2004 年 3 月 4 日 星期四 【晴】

今日要返朝早,不過淨係對econ,派卷都ok呀,一份有51/90,另一份45/90.我相信可以做得更好.因為今次d mc做得好差.如果唔係,可以更好呀.不過都好開心.因為比上次考試進步左20幾分,所以....hehe.而且好似係第二高.

跟住,下午同mum去左大中行,返黎有d唔舒服,咪走去sleep,訓醒覺得自己好熱.但係又覺得好凍,好似唔係幾...食飯都係食左滾水撈飯同幾條菜,有d感受到d窮人既感受.睇完八點果套野,又睇完皆大歡喜,咁就"羅"探熱針探下,點知有成101度.咁就食左粒退燒丸,同沖左個熱水涼就訓.

>>March 5, 2004 at 7:07:19 PM GMT+8

2004 年 3 月 3 日 星期三 【晴】

今日終於要返學,仲係要派卷添.今日都唔知返幾點,有d人話返7:10,有d又話8:30.咁我咪返8:30.返到去,又話會計遲到,佢d通告都無話返幾點,攪到我地都唔知點.如果真係當遲到好唔抵家嘛,人地返咁耐學都未late過.唔...........

一開始就對geog,miss派果陣,有份卷60分.嘩....真係唔錯.不過另外果份就差d,得四十幾分.hehe...都ok我覺得.令我有d希望"羅"c.跟住就派英文.本來諗住真係唔及格,點知都ok.雖然都唔係咁好,但係無我諗得咁恐怖.

對晒卷,我地咪諗住走囉,點知佢又唔俾我地走,我地咪係校務處度嘈,佢居然話通告寫得好清楚,"羅"張f.5既通告,又話亞sir有講過.個亞sir係有講過,不過唔係同7a講嘛.跟住班主任見我地撐到咁行,咪話同我地對文化卷.唉...實用文無69分,得60分.

夜晚,我同家姐,表妹同andy yu睇左sex and the beauties,好好笑,笑死我啦.

>>March 6, 2004 at 10:04:17 PM GMT+8

2004 年 3 月 1 日 星期一 【晴】

今日成日都係屋倥企,連門口都未出過,真係有d悶.

今朝本來八點鐘起身,起左身食左d野,咪"羅"本書黎溫囉.本書真係會催眠,一睇就想訓,咁就訓多陣,諗住訓到九點零鐘就會起身.點知一起身就十二點幾.起身無耐就又食lunch.lunch之後,溫左一陣都無咩心機溫,又走左去上網.上完網又返房溫書,不過都溫唔到d咩出黎.唔.....完全都唔似一個中七既學生.

琴晚訓覺發左個夢,夢見自己文化既實用文有69分.哈哈.....如果有呢個分數真係唔錯!

>>March 1, 2004 at 11:45:34 PM GMT+8

2004 年 2 月 26 日 星期四 【晴】

今日真係好開心......

講返之前幾日先.

星期五果日考文化,
前一晚真係訓得好唔好,
由十二點幾訓到四點幾,
個人訓得好醒.
之後仲訓唔著添,
起身再溫左一訓文化,
諗住會訓返,
點知訓極都極唔到.
大約六點終於忍唔住,
出左黎廳上網.
(之前唔敢,驚嘈住亞媽,驚佢以為有賊)

之後就番去考試,
呢一科真係唔係幾識.

考完試,返黎一陣,
又出左去九龍睇<花好月圓>,
套戲幾好,
有d位幾感人.

之後就去左tst度食飯.
咁就一日.

星期六,日都無出去,
係屋企訓,
無咩溫書.

講返今日,
今日係mock既最後一日,
本應無咩特別,
因為呢個只係一個普通站,
唔係總站,
過左之後,
仲有其他站.
但係今日我居然有profit,
因為我覺得自己唔係好識.
哈哈......
做落又無想像中咁難,
有d都識,
咁我就有unexperted既income,
so 我有profit.
哈哈.....

呢樣野真係令我好開心,
因為我every tue 早出晚歸唔係白費既.

>>February 26, 2004 at 11:17:29 PM GMT+8

2004 年 2 月 18 日 星期三 【晴】

今日雖然仲未結束,
寫呢篇野的確早左d.
不過如果而家唔打,
就無機會打.

考試考左三日,
對自已既成績無咩信心,
仲好驚科科肥.

第一日考geog,
覺得完全唔識,
好似自己無準備過咁,
做既時候全部都好似係度吹緊水咁,
對住份卷,
真係好想死.
點解我一條都唔識?
不過我都有做晒,
但係用commom sense去做.
我好驚呢科會肥,
呢科已經係我最有信心既一科,
如果佢肥左,
我就真係死勒.

琴日考英文,
本來都唔覺得有咩問題,
但係做做下又覺得自已唔識,
加上又做唔晒,
好驚呢科又肥.
放break之後又考practica skills.
係咁多part之中,
我最有信心呢part,
但係做果陣完全唔知佢講咩,
真係好驚,
好驚考得唔好.
果篇野講stress,
覺得好有共鳴.
不過,又係驚肥.

今日就考實用文同速讀.
實用文考先,
我成日覺得自己寫到離題,
又寫多左字.
驚,真係驚唔及格.
速讀就覺得ok,
都幾淺,
但係又驚好似pre-mock咁得十幾分.
我好想呢份卷好似上年exam咁"羅"全班最高分.
不過希望愈大,失望愈大.

呢次張成績表睇黎都係滿天星星,
so bad~~~

唔想a-level黎,或者skip左去.
入唔到大學,樹仁唔收既話,
我決定投生社會大學.
做文員又好,做model又好,
搵到食做得.

>>February 18, 2004 at 12:55:08 PM GMT+8

2004 年 2 月 11 日 星期三 【晴】

今日係返學既最後三日,
我既中學生活好快就要結束.
oh~~~有d唔捨得.

講返今日d野,
今朝五點幾,
胃痛到醒左,
我覺得因為自己琴晚無乜食野所以攪到胃痛,
咁我諗食d野無事.
但係房裡面得d朱古力,
又唔想出房.
咁就食左幾塊就繼續訓,
真係又唔痛勒喎.
好神奇~~~

之後就返學,
上堂等落堂,
落堂就等測驗,
測完驗就派返琴日測果份,
得14分,
本來可以高d,
不過ms話我個圖畫得太簡單,
再加佢好似俾漏左分.
咁就算啦,
唯有下次再俾心機d.

跟住返到班房,
stephen問我借左本geog書睇,
而我份卷就夾左係裡面.
佢睇到,
話我溫得幾熟.
好開心呀,
終於有人稱我,
我覺得自己得到認同.
哈哈~~~

琴日考oral,
今日上英文堂,
ms就話返個result俾我地聽.
雖然我岩岩合格,
但係已然有幾大既進步,
超開心~~~

放學之後,
我同余小姐就急急腳咁走,
走去寶湖霸番個位.
之後,就溫書,
溫到五點半到,
我地就走左去吉野家食飯,
之後後去再溫,
溫到九點先走.

返到屋企,
人影都無個,
我就又繼續溫geog,
聽日最後一日測geog勒,
星期一就考mock,
所以要爭取時間溫,
差唔多十一點家姐先番.
溫到十一點半,
終於抵唔住周公既叫喚,
走左去陪佢.

咁又一日,
不過真係好開心.
雖然知道自己未必考得好,
但係得到其他人既認同就夠.
大學好似又近左,
唔知佢會唔會為我開門呢?

>>February 12, 2004 at 10:42:45 AM GMT+8

2004 年 2 月 6 日 星期五 【晴】

今日睇番,
原來都好多日都無寫過diary.

呢幾日真係幾忙,
差唔多日日都要測geog,
攪到日日都要溫.
(雖然溫書好正常,
但係忙到連上網都好難)

不過我覺得呢幾日測得都唔錯,
完全無白費我既心機.
佢令我有返少少信心.

講返今日,
一起身食完早餐,
出門口就胃痛,
但係又想返去測驗,
(無理由溫左唔測家嘛)
咁就返學.

上ECON堂果時已經好想走,
GEOG QUIZ果時無咩野,
測完之後,
又好唔舒服,
但係早退好煩,
咁就等夠鐘落.

終於等到,
返到屋企,
家姐仲訓緊係我張床上面,
(因為琴晚我同佢訓)
咁我叫佢起身,
煮埋野俾佢食.

跟住無返學,
諗住係屋企溫書,
點知胃痛到頂唔順,
就走左去訓覺,
訓覺果時覺得好嘈,
好似有人裝修咁,
但係平時又唔覺.
訓到五點鐘起身,
因為要去睇千嬅CONCERT.

咁就換衫同執下D眼耳口鼻就出去,
出去果時個胃都好唔舒服,
(我懷疑可以朝早食熱野又飲左支好凍既飲品而胃痛),
出到TST就去食飯,
食完野個胃都係咁.

大約八點二度,
我地已經去到紅館出面,
岩岩放緊煙花,
諗住影落黎俾亞MO佢地睇,
點知我落左部相機出黎就做完,
部相機"羅"左出黎無理由唔用家嘛,
咪同家姐兩個影自拍,
點知D人係度笑我地喎,
唔~~~佢地太過分勒

千嬅話過會準時會SHOW,
我唔知佢個Definition係咩,
八點三過左,未開;
八點半又過,都未開;
八點八果時終於開.

今次d衫幾靚,
好有中國feel,
佢講野果時,
把聲好"文",
我就同家姐講佢咁耐都未好番.

唱左幾首歌之後,
佢就搵人上黎,
佢搵左對新婚夫婦,
佢叫佢地唱歌,
然後就落左去換衫,
對夫婦就唱左野孩子.
不過我覺得淨係得個女仔唱,
完成聽唔到個男仔唱.
千嬅換完衫上番黎,
送左去馬來西亞既機票俾佢地(應該係跟團既),
千嬅仲話其中一個景點係楊千嬅,
我諗佢會同佢地一齊去,
超正......

之後,佢就講左佢練左好耐既台詞俾我地聽,
佢既偉論係用四季去比喻愛情,
每講完一個季節就唱兩三首歌俾我地聽.

跟住小齊就出黎同佢一齊唱左首<花好月圓>既主題曲,
又一齊prmote<花好月圓>,
promote完之後,
佢就落左去換衫,
小齊就唱左首<浪花一朵朵>,
佢又上返黎,
不斷多謝小齊.

又唱左幾首歌,
叫左一個人上黎同佢打機,
個game幾cute,
係不斷"琴"人,
好岩winnie玩,
又送左部ps2俾果個人.

佢又再換衫,
套衫會閃,
一路閃一路唱小星星,
件衫好靚,
唱完之後,
本原要除,
但係佢聽到人地稱件衫靚就繼續著,
跟住唱左唯一一首人地既歌--<明天今日>
她話好鍾意呢首歌.
每當佢失意既時候都會唱,
唱得唔錯~~~

大約九點九度,
kelly出現,
佢問有無機打,
d工作人員話部野已經搬走左.
同千嬅唱左首歌,
跟住kelly自已唱左首伶仃.
我覺得呢個時候係高潮,
d人好有反應,
連我自己都傻傻地,
居然同kelly say hi,
佢根本就唔會見到我果個位.

大約十點三度,
千嬅話唱最後一首歌--<飛女>
佢坐左上一個好cyber既圓形物體上,
點知唱左幾句,
話要唱過,
仲要個圓形物體降番落地.
之後就再唱過,
睇佢個樣好驚,
仲要捉住側面d野,
我諗再唱到一半先放手,
先有d動作.

唱完之後,
佢真係走左,
咁d人就一齊叫 "楊千嬅" "拍拍拍" ......
連隊band都幫埋一份,
幫我地加埋配樂.
我知咁既叫法係from newsgroup,
覺得d人好勁,
仲言出必行添.

跟住,大螢幕顯示仲有30秒,
咁咪一齊到數囉,
點知數完淨得個笑哈哈,
又再到數多一次,
d人都唔數勒.

咁佢就真係出黎,
唱開大,
跳舞都跳得幾好.
跳得一d都唔生硬,
不"饋"佢有跳過芭蕾舞.

之後,點有個點歌環節,
(好似同newsgroup講一樣咁,
我覺得佢係有睇newsgroup既),
唱左友誼萬歲,
不過佢唔識,
咁佢唱左一段度之後,
遞左個咪俾個男仔,
個男仔仲唱得幾好,
之後佢睇住個男仔唱,
唱完之後,個男仔叫佢簽名,
佢就簽左.
個男仔,超正啦~~~

跟住,佢又行到第二邊,
繼續點唱,
好多歌都唔記得,
唱兩句就算.

行左去藍綠閘之間,
有d女仔"羅"左本歌詞俾佢.
果本歌詞叫<天書>,
佢就講淨係知會考有天書.
(呢個<天書>既概念都好似係出自newsgroup)
d人就叫佢唱小飛俠,
咁佢就叫蔡德才同佢一齊唱,
蔡德才把聲真係好好聽.

本來佢仲想繼續點歌,
不過話要趕住十二點鐘交番個場比人,
就真係唱最後一首歌---<可惜我是水瓶座>
佢企左上一個好似山既物體上唱,
又係會閃,
熄晒燈,好似佢著左一條好長既裙,
好靚~~~

咁就完左,
不過都成十一點四,五.
呢個concert真係好好睇.
佢咁多個concert中最好既一個,
不論係衫,定係氣氛.
仲有值得一提既係,
佢唱少左錯既歌詞,
作少左歌詞,
quite good.

睇完之後,
都好想睇多場.
不過唔知買唔買到飛.

返到黎,
本來想溫書,
但係開左pc之後,
就無辦法實踐.

兩點鐘訓上床,
訓極都訓唔著,
好耐都未試過咁.
唉~為左d白癡野而訓唔著
真係......
又唔見為讀書既野而失眠

Oh~~~no

>>February 7, 2004 at 6:02:44 PM GMT+8

2004 年 1 月 31 日 星期六 【晴】

呢幾日真係過得好快,
爸爸佢地返左黎香港之後,
屋企日日都好熱鬧,
差唔多日日都有人黎.
仲日日都打麻雀.

不過,呢幾日我都無係屋企睇佢地打,
圖書館開,
我就閃落去溫,
而家做左3年econ past paper,
做多d,真係o岩得多d.

今日補完習之後,
溫左一陣,
就過左去亞"女麻""女麻"屋企,
見到亞爺老左好多,
頭髮少左.

之後成十二點幾先返到屋企,
坐車果時,
訓著左,仲流.....
唔知坐隔離果個男人見唔見到呢?

返到黎,
上左陣網,
又睇左陣geog,
成兩點先訓.

呢個假期又咁完勒,
考試又一日一日咁迫近!

>>February 1, 2004 at 7:03:39 PM GMT+8

2004 年 1 月 28 日 星期三 【晴】

今日係爸爸既生日,
佢十點幾打返黎問我要講d咩,
我咪不斷同佢講"生日快樂",
原來係打返黎問我點解唔打俾佢叫佢地返黎.

大約十一點半,
有人按鐘,
係樓下管理處d人上黎睇天花板,
咁就開門俾佢地,
亞姨係呢個時候打黎,
我聲都未開,
佢叫我唔好咁快落床,
仲要食早餐.

之後食完茶葉蛋,
就"羅"書出黎唔溫.
都溫唔到d咩,
就又食lunch.

食完lunch,
亞姨又打黎,
亞姨真係好呀!

跟住我就落左街溫書,
溫到六點就返黎,
等媽咪佢地返黎食飯.

佢地返黎,
我地就去左沙田元綠食飯,
因為dad今日生日,有半價,
食左好多野.

返黎又溫書,
溫到兩點幾先訓.

咁又一日,
其實琴日我學會要珍惜時間,
呢一秒真係唔知下秒會發生d咩,
so要把握每一分鐘.
你地都要呀!

>>January 29, 2004 at 8:59:39 PM GMT+8

2004 年 1 月 27 日 星期二 【晴】

今日大件事囉~~~

第一樣就係媽咪生日,
不過唔係香港,
唔理佢lu.
(我已經盡左最大努力,
call左落台同佢講happy birthday)

一早八點幾起身,
準備去唱k,
太開心啦,
好耐都無去過唱lu.

咁我地就搭車出去tst,
就係途中發生左一件難以致信既事.

事原係咁,
差唔多到火炭既時候,
肚有d痛,
咁我同佢地講我肚痛要去洗手間,
臨落車我覺得好暈,
咁同佢地講啦,
開門既時候,
居然開左平時唔開果邊,
咁佢地好快咁走左落車,
咁我就數住星星咁行,
點知我左一步之後就無知覺,
我覺得自己撞到d野,好痛,
再有知覺既時候已經訓左係地下.
咁我就以為自己撞左落地,
但又覺得自己係垂直咁撞到d野.
訓低之後,好快就起番身,
坐左係地下,
架車仲未開,
d人望住我,
但係無人行過黎問我咩事.
(我覺得香港人好似有d冷血)
之後,就繼續行上去大堂搵我既洗手間.
我地搭升降機上大堂,
係升降機裡面,
我"艾"左落家姐果度,
好似訓覺咁,
當我起身時,
我又係地下,
係表妹扶住我.

咁個客務服務員行過黎問我有無事,
佢仲俾左張"登"我坐,
表妹又幫我問佢有無白花油,
我坐左一陣,
無咩野咁就繼續我地既行程.

坐火車果時,
講番頭先d野,
原來我撞左落條柱度,
佢地以為我撞暈左.
出升降機時,
原來我係開著眼的,
不過表妹話係無focus,
我醒果時好似錄影機按play制咁
(我覺得係幾好既比喻),
講返都幾好笑,
家姐仲笑到停唔到口.

之後我地去左唱k,
唱得兩個鐘,
下次唔要獨立廁所,
又貴又唔夠喉.

跟住過左去causeway bay,
行左一陣,
又過返去tst,
去左吉野家食飯.
之後,就去補習.

我同亞sa講今朝d野,
講果時,
我都覺得自己好似講緊故仔咁.

補完習,
又join返佢地,
搭火車果時,
佢地話埋俾我聽,
撞親條咩柱,
係消防喉果d柱.
個咀仲有d痛有d痺,
唔好腫就得勒.

返到黎,
煮左d野食,
左溫左陣書先訓.

今日真係難忘,
原來暈真係好似訓覺咁.

>>January 29, 2004 at 8:44:41 PM GMT+8