!!>_< 唔想黎緊大熱天時"熱啦啦"咁行去咁遠喇...........................下次一定要用左佢!!!!
買唔到票,我地唯有行番去trendy附近睇下D"鈕蛋",呢排有D好KERORO....HAHA....仲同RYAN一齊"鈕"左兩個蛋蛋俾嵐嵐同樂樂添!!之後我地仲上左最高果層影貼貼~紀念今日呢個大日子!!!!HOHO.....不過今次影得麻麻地....太過"美白"喇....= =".....而且D cutting都揀錯左.....今次係咁多次以來最失敗既一幅呢~~~~激死我喇!!
玩到9點半我地行番去"一壽司"度等位~因為10點之後所有壽司都係半價,so我地決定食10點果場!!9點9去到...嘩....已經見到d人打晒蛇餅!!我真係好擔心輪到我果時坐唔到我最鐘意坐既迴轉位~好彩....排左半個鐘到我地時仲有迴轉位!!原來旺角呢間"一壽司"真係好大架~勁多位!!下次食10點遲小小黎都唔怕冇得入呀!!
坐低左之後.....由於我地兩個已經餓左一排....haha....又諗住係半價既理由....完全失去左控制既能力係咁狂點!!!特別係老公....= =" 見到d三文魚呀,甘蝦呀$4.5一牒....就係咁叫....最後叫到成枱到係!!個場面真係有點兒滴汗.....haha.....埋單total叫左成25碟.....又創新紀錄~不過真係飽到坐唔到囉....(汗)
呢d已經係全部既一部份....^^"
新紀錄===>25碟!!
>>April 26, 2007 at 10:59:44 PM GMT+8
|
![]()
初戀都是醜小鴨,有一天,我們會懷念當時的脆弱和寒傖,然而,成熟的愛情才是羽化了的天鵝。
|
|
人氣: 37255
Design & Scripting by ShowHappy.Net
|