2003 年 4 月 2 日 星期三 【晴】

今日十點就起左身Lu~~係咪好早呢
一早起身就試食琴日整o既古古力糯米慈
咬落去~嘩,入口即溶呀~~勁正呀!!
之後就諗住做功課~但係追緊電視節目喎...
所以...哈哈一路睇TV一路玩呼拉圈..
唔~~腰骨好痛添~~-.-
之後又整糯米慈~~俾大舅父同阿媽拿番去佢地屋企呀ma
之後就出左去玩啦又打羽毛球同打兵乓波
之後TV講停課D野梗係去睇啦...
唔~~提早放easter holidays..究竟好定唔好呢
要扣我D暑假...又有咁多hw未做....mmmm.....
夜晚個陣整左雪芳旦糕~但係我仲未食呀~~
等我聽日試下先~~哈哈
＊今日整左五色(餡）糯米慈+,雪芳旦糕＊
－－－
如果有一日，臨訓前可以唔駛諗咁多學校o既野
你話幾好呢．．．．．．

　　　　　　　　　　　　　　　　　　　︿願望是分開一下請勿講︿

>>April 4, 2003 at 1:10:40 AM GMT+8

2003 年 4 月 1 日 星期二 【晴】

今日10:30am,收到一個電話~~~唔駛古都知邊個會咁早打黎
梗係我班主任啦﹐傾左幾句,佢叫我繼續訓仲話打俾好多人
佢地都訓緊覺~諗住都係晏D再打過(唔~~呢個係門智的做法!)
不過之後就訓唔番~~唯有起身啦~唔~睇左一陣電視
部電腦又俾我屋企的細佬攏住打Game.
哈之後就自動自覺咁做Hw~~
哈~做唔夠幾個字,就做我想睇的TV~~於是就睇Lu
睇完之後又整野食~~
唔~~今日整左都算多野食
整左四色(餡)糯米慈
有豆沙+奶皇+蓮蓉+花生
仲有薯蓉同中東包~哈哈~好開心喎~~
之後就同細佬又出去打羽毛球喇~
不過唔知係咪太飽的關係
夜晚就冇食飯~~
而爸同媽臨走之前
叫我整d糯米慈俾佢地拿番屋企俾姑姐個d食~
大舅父又係咁講呀~~不過剩係要花生餡(yEAH~~有得整有得玩)
於是乎,今日夜晚我再試整多次因為我想睇下d糯米慈第二日會唔會硬左~~
哈哈~今次仲"勁"~~整左朱古力餡~不過我太飽喇~都係留番聽日先食啦~哈哈
夜晚部腦都係俾細佬同我個大唔透的二舅父擺住係度"篤波"
唔~~都係腸同學介紹我玩M佢地見到我玩後之後便迷上了.....0.0
唔~~都唔知第日幾耐先掂部腦喇~~~
唯有乖乖地做功課啦~~
不過當我再玩部電腦打下野一陣咁O者
古唔到已經成點幾喇~~嘩~都係訓喇~~哈哈
＊＊今日整左五色（餡）糯米慈+薯蓉+中東包~~＊＊
－－－
我曾答應自己,踏入四月~要努力溫習CE
我曾答應自己,踏入四月~要開始努力
但似乎一切都只是空口說白話
什麼都未完成,何來談努力??

　　　　　　　　　　　　　︿命中主角仍然未碰到～～︿

>>April 2, 2003 at 5:40:32 PM GMT+8

2003 年 3 月 31 日 星期一 【晴】

今日係愚人節。。嗯~~原本今日係要番學
諗住可以玩下同學。。點知而家仲係停課~~~
今日係屋企都算有D野做~~有做功課架
又同細佬打羽毛球,不過今日冇咩整到野食
都唔知整咩好~~哈哈
不過今日我真係俾人玩喇
話記四點幾個陣~係度睇緊至Net小人類
電話響話係衛生署O既人打黎,仲要係搵我
我好驚呀;..佢仲話我驚學校有人中左近排O既傳染病
我梗係問下邊個FORM啦
之後佢話問我幾個問題有冇中
""非典型胃炎""下~胃炎
我覺得奇怪﹐於是我擺低電話
打開書房的門。。發現我舅父拿住我部手提
細佬係隔離偷笑。好明顯係佢地玩我啦
於是我就係度追打我舅父喇~~!哼!!
夜晚都係度做功課~~諗住整旦糕架..
但係勁飽
之後上腸腸的gb,有同學留言話張國榮逝世
我都好突然,以為佢係度玩人
於是我聽903同睇web求證。。古唔到係真架
我覺得好可惜同埋好突然Law~~
因為我覺得佢的歌藝好好同埋佢應該唔係咁易輕生的人
都係留意聽日的報紙啦!!
佢有一首歌我好鐘意架＊路過蜻蜓＊！！
-----今日整左**紅燒豆腐***-------
－－－－－
我很堅強﹐只少在人前我不會顯示脆弱的一面
我很快樂﹐只少在人前我並不會有不快樂的一面
我很勇敢﹐只少在人前我不會怕做任何事
但。。實實在在呢??

　　　　　　　　　　　　　　　　　︿哭 我為了感動誰 　　　　笑 又為了碰著誰︿


>>April 1, 2003 at 5:54:29 PM GMT+8

2003 年 3 月 30 日 星期日 【晴】

今日係3月o既最後一日﹐亦都係踏入停課o既第一日
朝早一早就起左身﹐但係都幾悶
不停咁..打機同睇電視
之後又整野食喇~~
今次整左三色糯米慈。即係有三種唔同的餡
有豆沙(至愛)﹐蓮蓉同奶皇~~
今日未到食飯之前以經比屋企人食哂Lu~~
下次要整花生餡先得~~哈哈
二點幾又同細佬去打羽毛球
打左一陣就番左屋企整朱古力曲奇餅~~~
之後又出去打羽毛球
不過今次唔知係因為我同細佬打得太落力
定還是個羽毛球的質地唔好。。打左一陣
就爛左喇~第二個喇..-.-
咁真係唯有番屋企。。進入半睡狀態
就有同學打電話黎問Econ~~教完佢之後就醒哂Lu~~
夜晚食完飯之後﹐Miss Tse打電話黎
我就同佢講""MIss,我發緊毛喇..."""
傾左一陣,Miss就叫我趁呢個week讀下英文
因為上次考試paper fail左~~不過佢跟住又講番D我
唔想再聽到o既野~~即時冇咩mood喇
10點幾,細佬話想食野我叫佢自己整,
佢整左面包布甸~~唔。。都Ok o既(第一次都算係咁架喇)
之後我就係度諗聽日整咩野食好~唔~冇得落街買材料
但係又想整野食~又要叫阿媽買~~真係~~苦~~~
　　　　　　　　　　＊今日整左糯米慈同朱古力曲奇~~＊
----
今晚聽完電話一陣,都冇咩野架喇
但係係寫呢篇日記十分鐘前﹐百無聊賴咁周圍睇同學的gUESTBOOK
咁o岩睇到一篇同學o既日記。睇完之後......冇哂心機喇。
原本有D野應該番學先至諗。點解又要我而家諗起
俾我開開心心咁過呢幾日都得掛....
我真係唔明,點解有D人真係唔駛花任何勞力/努力
就可以想點就點。但係我呢????咁又點呀?運.?點解唔輪到我喎!!
＋＋＋＋＋＋
付出過﹐努力過，辛酸過﹐跌倒過
我不怕﹐我不介意﹐我不埋怨
我但求得到同樣的回報﹐得到同樣的結果
但為何我卻不能夠?
要追回那些失去的﹐要証明還有機會的
談何容易???

　　　　　　　　　　　　　　︿讓我不斷忙。。。忙掉多渴忙︿


>>April 8, 2003 at 5:22:17 AM GMT+8

2003 年 3 月 29 日 星期六 【晴】

嗯~~今日一早起身去飲茶
落到元朗~好多人都戴哂口罩
今勻變左唔戴個D係異族(哈~即係我Law)
間酒樓都有好多吉位
走個陣間酒樓都係冇咩人~唔~有D恐佈
之後就去左百佳行左陣~咦~今日冇勁買野添`哈哈
番到屋企。。又整Tiramisu,不過今次榻軟身
唔知好唔好食呢~~
之後個幾個鐘又好似琴日咁~行行企企,打機。。。
唔~~今日細佬提議BBQ
所以咪燒LaW~~
不過食完好飽呀~~~多左個大肚腩。。
上下個磅。嘩~~比今朝相差成6磅....><
其實都有個主要原因o既~~~
今日去百佳前同細佬去左OK食雪糕
睇下揭唔揭中送叮噹個張貼紙
點知第一次唔中我地又再食多次。又唔中
我就試多一次。都係唔中...
前前後後我都食左三杯雪糕。。。唔飽唔重就奇喇.....
好~下次要繼續努力~~哈哈!!
------
曾經﹐我學習過快樂
曾經﹐我學習過微笑
奈何﹐一段又一段的難事
奈何﹐一次又一次的重挫
令自己由山峰摔倒至谷底下
快樂﹐一早已經失去
微笑﹐一種假的掩飾

　　　　　　　　　　　　　　　　　　︿不會哭於你面前︿



>>March 30, 2003 at 4:35:44 PM GMT+8

2003 年 3 月 28 日 星期五 【晴】

今日係星期六﹐但係就八點鐘起左身喇....
天啊~平時番學都唔願起身架~
不過起身後﹐恐怖o既事就發生喇
我打開個雪櫃~切左件琴晚整o既Tiramisu黎食(好味呀!)
跟住食左塊士多啤梨醬吐司
食左塊燒餅同兩碗喳咋(有冇嚇親你地呀??-.-)
跟住就冇野做~係屋企行行企企﹐又唔願做功課
於是係網度上上落落~打左陣機~又行行企企~打機...
下午個陣~又食晏今次食左三碗粉仔﹐一碗喳咋~二件Tiramisu~
之後Dad落左D奶皇番黎~於是整左糯米慈
有豆沙同奶皇兩款,我鐘意食豆沙餡多D~~^^
夜晚食飯~Yeah`有我最愛的西檸雞於是。。又勁食勁食。。
夜晚就冇整野食喇,因為都唔知整咩好添,嗯~
不過食反前受同細佬打左陣羽毛球﹐諗番起
細佬每個weekend都去打機~好耐未同個佢一齊打波喇~`
如果唔係因為而家有傳染病‥佢就會今日走左去打機喇~~~
唔~~今日真係好悶呀~~發毛喇~不過今日唔駛補習
有得Relax,都幾好呀~~
++
唔~~今日個D Tiramisu..我屋企人食左好少
冇他o既,佢地都唔好芝士.....
得我同細佬食~~
哈~算啦~正所謂~""獨食難肥呀Ma~""
之不過加埋細佬..咁咪...~~唔理喇~哈哈
------
其實,有三個字﹐一直不敢說出
當然﹐並不是最肉麻的那三隻字
其實回想那天﹐我真的不要太衝動..
我都是因為對事情太緊張﹐所以才會衝口而出
當天~我也後悔~真的後悔
向友人道出整件事情後﹐心情不免舒懷不少
但﹐心中仍耿耿於懷
第二天﹐很想對他說
但﹐不知為何﹐剛到口唇邊又不敢說
如是者﹐事情雖然過了多二個多月
但仍放不下。。心中總像有一根刺似的。
在icq上又不知怎樣說,好像不夠誠懇
在學校上生怕二人距離太近﹐會給人說閒話
何時開口?我不知道。
我想。回到校時。一定要找個機會對他說
以放下心頭大石。
其實﹐只是一句普通的==對不起==
為何要拖這麼久??
　　　　　　　　　　　　　　　　　　　︿別讓難忘的往事　都變成了一段傷口 ︿

>>March 29, 2003 at 4:48:36 PM GMT+8

2003 年 3 月 27 日 星期四 【晴】

唔~~今日PA宣佈左,
下個星期停課,我竟然唔想停無他o既
都唔知佢會扣Easter定暑假的假期~~唔制呀!
今日上中史堂~唉~~Miss又俾功課喇~要做四題Past paper的questions..
嘩一題成2版幾紙。。又排做啦~~~
今日成日都留係班房~都冇咩點出去
5樓喎~~我唔想行上行落架~~
今日Lunch所有老師都有短會開
哈哈~第六堂係stats堂,但係佢地都未講完
點知D老師開完之後,所以同學都番哂課室聽PA講停課D事
一講就講左成堂~咁就唔駛上喇~~Yeah~~
今日兩堂吉堂都冇咩野做過
剩係不停咁睇圖書
唔~今日要補習
係個度我sleep左成半個鐘先起身
嘩~好累好悶啊~
夜晚番到屋企~~~
沖涼個陣英皇打黎話聽日唔駛補習~~
Yeah`我原本聽日都冇諗住去架咁~就冇蝕喇
今晚整左Tiramisu~但係裝個個盆太大
唔~~搞到個Tiramisu個高度好矮
整出黎咪唔好食Law..唔唔><
-----
以前,我從來都不相信世上有不勞而獲的事
我總以為憑自己的努力,鬥志總會成功
可惜,如今我終於知道什麼叫不勞而獲"
那些人什麼都不用做~只要指指點點就行
這些人得來的結果卻是一個又一個的佳績
這不是不公平嗎?
我的努力,竟得不到什何成功感
但為何他人毫不費力~就能心想事成??
我能恨什麼?為何要得這結果。

　　　　　　　　　　　　　　　　　　　 ︿命該如此 我會認我輸︿

>>March 28, 2003 at 4:33:58 PM GMT+8

2003 年 3 月 26 日 星期三 【晴】

今日原本整左紅豆燒餅~~諗住早D起身煎完番學校請同學食
點知唔夠時間~~唔~~所以都係留番俾屋企食食啦~~
今日去５０４室上堂，一入到班房好恐怖
又焗，地下又污糟，又勁多垃圾！！好鬼得人驚～～
好焗好難頂～我寧願去番地理室呀！！＞＜
今日都係咁過喎～不過學校都好多人用左口罩
咁又係，小心D好～講真～～
我最驚染到D傷風咳咁傳染到俾細佬
咁就麻煩喇．．會好擔心佢架ma!!(特別係咁o既時期）
今日上中史堂的時候，突然有PA,我仲以為宣佈停課～
原來係同我地講取消哂d早會週會咁o者～～
唔～～今日UE唔駛上～用左兩堂時間先作好一篇英文作文．．
不過個班房好靜～～～嘩～～
放左學之後～諗住同阿曼一齊去買豆沙
於是去LIbrary同同學佢地講走先
不過腸腸話好似係打字比賽，咁阿曼唯有一個走先啦
於是我同腸腸落去．．發覺又好似唔係～～
跟住就勁走勁走走番屋企諗住做功課～～
４點２就番到屋企喇（哈～好快）
唔～～一路食２個燒餅，２碗咋喳一路嘆報紙（好正feel)呀
之後諗住做功課～～但係係梳化訓著左．．
一起身就講停課o既消息～原本好Happy
但係好似話Easter Holidays變左冇得放．．wu..蝕左喇～～
今日番到屋企，見到爸爸蒸緊旦糕，佢話阿(女麻)想食
所以蒸完拎番屋企俾佢食．．唔．．
佢仲話一個人臨過身之前就會想食好多自己想食o既野
死啦．．我真係好驚佢會有事～～我覺得我唔係一個好孫女
一年先番得去阿爸阿媽屋企兩次，一次係同佢拜年，一次係佢生日
所以每次我番去，佢都會對我好好，又會俾錢我．．
我真係好驚佢會有事．．雖然我成日都好想番去
但係我阿媽又話唔好．．咁又係，番到去又唔知做乜．．
唔．．我好怕．．真係好怕，假如佢真係離開，，我會受不住．．
今日冇整野食～～因為要趕功課～不過諗諗下～～都係遲D先啦‘哈哈~
－－－－－

我恨自己，為何腦海中全是一幕又一幕不快樂的記憶
每天步行回校，一個人獨處，睡前
所想的，全是不快樂的事，一幕又一幕，又再活現在眼前－－我很害怕！！
於是我努力的尋找一段又一段快樂的往事．
但似乎找得到了，卻給不快的事蓋去－－徒勞無功！！
為何我會像每天活在黑暗之中．．腦海中又泛起．．那些不愉快。。
　　　　　　
　　　　　　　　　　　　　　　　　　　　　︿明白孤單一個　都要自強︿



>>March 27, 2003 at 3:09:30 PM GMT+8

2003 年 3 月 25 日 星期二 【晴】

今日整左芒果布甸番學校~~
唔~~UE又唔駛上
所以今日有四堂吉堂
不過都好似冇咩做過咁!
今日係中五的Last day
不過我覺得氣氛冇我舊年咁好
因為台上好多都係講近期好hit的新閒~~~
唔~~今日都係咁啦~冇咩野特別野發生
唯一特別o既係今日上history堂
聽隔離同學講番琴日比賽
有中一話俾佢聽琴日應該計錯分
應該係同分架..而且我仲發現有一條題目他社係答錯而MC話左佢對。
唔~~如果當初我知道o既話~咁勝出o既...
唉~唔知呀唔知呀~~
冇喇~今日放學同腸腸and keiko去食糖水
我叫左一碗(等左2個星期架喇)叫清心丸o既野(個名好特別喎)
點知食落原來係冇味o既~`唔~~又唔係圓形喎
我仲諗係圓形添~~-.-
今日整左好多樣野食..
原本整完旦糕都係八點幾
但係我又唔想做功課。。於是又繼續整
我覺得自己好衰呀...唔可以唔理功課架Ma
點解考完試之後懶左咁多架。。><
今晚整左。。旦糕同燒餅啊~~
---------
舊年o既琴日。。離開左所屬的班房
去闖自己o既路
而今年o既明日,我又會重踏那個充滿回憶的班房
但地方依舊﹐人面全非
況且那個班房就像不是再屬於我----至少那裡的佈置已不一樣
一切活在回憶之中的同時
我想我應該再面對前面的路
　　　　　　　　　　　︿曾如何受傷　　　　都可以像鋼一樣強　︿

>>March 26, 2003 at 3:52:37 PM GMT+8

2003 年 3 月 24 日 星期一 【晴】

今日整左豆沙餅番學校食
mIss又冇番學﹐整係交低要做D咩野
唔~~今日派中史同Stats卷
中史o岩o岩Pass而stat唔合格啊...嗯..
今日下午Lunch食魚香茄子生抄骨飯呀~~太好喇~~
成兩個星期冇食到喇~~~
今日係社際時事常識問答比賽
我社得第二
放學後econ補課~~呼`好辛苦啊..好眼訓呀
--
今日番到屋企爸爸買左個新焗爐番黎
不過比以前個個細好多
不過咁又可以焗野食喇~哈哈
今晚整左芒果布甸啊～～
++++++
我不明白
有些人做事馬馬虎虎的便能有一番大業
我不明白
有些人做事比誰更上心的卻總注定失敗
我不明白
有些人做事總愛未問原因--開口責罵
我不明白
有些人做事總愛虎頭蛇尾--難攤子總要其他人去收拾
我更不明白﹐我最不明白
有些人最愛把自己的怒氣付諸於在我身上!!!!!!!!!!!
為何有些事情結果不關我的事﹐卻要把一切責任歸究於我~


　　　　　　　　　　　　　　　　 ︿兒時常夢想　好好去做社會棟樑
　　　　　　　　　　　　　　　　　　　　　　　　　　強人才得獎　哭泣算甚麼賣相 ︿


>>March 25, 2003 at 2:03:47 PM GMT+8