|
2007 年 4 月 14 日 星期六 【酷熱】
4月8日~4月12日......
係home溫書......考試果日......點都估唔到自己咁lucky....m到.....shit~~~>_<
係home死左.....去唔到考試.....
好彩.....我第2日去左睇醫生.....拎到張醫生紙.....
今日學校打左黎......我可以升到班喇!!!!!!!!!!!!!!!!!!!!!!!!!!!!!!!!!!! yeah~~~~
＃＃＃＃＃＃
夜晚同一家人去左酒樓食飯~慶祝哥哥生日！！
又過左開心既晚上lu~ ^-^
>>April 19, 2007 at 2:52:26 PM GMT+8
2007 年 4 月 7 日 星期六 【炎熱】
今日我班動物朋友終於夾到時間同我慶祝生日.....冇錯係一個月之後呢~不過我都明既~出左黎做野之後各有各忙....又要加班又要出job又要讀書仲要湊B.....我知我既好姐妹們有我心我都已經好滿足架喇!!!! ^_<
Dinner gathering選擇左係申一棧度食~未試過想試下d野好唔好.....初初都冇乜野,點菜時仲好興高彩烈咁你一味我一味.....雖然d野食真係唔錯....可惜d waitress態度真係麻麻.....就連埋單個經理連一聲多謝都慳番囉.....勁唔掂檔!!!食過呢次之後我一定唔會去食第2次!!! = ="
一個dinner既時間又點夠我地幾個女仔傾丫....haha....食完我地仲去左新城市上面果個好靚既公園坐低慢慢再傾~聽見狗狗講佢係屋企俾佢奶奶串既事....真係覺得佢奶奶好唔掂!!完全唔識點做人囉....狗眼看人低囉.....若要人尊重自己我覺得永遠永遠首先要自己尊重人先囉....一個唔識尊重人既人我都唔會點理會佢.....anyway我地成班fd點都會supprt狗狗架!!
有機會我一定會送支牙膏俾呢個賤奶奶.....等佢冇咁口嗅!!!!哼~~~~~~~~ >;[
10點半左右我就起程入馬鞍山搵RYAN食糖水....本來我地一早約好去食豆腐花,點知有D人一早食左....= ="攪到今次食唔到要食第二樣~~~雖然今晚D糖水都唔差....不過下次我一定要食番我既豆腐花!!!!!!!!!!!!!!!!!!!!!!!
>>April 20, 2007 at 2:45:16 PM GMT+8
2007 年 4 月 5 日 星期四 【炎熱】
今日一早同ryan去睇"羅拔神奇家族"....haha....早場特別既地方就係有好多小朋友~一路睇一路聽到d小朋友o卡o卡咁笑呀....真係好得意!!!睇卡通片同d小朋友一齊睇真係會開心d呢!! ^-^
睇完戲輪到我去睇我既兒童節+復活節禮物~本來我都冇諗過要d咩禮物....不過老公仔實在太有誠意喇....haha....話一定要買俾我~就因為咁我地行下行下,行到西田見到osim做緊promotion~我地一早睇中左既"icare"竟然做緊promote!!我忍唔住走左去試玩....真係好舒服呀!!!老公見我玩得咁開心....決定一人買一部~而呢份就成為左我份兒童節+復活節禮物嚕!!! hehe.....多謝老公~(啜卜~)
收完禮物,又輪到個肚都餓餓地.....我好想做元綠會員呢.....所以我地又去左食壽c儲印仔~~
p.s.今個兒童節+復活節既禮物真係好好好貼心呢....老公仔知老婆仔有偏頭痛....買黎俾我可以成日用~老公仔真係好錫我呀!!! ^3^
>>April 20, 2007 at 2:06:47 PM GMT+8
2007 年 4 月 4 日 星期三 【炎熱】
2號同3號去左trainning~hoho....勁開心唔駛番工又有人工!!
不過兩日冇見過ryan....真係有d掛住佢....呢兩日放假真係要見番夠本....haha!!
係屋企同媽咪睇電視睇到6點左右....我就自己一個人出左去睇psp game....今日係兒童節,我預備送NBA07俾老公仔做兒童節禮物~接過老公仔放工後,我地一齊搭車出銅鑼灣行街街....
途中我係馬鐵上送左份禮物俾老公....haha....唔知係咪老公以為我唔識買所以唔預我會送到呢....我見老公收到禮物時個樣真係好好好感動.....(我都有dd嚇親...^^")佢真係好傻瓜....我唔識o者....我可以用個口去問人架嘛.....hoho~~~
出到銅鑼灣,我地去番拉面街試第二間拉面,今次試既"蛋湯烏冬"真係唔錯~我好like d湯底,"傑傑地"又有好多蛋花~好滑又夠味!!食飽飽之後我地去行百德新街,老公想買條belt好耐....所以今日我地特登去Y-3專門店同D-MOP度睇下有冇我地想要果個款.....果然皇天不負有心人!!終於都俾我地買到岩心水既belt....仲有個9折添~
今晚老公仔真係滿載而歸啦~~~~~~~~~~~~ ^3^
>>April 20, 2007 at 11:45:27 AM GMT+8
2007 年 4 月 1 日 星期日 【炎熱】
琴晚成3點先訓....今日竟然9點幾就自己醒左....= =" 作佢個死....我真係好想訓耐d架!!!
係屋企hae到11點半就起程番公司做埋琴日做淨既野.....加上聽日同後日都去左trainning.....可以做多少少就得少少.....唔想林琳呢兩日一個人做兩個人既野咁辛苦呢~
好快手.....2點就做好晒所有既野~ryan亦都一早拜完山,黎到公司門口接我!!今日我地行街街既地方係又一城~當然啦....今日最主要既目的係去睇我想左好耐既"魔間迷宮"~好彩今次一去到就買到飛仲可以即刻入去睇~唔駛等!!不過有小小失望既係....套戲比我想像中有好多既出入....個童話真係好黑色.....一d都唔令人開心.....我覺得一個細路女充滿著天真相信世界上有童話唔係一件錯事.....套戲好明顯俾我既感覺係要打破晒所有人心目中既童話.....好殘酷咁話俾全世界知呢個世界唔會有所謂既神仙.....童話....通通都是假的.....我覺得一個人如果失去晒所有既天真係一件好慘既事....因為佢唔單只失去一個人天生出世時既本性....仲失去埋一個快樂既泉源.....
"魔間迷宮"入面實在太過暴力喇....有好多位我都唔敢開眼睇....>_<" 我還是喜歡真正的童話故事多d!!!!!
睇完戲....唔明點解間戲院入面鬼死咁凍....我同ryan去左m記買過杯熱朱古力之後就一路飲一路開始我地既行街街lu~我地由最高果層行起....一心諗住搵梁"粒粒"....可惜仲未搵到!! >_< 反而ryan就搵到晒佢既心頭好.....買左勁多野.....破產於又一城.....= =" 不過好彩我都唔示弱!! 完成到我今日既心願~買到個袋!!!hohoho.....好開心呢~
晚餐o係又一城food court既味千攪掂!!!老公仔鐘意食拉面~老婆仔一定陪老公仔食既~hehe....不過今晚d豚肉真係好多.....食到我好飽呀!!!!!! >0<
 我們的情侶介指~~
>>April 26, 2007 at 10:57:48 PM GMT+8
2007 年 3 月 31 日 星期六 【炎熱】
＠＠＠愛情萬歲＠＠＠
愛情存在輿論性
承受這批鬥與你笑著革命
市內全民皆兵 聽著流言之聲
我若能擁抱你已是險勝
受盡炮轟任由戀愛沒有世界共鳴
維持著愛護與尊敬
未怕沒有親友贈興
寧願犧牲也與你以愛捐軀
從歷史中見證這轟烈一對
愛到倒下去 浮沉是非中一對伴侶
謠言裏 人潮裏
尋求我幸福至少無罪
那怕走得再崎嶇
言論之中去見證愛情萬歲
未似對正常情侶
你我縱是殘餘弱旅 頑抗愛下去
愛情長路如絕嶺
無論傷口再中箭也未怨命
世上如何孤清 對望仍然溫馨
都不可封殺戀之風景
彼此不必世界的嘉許
只想講生命至少也許
每人亦有最珍惜伴侶
旁觀的怎麼拼命插嘴 潑下冷水
寧願犧牲也與你以愛捐軀
流下這可歌可泣動人眼淚
滲進沙漠裏 懸崖上開花一對伴侶
曾難過 曾憔悴
尋求我幸福更加無懼
愛侶不需要心虛
承受子彈去愛你也是壯舉
若有了我們兒女
與你故事遺傳下去 能愛到萬歲
好喜歡她當中的意思.........正正是我所想的......
>>April 3, 2007 at 11:30:41 PM GMT+8
2007 年 3 月 30 日 星期五 【酷熱】
＊＊＊＊＊Ｊａｎｉｃｅ Ｍｙ Ｆｉｒｓｔ Ｃｏｎｃｅｒｔ＊＊＊＊＊
好期待既3月30號終於到左喇!!!為左可以確保7點走到....我同ryan今日仲特登番早一個鐘做野~~
好在....7點收到工!!我地再即刻去埋愉翠既唯一攪掂我地既dinner!!
8點4準時去左紅館~~~~~~~~~~~~~~~~~~~~~~~~~~~~~~!!坐定定睇我既JANICE "MY FIRST"演唱會!!!!!!!!
 舞台上d波波係會升起架!!!
 一對等緊開show既白痴情侶.....= ="
今晚Janice既演唱會舞台design好得意好童真呀!!雖然我地既位置唔係最前~不過都ok清楚!!
Janice一出黎果下既歌聲已經令我同ryan都刮目相看.....再一路咁聽落去.....我地真係覺得Janice落左好多好多心血落呢個concert度.....因為佢真係唱得好好.....一d怯場都冇!!!係演唱會入面既mc,每一句說話都感覺得出Janice係個好天真既細路女......加上擁有一個咁甜既樣同一把咁sweet既聲.....我真係好好好鐘意佢呀!!!!!!!!!!!!!!!!!!!!!!!!!!!又得意又nice!!!!!!!!!!!!!!!!!!!!!!!!!!!!!!一d架子都冇!!!!!!!!!!!!!!!!!!!!!!!!!!!!!!!!佢已經成為我新既偶像喇~~~~~~hoho.........
而今晚既表演嘉賓當然係Janice既好妹妹Jill啦~一個天使一個魔鬼既造型.....我好like呀~~~ \^0^/
估唔到連妹妹都唱得咁好!!!!兩姊妹唱live真係唱得好舒服.....真係一d難道都冇~就連英文同國語既歌都難唔到佢地!!!!我覺得佢地真係比起好多新人歌手更加有實力.....
散場之後我拉埋ryan陪我去等Janice同Jill出黎~好開心好開心可以好近好近咁見到佢地兩個!!!!!!佢地真係好親切好nice好有禮貌~~~我見到Jill仲向送公仔俾佢既fans講多謝仲讚個公仔好得意~而家姐Janice亦不停咁多謝d fans仲主動同fans握多次手!!!hehe.....Jill都有同我say hi架~~yeah!!! ^v^
 Janice唯一一幅近距離既相....本來仲有其他不過唔小心delete左!! >_<"
今晚成個演唱會....聽得....睇得.....都好滿足呀!!!!!!!!!!!!!!!!!!!!!!!!!!!!!!!!!!!!!!!!!!
 搭火車番屋企lu~影呀...影呀...影呀...
 "好嗅呀!!"............= ="
p.s.見過Janice同Jill真人之後....我同ryan都發覺.....妹妹竟然比姐姐靚d.....仲高過姐姐添!!平時睇電視唔似呢~
p.p.s.今晚隔離坐左個電車男....= ="....個樣....唱歌時.....真係好好笑.....haha.....佢個下唇唔明點解可以咁重.....成塊"the"左落黎......見佢跟住JANICE唱得咁投入.....差d令我同ryan忍笑忍死左.....haha!!
>>April 1, 2007 at 2:23:40 AM GMT+8
2007 年 3 月 28 日 星期三 【微冷】
每逢月尾都唔明點解可以忙成咁.....今日死趕爛趕之後好彩都趕到8點收工!!!
收工之後約好左ryan一齊出新城市元綠食佢想食既拉面~而我就更係食我至愛既sushi啦~不過今日係我開始正式減肥既第二日....我唔可以再好似之前咁食多多.....我只可以俾自己食減肥時應該食既份量.....雖然真係食少左可以食既野!!不過我一定忍到架!! 哼~~~
dinner之後,陪ryan去左睇衫褲~男仔買衫真係易呢...好快就有兩件收獲!!不過唔知點解今日新城市d鋪頭好似夜晚宵禁咁.....= =" 間間一到10點就close門!!平時唔係架嘛.....攪到想行多陣都唔得....就因為咁我地唯有番屋企~
番到屋企一路睇"向世界出發".....我就一路"向減肥出發"--->跑步.....跑左半個鐘頭沖埋涼又開始我既日文生涯........(點解我好似有做唔完野既咁架!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! >_<")
足足做左2個半鐘......先做晒所有既功課.........= ="
不停地.......返工......加班.....返學......功課.....測驗......考試......(刪除萬字)
我好想要多d時間俾我訓覺......拍拖......陪屋企人.......行街.........睇戲..........去旅行......(刪除萬個願望)!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! \>0
呀~~~~~~~~~~~~~~~~~~~~~!! 幾時先可以呀??????????????????????????????????????????
>>March 29, 2007 at 2:16:10 AM GMT+8
2007 年 3 月 25 日 星期日 【酷熱】
今日爸爸同媽咪一早就去左大陸旅行~細佬一早又去左番工!! hehe....難得屋企冇人~
我同ryan就決定今日邊度都唔去~番我屋企享受我地既二人世界!!
1點做完facial之後,ryan已經好準時係新城市等緊我一齊去街市買餸準備今日既dinner!!我地兩個都可以話係第一次去街市買餸(平時去開超級市場唔駛諗咁多).....haha.....真係咩都唔識....又唔知d野點賣幾錢.....又唔多識講....haha....買餸呢家野果然係要儲經驗值!!
番到屋企仲早未駛咁快煮住....我同ryan就夾手夾腳一齊將d雞翼同豬肉碎"俺"定,等佢入味先~攪掂晒我地就一齊睇"x低噴飯"vcd!!原本我地以為會幾好笑....點知都唔係想像中咁多笑位~anyway,都幾佩服佢既....始終一個人主持一個talk show成粒幾鐘.....真係唔係一件易事~
6點幾我細佬就番左屋企~我地都開始準備我地既dinner!!hehe....今日我整既餸叫"薯仔餅"~而ryan整既係佢梁家獨門既"xo醬煎雞翼"!!整薯仔餅之前.....首先要幫d薯仔削晒d皮同切開一舊舊,ryan真係好細心呢....佢成日都驚我會大頭蝦唔小心整損手,樣樣都幫我做~(真係抵錫呀!!^3^)切好之後我就去煮熟d薯仔再整碎晒佢~等佢凍dd之後就將佢同d豬肉碎撈埋一齊整成一個個波咁~雖然途中ryan成日都去左玩psp.....(= =")要我叫番佢番黎先肯乖乖地幫下手,不過有佢係度~我好順利就將d薯仔波變成好好味既薯仔餅lu~~~~~~~~!! hoho..........整好左第一味餸之後就輪到老公仔出場!!煮雞翼真係有好多油彈出黎呢~~唔怪之得熱到死ryan都唔肯除件衫.....haha!!!!!!!!!一路煮見老公仔咁辛苦,做老婆仔既都忍唔住時不時餵下老公仔飲番d凍野解渴~煮雞翼由老公仔一手一腳攪掂晒~好利害!!最後我煮左少少菜...3條香腸....就完成我地今晚既yummy yummy大餐lu~~~~ \^0^/
 第一次同老公仔玩煮飯仔....真係好開心呀~
p.s.仲有老公仔今晚煮既白飯.....又香又好味......我都忍唔住食左一大碗呀!! >w<
p.p.s.連細佬都讚我地今晚煮得唔錯!!hoho.....信心大增!!!(睇下仲有邊個敢睇死我煮唔到好野食~哼!!今次仲唔win番一次!!hehe..... >:] )
@@".......最令我驚訝既係......今晚既dinner......only 19蚊.........實在太平喇~~~~!!
>>March 26, 2007 at 12:56:45 AM GMT+8
2007 年 3 月 21 日 星期三 【微冷】
johnny要走.....琴晚約埋ryan同成班同事去牛皮沙個籃球場鬧番場波~
我......就當然跟埋去睇啦~haha.....幫佢地睇下野丫嘛!!
不過可能.....天氣凍.....又大風.....= =" 吹左成晚之後.....今日一起身就好唔舒服.....感冒+頭痛!!
呢一世人我最忍受唔到就係m痛同頭痛....呢兩樣野永遠係我心目中係最痛架....可憐既係呢兩樣野成日發生係我身上!!!shit~~~就係咁....我今日決定sick leave一日.....keep住6:00.....10:00.....2:00.....6:00.....咁食左成日藥.....一連訓左12個鐘!!!到夜晚終於好番冇晒頭痛.....d鼻水都少番晒!!!
等到ryan7點收工!!!成日冇見過佢,真係有d掛住佢呢~本來我地一早約好今晚去唱k架....以為我病左要取消,依家趕到夜晚好番當然繼續去唱啦!!! (基本上我一唱k就會好番) 7點半同ryan係新城市會合左之後,我地首先去行左陣citysuper,仲買左d正野~~(笑)之後就直接去greenbox嚕!!
今晚係ryan首先復出既演唱會.....haha.....初初睇見佢唱歌個樣....細細聲咁....haha.....激死人!!好彩後尾老公仔都愈唱愈放.....其實我覺得老公仔唱得唔錯呢~走音....no way!! (笑)
p.s.去左Godiva買左4粒朱古力......$64......雖然貴.....不過真係好好味~貴.....係真係有佢既價值既~
>>March 26, 2007 at 12:45:07 AM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37256
Design & Scripting by ShowHappy.Net
|
4月8日~4月12日......
今日我班動物朋友終於夾到時間同我慶祝生日.....冇錯係一個月之後呢~不過我都明既~出左黎做野之後各有各忙....又要加班又要出job又要讀書仲要湊B.....我知我既好姐妹們有我心我都已經好滿足架喇!!!! ^_<
今日一早同ryan去睇"羅拔神奇家族"....haha....早場特別既地方就係有好多小朋友~一路睇一路聽到d小朋友o卡o卡咁笑呀....真係好得意!!!睇卡通片同d小朋友一齊睇真係會開心d呢!! ^-^
每逢月尾都唔明點解可以忙成咁.....今日死趕爛趕之後好彩都趕到8點收工!!!