2003 年 4 月 12 日 星期六 【晴】

今日係星期日~一如而往出左去元朗飲茶同埋去左百佳
唔知係咪D人困得太耐所以今日條街有好多好多人
百佳都有好多好多人啊~~
今日番到屋企,就好乖咁做功課....stats呀Ma
點人一路做一路揭書仲要唔記得佢上堂講果咩..唉唉
夜晚個陣我係度整緊Mango Pudding同紅豆糕
我舅父突然番左黎,仲俾左疊野叫我打..
於是乎。我整好哂D野十一點幾就開始打..
打到點幾仲有好大疊~我叫細佬去訓覺先
點知二點幾個陣我聽到房出面有人咳又有電視聲
我好驚喎........唔敢出去..
三點幾有人敲門,一開門~大叫..
車...原來係我細佬仲未訓係出面睇電視
佢又唔知佢自己夜晚個樣百雪雪咁....嚇死...
唉~4點幾仲未打完.開始有D睡意..
不過呢個時候好彩icq仲有人於是同佢地傾偈
咁都好D.....六點....
鐘意打完但係print個陣有D問題..
毫就係我呢個電腦百痴唔識較D位
係我絕望之際.,突然醒起有個icq frd係電腦高手
佢又未訓於是send左俾佢叫佢幫我整
六點半!!我舅父番左黎而我又搞掂哂~~
拿拿臨俾哂成疊野佢,然后衝上床~~
各位早抖....
-------
快樂是什麼?
自私的?是人所追求的?
我不知道
我只知道
人們追求快樂,是因為他們不快樂

　　　　　　　　　　　　　　　　　　　　　︿我不稀罕愛情︿

>>April 15, 2003 at 6:42:57 AM GMT+8

2003 年 4 月 11 日 星期五 【晴】

今日係星期六~~
今朝十點幾就自動自覺咁起身~~
我o既早餐都好好味架~
係自己整o既朱仔包+jam+芝士腸+熱檸茶~
嗯~一路睇TV~一路食一路睇報紙~~嘩!!正
而TV做緊日劇""我要cake 一cake""
好靚呀D西餅~唔知我幾時會整到佢咁呢~
不過。。唔知過完比賽我仲會唔會整呢?
唔知呢?總知知道~~等下次Econ補完習之後~
就要出屯門買整野食D野~咁就要買好平的Cream
學下裝飾我的旦糕~哈哈
下午不停的睇電視
之後...訓著左喇..
夜晚又Non-stop咁整野食
整左砵仔糕+Tiramisu~
。今日夜晚..上網睇網頁
曾經講過有D事情唔去在乎.
但係我自己呃自己掛
係網度睇左好多野
亦都睇左D相...
自己對自己的承諾
點解要自己一手破壞
我唔知我唔知我唔知我真係唔知.......
---------
人----逐漸面臨崩潰
心----漸漸的去封閉
其實我的心在想什麼呢?
我都不知道。。。。。
　　　　　　　　　　　　　　　　　　　　　　　　︿夢中主角仍然未碰到︿

>>April 13, 2003 at 5:52:58 PM GMT+8

2003 年 4 月 10 日 星期四 【晴】

Tday is Happy Friday??
今日食面包夾雪糕~~呵呵
不過之後就好飽喇,
無他o既之後又食左烘面包~~~~
嘩~今日好勁~十點幾就起左身LU
晏晝整野食~~整左奶油卷(即係面包)haha~~
之後阿媽番黎,我將個面包連同今日買的
菠蘿包擺埋一齊~叫阿媽食面包
佢食緊我個面包個陣~我問佢似唔似街買個D
佢話咪一樣~呵呵~即係我整的面包好成功啦~~Yeah~~
不過之後就唔多Happy 喇部電腦唔知做左
發生問題~~去web成日都唔得
仲要人地關閉explorer...唉~~苦~~
哈哈~~今日係蝦仔生日~生日快樂啊!!
出年大家就有得見~~~
你唔好係我考A-level個陣番黎...
如果唔係我地就冇得日日去街街架喇...
如果你睇到~記住你要識做呢~~kaka
---------
失眠了好幾天.........
如果睡前不用想學校一切一切的事
我想....我會很快入睡.。。。
︿I want a brand new day︿


>>April 13, 2003 at 4:52:58 AM GMT+8

2003 年 4 月 9 日 星期三 【晴】

唔~~今日一朝早起身又食面包夾雪糕啊~呵呵
不過唔知點解今日等左半個鐘俾我等番個私家位坐啦
又有報紙,又有電視。食完之段都覺得差DD野~~
唔~究竟係差D咩野呢~我都唔知呀...
可能因為呢排日日都成十二點先起身
所以D時間都過得好快~~
下午同腸腸同榮榮係tahoo度篤波..
唔~我的技術......好似打左成五鋪。。
佢地2個無端端未入哂督就入黑波~我先贏到~嗯
都係要諗辦法改善球技喇~~
跟住就係度睇細佬打PS2,自己無端端訓著左,
到夜晚食飯先至起身~~~
之後整左Tiramisu~~終於做左幾篇News cut..
不過面對成20篇未做~~唉
臨訓之前~~check下內聯E-mail
發覺MS LAm send左封Mail俾我..
不過哈哈~~個Target應該係詩詩~`
不過MIss可能見我地個名似得劑~
所以send錯左俾我~~聽仍講唔駛做computer功課
嗯..你話如果stats都唔駛做~咁幾好~~呢~~
-----
臨睡前~想了許多後來
想了假若學期尾的到來
發生的一切一切
但不知為何
想的全是壞結果
很害怕....怕...

　　　　　　　　　　　　　　　　　　︿流星許願　　　　從來太遙遠︿

>>April 11, 2003 at 3:59:13 AM GMT+8

2003 年 4 月 8 日 星期二 【晴】

唔~今朝起身~突然好想食杯麵呀~~(哈哈~成十二點幾先起身)
嘩諗番起對上一次食杯面都唔知幾時喇~~
跟住我滾左個辛辣杯麵食~突然發現~
梳化上面有一份報紙啊~哈哈,我快樂的早餐啊~~
不過~~我的"食早餐"位俾人坐左......
仲有,..個杯面都唔好食o既~~咦............
唔滿足唔滿意啊!!!聽日要食得好味D先~~~
之後食琴日整的清旦糕~味道唔差~但係都唔夠百佳個D咁好味....唔~~
跟住~無端端想食糯米慈~咁就走左去整喇
整完之後~~玩左陣電腦~~發呆左一陣~~
竟然訓著左~~
訓左一陣就食晚飯Lu~~
唔~~~八點幾個陣~走左去整旦撻~~
焗梗個陣~我走左去玩呼拉圈
突然先記得我整緊野食..
哈~於是睇下,,,弊喇~~D旦熟得劑~
起左個好大好大的泡泡呀~~
呵呵~~出爐後~又下陷番
至於好唔好食~聽日.先試LU~~
哈哈~諗住今日做功課架~但係.~~嘩哈哈~~聽日先算啦!!
呀!!夜晚睇電視個陣~見到一個賣CD的廣告~~
入面有首歌~我搵左好耐架喇~~
幾年之前~`無線做<<真情告白>>咁o岩我有一個星期番左大陸
係電視機度睇到它的廣告播緊歌""要知道傷心總是難免的""
聽到後,番番黎香港我就不停咁搵呢首歌叫咩名。。點知都徒勞無功
但係竟然係頭先俾我聽番~原來係陳淑樺的""夢醒時份""
唔~~~終於搵到喇~~~
um,...聽日要諗辦法早D起身~呢排日日成十二點先起身....><
＊今日整左糯米慈＋蛋撻＊
----
人雖不累﹐但心很累
學校的事﹐已令到我筋竭力疲
面前的路﹐我也不懂怎去闖
要站起來﹐我只知不可在人面跌倒
心累心累心真的累。。。
心煩心累心煩心累。。。苦不堪言

　　　　　　　　　　　　　　　　　　　　　︿要知道傷心總是難免的︿


>>April 9, 2003 at 4:55:28 PM GMT+8

2003 年 4 月 7 日 星期一 【雨】

今日的早餐~本應好好開心~
因為我食烘面包夾雪糕做早餐呀!!!
之不過食緊的時候,ATV就播張國榮先生o既靈堂消息
唔~成個人都有少少sad,因為我覺得一切都係黎得好突然~
唔~雖然我唔係佢的Fans,但係佢的離去~我都有少少難過~
因為樂壇上又少了一位出色的歌手~
當我食完我的早餐後~我的工人由元朗番黎
佢拎住一份報紙~唔~就係因為少左一份報紙~
我的早餐就美中不足了~~
不過仍幫我買左斑蘭汁呀!!要係India'so既shop買~~
因為我驚雞同鴨講~所以我叫佢幫我買~~
yeah~~就快有得整印尼甜品了~~~~
晏晝個陣~都覺得有D無所事事Feel
於是乎!~~我凡做隨筆~~
點知做到五點幾~都寫唔到一篇野出黎~
跟住就走左去沖涼,沖完後~Miss Tse打黎....
唉~~要加功課~~
仲要做stats...天啊~~~~
唔~~好多人都知我唔鐘意上stats堂,
佢地問我點解唔drop左佢~
其實我唔係唔鐘意計數﹐只不過
我唔鐘意聽Mr.Lam上堂o者!
佢教得好好~不過佢齋Talk
好少有得俾我計~~~~~
夜晚個陣~我見到有煮野食網的網友話
屯門Jusco有燒八爪魚模sell
我上次專登去搵都搵唔到!!於是我叫我阿媽同爸番屋企個陣順便幫我買
點知。。阿媽話唔去人多的地方....嗯~~SARS!!!哼哼!!!
我的八爪魚模啊.....><
不過夜晚個陣~見屋企有幾隻芒果,就整天芒果布甸同清旦糕~`
可惜我個旦糕模太大~`蛋糕整出黎唔係好高~~
但係一個蛋糕模的Price又好貴~~唔........-.-
只於好唔好食呢~基於我入夜後好少食野~
所以都係聽日先試啦~哈哈
＊今日整左芒果布甸＋清蛋糕＊
－－
會考將近,看見許多人都會自己的CE而努力
縱然補考又好,無論怎樣也好
看看自己,明知CE將近
明知自己要重考英文
但,何時我才學懂發奮呢.....
又何時才學懂為自己著想呢
每天都生活在黑暗悲涼的心情中
為什麼呢??
我想:我要學憧站起吧!
︿快樂不快樂
　　　　　　　　　　　　　　　　　　　　　　　　　快樂後不再快樂︿

>>April 8, 2003 at 5:47:18 PM GMT+8

2003 年 4 月 6 日 星期日 【陰】

今日係星期一啊~一起身就食左個好舒適的早餐
就係一路食野,一路睇報紙喇~~
之後走左去整糯米慈~
唔~整開心喎~今次整左二隻色o既皮出黎
一隻係古古力色﹐一隻係紫色~呵呵
跟住就走左去睇TV~
睇到3點幾~阿婆話去睇醫生~
咁細佬又落去買PS2,橫掂阿婆腳痛
要搭的士落去~於是我又一齊去
落到元朗~去左嘉頓個度買Lady fingers~
哈哈~因為諗住整 tiramisu俾同學食~
不過都係星期六先整啦~~
之後細佬走同阿媽去左喜利買Ps2
我都有去~唔
雖然琴日都有落元朗~但係好耐都未行過元朗廣場個邊lU~~呵呵
夜晚個陣~~咩都冇做~~~唔~~D功課都唔知點好LU~~
唔....好似好快就會放完假咁----
不過好想快D到聽日呀...因為聽日個早餐好好味
唔~~~聽日呀聽日呀~~~~~呵呵呵
--------------------
我以為我一早放低
但可恨自己一事的心亂
又要令到自己。。心不靜
一早已經放低的事
我一定要放低!!
　　　　　　　　　　　　　　　　　　　　︿不寄望會感動誰︿


>>April 8, 2003 at 5:20:23 AM GMT+8

2003 年 4 月 5 日 星期六 【陰】

今日心情。。。少許糟透。。少許疼恨。。。自己。
　　　　　

　　　　　＝＝＝予欲無言
　　　　　　　　　　　　　　　
　　　　　　　　　　　　　唯有淚千行＝＝＝

>>April 7, 2003 at 10:13:55 AM GMT+8

2003 年 4 月 4 日 星期五 【晴】

今日係清明節~但係今日唔駛去掃墓住喎~~
呵呵~琴日叫阿媽上黎個陣買粢飯俾我食~~(因為今日佢休息)
唔~~~一起身佢就番左黎所以我食左一條+半條粢飯~~好好味呀!!
之後玩左陣電腦,又做左d功課~期間又食左一碗糖水,好濟好飽呀
下午O既時候,其他舅父仍地番哂黎成間屋變得好嘈,我同佢地打左陣羽毛球
就番左入屋
夜晚食飯個陣~我爸爸煮左翅哦~~(雖然係仿翅)
但係皆因我朝早食得太飽,搞到我夜晚咩都食唔落....蝕哂添
跟住榻糯米慈~聽日拿同學~~
凌晨個陣個肚係度打鼓。。我個個細佬又"六"杯杯虹面黎引誘我
天呀~~我梗係唔食啦
之後就唔玩機就去訓覺lu~~
今日係一日好無聊的一日,皆因咩都冇做
----------------
何時開始,懂得把自己的心封閉
何時開始,憧得把自己的感情封閉
也許,這是不智的抉擇
也許,這是不智的做法
但。。。。

　　　　　　　　　　　　　　　︿原來平時客廳孤單的一角太像我︿

>>April 6, 2003 at 9:18:14 AM GMT+8

2003 年 4 月 3 日 星期四 【晴】

琴晚唔知點解失眠喎....不過今日諗諗下,我琴日下午訓左晏覺喎.....
今朝一早起身,就立刻試琴晚個個雪芳旦糕`~食落去有D似紙包旦糕feel
但係又有D似嘉頓個隻雪芳旦糕feel...。因為咬落去好鬆軟..
即係點呢~哈哈~我都唔知呀~~~之後食埋Last個個中東包
下次要整大個D先。
根住立刻開電腦(8點幾咋喎)冇他o既而家咁o既鐘數唔玩,
唔通等個2件人兄同我爭電腦時先玩咩!!
跟住諗住整Puff喎...點知整整下..好似整錯左咁
之後就當失敗的掉了它們...
但係之後又諗諗下,我加多隻旦落去咪冇事Law....er....
唔緊要`聽日再試過~~呵呵
睇左整電視,跟住整格仔曲奇餅
即係朱古力加牛油味~分左三次焗
每次焗完就一陣間俾人食哂
哈~好彩留左D俾自己o者
因為有小小雨所以留係屋企慢慢咁嘆報紙...
嗯~如果有一件Tiramisu,再加碗糖水~就真係人生一大樂事~~
好~星期日要整Tiramisu
唔~~今日沖完涼後,成個廳得番我,Dad mum,brother係度傾偈
好耐都冇試過咁喇~一係就我有我忙`一係婆婆個D係度睇TV
哈哈~講講下細佬話要買PS2,其實阿媽一早應允左今個月買
佢同細佬一人一半
於是細佬就叫dad夾$啦,爸話你拿$500黎其餘我俾~
於是細佬就辛辛苦苦(扮冇錢其實仲有錢過我)拿出一疊錢俾爸爸
然後大冇施樣咁番入房~係佢行緊個刻
阿媽要佢停係度~叫阿爸數下夠唔夠數
點知,,,hehe俾我地古中左得400蚊
梗係啦~我細佬最鐘意唔聲唔聲當冇野咁架啦...haha
佢冇可能會咁大方拿出五百蚊來最後佢梗係要俾埋個蚊啦~~哈哈
食完反阿爸阿媽走個陣~我叫阿媽聽日買粢反俾我食,哈~因為我懶得整~~
之後都係做下功課~又騰黎騰去咁啦~~哈哈
-----------
爸爸同我講,佢鋪頭生意好淡~因為傳染病影響,所以D人唔敢去飲茶
佢話如果生意仲係咁,可能要cut人。。
唔~~我都好擔心老豆會冇野做~因為到時得阿媽一份人工..
一闊三大~~好彩呢排細佬冇去打on-line games,可以省番D~
唔~~自己已經好慳好慳~有時佢地俾錢叫我買出街衫咁,我又唔買
冇他o既,一件衫都好鬼貴~~不過今年點都要買番一件,2件..俾佢地話得多喇
hehe..我D出街衫好似係前年著到今年.....-.-
其實我想搵Part-time...但係而家D傳染病~唉~我諗阿媽唔俾架喇
就算佢俾,阿婆都唔俾啦..唉...唔知呀...唯有慳D駛啦...-.-
-----------
對上一次真正開心的笑的時候....我想要追溯於半年之前了
但,
對上一次傷心的時候.......我想~不用想了..都時近排的事
不過,我只知道
只要不踏足學校,不談學校事
雖未至於開心
但至少心也有所釋懷
　　　　　　　　　　　　　　　　　　　　︿I want a different way︿





>>April 4, 2003 at 5:25:23 PM GMT+8