|
2004 年 6 月 16 日 星期三 【晴】
今日~嗯~下午去左M記‘因為王子佢地傾同學錄的野～～
我睇下有咩野可以follow下～嗯～Cat cat去完台灣番黎～
買左手信俾我～嘩哈哈～～係叮噹的書呀～～入面有得砌大雄住個間屋～
好，等我得閒就砌你啦～kaka。之後我就去左補習～同keiko講如果佢傾得耐的話‘
呵呵～等埋我去吉野家食Tea~我好想試下ｏ既～
去到補習，要補到５點～Keiko４點幾打黎話傾完～係元朗行陣等埋我～
話～我拿拿臨咁同個靚妹dict~哈哈～平時補３個鐘俾佢～今日５點～即走～
落到去元朗～去左吉野家～見到米榮同埋小燦～哈～一齊坐～食野同傾偈‘
Kaka~我地都傾左好多搞笑野～由５點幾坐到７點幾～我又冇番屋企食反～呵
之後～走啦，原本諗住今朝踩BMX到朗屋企俾野佢～但係起身先知條o太冇氣..噢~
所以諗住夜晚過去~打俾Head hunter~KAKA~叫佢係小學門口等我~佢踩架BMX載我入去`
嗯,呢個時候就發覺~有多dfrd真係好~嘩哈哈~
番到屋企10點幾~~嗯~好累啊~不過聽日DAY off~個細路話唔補,佢話星期六都唔想補
點得架~我咪冇人工~我話唔得,你要溫架Ma~ 哈~
夜晚上icq..唔....玩左陣~到點幾訓了~
 Catcat給我的手信
--
今晚12點幾整野食~~~整到點半~柳橙雪芳旦糕
 失落的柳橙雪芳旦糕～＊
--
我個去左旅行的frd,收唔到我的sms..冇了...
>>June 19, 2004 at 5:33:42 PM GMT+8
2004 年 6 月 15 日 星期二 【綿綿細雨】
今日~又係補習Law~~不過,今日補左好耐好耐呀
一直去到5點幾6點~今日個學生好眼訓,咪俾佢訓陣Law~
哈~基本上今日我都好累下~~去到5點幾先走~落到元朗
行左陣圖書館~嗯~之後7點鐘去左M記等阿珊<-我那小學同學
因為今日係佢地個教會個組有個聚會~~佢帶我去左參觀錦光個間野~
都幾Ok啦~哈~之後成8點鐘先開始。平時係主日學剩係知道D人o既名~
今次可以同佢地傾埋偈。~~其實我都知我係pasive個個~但係~都冇辦法。
大約十點鐘度完~~內容有唱詩歌~佢地又不停祈禱~古古怪怪咁
之後講左叫委身o既野~呢D野~平時係CDS度聽哂~所以`冇咩特別~
Limmy叫我地寫出我地想委身~即係訓身o既野~我咪寫~直pass入HKAPA~嗯~
之後冇去食糖水~同阿珊走~因為同佢一齊搭車Ma~
嗯～自小學以後～我地都未試過一齊番屋企了。
番到屋企～嗯～其實好眼訓，但係又係度玩下icq咁．．直到點半am~
聽日～要一早起身～因為想踩架單車入去fairview park俾D野阿朗同學～～
>>June 17, 2004 at 5:22:15 PM GMT+8
2004 年 6 月 14 日 星期一 【晴】
今日．．．．頂！！７點幾起左身，點解。因為我工人，不過唔關佢事，我知佢入左我間房，又望住個地下，之後．．我聽到好嘈，咪帶番幅眼鏡睇下咩事．．呵～原本個老鼠籠捉左隻MICE~太好了～就係佢搞到我晚晚都驚。不過．．係係度我仲驚．．我驚佢會走左出黎．．之後走黎走去．所以驚都訓唔著添．．＞＜
９點幾～舅父起左身～終於都搞掂左，今日起身～睇星座話我係吉日，仲有粒星星添。
今日１０點幾落左元朗～因為個靚妹，我諗佢打完機差唔多１１點啦～點知仲未收到佢電話～
１２點幾佢打黎話差唔多～哈～最後去到一點先得。嗯～個陣個心都有少少慶架～因為聽日考MATHS~佢知自己事架Ma~同埋～這一早約定１１點．但～算啦，諗諗下，今日吉日ma~可能好事呢，而且我又係三聯度睇左好耐書～好久未試過了。
之後點幾～Meet左之後去食LUNCH~哈～同埋佢２個同學仔幾搞笑呀我覺得。不過～個２個人係我心目中係學校時形象好唔好～但係同佢地chat個陣．．唔～雖然有少少壞，唔係好讀書．．但係其實都OK咁呀。
之１２點半去到佢oK~磨到成３點先開工．．．因為有好多MATHS~所以極速溫呀～哈
溫到差唔多成６點就走～唔．．期間聽佢分享左好多有關佢屋企ｏ既野．．個心又down左一down添～希望．．佢地的家庭生活可以咁KEEP住啦。
夜晚係屋企，諗住整香蕉糕．．點知．．第一次整．．失敗左～哈～之後冇哂糯米粉，冇得整．．．哈～而且～我買個知香蕉油係purple色～哈～係印尼鋪買～好平咋５蚊～平時百佳買要１０蚊～不過香味好夠。唔～所以就冇整～玩ICQ啦。由於今日補習聽到ｏ既事有感而發，所以都佢俾自己大左少少ｏ既人講左一番說話：唔好為左因為要搵好多錢而neglect家庭。當你搵到好多錢，可以Improve生活之後，先至發覺，家庭已經break down左，冇得補救。特別係事業型的男仔～唔～
－－
今日同個學生補習個陣，琴日同我講開佢隔離屋個個都想補習。點知佢同我講話佢阿媽唔俾，話我呢D冇工作經驗ｏ既人唔識教？下．．咁o岩個學生的MUM琴晚聽到佢同隔離屋個男仔的對話，亦都話．．點為之識教，大家係學生唔係好教D?吹賬～哈～不過希望可以補多份啦。
－－
夜晚 同個FRD傾偈個陣 我同佢講左我一個幾多人知的弱點～打電話呀．．
佢同我講：因為你想保護自己 怕人地點評價自己？！
可能係掛．．但係 因為Ms chang同我講過 我唔應該帶住面具 唔應該再封閉自己個心
所以我學識左用真去對人 但係因為咁 我變左唔可以同同FOrm的街外朋友傾偈．．
考Oral時～冇問題架。因為個陣 識得為自己以去保護自己 識得去整番個嚴肅ｏ既MAsk~
但係 唔知呀 一個"見慣大場面ｏ既女孩"弱點竟然是．．．－．－””
怕就怕～哈～我都唔知點解唔咁～"
>>June 15, 2004 at 4:55:51 PM GMT+8
2004 年 6 月 13 日 星期日 【晴】
咳咳...今日開心大升級。。。..因為．．．睇埋落去你就知１
今日一早就起左身，因為要幫人補習MA。不過今日直覺實有D野發生，希望係番工個度打俾我
不過newspaper話我今日係凶日，唔．．都係．唔知呢．．嗯～不過我約左成點幾，所以玩陣iICQ同上陣網先。
係iCQ度見到個FRD~同佢係度傾左陣，之後我同佢講～我係度期待著second in的信。真架～等緊
因為可能我今次太著緊掛。之後，我唔知做咩，哈～反射性出去開信箱，當然有擔傘，出面曬，kaka~之後有一隻狗追出黎．．好驚呀，望一望．．好似係我屋企隻狗。原來係真ｏ既。
我屋企有２隻狗，不嬲都河水不犯井水，佢識我我唔識佢架啦～哈。
睇信．．嘩～HKAPA有封信俾我．．好緊張．．飛奔番屋企．．坐定定．．開信～
YEAH!! HKAPA's SECOND IN呀！！６月尾６月尾～～second in～嘩～嘩～嘩～難以筆墨形容。之後第一時間同KEIKo講～唔．．今次要著好D先．．keke~
之後去補習，等車去白沙個陣～咦～見到傑傑‘番工中～哈真係好１耐冇見了．．
係架車度睇下D內容，基本上都上次差唔多，不過要做默劇，大鑊，唔識．．
之後專長表演．．下．．咁即係咪只可以唱歌，我都唔識魔術個D。
今日去補習，佢聽日考IS２點３開始補，Overrun左好耐，去到５點幾，好似佢樂意ｏ者
嗯～而家都想考好D~咁就好了～～聽佢講佢有個neighbour都想搵補習～哈哈～我叫佢聯絡下佢，不過個個人的媽自己幫佢補‘噢～kaka~唔緊要啦都係。
今日番到屋企～同阿媽講左second in~嗯～阿爸都知左～冇所謂啦～哈哈
雖然～名媽落左句：你讀唔到就最好了。佢叫我講故仔為專長表演，我勁呢方面，但係我話你唔係想我入唔到咩～佢話～係喎‘你都係揀唱歌啦～佢２老都知我弱於唱歌～~嗯～雖然有少少冷水撥落黎，但係我唔理，我唔知有冇機會THIRD IN~但係我知道我今年要豁出去，報個陣我冇諗過話真係會study,我最想係prove下自己係KL學到幾多野，出到去有幾多實力。如果真係收左～我會好開心～因為２５個人一年收～咁我可以係云云參選者中的１／２５～好勁架喇我覺得自己。
所以今日真係好好好開心～希望開心可以KEEP住～～
－－
明天．６月１５日．我那期待的PARIS手信．．會否有呢．．？
不過～CAT CAT今日話佢去旅行時買了手信俾我，我已經好開心～哈哈～～
真的～因為你知啦～買手信要好多錢Ma~遲D又有同學去旅行．．咳 咳．．哈～
>>June 14, 2004 at 4:56:31 PM GMT+8
2004 年 6 月 12 日 星期六 【晴】
今日一早,..起左飲一陣茶，之後就９點約左個小學同學係M記等～一齊去番主日學啦。
今日見到佢地組個組長～叫做Limmy~都好似好好人咁喎。而且係個度見到個中一o靚仔添。
係出面等個陣，佢地個區長有同我chat,哈～原來佢認到我．．梗係．．高呀MA~哈
今日個感覺比上上次好好多，雖然講道都係上上次個個人，但係，可能係我投入左掛。唔知
不過～到最後，佢地都係問我．．你信唔信呀～嘩‘勁呀我～唔信。．．哈～
之後Gathering個陣．．我話，我次次咁樣答．．你地咪好Hurt~不過佢地話呢個係佢地職責。
是但啦～哈～不過下次～會番～因為～有好多詩歌聽喎～呢個至鐘意。聽～就好了～kaka~
之後我就去左同個學生補習～原本諗住去圖書館～不過諗起會好多人，最後去左KFC~
由於佢未食Lunch` 所以我同佢用左張６０蚊coupon~KAKA~食完野～點３去到４點到啦
其實補２個鐘～不過～冇所謂啦，大家咁熟。而且我又冇野做。今日我同佢講～
我知佢有本書想要～但係佢之前成績真係MA ma地～我叫佢如果今次ALL pass~送個本書俾佢，
如果佢平均分合格～（佢之前２次唔得．．）我送多本俾佢～所以我成日都同佢講
為左懷玨（本書的作者，新城DJ)而努力～希望佢會認真D啦，我都想佢好ｏ既。
４點幾，我過左LIB~睇太陽報，哈哈，終於搵到我個篇稿，都好彩唔算過左太多
不過都刪左幾多字～諗住copy個陣～見到家茵，第二日見佢．．琴日見佢係我走佢黎
今日見佢係佢走我黎～緣吧。
之後諗住去買綁頭髮個D橡皮筋，但係冇星星～唔買住lU~走個陣．．仲見到麗華～哈哈
下次去佢屋企～有紅豆種食～Yeah`~
番到屋企．．冇直接番去．．５點半到，去左個neighbour屋企幫佢整PC~佢中左個個６０秒關機Virus~好彩都唔係好難搞～整到６點２度就搞掂。
夜晚，都冇咩野做～冇整野食．．因為人地唔記得買香油，．．＞＜
而且～唔知呀．．有點兒累，到埋繼續做左問題少女．。嗯～原來心裡有套劇想打出黎俾MS張～係之前冇端端諗到for聖誕祟拜ｏ既。我打左一陣就冇打．．因為～唔知呢。我諗住寫耶穌出生的經過～變成回到過去版。即係有個女仔冇端端去左個陣時，點知佢破壞左阿瑪利亞同佢未婚夫相識，因為原本係瑪撞到個男仔，點知變左個女仔撞到個男仔。個女仔要諗辦法令瑪同個男仔識～之後就去到耶穌出世～個女仔好頻撲咁同個３個唔知先知ｏ既野係搵粒星。最後～番番去現在。不過～打打下冇打．．因為諗唔到有咩方法會識完就即刻Marry喎？？古怪。
不過如果真係打得成，都會俾MS張～唔理佢用唔用都好，橫掂，我冇用了。
－－
今日係個度Limmy問我有冇興趣JOin個D for中５，７的team~我一口reject左了。哈～因為我話我同D同dform o既冇野講。講真，又係喎，唔計自己學校，出面同自己同Form的．．朋友，我唔講野架喎，．．．但係同細個Or大個自己的人，反而冇問題～人，可能就係咁～哈～
－－
今日個主日學聽ｏ既野～好聽好多～又Omit有神論～
～～＊＊ 追求卓越的表現 ＊＊～～
１）做好準備（我地隨時隨地都要Ready好～準備接受挑戰 即係話有新事物時，我們應該去了解一下～給自己一個concept]
2)為自己建立好名聲（我地要得人信任 令自己更為特出～就要有個好名聲 如果係做生意，有左好的名聲 令自己人面更廣 更有利。）
３）脫去舊人（擺脫自己的壞習慣，我們應謹慎行事 珍惜光陰 把握時間 把自己的壞處改過，糾正，才能使自己的表現能比之前有進步的空間！）
┌若一件事情是值得去做的話 那就應該做到最好┐
>>June 13, 2004 at 5:35:55 PM GMT+8
2004 年 6 月 11 日 星期五 【晴】
今日,一早就起了身～因為要幫人補習Ma~十點幾落到元朗～
因為唔識去個度～所以就搭了的士入去，個度叫田寮村。嗯
俾我想像之中近了一點～（下次試下行入去先．kaka)
去到～同個學生溫數學，佢其實星期一考英文，佢老豆番黎問
點解溫數學～哈～佢個女話，英文已經唔識，Maths仲多唔識～搞笑。
原本由１１點３去到１點３就OK~不過＃其實佢成家都識～咁又冇野做，
咁就補耐D~之後去到２點幾～都差唔多，個學生話唔想係屋企喎聽日，所以聽
日去圖書館～是但啦～kaka~之後同佢傾左一陣偈。唔．．不過．．傾個陣個心一直
都唔係好舒服，因為．點呢，佢唔想佢屋企人太管ｏ既，而且都知佢個小五的妹妹．．
我覺得過份早熟。同佢不斷的chat的時候，我不斷講左好多自己少少．．啦，其他野，
我好想改變佢ｏ既Minds~唔知呀，我想佢同佢屋企人的關係更加好掛？可能因為成家人我都
識．．所以．．唔忍心見到佢變成咁，你話佢壞咩？唔係呀。但係，我思想可能唔夠opens
掛．．但係唔知呀，因為佢，總之我希望係黎近的一個星期．．幫得幾多就幾多。我的能力告訴我，我只是能做到這樣。當然我不會與她的父母說，說到底，每個人心中都有一些秘密。
她肯對你說～是出於信任。所以有時都幾唔鐘意D社工，又話保守secret，最後老師咪又知。
３點幾～佢老豆訓醒，車我地出去，佢要出街乎。哈～佢話諗住睇下今日點計人工～我話：一次過俾會開心D~KAKA~~
原本佢諗住車我番屋企．．唔喇～要去圖書館借書～之後去左美心拿西餅，係度諗緊個陣有人叫我．．原來係韻韻～哈，之後同佢傾左陣，佢就去左買相簿。我就去搵阿媽一齊走啦～係架車度～嗯～同阿媽傾偈，佢問我如果讀大學一次過俾要幾多錢，我話幾萬掛？哈，我真係唔知呀．．之後我話HKAPA都好似要，之後佢問左我有關IVY呀個D野。係架車度，我俾佢ｏ既msg係，如果升唔到U呢２年係冇用，IVY個D而家一定唔會揀。．．我俾佢ｏ既msg：我唔會讀副學士，文憑Or IVY個D因為前者太貴～後者中五就可以讀，呢２年蝕左。最後佢問我點解今年冇聽我講HKAPA.我同佢講其實我報了，只是冇同任何人講．．佢問我見唔見到KIng sir..當然見唔到啦。是否落選了所以唔講。我話，梗係唔係，只係唔記得。
其實唔係唔記得，只係，講左又如何？行番屋企個陣，我同阿媽講有幾他學校架．．e.g白英奇贛design個D~佢話，你唔讀Design?（哈哈，我都唔鐘意）咁你鐘意咩野．．
我：（唔知呢？）我講唔出，我鐘意Drama。其實我想問：如果我真係入左HKAPA,你俾唔俾我讀，可惜，我問唔出。
勁～番到屋企～同細佬一人食左４件西餅．．半小時後，冇哂了。夜晚個陣，問同學仔有關謝師宴的事，同ANNE chat個陣，佢話之前寄去太陽個篇犒登了，哈，還記得當初佢話俾我聽佢有寄過而且有稿費，我先寄去。但係．．我又冇買．唯有去圖書館借黎睇。
明天．．番錦光，其實，唔知呀，我想，因為承諾了吧～＊
＝＝＝＝＝
今天晚天，打開了icq(雖然我晚晚如是），但眼看，整LIST都沒有一個人能使我的心放下，
心中有很多事，只想找一個人放上去，可惜，原來沒有呢？為什麼呢，可能．．全都是太過熟的同學仔，或是，未太熟稔的人．．才使我不把心中的事說出。可恨的，找到了，不是away,乃是N/A~但，也難怪～可能有些事情，得自己去解決。若真的解決不了，到時才算吧～＊
－－
還有三天．．我便知道我有沒有那有雪飄落的擺設了．．．．．
>>June 12, 2004 at 5:19:43 PM GMT+8
2004 年 6 月 10 日 星期四 【晴】
 深情日記．．．我期待～～＊＊
我在期待，一個電話
其實，我都不知要是誰打給我。當然，我最期待是告訴我：明天上班。
每天都等待著，一天又一天．．．
我在期待，一封信
一封第二次遴選的信。我不太明白，我很想很想有信，對上一次，我沒有想過。
等．．直到６月３０日，我便知道結果了．．．
我在期待，一個短訊
那是誰的短訊，心中自有明白，但你又會告訴我些什麼？或是，你跟本不會寄給我
不想去等．．其實，都等了很多個年頭。
我在期待，一個希望
請給我一個希望，卻不要把希望換成失望
請給我一個希望，卻不要把希望冷卻掉了．．
我一直都有期待，一直都有等待，然而會否空想空等空盼？我，也不知道～＊
我還期待．．．．．．
－－
四年，是長還是短？
我想，當六月份正式過去，我的夢也會醒了過來
這是否謂之胡塗夢醒？
如果當流星出現，我會向流星許願
但當流星出現 我又應該許下什麼願來？
一個人等雨後的彩虹 又像灑脫又寂寞
>>June 11, 2004 at 5:25:35 PM GMT+8
2004 年 6 月 10 日 星期四 【酷熱】
今朝早～Yeah~劇本大功告成～可喜可賀。
而且～係icq同左個小學同學傾偈～我地．．７年冇見，佢遲ｄ番黎Hk~太好了。
今日天氣其實唔算係好熱，但係我屋企入面係好熱好熱，D風扇吹下的風．．好熱ｏ既．．
我十點幾就起左身～之後玩左陣電腦，食左野．．十二點幾係個聽度訓了～
之後阿婆叫我番房訓，佢話間房開左冷氣．．嘩～好涼呀真係。一訓到左４點幾．．
起身番去自己房個陣，發現有個電話未接．．打番個去．．咩company?Can I Help U?
下，佢咁講，好驚，立即收線呀．．之後個心好七上８落了。因為唔通真係有公司打黎
叫我去In?唉～都唔知，不過平時電話放係身又唔見佢響，一唔係身邊就響。天意～～
夜晚～諗住開爐架～不過～屋企冇雞旦啊。
今日細佬番黎冇買西餅俾我食．．佢知我鐘意食拿破侖餅，前２日專登買俾我食．．太好了
聽日～～去幫人補習～哈哈
>>June 11, 2004 at 4:57:45 PM GMT+8
2004 年 6 月 9 日 星期三 【晴】
嗯～～今日一早同左head hunter去NEWay唱K呀～２個人～
間房都幾大喎～不過唱得個２個鐘～哈～之後去左三聯睇書～
見到大佬莫同埋Ms許～呵呵～我梗係去做電燈膽啦～～
同MS許傾偈～嗯～我都識ｏ既佢ｏ既學生．．即係我謂之的同學仔．．
原來．．佢地班人而經有一大張ｌｉｓｔ俾個同學仔去PARIS旅行時買野．．
死啦．．咁我個個手信．．開始凍過水了～哈哈～仲有～原來我形容俾ｍｓ佢地聽
我想要個個野．．係叫紙鎮喎，係架咩？是但啦～哈哈
之後我想買罐仔糖，ｈｅａｄ hunter話Jusco有得買～咦～真係有喎～快D食哂
裝M & M先～kaka~係Jusco打俾Keiko chat~咦～佢今日都有去唱K~下，都係係Neway唱．．
下．．佢１１３房．．我１１４．．．呢ｄ就係緣了。
跟住原本諗住去吉野家食Tea~不過諗諗下都係冇去了．．Tea食反？古怪～哈～
最後去左食糖水～之後就各走啦～我去左圖書館～睇書～
小芬女打黎～佢上黎搵我～我地去左M記傾左好耐偈哦。呵～～
夜晚個陣，電腦人上左黎整電腦～嗯～我知佢個女係KL讀，而且又識～
嘩哈哈～最後，我星期六開始幫佢個女補習～叫我開錢？唔識架～哈～
最後～算啦～友情價Ma~１００蚊一日，２個鐘～不過．．由元朗去白沙．．來回都冇左２０蚊～哈‘但係講真，得閒的話加多一個鐘又點話。識左咁耐～
不過‘今日能夠見番PC咁清，真係好～
－－
今朝，我一起身，立即打去Garden..唉．．請夠人．．心一沉。難得鼓起勇氣～但係～都冇計～哈～
好～劇本～仲有一幕～Yeah!!
>>June 10, 2004 at 4:49:05 PM GMT+8
2004 年 6 月 8 日 星期二 【晴】
．．．．．今日係６月９日．．面對．．還剩餘一個月．．．．．
其實我很害怕。這幾天，經歷過面試，違背自己的諾言寫劇本．．突然．．更加怕．
我總覺得我不太懂得拒絕別人。所以寫下一個不願意，其實我想寫，但我不想幫她寫的劇本。
唉～我怕，我的劇本．．一塌糊塗。雖然我預了．．但，早知我把那劇本留給自己～用在匯演去．．因為～這份寫我深情的劇本～不賴。我怕但不能怕．．他們實毀了我的心血。但比賽當天，我不能上去．．我再沒有面目上去．．．
經過昨天．．其實我知表現點架．．但係唔知點解我好想入second in...但係．好似琴日咁．
我應該要喊架．．係ｐｒｅｐａｒｔｉｏｎ ｒｏｏｍ個陣．．我仲喊得出．．但係真正個陣．．你發咩野神經喎．．．＞＜好憎好憎自己呀．．＞＜
討厭，真係討厭。仲有一個月．．呢幾日．．係將自己冇提過ｏ既事講番出黎。
係我自己自討苦吃架。我知架。考中史個陣．．我有溫基督個題．．點知考個陣．．發癲，我唔敢寫番自己背左ｏ既野落去．．因為驚離題．．天啊．．我可以寫架，離題好過冇野。點知最後，我冇寫到．．抵自己死！！ｅｃｏｎ又係咁．．自己明知ｎｏ ｐｒｏｄｕｃｔｉｏ久個題係ｍｕｖ～好～發咩神經，唔寫唔寫．．癲左．．英文ｓｅｃｔｉｏｎ ｅ．．剩係ｙｅｓ．ｎｏｏ者．．我都唔寫。哎呀．．我覺得我驚呀？緊張呀？癲左可能好ｄ．．．
我知．．我係怕，我係怕升唔到，我係怕俾人睇死，．我係想証明ｄ野俾人地睇。
中五．．冇呢重感覺～所以考個陣，嘩～地理仲會早走～
但係今年～勁啦～一路考一路手震。考完ｅｃｏｎ斷水晶～想哭。但不要哭。我不是弱者。
我諗緊放榜個日會點．．喊？我諗今次會死撐到底。然後．．揮一揮衣袖，不帶走一片雲彩。
我想．．上禮堂睇比賽。但係我唔想見到３位老師～其實係所有的老師們。那時，我怕我會哭
當一走，就別在回頭，離開，然後我消失。只要匯演能夠籌辦得成，我仍在。
當完成後．．．我想．．消失．對嗎？當然．．如果考出的結果能．．喜上眉頭就好了．．
一個月．．一個月後．．許多東西都消失去了．．．．．．
經過AL。及至現在．．原來我發覺我未有太多信心去緊握一件事。沒有人會相信一個上台頻頻的女孩，原來害怕打電話！！？？這個女孩子怕打電話給一個陌生人。連尋工作的時候，還要在人家門外行了３個圈才敢入去．．打一個電話．．考慮長達幾天．．。我就是這樣的女孩子．．天啊．．我也不知道會這樣～">
＝＝
我幫朗社的劇本的一段仔：充滿夢想o既人，總會期待著流星，然後許下可達成的心願。
可能你會話佢係天真，又或者係幼稚。但係對佢地黎講，見到流 星，許下心願，係將希望變得更有希望ｏ既一種方法。
我好鐘此呢個劇本，係因為係一個寫我深情的劇本．．而且～我覺得我導的話～可塑性大增
不過～當然我不會，也不要！！如果呢套是去年的。我有信心，最佳劇本～必行！！">
>>June 9, 2004 at 4:33:24 PM GMT+8
|
![]()
流星語： 【 搬左板：Xanga Name: Lazyman_doraemon】
|
|
人氣: 20829
Design & Scripting by ShowHappy.Net
| | | |
