2003 年 3 月 9 日 星期日 【晴】

今日個肚好似好飽其實又好肚餓...咩都食唔落
番到學校.~~個個同學都話我個樣好殘~我自己都唔覺
冇他o既~番到去一句聲都唔想出...好辛苦呀
見到D人食野就反胃喇~~
中史Quiz..算吧啦....吹都吹唔到~~~~哈。。。唉
唔~~放學去睇醫生
唔~醫生話係腸胃炎~唔...叫我戒口..要食白粥
嗚嗚,,Lunch o既魚香茄子生炒骨飯呀～冇得食喇．．.<----不要離我太遠><
不過我覺得個醫生問非所答
例如我問佢我呢排食得仲清淡個以前~點解而家先會有腸胃炎架
佢就話喇:"你D腸要休息下!!"(下??!!)
之後,醫生話我食濟左...
我問佢"醫生..我呢排冇咩點話勁食野喎....咁都食濟
佢講左一大堆無里頭o既野又話腸係用黎消化呀...吸收咁
簡直係度避諱問題~~我同老豆講番，佢話個醫生老喇~~(咁又係...老左反應都好似會慢D架喇)
不過,唔理佢點講,仲知醫得好我就唔理佢啦
仲要我130蚊得個2日藥。。蝕哂啦..
---
唔~~今日食左好少野,早餐食左一個饅頭,一湯匙粥
下午食左同學o既一湯匙反﹐夜晚食左一塊克力架餅同少少粥
嘩~都好耐未試過食咁少野喇~
。希望聽日好番D啦。><
～～～～～～～

所有人為了自己，都不停地進步
似乎只有我自己仍原地踏步

　　　　　　　　　　　︿若我再太刻意淡忘 越會補不到缺口 ︿



>>March 11, 2003 at 11:11:56 AM GMT+8

2003 年 3 月 8 日 星期六 【雨】

今日係星期日﹐今朝起身個陣已經發覺有D唔妥
落元朗飲茶個陣~已經冇咩胃口
番到屋企探熱，原來有少少燒
雖然未過100度,但係已經覺得全身冇力
聽日仲有中史quiz..。。都未溫過今晚要去飲﹐.唉
+++++
今晚去新嘉城飲﹐因為係一個由細玩到大o既隔離鄰舍結婚~所以一定要去
席間，食左好少野。。雖然好好味
唔~~我覺得而家D酒樓in好多會播好多流行歌
可能因為要配合結婚呢個場合，所以播的都係情歌
如特別嘉賓，絕不能失去你等等
哈!我舅父仲講笑,如果佢播好心分手會點呢?(哈!俾人拎出去毒打LAw~咩事呀!!)
番到屋企搞掂哂d野都成12點
諗住溫中史~點知我舅父又催我訓。佢遲遲仍未入睡
唉唉~~~咁就咩都冇溫過喇
唔知係咪病病地﹐所以今朝3:00am就醒左!訓黎訓去都訓唔番;
5點鐘就決定起身喇~~
哈所以呢篇日記係今朝5:15am寫架!!
---------
凌晨三時﹐睡醒
睡意全消﹐躺在床上讓時間白白流走
凌晨四時,仍未入睡
睡魔已走，使我慢慢的回想過去
開學半年,發生了許多事情
。嘗試﹐勇闖，無怕，無懼，無悔﹐失敗，爬起，失敗，惶恐。
十八隻字道出了半年中事情的心情，結果。
《起伏不定，波濤胸湧。。。》
-------------
＊感覺就似 聽到聲音可是觸不到
但＃我＃一站在人群裡便會把”我”看到 ＊


>>March 9, 2003 at 10:20:23 PM GMT+8

2003 年 3 月 7 日 星期五 【晴】

今日係星期六，一早起身就去補習喇...
唔...好累啊上堂冇咩精神，但係總算捱過啦
之後就走左去剪髮..
唔去髮型屋度我同過師父講左幾句以為佢知我想剪
邊隻髮型~點知剪出黎都唔係我expect個隻效果。。
枉我為左剪個種有層次感o既頭髮,仲留左正o既長髮成年幾添...
唔....唔知係因為我D頭髮太薄，定還是佢misunderstanding我o既意思
剪出黎~唔.好似D人普通咁剪咁....一D層次感都見唔到..
唉...番到屋企都冇人知我剪左頭髮...唉...好sad ar....
坐左成2個鐘,剪出黎又係另一回事。。。。。。
夜晚屋企打邊爐原本都好有Mood 架
但係點知阿姨番黎個陣，之前佢話D波鞋特價,叫佢幫我買番以前個隻款百零二百蚊o既...
點知佢買個對成三百幾蚊雖然係adidas..但係我都唔鐘意有牌子
基本上有冇牌子都係一樣架o者，又咁貴早知咁貴,我不如自己去買對
同樣款但係冇牌子都係百幾蚊Ja ma
我叫佢搵番好似上次個對咁,明知人地對腳大
著個對新鞋搞到我對腳成對龍船咁...極唔開心呀...
佢仲理直氣肚 咁話得番呢一對又話我腳大好難買鞋。
我夠知難買喇就係難買先叫佢買對上次咁顯到我對腳冇咁大
唔著又唔得..著又俾人笑。。勁~唔開心呀....
三百幾蚊我認為真係唔抵Law!!!
搞到我打邊爐咩Mood都冇哂.....嗚嗚
------
一切事情總是不如人意
開學至今有什麼真的成功
一次又一次的失敗
一句又一句無情的說話
一對又一對卑視的目光
要我完完全全的承受
承受，承受，再承受。。。。。。


　　　　　　　　︿愛也要講資格　我有什麼資格︿




>>March 8, 2003 at 2:27:56 PM GMT+8

2003 年 3 月 6 日 星期四 【陰】

今日係地理camp o既最後一日~冇喇冇喇""吉""堂冇喇...
今日中史去參觀,到呢個歷史博物館同藝術館。
成班於是得番4個人上堂~~奇景呀!!加上MIss Tse又冇番
佢地真係8堂全"吉"！！發達啦~~
今日成日都出左去都幾好睇
用左15蚊就睇成日都算抵喇~~~
個D咩野。戰爭與和平"同書法個D我就冇咩興趣
反而對"香港故事"有好大興趣~~因為好多關於香港o既野都有得睇
由香港形成到回歸!!好正架!!我仲經過舊時o既涼茶鋪同檔鋪~~
又去左同原始人生活~~哈哈～好正呀!!!
好想睇多次呀~~~^^
唔~~行到4點幾就番元朗~之後同左同學行左一陣就去補習喇。
其實經過一連五日吉吉吉o 既日子。我發覺係一班11個人o既6A班
我好似同佢地傾左好多偈,由大家唔係好熟都變熟左~~~
咁都幾好呀!!而且~日日都開大食會咁濟~加上咁清靜o既環境~~
好寫意呀!!
︰今日發生左2件小事情:
第一件~~話說搭車去尖咀o既途中有同學請左我食粒糖~
我就諗左好耐~究竟我對上一次食糖係幾時呢??唔~呢個時候
摸下個書包,發現上次同學請我食個粒糖,我仍然原封不動...
我最後都唔知點解食左(我唔食糖架!!(唔係唔食,係少食~~)即係鐘意食朱古力啊~~~大家記住呀!)
唔~~粒糖好甜呀...><..書包個粒~~哈。原封不動住先啦
第二件~~今日食晏,我同隔離個同學都點左杯凍檸水。我個杯就要走甜
當個waiter黎個陣,佢指住我個杯係走甜。點知飲落就...><
唔....點解今日會食左咁多甜野o既~~
----甜得令人心酸,不想再試但又忍不住去試。是心酸或是心寒??--------
------
終於，我都明白那個真相
我更加明白自己應有的立場
不再作胡亂猜測，不再作無謂的掙扎。
一切終要停止。
甚麼叫放棄﹐甚麼是空有的期待。
我都經已全曉。。。

　　　　　 ︿若是沒希望不會失望　　　　　　　愛寂寞難道更好︿

>>March 7, 2003 at 4:24:37 PM GMT+8

2003 年 3 月 5 日 星期三 【雨】

嘩~話咁快就到星期四喇...
就快冇得過日日"吉"堂o既生活...突然間唔想D geog's同學咁快番黎添...>,^
今日係學校都做左好多野~~咪~咪不停咁溫中史Law...
唔~~今朝早食左好多野~
我食左我整o既芒果布甸啦又有同學整食濟我o既紅豆糕同好味o既沙津
一朝早成班班房都充滿住大食會o既氣氛~~~~
今日P.E堂跳繩.....不過當我同另一個同學一齊跳個陣,我發覺條繩好短o既!!都係大繩好玩D~~
之後UE堂做oral presentation~我都幾鐘意做架!!因為真係要練下喇~~
唔....之後中史QUiz....我覺得自己吹水o既本領又勁左喇~~~嘩哈哈
之後2堂文化都冇上到。MIss同我地去`MMLC到玩電腦!!今日又係"吉吉吉吉吉"喇~~
唔..不過聽日中史有得出Trip..
仲去成日咁耐我突然間想留係學校做野多過出去呀....
過埋聽日邊可以仲有。番學轉頭就放學。o既觀念喎~~
3點半放左學,諗住勁走勁走破紀錄番屋企。
哈,但係最後去左點心皇隔離同同學食糖水
我食呢個芝麻糊拼喳咋都OK啦~~下次我要試下。清心丸。究竟係乜東東先!!!
唔知係咪呢個week都夜訓番到去細佬雖然借左Comics睇..但係一路睇一路訓著
食完反就訓左覺喇一醒番就成9點幾~仲一早解凍D牛油諗住整Cookies添~~唔....
不過而家都好累添~~哈哈!!!
今日都係咁過喇希望聽日可以出去有正野睇..不過夜晚要補習。。唉唉.......
— — — — —
笑，有多難??
但。。。
真心的笑，可曾出現?
或許，我笑得比人快樂
或許，我的笑聲能感染他人
但。。。
我也不敢問自己
那次真,那次假
還是每次都只是。。。
口笑心不笑~~~

‧。‧誰人會愛我這種孤兒仔 流落到谷底 。‧。




>>March 6, 2003 at 2:51:22 PM GMT+8

2003 年 3 月 4 日 星期二 【雨】

今日落雨呀...不過我都冇帶傘~哈~因為似 <"蘇軾" 定風波(莫聽穿林打葉聲)>入面所講Ma~~
唔~今日我開始覺得自己患左精神分裂症~其實我地成班都好似患左呀..
事緣我地今日用左差唔多4堂去左MMLC睇Eng. Movie"有你終身美麗"
入面係講一個患左精神分裂症o既人佢得到諾貝爾獎架。開頭我地唔知佢有呢個病
之後做做下~嘩..個醫生話佢有分裂,又話佢見到個D人係假o既~但係明明又好似真係
有呢D人出現架喎!!呢個時候..我地開始有D不知所措連我地都分唔清......
唔..
就係咁...出到MMLC我地都好似患左呢個病咁...真係呀..容咩易你真係幻像黎架..
好似講到好得人驚~~你究竟係真定假架~死啦,你係假我都唔知架喎...>,^
仲有2日..就唔可以享受呢D6堂"吉"o既機會喇要好好珍惜先得。~~
放學我諗住可以好似琴日咁..勁走勁走..4:30pm番到家的。
但係今日因為諗住做埋D stat.先。。點知一做就做到成5點..唔....破唔到紀錄添~~哈
今日中文學會D同學係班房到整文軒,話說講講下就同一位同學講起D社o既野...
講下呢個比賽..個個比賽...當講到一D人o既時候...我D火又番哂黎..諗起個D人...哼~~~~~~~~~
聽日聽講話係"驚蟄",講就講話要去打下小人(個D人呢)o者~~但係唔可以咁架Ma..
打小人唔o岩我做架喇,暗地裡鬧佢好D~~哈哈!!!
～今晚食飯有我最鐘意食o既西檸雞呀!!!呵呵～
。今 日 整 野 食 〉〉〉芒果布甸！！！。
--------
我承認，因為怕，所以我逃避
我承認，因為怕，所以不願証實
我承認，因為怕，所以我不敢靠近
既然每一次的結果也一樣
我又何必去作無謂的期待呢﹖﹖

『還能期望什麼　還能遺憾什麼　就是沒結果』





>>March 5, 2003 at 4:05:01 PM GMT+8

2003 年 3 月 3 日 星期一 【雨】

今日要上早會,好怪呀...11個人排隊上禮堂。但係今日係好認真咁聽老師分享,無他o既~
莫Sir喎。。聽完之後，我都有好深刻o既感受。佢同我地講左一個故仔:
有2個人,佢地死後上到天國,見到有好多個時鐘..佢地問一個天使,點解有D鐘很得快
有D鐘行得慢o既~天使話:你地自己行埋佢睇下,入面有屬於你地o既時鐘。
於時乎,佢地愈行愈近,終於搵到屬於自己o既時鐘。其中一個人o既鐘行得好慢；相對地
另一個人o既時鐘行得好快好快。莫Sir話~其實時鐘代表一個人o既生活~
個個鐘行得好快o既人,..即係話佢o既生活係好急速,好忙碌 o既
莫sir話~要我地珍惜時間,珍惜一切o既機會.咁急o既生活,得到d咩呢??
聽完之後..我都係度諗..其實一路以黎自己o既時鐘,都係走得好急速架
點解自己唔嘗試放慢腳步,去享受下咁美好o既世界呢??
當然..之後最記得o既，係莫sir係mic前叫過我個名2次~
第一次。係莫Sir話佢自己好少分享早會...佢話第一次係10月1日
之後我就笑左出黎喇~佢就話你笑咩呀..我梗係話唔知呢~哈~生日講早會,幾特別喎!!
第二次。係當佢講自己好鐘意超人但係唔知點解.佢又話喇l好似詩敏咁,好鐘意多啦A夢都唔知點解。
我即係...Dup低頭，有D唔好意思添。
其實有得解架。我好鐘意叮噹～因為佢可以將Dreams come true!!。
今日..都係咁過`但係就好過個琴日,今日識搵下野俾自己做。
但係o係Lunch time落樓梯個陣,有一件唔算太開心o既事。
個陣見到MIss Chang,根住佢問我點解訂票個D我冇搞度，佢話難得機會俾D f.1應該
去睇下劇~尊登交俾我負責，但係又做唔好~而家已經deadline左喇...
唔...我剩係識講唔記得同唔好意思。唉..其實我夠知要搞喇~但係一番到學校就好忙..
咩時間都冇...連Deadline都唔知~唔~知道要問佢地個陣係咁o岩敬師日話劇選角。個日
問左佢地,諗住下次集會答覆。點知下次集話又變左排劇~個排衰左自己忙~又要搞番社d野
又要出番D嘉許~又要收D咩費乜費。一番入班房就忙到成6點先走..我都唔想架。
唔...我覺得我自己好冇責任咁...自己應承左o既野又做唔好...唔...好失敗哦...。。。
今日Stat.之後'吉'堂。雖然得我一個6A係吉堂：但係我發現反而可以好專心咁做野喎!!
今日行程就係咁啦~~~~
　　　　　　　　　　　＊＊今晚整野食．．米通＊＊
－－－

如果流星閃現，我想向流星許願
我要實現我的夢，我要令我的Dreams come true。
如果流星閃現，我想向流星許願
我再不要孤寂，我再不要悲傷，再不要憂愁
如果流星閃現，我要向流星許願
如果流星閃現．．．．如果流星閃現
如果．．．．．．如果．．．

　　　︿雖說習慣高空之中孤立的感覺．．．．．．︿


>>March 4, 2003 at 3:45:46 PM GMT+8

2003 年 3 月 2 日 星期日 【陰】

3月3日 陰

今日因為Geog's o既同學去Camp..
所以成間班房都好冷清,好寂靜..
唔~~成班都有D唔慣~
不過成個week都會係咁~
所以~哈~實過度o既
就因為咁~所以好多堂都變做"吉堂咁濟。
今日頭2堂去Hall,第3堂溫quiz,.4,5堂quiz
6,7,8...去MMLC睇 ENG Movie...所以今日係學校都幾悶~~~
但係o係MMLC個陣....><
話說個陣,睇緊鬼片......好明顯..我係不停大叫。因為好得人驚o既...
連MIss都笑我呀~~~~~>,<好瘀呀......
＊＊今日整野食．．有Cookies+紙包旦糕＊＊
－－－－
尋尋覓覓冷冷清清
悽悽慘慘戚戚。。。

︿太高　　亦美麗　　最矜貴　　　藍玫瑰︿

>>March 3, 2003 at 1:25:29 PM GMT+8

2003 年 3 月 1 日 星期六 【晴】

3 月2日 晴
今日係星期日,都係咁過啦
但係諗起聽日就擔心喇~因為
聽日我個班的Geog's同學去camp
得番11人上堂本應好Free,但係聽日Chinese History要quiz
自己呢星期5,6又虛渡過。所以..我都唔知聽日點算好
唉~佢地去哂Camp,係班房都冇人陪我癲,,,,有D寂寞....{不要離我太遠呀..}哈.唉..
-----
我有個icq 同學,佢係info入面我好鐘意呢一句。(謝謝呢位同學仔)
。請你收拾你的虛偽笑臉 消失在我眼前。
究竟係咪個個都係咁架呢??
其實。係咪連我自己都係?
。。真亦假時假亦真。是真是假。連我都不曉得。。


＊待我好 就誇獎一下我很討好 就關心一下我的身高＊

>>March 2, 2003 at 2:02:33 PM GMT+8

2003 年 3 月 1 日 星期六 【晴】

3月1日。陰

今日唔知做咩野真係一時興起....
開左呢個日記板。。...其實
自己平時都有寫開日記...
蝦~做咩要整個On-line 本呢??
哈哈~我都唔知呀~~
----
今日夜晚屋企打邊爐,其實係我提議架,
但係我都唔知點解o係大熱天時會有D咁o既行動..
可能~因為多野諗,所以..想搵d野塞住自己o者.....

>>March 1, 2003 at 6:16:13 PM GMT+8