2003 年 11 月 26 日 星期三 【晴】

A：落力為你好 得不到分數
你決定要跟他日後同步
他不懂愛惜你 我樂意操勞

S：我決意愛他 祝我愉快吧
你最明白我痛極亦留下
傷得很重也不怕 我願意等他

A：還看著你 (S：他會感動嗎) 看你在懸崖走路
(S：他亦跑掉嗎) 他卻放下你 只照顧自己

S：我慣了愛他你怎樣做 在懸崖還是我無退路

A：對你好 無人稀罕我好 無人欣賞我好
原來你習慣他一套 從來沒有愛我 看得清楚
我知道 不必得到 不妨陪襯 但願為你好

S：他 從來都比你差 仍然死心愛他 垂頭再度聽他欺詐
期求他說愛我 為何尚未等到 可能這秒時辰未到

A：是受罪也好 聽聽你哭訴 你說難過總比分手更好
S：我說幾多的女主角 也受過煎熬

A：情況壞到 (S：他也許做到) 你信任來年一日他答應做到
(S：他也許做到)通通都做到

合：我也似你的無從勸告 寧願犧牲都不願卻步

A：對你好 無人稀罕我好 無人欣賞我好
原來你習慣他一套 從來沒有愛我 看得清楚
我知道 不必得到 不妨陪襯 但願為你好

S：他 從來都比你差 仍然死心愛他
垂頭再度聽他欺詐 而明知你愛我
我竟扮未知道 好人 恕我未能做到

A：你當我是知己 我看得到 我當你是一生前途
S：幾次也是沉迷麻目 控制不到
合：怎麼好都等不到

A：怎去做 無人珍惜我好 無人喜歡我好
原來要學會他一套 從來沒有 吻過 記得清楚
我知道 不必得到 不妨陪襯 但願為你好

S：好 從來都知你好 (A：未夠好)
為何他不夠好(A：我不夠好) 回來我又與他擁抱

合：仍然相信我會 有好心得好報 可能 到某日會知道


這首歌好能表達我現時的心情呀,你有無同感呀?

>>November 26, 2003 at 5:03:35 PM GMT+8

2003 年 8 月 6 日 星期三 【雨】

今日是會考放榜 , 我的心情不比考生輕鬆 .
昨晚在床上輾轉反側仍未能入睡 , 而且發的夢全是關於會考的 .
一整晚都不好過 , 今早七時多便睡醒了 .

由於之前發覺不見了 password , 起床後便盡最後一次努力去找 .
可惜 , 仍是找不到 .
在上網期間看到很多同學 , 他們已經知道結果 , 弄得心急如焚 .

之後 , 我就回校幫手準備下午聯招的事宜 .
中午過後 , 很多同學來到聯招中心找學位 .
他們都帶著焦急不安的心情 , 眼看著他們 , 也感覺到不安 .

大約四時多 , 聯招的工作都告一段落 , 還剩下數個學位 .
明天不用幫手了 .

回到大堂 , 第一件事就打開信箱 .
我的會考通知書終於來到 , 成績如我所想的一樣 , 全部 D .


>>August 6, 2003 at 5:42:51 PM GMT+8

2003 年 7 月 28 日 星期一 【晴】

曾幾何時 , 媽問我是否不開心 .
我想也不想的答 " 不 " .
其實當時我真的很想告訴她 " 是 " , 不過怕她擔心 , 怕她問長問短 .
之後 , 她說我這陣子常帶著悶悶不樂的表情 .
然而 , 這段對話結束了 .

不論那時或現在 , 我都在想 , 是我不懂把情緒收好 , 還是她太了解我 ?
她 , 也洞悉我為何悶悶不樂 .
不過 , 始終有點不對 .

當天下午 , 我們在逛街的時候剛好碰上新聞報告 .
其中一段令我留下印象 , 也彷似讓我找到知音 .
究竟是不是政府的政策令我們這群中學生感到前路茫茫 ?

>>July 29, 2003 at 6:08:43 PM GMT+8

2003 年 7 月 28 日 星期一 【晴】

首先 , 我想講下呢個表情 . 我覺得呢個是一個唔代表任何情緒既的表情 .

今早 , 就繼續補課 , 補完課之後 , 就立刻返屋企換衫 , 出去同家姐睇 <戀上你的床> , hehe , 呢套戲幾好笑 , 好笑到我隻手臂都俾人打到紅晒 , 好痛呀 .
睇完戲出黎 , 我同家姐講 , 呢套戲俾 <新2> 好笑 , 但係佢話呢套戲雖然好笑 , 但係無乜劇情 , 所以我諗佢比較鍾意 <新2> . 亦可能希望愈大失望愈大 . 睇戲都係唔好抱太大希望 !!!

>>July 29, 2003 at 5:46:46 PM GMT+8

2003 年 7 月 26 日 星期六 【晴】

係時候為自己今個星期所做的一切來個檢討 .

今個星期是溫文化的 , 但溫了多少 ?
唔識講 , 總之唔多 , 而且溫的係很皮毛 .

呢個禮拜多數係屋企 hea , 好浪費時間 .
做左好多 meaningless 既野 .
都唔知以前自己可以放咁多時間去做呢 d 野 , 算啦 ! 而家咪一樣係咁做 , 只不過多左覺得 meaningless 呢個念頭之嘛 !!!

>>July 29, 2003 at 5:36:18 PM GMT+8

2003 年 7 月 26 日 星期六 【晴】

現在寫 diary , 愈來愈似寫週記 , 愈來愈似被人迫而去寫 .
究竟我為乜寫 diary ?
我寫黎唔係為左俾人睇 , 而是為了俾將來七老八十的自己睇 .
但係 ...... 漸覺失去意義 .
是生活沒有什麼值得我記下 , 還是生活太刻板化 ?

>>July 29, 2003 at 5:25:36 PM GMT+8

2003 年 7 月 24 日 星期四 【陰】

在一片漆黑中 , 我找不到出路 .
有人願意給我一支電筒嗎?
若沒有電筒 , 可以給我燈籠花嗎?


有人沒有在國外買他喜歡的東西 , 回國後一直找不到 .
他一直後悔他沒有在國外買那樣東西 .

___________________________________________________________________________________

這是我從<流星花園>中得到的啟示 .
第一段是我也想得到的東西 ,
第二段是我不想做一些後悔的事.

究竟我的將來是怎樣的 ?
我真的很想立刻知道 .


>>July 25, 2003 at 6:15:19 PM GMT+8

2003 年 7 月 19 日 星期六 【晴】

今日唔知仲咩 , 好心煩氣燥 .
不過點都好 , 做左少少有成果既野 .

hehe~~~ 就係溫左一次 econ
呢個禮拜 , 日日都係溫 econ .
原來我之前都唔算有溫過 , 因為睇完都好多野唔識 .
今次溫 , 就將亞 sir 本 notes 睇左一次 , 發覺本野超級有用 .
唔怪得我考得咁差啦 , 本野咁有用都唔睇 , 抵死 .

>>July 19, 2003 at 11:32:29 PM GMT+8

2003 年 7 月 17 日 星期四 【晴】

今天是收回成績表的日子 , 我認為現在是總結今個學年的好日子 .

首先 , 在學習上 , 的的確確學了很多的知識 , 如中史 , 原來以前學的歷史只不過是很表面的 , 有些什至不太真實 . 經濟也有這樣的情況 . 除了這些書本上的知識 , 還學會了一些技巧 , 不論是答題技巧還是演說技巧 , 這些都令我成長 , 使我從多方面去思考 .

然而 , 這些都不是令我最滿足的 .

在與同學及師長的相處中 , 學到更多 .
就如英文 , 我們曾試過在小息中以英文去溝通 , 同學們也教了我很多的生字 , 這些生字是課堂中學不到的 .
有時亦可以從老師身上學到一些 , 如心是向左偏的 , 不能盡信別人的話 .

這一班 , 的確是我最愛的 .
每一位同學都有其可取之處 .
每一位同學都令我留下深刻的印象 .
大家的相處亦十分融洽 .


>>July 18, 2003 at 7:39:57 PM GMT+8

2003 年 7 月 14 日 星期一 【晴】

今日派成績表 , 我都知道自已考成點 , 不過都係忍唔到 .
尤其係亞 sir 最尾先派我 , 派o個時已經好緊張 , 個心跳得好快 , 好驚呀 .
佢仲要同我講野 , 我都唔記得佢同我講過 d 乜 .
總之 , 我就忍唔住.......我都知我眼淺 , 成日都忍唔住......
放抵左成績表 , 就飛左去洗手間......

放左學之後就去左寶湖溫 econ , 都溫唔到 d 乜 .
成四點幾先返屋企 .


>>July 14, 2003 at 9:04:40 PM GMT+8