2004 年 6 月 7 日 星期一 【陰】

今朝八點又係俾人"炒"起身去食早餐,食完早餐,陪dad行去明星度搭車.之後,我就係惠康度買左d豬肉,又去左大埔壚買冬瓜.返到屋企十點零,咁我就又煮野食.

返到去,又係我開單先,到三點零,因為悶得滯,就走左去買飯,不過一d都唔肚餓,食左一半都唔夠,又繼續做野.間中撩下人講下野,d時間過得快d.好快就收鋪.今日都好多人問係咪請人,不過俾我reject晒,因為佢要請d有經驗既人.哈~我都係最叻sell健康鞋,賣出去既都係我sell既.

收工果時,dad sms我,佢地係稻香打邊爐,咁我梗係去啦.食左少少野就返黎.如果日日都係咁late先食飯,一定會肥呀.都係食完lunch就算.

>>June 8, 2004 at 9:27:22 AM GMT+8

2004 年 6 月 6 日 星期日 【雨】

今日一早起身同dad & mum飲茶,飲完茶,返屋企坐左陣就落去.點知一雄仲未返,要我係門口等左一陣.一開始就抹玻璃.今日第一張單係我做既,我做左幾單,一雄先開單,跟住就無乜生意,好鬼悶.d人入襯黎都係搗亂既,都唔係買野,試左就算.呢兩日係度做見到好多識既人,見到好多同學仔同ms,亞sir.今日late左收鋪,買左碗糖水俾dad食.返到黎,無食飯,淨係食左d甜品.

我終於明白點解打工仔like放假勒.

>>June 7, 2004 at 10:18:37 AM GMT+8

2004 年 6 月 5 日 星期六 【晴】

琴晚因為好驚,攪到成兩點幾先訓得著.今朝七點幾就起左身,又係上網.

一返到去,見到老闆(之後先知佢係老闆),佢叫我幫佢買野,咁就去左千品城度買.跟住個parter返黎,叫一雄,成日都無乜生意,好鬼悶.三點先去買lunch,食到成三點半.之後,又繼續企,企到成九點先掃地,掃完地就收鋪.返到屋企先九點七.亞媽問我仲咩咁早返到.跟住就食飯,食完無耐就sleep lu.都幾tired呀,好似俾人罰企咁.

>>June 7, 2004 at 10:12:31 AM GMT+8

2004 年 6 月 4 日 星期五 【晴】

今日係六四,十五年發生咩事,大家都好清楚,但係點解發生,我就聽過好多個版本,究竟點解會發生呢?

今朝十點幾,俾亞媽打返黎個電話嘈醒左,攪到我咩mood都無,所以無咩做屋企野.淨係online,攪左好耐,本來想淨靚d個diary,但係都整唔到,唔知點解呢?跟住成十一點幾先食早餐,食完又online.兩點幾,樓下間鞋鋪打黎叫我再in,咁我就煮lunch食,食完之後就落去.落去見到anna,佢笑得好鬼開心.個老闆娘(我估係)問我係咪姓楊,我話係,跟住佢就叫我聽日返工,好鬼突然.跟住我就返上樓,又覺得唔係好飽,咁就食我既tea.食完就出去返工,返到去,見到個老細,咁我就同佢講,佢好似覺得我辭得好突然,仲問左我點解,咁我就好誠實咁同佢講左.跟住就開工,最初好清閒,點知五點開始就好忙,今日要應付好多個有成七,八個.有d之前仲唔係跟開我既,臨走果時,個ms仲好nice咁同我講野,佢真係好好人,除左有時惡左d,好唔捨得d小朋友呀,佢地真係好可愛,如果可以"就"到d時間就好勒.

返到黎屋企,得我同家姐兩個食,咁我地又行返過大中食,食完又行左一陣,買左d野,跟住就返屋企.anna打黎俾我,教左我好多野.原來個老闆知道我地識架,先請我.跟住on左一陣line.就返房訓,點知訓唔著,成兩點幾先訓到.

好耐都未試過咁lu~~~

>>June 5, 2004 at 9:10:03 AM GMT+8

2004 年 6 月 3 日 星期四 【晴】

今朝一早起身,跟爸爸車,因為屋企無水,同家姐佢地返左大陸.爸爸今日淨係要去坪石,我地九點零鐘已經到左,咁我就行左一陣同坐左係大快活度整左一陣野.大快活好凍呀,整完就即刻走.跟住又周圍行,係地鐵站同商場遊蕩,好鬼悶.之後,就返番去停車場果度坐,坐係度睇書.睇完本書,爸爸仲未得,我又行左一陣,今次行得遠d,去左牛池灣圖書館,借左三本書黎睇,又係走返去停車場度睇.一點幾,爸爸因為要去買零件,所以走左去旺角,咁我又跟住去,我地係果度食lunch.之後,我同佢睇左陣車.佢返黎就車左我去上海街,叫我幫佢"羅"d野上office.之後,我就搭271返黎.架車好快今日,半個鐘到就返到黎.

返到黎,因為我要去大中整d野,咁又出去,好彩我可以搭帝欣既車過去大中,慳返唔少力.媽未到,我就走左銀行入返將cheque.跟住同mum行過去整,點知個人好忙,叫我晏d過去拎.咁我就返工,今日就忙呀.差d對唔晒d功課,又要默書.忙完之後好tired,又走返過去"羅",點知佢話無得整,咁我就帶住疲倦的身驅返屋企.

因為dad唔返黎食,咁我地就好快攪掂,就叫左善汶過黎打麻雀,我地由八點幾開始打到十一點幾,mum送佢返去.我就online.

>>June 5, 2004 at 8:54:43 AM GMT+8

2004 年 6 月 2 日 星期三 【晴】

今朝一早,過左去屯門同亞爺佢地飲茶,好耐無見勒,佢地真係老左,仲成頭白髮.飲完茶之後,就去左姑姐屋企打麻雀,因為姑姐唔得閒,咁我就打左四圈.跟住就俾返姑姐打.佢地打左一陣,就落去食lunch.食完lunch,我就搭車返入黎大埔.係架車度sleep左陣,又好怕搭過龍.好彩都起到身落車.返到黎坐左一陣就出去返工.今日比較得閒,可以周圍望下.差唔多收工果時,ms"羅"將cheque俾我,有差唔多六百蚊呀.好開心呀!無諗過今日會出糧架~一路行返去,一路笑,成個傻婆咁.見到anna係鞋鋪果度做野,佢見到我又唔笑喎,好勁呀!返到屋企等開飯,食完飯就睇電視同online.跟住就sleep lu.

>>June 4, 2004 at 10:49:43 AM GMT+8

2004 年 5 月 30 日 星期日 【晴】

今日一早就出左去mk同亞姨佢地飲茶,講左好多我地細個d瘀野,超好笑呀!之後,就坐姨丈架車入元朗,媽咪就睇中醫,佢睇完之後,我地就行左一陣.跟住就返黎大中買左染髮d野.返黎即刻洗頭,諗住染埋佢.點知佢地話我用埋護髮素唔可以染,激死我啦.之後就睇tv,好鬼好笑果套咩咩get set go,方力申不愧係運動員,唔錯唔錯,之後又on左一陣9,跟住就sleep lu.

>>May 31, 2004 at 12:11:23 PM GMT+8

2004 年 5 月 23 日 星期日 【晴】

呢幾日真係好唔開心,好多野都一齊發生.我真係好憎呢種感覺,又煩又悶.

>>May 23, 2004 at 7:02:52 PM GMT+8

2004 年 5 月 16 日 星期日 【晴】

今朝六點幾起左身,"羅"左本書黎睇.睇左一陣又訓返,成九點幾先起身.之後同mum去左去大埔壚食早餐.食完之後,就過大中開始工作.果度都幾旺,到七點幾已經賣左九十幾對鞋.我係果度坐左陣先走.雖然呢度d時間長d,但係我覺得做得開心d同好玩d.至少我可以練下氣,不斷講"隨便揀下,揀岩可以試下",講到好似錄音機不斷播咁.之後,就返黎食飯,食左好多野.呢排一定肥左.

>>May 17, 2004 at 8:59:33 AM GMT+8

2004 年 5 月 12 日 星期三 【晴】

今朝五點幾俾人嘈醒左,係張床度轉來轉去都訓唔返.之後就起身,出左去大元村見工.九點幾返到黎,上左陣網.十一點幾就返學練oral,亞sir話我ok,我已經好開心,因為我都覺得好過琴日.希望練多幾次好d啦.跟住返黎屋企,食左少少野,就拖地,攪完,真正食lunch.差唔多5點就出發去開工.做左一個鐘,基本上都無咩野做既.跟住就搭k巴轉火車出去tst會cara佢地.哈哈......行左一陣,腳軟,我話肚餓,佢地即刻去食野,hehe...佢地驚我暈呀.食完野,無野lu,咁我地行左去lcx,睇左好多野,不過無買到,估唔到我地係果度見到蔡依琳.佢都幾普通,唔係善汶都見到,我諗我都唔會講,因為我唔係好肯定嘛.原來做明星既,都係一d比普通人更普通既人.行到咁上下d鋪已經閂晒,但係我地都唔想走.咁我地係個商場行多陣,走左去星光大道.三個白癡婆好似飲醉左咁,佢地又不斷唱<抬起我的頭>,都唔知做咩,諗埋d衰野.十點幾十一點先返去.好tired呀.

>>May 13, 2004 at 11:04:53 AM GMT+8