2003 年 3 月 23 日 星期日 【陰】

今日個天陰陰沉沉﹐令到個人好癡立立﹐冇乜朝氣
今日好勁啊~~
又五堂吉喇~~頭一堂原本"吉"
之後PE Teacher又冇番
英文Miss又冇番，咁就吉左五堂喇
不過要做學生會D野~所以都~~~冇做自己野
唔~~今日派左Econ同文化卷
都Ok喇～不過收左econ卷時
個心都一沉。因為其實我明佢講咩
但係唔識寫番出黎。究竟我有冇揀錯呢?
有D時候我會好後悔,後悔用英文同揀呢科
其實當初莫莫都叫我讀文學好
但係條路係我偏去揀
我自己知讀唔掂..不過.。。算啦~~
++
今日好羨慕一個同學仔,佢琴日去左演藝open day
好彩佢都講左琴日好多野俾我聽
不過。。傻啦~諗咩呀~~
都話左有D野唔再諗。。自己又唔係叻過人。放棄吧啦
++
今日番到屋企﹐有一件超down o既事
今日諗住整cookies,咁咪擺D牛油什去焗爐到軟化
點知拿番出黎個陣我成身係度震
好明顯我係觸電架。我驚到叫左出黎
但係屋企冇人理我。。隔左30秒度先有人行出黎問我咩野事
我驚到唔敢郁呀....好痛呀因為。
跟住我舅父睇下個焗爐發覺真係漏電。。唔....
未買到個新焗爐番黎之前﹐都冇得整野食Lu.....
其實之前已經電過二次﹐但係次次都係我中..
我D屋企人都冇試。。唉唉
--
聽日係社際比賽.....我好驚呀!!
---------
曾經天真地想﹐假若努力與成果成正比多好
但人人都知道﹐世事豈能儘如人意
我當然知道這個必然的道理
只少也給我一些成功感吧~
若要再輸掉。。。
我的心真的將會承受不起。。。。。
︿ 讓我不斷忙　忘掉多渴望　︿



>>March 24, 2003 at 4:16:33 PM GMT+8

2003 年 3 月 22 日 星期六 【晴】

唔~~今日係星期日都係幾Relax架
好似如常咁~~朝早去飲茶同去行百佳
不過今日好relax,哈因為考完試啦Ma
嘩~今日去左聖安娜買西餅
唔`~唔知係咪好耐冇食
我食左成8件西餅~3塊瑞士卷。。......-.-
唔~~今日番到屋企就整野食
嘩~哈~好耐都未整過野食啦..
有成個week喇!!嘻嘻
整完野食之後就好忙啦
係度忙緊社D野~唉
一諗到社就冇咩心情~~算啦!!呢度唔好講喇!!
++
琴日夜晚有同學打俾我
佢尊登話俾我聽演藝今日開放日
我真係好多謝佢﹐不過今日我都冇去
冇法啦,一方面得我一個人
另一方面..。。><
唔~~有d時候..真係好唔明...
點解讀書叻o既人就可以有份好工!!
聽日又要番學喇
點都好啦~~唔~~派卷~唔....
　　　　　　　　　　　　　－－今晚整左Cookies同豆沙餅－－
------
我怕﹐快將來臨的挑戰我會承受不起
我怕﹐再給人看不起
我怕﹐如果又要嘗試一再落後
我真的會撐不起來。。
　　　　　　　　　　　

︿ 漫長的路　寂寞的夜　
　　　　　　　　　　　　　　　　　　　　　　　　　　　在心裡面　哭泣的夜︿


>>March 23, 2003 at 3:27:52 PM GMT+8

2003 年 3 月 21 日 星期五 【晴】

今日一朝早起身就去左補習
唔~~~有D睡意係個度訓左2個字到就起身
精神即時不俗。
之後就一個人去左屯門市中心買整野食D材料
我想買草粉﹐Lady finger同rum酒
點知去頭Jusco個陣﹐我搵唔到草粉
但係有Lady finger,諗住臨走之前買
之後去左惠康同百佳(super store)
惠康有Rum酒呀..但係太貴冇買Lu。
再去Jusco o既十蚊場第一圈冇野買到
行左好耐呀..咪諗住買野走Law
點知﹐好激氣呀~~
D lady figer冇哂喎...明明仲有2包架....
咁快俾人買哂。之後去多次十蚊場﹐咦~原來有好多模買架
哈哈~~我買左成4個模~哈~~要狂整野食先得!!
唔~~今日都好特別。因為LRT斷纜。
唔~~之後去左洪天路緊急月台轉巴士....
哈,第一次去個個月台~~勁嗎?!!
今晚屋企打邊爐‧‧hehe
我又勁食勁食~~
怕唔怕肥??由他吧!!!
------
我怕,再會落後於人
所以,我嘗試過不斷的努力--希望成功
結果,甚為強差人異
我怕,再被人看不起
所以,凡事都一一承擔---不想再受辱罵
結果,自己愈撐愈變得愛收起自己
。柔弱?我不匹配。
　　　　　　　　︿我最愛　原來或未存在
　　　　　　　　　　　　　　　　　　　　　　　　我會去　期待又期待　︿

>>March 22, 2003 at 3:31:49 PM GMT+8

2003 年 3 月 20 日 星期四 【晴】

唔。。今日終於考完試喇。本應應該好Happy架
但係今日係考中史一科﹐點知抄哂啦
溫完唔記得哂喎。唉。。總之唔溫到成4點先訓啦
不過‧。算啦。唉~~
考完之後係學校傾埋社D野就去唱K
唔`~今日把聲好似怪怪的。。不過。。哈~照唱可也!!
嘩~~都算勁唱勁唱呀~~好累啊~~
之後就行左陣街‧唔~~個陣成4點幾
仲係度諗緊番唔番屋企好﹐因為6點幾要補習
最後。。去左圖書館睇書呀~~~
嘩~~因為太累喇!係圖書館睡著了......-.-
唔~~今日都冇咩Mood補習~~所以都
糊里糊塗咁過左啦!!
++++++
今日係圖書館個陣~有件事都幾深刻架
話說我係度睇緊書(係兒童個邊)
跟住就有個爸爸同佢的仔女睇書啦
佢地爸爸要佢地最少借10本書
其中有六本一定要睇
於是孚佢地揀呀揀~~哈
都有幾本叮噹漫畫架~~
唔~~睇到佢地就諗番起自己細個個陣
媽咪星期日就會同我去圖書館,
我個陣都好鐘意睇D故事書架
個陣係自己會借黎睇。。
唔~~好似好耐都未睇過兒童D書喇
我仲係度諗。如果我細佬細細個個陣都成日黎圖書館
而家讀書會唔會好D呢??
---------
曾幾何時﹐會痛恨自己生得比人高
曾幾何時﹐又會慶幸自己生得比人高
可惜﹐生得高唔等於比人著數
可惜﹐許多事因為高度而被比下去
我該慶幸﹐還是痛恨???
　　　　　　　　　 ︿每一個女孩都期待　能擁有愛　
　　　　　　　　　　　　　　　　　　　　　　　　　能夠被人愛　不受傷害！！！︿

>>March 21, 2003 at 3:44:56 PM GMT+8

2003 年 3 月 17 日 星期一 【晴】

唔~~~今日係3月18日~~`
成3日冇寫日記喇~~
唔~~冇他o既。。考試Ma~!!!
呢個星期係考試o既抗戰日
對我黎講﹐考試係好重要
但係自己失去左對考試o既執著~
曾幾何時﹐以前o既考試會努力咁溫書
曾幾何時﹐會為左每科都溫到夜一夜
但係升上中六之後﹐一切都好似變左咁
考試我再冇咁著緊﹐D成績亦都一落千丈
唔~~~其實都唔知咩野原因
我諗。。可能冇左D原動力啦~~
唔~~呢2次考試﹐睇到D同學開始發力
我都開始有d心怯喇。。
其實唔係我唔想讀﹐之不過係差Dpower架o者。。。
唔。。我真係想努力架
但係。。唉~
唔通﹐真係
""算吧啦。。未關係啦??""
唔可以架!!
-----
心有盼望
希望凡事都有轉機
心有盼望
希望肯俾D心機讀下書
希望不快的事惰能夠洗去
心有盼望
希望自己o既心情會漸漸好轉
寧願大癩大肺總好過心情悶樂。
是嗎??
------
^ 困難要用我堅強和努力勇敢面對^


>>March 19, 2003 at 4:45:06 AM GMT+8

2003 年 3 月 14 日 星期五 【晴】

今朝同班同學一齊去溫書﹐原本諗住一齊食埋早餐先去。
但係。。我竟然唔知醒﹐噢...真係唔好意思喇~~
今日我地去呢個周宋主愛青年中心個度溫書
唔~D氣氛同Library不遑多讓架!!
可惜﹐唔夠一個鐘度就要去補習。嘩﹐由個度行去
千色個頭都幾遠下。
補完習之後Join番佢地﹐食晏后就番去繼續博殺~
唔~~~都溫到好多野!唔錯唔錯~~
不過6點我就走左Lu﹐冇他啦
我細佬不停咁催我番屋企
目的咪個本漫畫Law﹐初頭仲諗住同佢地一齊溫到夜晚
先走添。。唔~~唯有下次先啦
不過諗諗下。。第日就算溫到夜晚都係唔可以溫到好夜
呢排夜晚唔咁行番屋企添...==
哈!!成個夜晚係屋企!!咩都冇做過添~`哈哈哈
後日就考試喇~~都真係唔知點算~~
------
夜靜﹐人靜﹐心未靜
風冷﹐夜冷﹐心更冷
︿從來期望越多　回頭遺憾越多︿

>>March 16, 2003 at 3:44:27 PM GMT+8

2003 年 3 月 13 日 星期四 【晴】

今日雖然係Happy Friday
但係因為仲病緊。。所以冇咩Mood添
今日D時間都過得幾快
冇他o既﹐有吉堂﹐又PE
UE又quiz.。。所以就過得好快啦
唔~~不過今日要補習﹐如果唔係我諗今日會過得relax D架!!!
開始有d厭倦星期五,六補習添。。
今日下午個陣﹐哈哈﹐終於冇再食白粥喇
今日食車仔面。好開心啊~~朝早又狂食饅頭~~~太好喇!!!^^
今日係Canteen見到好多舊年F.7 o既同學。。唔
突然有好o既壓力﹐出年就到我喇
死啦﹐都唔知會點添。。。。。。
雖然今日係星期五﹐但係一D都冇咩氣氛。。
唉~下星期就考試喇。。有氣氛就奇啦!!
下個星期就要考試。。但係溫書進度似乎停濟不前
自己都為自己有D擔心。如果今次2科AL又fail
連Stats.都fail埋‧‧‧咁就。。難以想像...=.=
-----
曾幾何時﹐我以為哭能解決一切
曾幾何時﹐我以為哭能改變一切
當然﹐我知道愚昧的我只是空想一切
當然﹐縱然淚怎樣流﹐結果仍無法改寫
於是，到今明白﹐哭既然沒有用
我也不想什麼事也哭出來。。。

　　　　　︿始終一天 我會變更細心
　　　　　　　　　　　　　　　　　　　　　　　　　　　始終一天 我會更有自信︿



>>March 14, 2003 at 3:08:29 PM GMT+8

2003 年 3 月 12 日 星期三 【晴】

今日好似好番好多
不過唔知係咪因為加埋咳咁樣
所以D粥雖然冇咩落salt,但係我覺得已經鹹到苦...
唔...聽日開始唔要再食粥~食到好悶呀!!
今日上堂冇咩精神,加上食埋D藥~~
不停咁訓~好辛苦呀~~
哈哈!放學個陣走左去LIB 影印
個部機唔知做咩野狂影印都唔計$
嘩哈哈好搞笑呀!!!
夜晚食完藥之後...
唉..又訓著左...九點先起身
D藥好煩呀...唔想成日係咁訓..><
--------
今日係學校o既心情一片....??
上堂o既時候,諗左好多野...
一D一早放低o既野唔知點解愈近某個日子就
愈想起。。。其實我真係冇諗架.....
唔。。心情一片.....
加上係班房發生o既事。
令到心情更加唔知點.......
心情糟透了。。。。。．
︿我應該一早要放低︿



>>March 13, 2003 at 2:06:50 PM GMT+8

2003 年 3 月 11 日 星期二 【晴】

今日病情嚴重左。。。
今朝起身個陣﹐發覺仲辛苦個琴日...
唔，放學又要去睇醫生喇。。
今日Miss Tse冇番所以唔駛上UE
雖然我唔係咁鐘意上UE﹐但係希望佢快D好番啦
之後中史同`econ,可能因為食完藥
進入左熟睡狀態~~~
Lunch又食白粥。。。好寡啊><
今日放學去左睇醫生
我問醫生點解食完藥會咳架
佢話"咁你而家有冇飽飽濟濟呀""
我話冇呀
佢又話喇,咁你腸胃炎個度咪冇事Law
而家就醫你D咳o者..(下??答咩呀!!)
不過都好開心呀
醫生話我可以唔駛再食白粥,
可以食其他野,但係唔准食甜野同油膩野~~
哈哈~於是乎番到屋企,我不佛係咁食
Biscuits and Apples!!!Yeah!!
呵呵~生抄骨﹐西檸雞﹐魚香茄子啊!!就快有得食架喇!!
今日成日好似好無聊咁過添...,-,-
p.s~~嘩哈哈今日終於配番隻con喇~~Yeah!!!!

-----
一早已把心封閉
但怕謠傳不斷的持續
會駛自己的心會動搖
**當然﹐明知不能夠!!!!!**

　　　　　　　　　　　　　　　　　　　︿自創鑽石性格 我硬朗折射有光　︿


>>March 12, 2003 at 2:44:28 PM GMT+8

2003 年 3 月 10 日 星期一 【晴】

今朝早起身。。好似好左D..但係仲有D燒,都係食左少少粥
番到學校,我都覺得自己好過琴日,起碼今日都識走黎走去
今日上文化堂,到我演講,Miss話好有感情
梗係啦~我篇隨筆黎架喎!!哈哈
LUnch個陣都係食粥~不過就冇咩胃口,食左幾啖就算~
開始搵人參加社際時事常識問答比賽.....
唔.....好難搵人啊。。。。。
今日MIss Tse冇番。所以英文堂唔駛上
放左學之後﹐係學校逗留左一陣,就勁走勁走番番屋企
5點零鐘,媽咪番黎佢問我見點
我話我好番好多
佢就話你又話個醫生問非所答o既"
咁佢係問非所答呀Ma。。
唔.........雖然而家好似好左]
但係我發覺我食完D藥開始就有咳喇....
唔通D藥有問題??哈~我諗係我有問題o者!!
夜晚....食左小小粥...
唔.。。。我好想食西檸雞呀........
今日都好似冇咩特別野發生咁o既~~~
有呀有呀!!!好重要架,今日我落車行番學個陣
我見到紫霞老師由呢個市中心天橋行番學校
於是我以一步當三步行過去啦
點知~~都係追唔到~~嗯。。。
-----------
我怕
我怕許多事情不如意的發生
縱然不如意的事情十如八九
但再趺下來。。就再爬不起...

︿由自己擁有自己!!︿

>>March 11, 2003 at 2:19:18 PM GMT+8