2003 年 7 月 13 日 星期日 【晴】

今朝同爸爸去左飲茶 .
之後就同 anna 佢地去黃金海岸 .

我地十二點幾先係呢度過去 , 搭車去荃灣 , 再轉車去黃金海岸 .
去到都兩點幾三點 , o個度好曬呀 .
好彩我地搵到一個係樹蔭下的位 , 唔係我地就變左燒豬 .
我地去沙灘 , 連水都未掂過 .
我地係沙灘度談心 , 坐到日落先走 .
日落真係好靚 , 好吸引 . "夕陽無限好 , 只是近黃昏"

我地 7:30 先走 , 之後就搭車去元朗 .
去到元朗已經九點幾 , 我地係去左麥記食野 .
之後就返屋企 .
可能好疲累 , 所以我係架車度訓左 , 落車之後都撐唔大隻眼 .
好耐都未試過 .


>>July 14, 2003 at 8:55:00 PM GMT+8

2003 年 7 月 12 日 星期六 【晴】

今日好開心呀 .

朝早同媽咪飲茶 , 我地三個人係美心坐左好耐 .
大約十一點幾先返屋企 , 之後就係屋企 hir 左陣 .
然後就去左大中行左陣 .

大約四點半 , 我就準時出席係李福林 .
等左一陣 , 我地五個人去左大元街市買 bbq d 野食 .
之後又去惠康度買左 d 野 . 跟住就入去大尾篤 .
入到去就見到 d 男仔搵左個好正既位 , 好近廁所 , 又夠光猛 . 正 !!!
唔知幾點 , 我地就出發上去水壩 .
我第一次上水壩 , 都幾靚呀 .
望出去個海閃嫁 , 好似同天上面 d 星星鬥靚 .
之後 , 我地玩左個 game , 呢個 game 令我了解多左 d 同學 .
大約十一點九 , 我地就係水壩度行番落去 .
行到落去 , 最尾一班車已經走左 .
咁我地就搭的士出去 , 我地出到去係麥記出面坐到成點 .
我地係度傾左好多野 .

今日真係好開心 . ^.^

>>July 14, 2003 at 8:31:42 PM GMT+8

2003 年 7 月 11 日 星期五 【晴】

今日補 geog .
我將 drop 科封信遞左俾潘 sir , 好似放下心頭大石咁 . 舒服晒 !!!
補到十一點零 , ms cheung 走上黎話俾 ms tse 聽佢要開升留班會 .
yeah ! 我地被釋放啦~~~哈...哈...
我就好快咁番屋企等 anna & 祖那放學 .

等呀......等呀......
佢地話去剪頭髮先 , 咁我同家姐就係屋企等佢地啦 .
我地大約點七出去 , 去到旺角 , 先買飛 .
之後就走左去行旺中 .
好耐無行過旺中勒 , o個度變左好多 , 好多鋪頭都唔同左 .
嘩 !!! 原來旺中都可以行好耐 , 我地行左差唔多三個鐘 . 勁 !!!
我買左件衫 , 我覺得幾平嫁 .
然後就係潮特行左一陣 , 就走番上去睇 < 新紮師妹 > .

終於睇到呢套戲啦 .
呢套戲 , d 人話好好笑 , 我就覺得一般啦 .
無第一集笑得咁開心 .
我睇o個時 , "羅" 住包蝦條 , 一路睇 , 一路食 .
可能唔係太專心睇 , 睇到差唔多完時 , 覺得咁快做完 , 好似無乜睇過 .
失望 !!!
我家姐話好好笑呀 , 我好......等佢出左碟 , 再買黎睇先得 .

睇完戲之後 , 我地就係花園街度行.
我係o個度見到我頭先買o個件衫 , 呢度只係買 $29 . 買貴左 $11 呀.
我家姐話可以買多兩包蝦條食呀 . ^_^!!!
我又係呢度買左件衫 , 都係買貴左 .
今日買咩都係買貴左 . 唉......

行完之後 , 就去左沙嗲王度食飯 .
呢餐飯都幾好 , 都只係食左 $26 . 抵 !!!

食完之後 , 我地就去左西洋菜街 .
hehe......為乜?
就係佢地陪我買楊千嬅隻 < make up > , hehe...佢地真係好 . ^.^
之後就去返花園街度 , 祖那就買左對鞋 .
跟住我地就番屋企 .

>>July 14, 2003 at 7:15:07 PM GMT+8

2003 年 7 月 10 日 星期四 【晴】

7月9 & 10日
呢兩日 , 心情真係好唔好.
簡直煩到想死 , 咩都提唔起勁去做 .
我覺得始終自己既老師最了解自己 , 有時覺得媽祖都唔及老師 (讀書方面) 了解我 .


>>July 11, 2003 at 8:10:38 AM GMT+8

2003 年 7 月 8 日 星期二 【晴】

今日就派中史同 econ , 呢兩科都考得唔好 . (預左)

首先講中史先 , 呢科卷得 26 分 .
好失望 , 唔係我期望高 , 只係我覺得頭兩題每題應該有 15 - 20 分 嫁嘛 .
居然一題得 12 分 , 必答題仲衰 , 只有 4 分 . 好屎 .
我都唔知有咩問題 , 我明明寫 d point 同 ms 既 marking scheme 差唔多 , 點解會咁嫁 .

然後就派 econ , 呢科都係唔好 , 份卷得 32 分 .
我覺得呢科係溫得唔夠多同我有 d 英文唔識 , 搵到牛頭唔搭馬咀 .
不過我就有 d 信心去讀好 d . 補習 ~~~

派完卷之後真係有 d 迷惘 , 究竟 drop 唔 drop 好呢 ? 如果 drop , 又 drop 邊科好呢 ?
好迷惘 , 又唔敢話比媽咪聽考成點 , 因為實在太令佢失望 .

十一點幾 , 我打番屋企 , 因為家姐話媽咪搵唔到單 , 媽咪同我講屋企好多蟻 , 好驚呀 .
即刻就趕番屋企 , 返到屋企只係見到好多屍骸 , 媽咪仲帶我睇 d 蟻黎屋企的路程 .
嘩 ! d 蟻係垃圾房走過黎 , 好似老鼠也移民 , 所以我稱佢為 < 螞蟻也移民 > .
媽咪係度不繼抹 , 不過 d 蟻不繼係度走 .

媽咪番工之後 , 我就幫媽咪搵下張單 , 不過都搵唔到 .
跟住家姐就學完車 , 我就同佢去 delifance 度食 lunch .
食完 , 就係大中行左一陣 , 睇下千嬅隻 < make up > 幾 $ , 今日賣 $95 - $96 .
嘩 ! 琴日去睇仲要 $99 , 一日就跌 $3 - $4 , 等我過多兩日先買 , 慳 d 嘛 .

之後就返黎睇 <百分百感覺之冬之戀曲 > , 頭先呀 , 留左呢套碟係學校 , 好彩無俾人 "羅" 到 .
睇左三隻 , 都 ok la .

之後就等老豆番黎食飯 , 呢餐飯全部都係我煮 .
由切豬扒到煲湯都係我整 , 所以 d 豬扒切到好厚又硬 , 所以我覺得唔多好食 .
唔~~~

我諗左好耐 , 食飯之前都試過 , 打俾甄 sir , 好唔好彩打錯電話 , 咁我再問過同學 , 再打過去 .
終於無打錯到 , 咁我就問佢好唔好 drop 科啦 !
佢話我幾勤力 (我覺得只係 ok 勤力 ) , 又話我文化諗唔通 , 仲話我無記性 , 其實唔係太適合讀中史呢 d 要記咁多既野 .
我都覺得係 , 因為開學之後 , 我都覺得明明背左句野 , 到 quiz 時又唔記得左 .
嗚~~~我老勒 , 定係患左少年柏金迅 ? 我細個 d 野唔係記得好多 , 咁咪好快......嗚~~~
佢仲叫我聽日 "羅" d 卷比佢睇 , 都好既 , 我都想知我衰乜 .
同佢傾過之後 , 真係無咁咪惘 , 好似係漆黑中見到曙光一樣 .
不如放多 d 時間落去其他科度 , 尤其英文 .
講起英文 , 我就同佢講今年都學唔到 d 乜 . 好似淨係停滯 , 可能仲有 d 退步 .
佢問我有無補習 , 我話無呀 . 佢就叫我快 d 補習 , 佢唔講我都會補嫁 .
英文肥左 , 咩大學都唔駛讀啦 .
講真我對自己英文都有 d 信心 , 除左 oral 同 listening , 如果無呢兩科 , 我可以拍心口話及格 . (太自大啦 ! 唔要得.......) .
對於呢兩科 , 我真係好似無乜方法 , 尤其 oral , 一考試 , 個腦就唔 work .

我諗我應該會 drop 中史 , 不過唔知 ms 俾唔俾 , 希望佢俾啦 !
其他人就好似話為啦 !

>>July 9, 2003 at 8:21:52 AM GMT+8

2003 年 7 月 7 日 星期一 【晴】

今日派左三科卷 , 分別係文化 , 英文 & 地理 .

首先講下文化 , 整體上都比上次好 .
呢樣唔講唔得 , 就係我速讀 50 / 60 , 好高分呀 , 自己都估唔到 .
睇過張分紙 , 好似係全班最高分 . 哈~哈~ 開心死我 .
其他都不過不失啦 , 文化可能有 60 分 .
而家都未知 , 要等成績表先知 .

然後就係英文 , 呢科真係麻麻 . 得 43分 .
listening 勁差 , 得 4.8 / 18 , 又破紀錄 --- 最低分 .

最後派既係 geog , 呢科都 ok 啦 . 有 46 分 , 計埋平時分就 49 分 .
呢份卷可以高多 6 分嫁 , 衰睇錯行 , 就計錯數 ,無左 2 分 . 跟住仲衰 , 有一題寫左 兩個 p 咁就無左 4 分 , 裡面 d 內容岩晒 , 好衰 , 好後悔無 check .
點解會高分左 ? 我都好奇怪 , 心諗 , 我平時測試都唔及格多 , 實低分ｄ啦 ! 原來係多勞多得 , 愈交得功課多 , 就愈高分 . 哈~哈~ 做多 d 功課仲好 .

派完卷之後 , 個個都好 down . 原來唔只我一個覺得力不從心嫁 . 好多同學都係咁 , 大家都有 d 覺得好似揀錯路 , 大家都無乜期望去讀大學 .
我地 6 個人去左麥記食 lunch , 講左好多八婆野 , 好開心呀 . 傾到成四點幾先走 . 愈黎愈覺得 6A d 同學好 .
而家諗下 , 真係 "一分耕耘 , 一分收穫" , 因為自己愈用得多時間既科目 , 真係會高分 d .
聽日 d 科 ....... 唯有聽天尤命 , 我付出幾多 , 收到既分 , 都係我應得既 .
不過......

>>July 7, 2003 at 6:36:40 PM GMT+8

2003 年 7 月 6 日 星期日 【晴】

今日繼續行程 .

早餐係酒店食自助早餐 , 都 ok 嫁 .
大約十點 , 我地就離開酒店 .
跟住去左隱賢山莊 , o個度都幾靚 , 不過我地就無入到去 .
去左隔離間 "麗城假域酒店" , 呢間酒店都係五星級 , 環境都唔錯 , 不過就比較靜 , 比較適合度假 .

之後就去食午飯 , 呢餐飯比琴日 lunch 好好多 .
食完飯之後就繼續旅程 .
坐坐下車 , 個肚開始有 d 痛 . 好唔舒服呀 .
.......
咁個旅行就去完 .


>>July 7, 2003 at 5:55:55 PM GMT+8

2003 年 7 月 5 日 星期六 【晴】

今日六點就起身 , 準備去旅社 d 野 .
去邊旅行 ?
咪又去佢地最鍾意既地方 ~~~ 大陸
我對今次旅行無咩期望 , 只係當散下心咁 .

去到深圳 , 我地就被安排坐一架 "豪華" 既旅遊車 .
坐左大約二個鐘 , 終於到左第一個景點 -- 番禺寶墨國 .
初時以為係一個賣文房四寶既地方 , 原來係一個公園黎 .
呢係真係幾靚 , d 柳樹係河邊搖曳 , 真係好靚 . (我覺得亞 mo 一定好鍾意)

遊覽完呢個靚靚既地方之後 , 就係我地醫肚既時候 .
間餐廳真係好唔掂 , 好 dirty .

之後係去左絲廠.......

原本個零鐘既車程 , 變成兩個幾鐘先到酒店 .
晚飯就快開始 , 咁導遊叫我地唔好放抵 d 野 , 直接去食飯 .
今晚既晚餐係巴西自助餐 , d 野食唔錯 .
仲有 d 靚仔靚女係度跳森巴舞 , 不過成日邀請人地跳舞 , 唔好家嘛 , 人地都唔識跳 .
係佢地邀請人地跳舞時 , 咁我就即閃 , 走去 "羅" 野食 或者去洗手間 .

返到房之後 , 間房都 ok . 話晒都係 5 星級 hotel .
十點幾好眼訓 , 好快就訓左 .


>>July 7, 2003 at 5:42:57 PM GMT+8

2003 年 7 月 4 日 星期五 【晴】

今日係高考放榜 .
雖然今日未係我既死期 , 但係我好似考得唔好的高考生一樣咁失落 .
因為我知道我下年就會同佢地一樣 .
我真係好驚 , 我唔能夠再晒時間去 repeat , 我已經 repeat 左一年 .
我真係好想讀大學 , 當為左自己又好 , 為父母都好 . 入到大學 , 讀咩科都無所謂 .


p.s.
to 對我抱著希望的人 ,
各位 , 真係對唔住 . 我唔係唔俾心機去讀書 , 而係 , 我有力有不遞的感覺 . 請不要對我抱著太好的期望 , 這只會令你失望 .

from
kisheung


>>July 4, 2003 at 5:24:47 PM GMT+8

2003 年 7 月 2 日 星期三 【晴】

今日考 econ 又唔識勒 , 點算呀 ?
好驚唔及格呀 , 又好想 drop 左去 .
唉 ~~~
都係快 d 搵補習救命 .

之後就出左去尖沙咀 & 旺角行街 .
好熱呀 , 加上心情唔係幾好 , 好無 mood 行街 .
四點就返黎勒 .

唉~~~
希望今次平均分及格啦 , 唔係都唔知升唔升到班 .
好傷心 .

究竟我有無揀錯路黎行呢?
而家真係有 d 想唔讀書出黎做野 , 不過我肯定自己唔會持續進修 . 因為我太無恆心勒 .

>>July 4, 2003 at 5:25:46 PM GMT+8