2003 年 10 月 21 日 星期二 【晴】

好野~! 胡老師自動將第三次新詩功課延期，仲撤銷左350行之要求，個心即刻放低左舊大石，輕鬆左好多。 ^__^

不過下星期二就要present笑傲江湖，我而家先開始睇第二集，點算呢...? >.<"

>>October 21, 2003 at 10:37:55 PM GMT+8

2003 年 10 月 18 日 星期六 【微冷】

今晚同阿Care、Ivy、Coco、佩兒一齊去添馬艦睇「維港巨星匯」。(嘩，有4美相伴呀！)
去到金鐘，已經見到好多鬼仔鬼妹鬼婆鬼佬，著得最勁就係入場時o個個大露背同埋離開時o個個鮮紅真空。不過講真，我都唔覺佢地著得靚...
個show好遲開，遲左差唔多成個鐘......雖然個show都幾好睇，d歌都幾好聽，不過因為大家對個「巨星」都冇乜認識，唔知係乜水，所以即使見到周圍d人企哂上凳上面郁身郁勢，都仍然少左一d投入感...... (特別係Ivy，即使企左上張凳上面都係睇唔到... ^ ^" )
不過都真係有少少火滾，有乜理由先前放左我地入去中間場區坐，出去去完toilet之後又唔俾我地入返去？橫掂中間仲有大把位冇人坐，應該放人入去充撐下場面啦！一係一開始就唔好放我地入！

>>October 19, 2003 at 12:26:59 PM GMT+8

2003 年 10 月 17 日 星期五 【微冷】

原本去做gym，撞到阿Sam話一齊去，我話唔知有冇人上堂，佢話："肯定冇，believe me！"去到偉衡，真係有人上堂...... =.="

o係葵芳見到"天威勇士"竟然出番DVD！我細個時好鍾意睇的，阿龍、阿積、阿洛、劍龍、無敵鐵甲人、岩石超人...etc，好懷念呀！到而家都仲覺得阿龍同岩石超人gei造型幾型。

>>October 17, 2003 at 7:45:28 PM GMT+8

2003 年 9 月 14 日 星期日 【綿綿細雨】

尋晚我平神信明五子聚首旺角，唱k + 落bar，都幾開心，不過未算盡興。
(原本諗住"通頂"家嘛...)

唱k(包晚餐...好難食...)只唱得o個兩粒鐘就俾人趕，仲敢收我地七百幾蚊~!!! 搶錢咩~!?
我地都未投訴你個"鑊仔牛柳"&"鹹檸七"貨不對辦~!

之後行落太子落bar，間野又係黑店黎gei~!
我地o係場波gei下半場先入場，只係叫左15枝啤酒，竟然又敢收我地四百幾蚊~!! 貴過旺角尖咀d bar好多~!
唔通以為有一兩個著得性感少少gei姐姐仔o係度就可以搶錢咩~!?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
神：
哈，我寫o個段野時都諗起你~~ ^__^

我都覺得近一兩次gei聚會冇以前咁高興，真係多左好多business talking(甚至多左好多鹽分頗重gei話題)，比較悶，好少再講心事或生活感受，可能係因為多左兩個生意人gei關係......
(又可能心事要留番三兄弟聚首時才會聽到...)
呢d所謂"中坑gei靡爛"，可能我地出黎做野之後亦都不能幸免......

>>September 14, 2003 at 11:45:03 PM GMT+8

2003 年 8 月 21 日 星期四 【陰】

這天與阿神見見面，聽他上東莞工幹完的感想。
那種處事方式始終與他的性格不合。
要學習的是，如何與做事方式不同的人合作、周旋；
要注意的是，別要硬將自己投入作另一個不同性格的角色，雖然，有時這是必須的，但即使你自認是一個專業的"戲子"，在工餘的時間也應做回自己，否則抽離不到角色，就會迷失了。

>>August 25, 2003 at 11:50:06 PM GMT+8

2003 年 7 月 23 日 星期三 【晴】

今日同Ivy、7、艾域、洋去碌ling。
Ivy gei咀咒o係今次繼續發揮強大gei威力，影響所有人，仲識得隔山打牛… ^ ^"
7 gei成績依然極度飄忽，無從捉摸~!
今次都幾好玩，但感覺上氣氛冇上次咁熱鬧，而且冇玩得咁放。

之前搭巴士時，電台正播著一首hip hop dance music，望出窗外，草木被吹得左搖右擺，感覺上就像是隨著音樂擺動身軀起舞一樣，好得意~!


>>July 23, 2003 at 8:33:36 PM GMT+8

2003 年 7 月 22 日 星期二 【晴】

今日先同Ivy、John去食飯，一路傾偈，一路睇小john子小妹gei結婚相。
Tammy gei婚紗look好靚呀，個新郎個樣就好成熟呢，不過兩個都好鬼馬呀~~! 仲有阿john gei翻版衛斯理look呢~~! ^0^
今次傾偈都比之前好傾呀，講左好多關於大家中學時興趣gei話題。Ivy由以前差唔多完全唔聽歌到而家幾乎廿四小時都聽歌？仲有阿John以前竟然係玩短跑？
食完飯去信和睇渡假屋資料，原本應該等七到後再睇多次，但之後又冇左件事… ^ ^"
之後同Ivy、John、Seven四個人去唱K，好開心~! ^0^
之後各散東西，不過又發生左電梯事件，有人想按住開門制俾人出電梯先，點知按錯關門制呢… ^^"
然後Ivy去尖咀剪頭髮(真係山長水遠…)，喂，等緊你個新look呀~! ^0^
不過因為伊希都gei影響，未來幾日gei天氣會好惡劣，有可能會掛九號風球，所以星期五gei羽毛球要擇日再定了… >.<"


>>July 23, 2003 at 11:40:51 AM GMT+8

2003 年 7 月 5 日 星期六 【晴】

尋晚同阿神、貞信、波比、肥平幾個去尖咀食飯飲野，幾開心，成點幾鐘先返。

食飯時去新發，阿神好搞野，o係茶餐廳食魚子醬三文魚...
食飯時又扯到"女朋友"gei問題，真係有苦自己知...我除左笑仲可以做乜呢...?

之後去熊貓bar飲野，可能當時尚早，個場仲係好靜。
第一次玩大話骰，玩左幾次慢慢掌握到喇，唔駛俾人話我呃酒飲。又玩計數骰，都好傷神下...
個啤酒小姐sell酒時懶風騷，件"青bb"gei"制服"亦不敢恭維...不過都好過o個個白衫小姐，嘴渺渺態度又串...喂，叫佢幫手遞紙點歌咋喎...
o係bar度唱k真係幾搞鬼，唔知o個個"失戀人"係未真係失戀呢？唱得咁投入，又變哂聲(走音)咁...
波比又有新戀情，恭喜恭喜~!
肥平突然遞信辭職，自己出黎搞公司，果然，又俾我睇死...做唔長。上次講到點樣逐步建立自己勢力，咁快又雄心壯志咁另開新路... ^^"

今日一班朋友約返BU游水，我唔識，但其實都有d想去(梗係啦，可以見到Ivy著泳衣喎，好吸引家嘛...^0^ 仲有，都係時候要學游水喇...)，不過竟然俾我阿媽下禁制令(話車錢貴喎...=.=")，我又覺得多人左d(原本4個人就唔錯...)，加上我仲要時間修下身先敢見得人...不過最重要係...我未買泳褲。原本尋日預早出黎諗住如果揀到咁今日就可以去，但搵左幾個商場都竟然搵唔到有泳褲買...真係出乎意料~!算啦，下次試下去d國貨公司度買，應該有掛...
各位，下次再游時(7月底8月度啦)我會到架喇~!今次唔好意思~~ ^^"


>>July 5, 2003 at 5:37:32 PM GMT+8

2003 年 7 月 2 日 星期三 【晴】

今日同Ivy、John、Seven、Eric、Coco & 阿歡去奧海城"碌ling"，亦係我第一次打保齡，好開心呀~
第一次見阿歡，感覺唔錯，有個好印象。
6人之中，識玩gei只有兩個半(小John子被列入懷疑名單)，基本上係Eric同阿歡之王者爭奪戰。

計總分係Eric奪標(當然，佢o係側邊開舖架喎，有主場之利)~

阿John頭幾次一嗚驚人，又全中又補中，但之後水準又急速回落，幾次落坑...佢究竟識唔識玩呢？因為佢中途離場，所以難以考究...

Coco每次得分都幾平均(中左"落坑咀咒"時例外)，最尾仲有幾次"奇蹟之補中"，做左"補中王"添~~!

Ivy簡直係神奇女俠，好搞笑：
佢gei出波方法係好斯文咁行埋去就咁放低個波，但個波又會以慢速自己碌埋去，仲有"犀"曉轉彎添...
首開"落坑咀咒"，自己連續兩次落坑後，隨後gei不幸者(Coco)亦會步其後塵，而且咒力會持續兩三rounds...
如果第一次有好成績，佢第二次就會突然放"啤"咁碌，結果落坑...
如果你技術上指點下佢，又或者叫佢俾心機，佢又會好易落坑...
但當佢冇乜心機求其咁碌，未睇結果就掉轉頭行時，又會中成8、9個樽... ^ ^"

哈哈，到本大爺喇~
我初時兩局都"包艇"(第二局慘敗...)，但第三局一開始就整左個"999"出黎，得第三，最尾一局...嘻嘻...第一名~!!!yeah~~! ^0^

阿7好遲先到，佢自稱係"策略型"gei"奧運選手"，第一局係新手必經gei洗坑賽，第二局就已經領先放"啤"左gei Ivy 喇，如果再玩一局成績應該會更好。

總之，今日好開心啦~!以後又多一種野可以玩喇~~!


>>July 3, 2003 at 2:03:10 PM GMT+8

2003 年 5 月 6 日 星期二 【晴】

今日成日都冇乜特別，剩係返去上左堂小說。
哈，反而放學時比較開心，好耐都冇同你行過街喇，諗返隨時差唔多有成年喇，而且仲可以傾左咁耐偈添，真係好耐冇試過喇......
感覺好好~~ ^ ^
唔好再去諗你地仲有冇鍾意大家喇，都已經分左lor...
亦都唔好再成日覺得係自己做錯野，呢d野從來都冇對錯gei，只有夾唔夾。
冇辦法，你地兩個性格實在太似喇，火星撞火星，實會擦出火花......
其實最悲果個都係我，永遠都只係充當幫人分析果個......分析得再勁再準都冇用啦...！


>>May 7, 2003 at 11:53:56 AM GMT+8