2004 年 3 月 3 日 星期三 【颳風】

今日同 Ivy 一齊慶祝生日，放學之後同 Coco、7、John、Ken、Rachel 一班人去唱 K，好開心！
K-Buffet，我地不停咁拿野食，搞到張檯都冇位擺！
John 送了Ivy 一個 Hello Kitty 杯，也送了我一個大口仔杯。John，多謝哂！
今日成日都幾開心，除左埋單時那個不知所謂的侍應！
今日著左件新褸，各人反應似乎也不錯，不過我本身冇乜衫適合襯，唔通真係要專登買多 set 衫？

Ivy，希望妳鍾意份禮物啦！
Happy Birthday！

>>March 4, 2004 at 1:18:30 AM GMT+8

2004 年 3 月 1 日 星期一 【陰】

好野，最後一堂心理學，終於唔使再對住阿 Bill 喇！不過聽到佢不停問人問題但完全冇人識，然後話自己好失敗，o個下都覺得佢好可憐。
阿七剪左個新髮型，感覺精神左、靚仔左。
奇怪，Riva竟然唔返？要交題目喎...

六合Lunch，Ivy (奇怪，佢竟然冇叫牛腩河同凍檸茶) 成為我同 Coco 的分析對象。^__^

放學同 Ivy 行葵芳，邊行邊傾(內容絕對保密)，仲買燒賣食，好開心！ ^0^

Carew 明天試教，希望佢順順利利啦！

>>March 1, 2004 at 10:23:14 PM GMT+8

2004 年 2 月 28 日 星期六 【晴】

下晝看國際台的超人前傳(1)，Kristin Kreuk 飾演的 Lana 真的非常漂亮，雙眼流露著一股靈氣，美得來給人少許壓迫感，但又感覺親切可人，超鍾意！^0^

摩登時代，充分表現了一代笑匠查理卓別靈的多才多藝：導演、編劇、演出、作曲以至溜冰與耍雜技，真正的人不可以貌相。

>>February 29, 2004 at 2:58:30 PM GMT+8

2004 年 2 月 26 日 星期四 【陰】

今日class meeting 要formal dressing，結果formal 過頭，唔似教師，似保險經紀。Van 著到好似小學miss，Coco就著到好靚，似有錢OL多d，哈哈！Ivy呢，就要好小心先得喇！^0^
Carew 剪左個新髮型，明明人人都話冇問題，佢自己就不停話「好包好包」......
Classroom Communication 試教，教「煙視媚行」，請人示範，好好笑！(阿瑩不在，可惜呀！)
呢次表現OK，但係有d野出乎意料......點解d同學突然變得咁乖架？完全冇人食野傾偈甚至寫野，咁叫我點樣玩「課室管理」呀？

>>February 28, 2004 at 11:35:21 AM GMT+8

2004 年 2 月 25 日 星期三 【陰】

見老細，免不了要看她臉色，好在能勉強過關。
在Teaching Evaluation 中狂插阿Bill，成個心都舒服哂！過癮！

Coco：
你唔同意邊part 呢？唔同意我對你gei評價？ ^0^

>>February 28, 2004 at 11:42:51 AM GMT+8

2004 年 2 月 24 日 星期二 【晴】

今日試教，死哂！原本諗住自己可以handle得到，唔會太緊張。點知竟然教教下唔係好記得之後要做乜，令到個流程好似斷下斷下咁，好唔順暢！字詞那part又浪費左好多時間 (一時多口問左三次「仲有冇字唔識？」，只問兩次未好lor！)，令自己之後心急左，結果表現差勁！仲要最尾唔記得收番d工作紙添！如果唔係多得同學維護與獎糖那part賺返d分，今次真係死緊...
好，星期四那次一定要表現得淡定一d！

>>February 25, 2004 at 12:01:42 AM GMT+8

2004 年 2 月 21 日 星期六 【晴】

今日Carew陪我去荷理活買恤衫西褲，先應付了星期四的class-meeting先，她也順便買些東西。
條「西褲」貴左d，不過個sales姐姐幾靚女，算。
我們中途撞到同是買衫的Coco，傾左幾句。哈，都話d靚女係好難逃得過我gei法眼架啦，咁多人來來往往，咁都可以發現佢！
在公園仔開大食會，吃個不亦樂乎。咁大個仔第一次試食臭豆腐(專登揀了檔不太臭的)，仲有街邊檔式蘿蔔絲餅。臭豆腐的確不太臭，感覺ok，幾香口(臭口？)，只是質地較鬆散。蘿蔔絲餅都不錯，夠熱，d蘿蔔絲夠多，只是好像太大件，讓人難以入手，只能用竹籤挑起蘿蔔絲來吃，不像是在吃「餅」。我們還買了蠔餅，不過味道麻麻，不夠熱。
總括今日行程，好開心！ ^0^

>>February 22, 2004 at 1:31:09 AM GMT+8

2004 年 2 月 20 日 星期五 【晴】

Icq 盡訴心底話時間，形式近似攤牌，過程彷如鬧交。不過最終弄清了大家的諗法，好快又冇事。希望以後溝通得更好。
一個幾年來對我幾乎只有彈冇讚gei人，在一個 icq msg 之中一口氣講左我17個優點(細分17，粗分都有15個)！那一刻，我的眼突了出來......
原來我竟有這麼多優點，真好... T.T

>>February 22, 2004 at 12:57:54 AM GMT+8

2004 年 2 月 18 日 星期三 【晴】

今日朝早原本諗住同Ivy早d返去subject room做教案，但最終都冇去到。為了份禮物，冇計啦！

Ivy遲到，我在溜冰場附近走走時，突然間有個女仔向我揮手，睇真d，竟然係PT！真係估唔到會撞返佢，更加估唔到佢會主動同我打招呼。咁耐冇見，佢又靚女左，不過感覺同以前冇乜大分別 (連d小動作都同以前一樣冇變)，著衫都仲係好casual。佢係度等緊班同事一齊睇戲，我地傾左幾句，原來佢而家o係蘋果報做緊(好似係助理編輯)，不過成日都要四出奔波，都幾辛苦下。我地大家交換一下近況，之後佢d同事到左，就去左睇戲喇，我竟然完全冇意欲問佢拿電話、icq等以作進一步聯絡！呢次見返佢，雖然好似仲有dd拘謹，不過對佢已經冇乜特別gei感覺。不過咁都幾好，起碼證明自己真係放低左喇...

之後同Ivy一齊揀禮物，Ivy撞到她的中學舊同學，大家就咁傾起上黎，個女仔一年唔返學30幾日，都幾厲害...
Ivy，一個由中一到而家......不，是小學到而家都冇乜分別gei人......唔，都高左dd gei......
(Ivy：嗚..........)
Lunch同Ivy、佩兒、John、Peter、Eric、Ken去KFC食飯，竟然會係KFC！雞！

終於都問左去邊間實習......係可風......
放break時，一句無心之言，一個誤會，又掀起一場小風波......好彩最終都可以解釋清楚，冇事。

放學後同Ivy去subject room找資料，之後去新can「督」燒賣魚蛋，邊行邊食，好味！
之後一齊行葵芳，傾左好耐偈，講左好多關於感情gei話題，好開心！
我都好鍾意咁樣傾下偈，可以令大家知道同一件事原來男女gei諗野方式同處理gei手法態度真係可以完全唔同，好多誤會同感情裂痕就係因男女呢d唔同gei諗野方式而產生並加深。
我又發現一樣野，就係Ivy原來好容易笑，仲係笑到行行下要停落黎，成個人都攣埋，兩隻手咁住個肚果隻。我約略數過，行一個鐘頭街佢起碼咁樣笑左5、6次。

>>February 19, 2004 at 12:49:52 PM GMT+8

2004 年 2 月 17 日 星期二 【晴】

今日預早同Carew慶祝生日，之前同阿珊 plan 好的「雙重驚喜」計劃，全面失敗......諗住扮遲到，再令兩個驚喜------蛋糕、應該不來的阿珊相繼出場，但竟然在中途就被主角撞到正，兼且應該最遲到的我們竟然變成最早到的人之一！嚴重計算失誤！失敗......認真失敗。

今日係七之組試教。我覺得最好表現的是七，文儀同cherry就好慘，俾怪獸老師陰(明知佢地份教案有問題都專登唔話俾佢地知...)，做左犧牲品。
份教案俾怪獸老師插到七彩，又話太簡單唔清楚(我跟佢派俾我地gei範例做架喎...)，又插我教閱讀策略，張工作紙做乜又涉及文章內容(但佢派俾我地gei指引話要包埋家嘛...)，要大改...

一個人鍾意令自己看起來很cool(冷酷)，也喜歡看起來很cool的人，但又不喜歡和性格很cool的人相處，究竟是什麼原因呢？

ps：超白痴！竟然將份論文send錯去胡老師的email！

>>February 18, 2004 at 1:37:29 AM GMT+8