2004 年 7 月 5 日 星期一 【晴】

今日係星期二,距離咩野愈黎愈近了。
今日一早番左學校排drama~~下午3-5pm用Hall~~
其實番到去成12點幾..同左班朗社幹事同actor一齊去板門店食Lunch..哈~
之後因為所宥老師都出去食反,因為我著了便服,所以唔俾我入~車~
呢個校工真係呀...哼~~~之後我都入到去,因為借PE衫。
之後係上面排drama個陣..唉~陳老師都唔係度添~好失望呀!
之後排完~海燕話好長呀~所以就cut咁D~哈哈~當初..算啦,我冇諗過自己教番架Ma~由佢]
之後呀甘同學好似都幾頗唔滿意咁,梗係啦,Cut哂佢d對白...但係都冇辦法架。係咪?!!
之後原本約左人食反..我打去話唔去喇~唔知呀~突然冇咩Modd添~咳咳`
番到屋企,我都係冇食,因為之前專登買左個包食。對住咁o既環境食反,我寧願唔食Law~
夜晚~11點幾~~哈哈,細佬因為聽日去ocean park所以訓左~我又好想整野食,
最後都整左瑞士卷~不過~kaka~是但啦,用花生醬做餡啦,但係太厚,卷卷下裂左少少添..><


瑞士卷
---
今天 落空的信箱 我知已經落選了 但~也沒有辦法。
心....有少少沉下去..
--
呢個係我去Macau之旅update的相:
http://community.webshots.com/user/doraemon_lee01

>>July 7, 2004 at 3:49:52 PM GMT+8

2004 年 7 月 4 日 星期日 【晴】

今日～十一點幾打開信箱．．這是落空的第一天。
今朝小芬女打黎，佢話都係報唔到．．因為太多隊了．．失落的心情。
今日下午番左學校，去左english corner搵左佢地～
咦～我先知原來唔搞謝師宴了～咁是但啦。之後Janet將佢買的手信給我
呵呵～係條星星項鏈黎架。
之後～我落左去朗社排戲～嘩，一入到去見到紫霞老師，我見到佢見到我都好開心
陳老師話：呢度你要睇喇．．嘩～佢係搭住人地個膊頭講～好開心呀。
之後Miss問我Hkapa~我話未知呀．．．唔．．
之後我睇佢地排．．嘩‘唔睇由止河～一睇把幾火！！實在有夠爛的！！
衫時個度有個甘同學～我想我教佢ｏ既，但係唔知係咪因為我愈捉佢愈嚴，佢對我的
態度，我可以用個寸未來形容。最衰唔係我的劇，係．．我唔一早換人當我咩呀！！
仲之，今日愈睇愈激氣。之後～海燕上左你，佢同我講話陳老師叫佢上黎幫手睇．．
佢話佢見到陳老師個樣好似好唔開心咁，見到咁ｏ既人排．．嘩，聽到之後．．心都Up Ma
添。唔．．．
練到３點幾～鄧sir(冇錯～係佢呀．）催走，我上番去整同學錄個度‘做到５點幾６點走啦
之後～我都番左屋企，唔．．屋企今日再一次好靜。算啦～咁ｏ既屋企～我都預左～
我諗係因為塊田的事，所以我舅父唔出聲。我第一次對男人改觀，我以為D男人開心唔開心
都不輕易表露出黎，原來唔係架。我仲以為D男人好勇架添～車～而家反而有D卑視佢地添。

－－
我　就快　放榜了．．今日．．阿媽食反話：我聽收音機好似星期五你地放榜喎．．
係咩，我唔知喎（我答得出奇地冷靜）頂～勢故唔到，我可以收埋報紙，收埋把口，收埋電視
係收埋唔到收音機！俾部收音機出賣左我添！！

>>July 7, 2004 at 3:36:31 PM GMT+8

2004 年 7 月 3 日 星期六 【晴】

今日一早起身～＊去左飲茶啦，同阿婆搭的士落去呀～
之後今日番錦光～～哈哈～坐左邊位呀今日～前面個３個係中一的同學仔～
識得ｏ既～都幾搞笑。今日的歌都不賴，個講者好正呀～把聲喎我話～
好朗誦feel。不過，之後決志個陣，個中一問我決左未．．我話未．．
嘩～佢地３個即刻逼我決．．幾驚呀～之後我梗係冇啦～係咪。
公園仔集會，麗華都係要走先～不過今日都幾感動，因為個區有個叫
Patrick的男仔，佢的Mum因cancer過了身～區長小芬講了出來，會組隊去
那靈堂唱詩呀咁。唔知呀，冇端端諗番起去年阿麻過身時～我表姐的教友都
有黎的情況。不過，我當然唔會去啦．．我唔想再去埋D傷感的地方。
我覺得感動，因為我覺得個度D人幾Care人喎．．不過唔代表我會信！！
之後同阿lO番午堂～then搵埋阿珊佢地去食反，去左元朗廣場的Thailand野食．．
人地想飲杏霜架（阿腸話會白架喎．．）點知冇～哈哈～～不過食反個陣都幾開心呀～
哈哈～之後行左陣我去左圖書館還書。Then細佬搵我，一齊去左school買褲～番屋企
　　今日番屋企感覺好奇怪，其實已經琴日覺得，我舅父又再冇玩電腦呀咁．．
在房中．食完反出黎．．之後可怕係．食飽抖陣佢番番入房了．．平時佢都會睇電視～
嗯～我真係擔心遲D屋企再上演多套六國大封相。我承受不到架喇。
　　考econ al前２日，屋企的六國大封相已經搞到我好難頂好辛苦～雖然唔關我事
但係之後的後遺症，理呢個理個個，我真係好難頂。如果屋企再發生多次六國大封相迷你版
我真係會死左去算。呢句講真。因為我唔願意再係呢個家中生活。雖然好似好溫馨冇野咁。但係我知道每個家都有一本難唸的經。然而我要諗埋阿媽阿爸我舅父我阿婆阿姨佢地ｏ既感受而去做每一件事，說每一句說話的時候，我好難頂Law。係每個人之間協調．．調得呢個又調唔到個個，我又要做到２者都得。都好煩。真係好煩。算啦。
　　聽日～番學校整同學錄。是夜同Pokka and韻通了電話～好～我覺得我都要負番D責任，聽日去睇睇套Drama~
--
明天　期待　一封信。

>>July 5, 2004 at 4:52:26 PM GMT+8

2004 年 7 月 2 日 星期五 【暴雨】

澳門之旅～～～＊＊＊第三日～
　　　沖完涼～～舒服哂。不過之後都幾悶呀～
哈哈～９點度個個都起哂身～～做咩好呢？唔通咁早走咩～
之後我地坐係度睇TV到十點。搭車去左觀光塔～影左D相
下午去左間東南亞restaurant食Lunch~好唔好食？心照啦
我地搭３點３ship番番去香港～～之後我６點３到番到屋企啦
不過．．望向塊田．．唉．．好唔開心．．因為D人動工了．．
我的桃花也沒有了．．番到屋企．．見到舅父都冇出聲
我知道佢都好唔開心呀（細佬講ｏ既）因為．．塊田．．心血Ma~
而且～雖然每個月有多２０００蚊ｏ者。
但係要將鄉郊變成圬市化．．唔鐘意Law~
夜晚．．都冇咩講Macau D野～開左icq~諗住玩啦
點知１０點幾好眼訓～去左訓～～噢．．咁就訓著左．．＞＜
－－
終結３日２日之旅．．不停咁搭車LaW~
食野方面～基本上～係有少少失望。同埋最後搵唔到想食的有：
紅豆餅，串燒同埋九如坊的木糠旦糕。
anf then就係～曬黑左Law..><
不過～都好開心呀～^^

>>July 4, 2004 at 5:43:25 PM GMT+8

2004 年 7 月 1 日 星期四 【酷熱】

～～～＊＊澳門之旅　　第二日＊＊～～～
因為太熱的關係，我地都一早起左身．．頂唔順。哈～
第一站：（乙水）仔
食左個早餐，唔．不過個Menu design非常差，搞到D prices亂哂～哼～～
之後行左陣～我地又影左勁多相，Then~去左個圖書館（有冷氣架．．kaka)
係個度不斷的睇Newspaper and magazines~Yeah!睇左個幾鐘～走～
去左食話出名的大菜糕．．失望～冇想像中咁好。
之後去食左大利朱扒包（呢個時候～落雨喎．．好彩係室內～）
不過又係失望．．冇想像中好食～之後我地過左路環～都冇咩野睇。
又過番乙水仔～去買鳥結糖～哈哈～我勁試呀～真係呀～最後去左間餐廳
食木糠旦糕．．最後都係失望啦。
之後我地又番左屋企～坐～因為太飽了～
夜晚去左鉅記買手信。之後諗住食野ｏ既～哈哈～不過我地係賣草地街個便勁影相～
嘩哈哈～擺左好多唔同Pose~勁係啦～係個度又冇人識我地‘怕咩俾人笑。
最後去左義順飲野～嘩～我杯紅豆冰～正呀～好多好大粒的紅豆︿︿
夜晚～勁喇今次～冇意欲訓覺．．又熱到訓唔到～我啦～腸，Keiko and cat cat係度傾偈
kakaka~咩都傾咁～到左５點幾～訓左陣～
我６點幾個陣．發現Keiko唔見左～～原來佢出左去，我都出左去～哈～
到最後我同佢講～頂～頂唔順喇～我要沖涼！！
－－
終結第二日：野食俾想像中冇咁好LaW~ Magazine.. 呃人ｏ既．．＞＜
手信個度～買左爸爸食ｏ既花生糖＋薑糖
阿婆的杏仁餅＋鳥結糖
同屋企食ｏ既鳳凰餅。
－－心深處未盡是深深處～

>>July 4, 2004 at 5:31:36 PM GMT+8

2004 年 6 月 30 日 星期三 【清涼】

～～～＊＊澳門之旅　　　第一日＊＊＊～～～
人物：我＋威婷＋腸腸＋Cat cat＋麗華
時間：９點半搭船
目標：食野為主！！

去到澳門搞掂哂大約係１１點幾開波。
第一站：禮記雪糕
成日睇Magazine都見到一磚磚的雪糕～已經好想食。今日終於食到了～
嘩～我地一人一件三文治雪糕，之後我仲要一磚古古力味雪糕（半磅架～）蠻幸福的^^
第二站：之後去食左好滑的豆腐花啦～仲有一蚊一隻餃子。
哈哈～我地仲去左大三巴架～不過裝修架．．唔係好靚咋個View~我又為左打散５００蚊
而去買左盒朱油糕．．kaka~ 可惜最後都食唔到紅豆餅同埋串燒。之後我地過左金沙casion~嘩～入到去．．佢唔俾人地帶水．．要掉了水樽＞＜入面OK咁啦～。我地行到６點幾～～
嘩～好累喇～又成身汗～就番左去同學仔屋企～（不過冇冷氣）抖左一陣～
出左去食反～‘食拉面。都ｏｋ咁啦。
不過就係～夜晚個陣～由於我地其中４個有把長長的髮，加上１０點半先開始沖得涼．．
嘩．．沖完．．乾得黎都成點半．．哈哈～訓個度又冇冷氣，得一把Fan~訓下醒下．．
都幾辛苦．．好立滋滋咁Law~不過～都oK喇～～唔駛錢就有得訓，仲想點呀～～哈
而且～而家D細路太幸福了～所以要試下呢D味道先得。
－－
終結第一日。野食OK啦～不過不失。不過最開心係食到雪糕～～
而且．．嘩．．流左好多好多好多汁．．熱爆＞＜

>>July 4, 2004 at 5:59:57 PM GMT+8

2004 年 6 月 29 日 星期二 【酷熱】

　　　
今日.....心情仲...唉唉唉..今朝起身～打開newspaper..又凶日．．唔好咁玩我啦．．
我唔係好玩得架咋。
　　唉．．容許我唉多幾聲啦．．今日冇錯係HKAPA的In..我搞左成個鐘先出到門口．
但係．．我竟然搵唔到我條星星髮圈，有D美中不足感覺。
　　今日番到學校～等MIss佢地放學．．見到MS HUi～佢話俾份校報我～我有份寫架喎
一路行途中，佢問我一個問題～你做乜個日同個個同學仔咁面左左尷尬咁ｏ既～
嗯～個同學仔就係識得～我話‘冇呀。其實個日有架．．我諗係因為費事啦。係掛．．
聽到Miss咁講．．就唔係太好喇個感覺。之後～見到POKKA..同埋阿邊個．．
下．．咩話．咩話．搵個個中四做主角．．你咁玩我份Play..呢個係一個大Hard hit..
陰公喇．．佢話覺得佢成日拿起本書個Feel好似～天啊～我要ｏ既．係mature,多野諗ｏ既女仔
即係深沉d,.,唔係要個隻呀．．．又一個Hard hit喇。見到陳老師,同佢講左drama D野。佢話阿邊個話呢．．背哂D對白就得架喇喎．．係咁易就好喇
　～佢知我今日IN~叫我努力呀．．仲拍一拍我．．嘩．嘩．^^
　　之後去食反．．哎呀～個間野唔係唔好～不過～哈爭D想搵人發洩下架喇．．不過我又唔會鬧ｏ既～只係會語氣重Dｏ者～識我ｏ既人都知道我語氣重起上黎．．都幾得人驚下．．
不過～真係唔係嬲架～哈～嬲ｏ既話．．仲得掂．不過個度D人都俾佢黎得快～～
　　之後番左學校～見到Mok sir~嘩‘請食砵仔糕～～之後我２點幾到就走．．仲落雨添
不過冇開傘．．唔開呀．。
字字

　　去到３點幾．．好緊張呀．．死啦．．入到toilet,見到上次同我一齊In o既女仔～我地同一組，佢都入到呀～嘩～我地祝third in再見～哈～我上到去．．不過之前．．
好怯，因為係下面行個陣．有個女仔（我認得佢，佢同我上次同一日iN,不過唔同group）佢問我幾點啦。之後問完佢行左係我睇個份board後面．．唱歌．．嘩～係高音個隻．．我梗係好驚啦．因為佢唱到呀Ma..之後我立即出去諗住打俾Keiko佢地．．嘩．．冇人聽。陰公喇。
最後我上到去我係最後一批．．得３個人．
好喇．．開波喇．．係出面等個陣，入面D人in緊～個個女仔唱歌～我聽到呀．．個心都沉左添～上次同我一齊IN個個o我又聽到．．嘩．．冇野講喇。入到去，又係個D評判？！！我係第一個．．My god..好緊張．．我用左乞丐個角色～好似唔係太好．．之後定稿個度．．最差呀我覺得．．因為D感情唔得唔得。我見到D評判都．．到Mime個陣～播The entertainer~哈～有個評判用隻腳踏番D節拍，我覺得ok啦．
到唱歌．．唉．．弱項，又再一次走音。
　　第二個係男仔。佢細聲．．聽得Ma ma地～專長表演佢揀dance..嘩．．HIp hop呀．．我睇到呆左。第三個女仔（出黎問佢先知係中七）默劇．．唔知呀．．佢有道具．．專長表演．．彈琴唱歌。
　　　完左喇．．走啦走啦走啦．．唔．．如果有Third in會係７月１２日，７月初有通知。
如果係個３個人計～我係平均算好．．但係計埋人地．．我冇喇。試完之後，個心都沉左好耐，係架車度都諗左好耐。No chance喇。冇下一次．．唔再報架喇。

番到屋企～阿媽問我點～我咪話～嘩～D人跳舞好勁呀．．好勁．．真係好勁。
好～夜晚都要黎番個打擊ｏ既。同POKKA傾icq~佢話左俾我知個獨立人物邊個做．．甘思敏．
下．．天呀．＞＜我要個舍　係講野深情D O既人．．唔好咁對我啦．．得唔得呀．．＞＜
　　聽日去MACAU喇～不過要好早起身．．．去３日２夜～～星期六番。
好～星期六見大家見啦～～希望～～天晴呀！！
－－
今日個心又諗番起呢句：唔駛人地去假意同情自己（遺忘很久的　又再一次想起）

>>June 30, 2004 at 4:37:06 PM GMT+8

2004 年 6 月 28 日 星期一 【酷熱】

今日...應該係吉日先係架...點解會...咁多野發生泥。
今日我要同個細路補習,最後一日喇~~好啦,話補12點半~
我已經好遲先落去....我今年勁呀!行入去!!
我行過千色..見到個朋友~佢見唔到我~都冇辦法。
我行到入去都成12點9..點知佢打黎.話..我而家係元朗..下..
嘩...冇野講...雖然係度聽緊收音機..但係我係佢屋企門口企足一個鐘!!
佢同佢的同學搭的士入黎..MY god...我成身濕哂~勁...D太陽果然好烈。
之後補習~~唉..本來諗住趁老豆Day off..約佢食Tea..點知..補到成4點..唔駛喇..
補完之後..我走了~佢老豆剛番..幫我砌機Ma~之後出支票俾我...
我落到元朗..唉~去錯Bank添...恆生去左渣打..魚皮啦~~
之後都有拿錢。
之後過Cat cat屋企~咦`原來佢地走哂...魚~~之後同佢傾左陣學校野就過左M記搵佢地
點知Grau, dinner個度又有D問題出現左..MY god..之後6點幾度走啦~~
我都番屋企食反喇,阿媽sponsor我一百蚊去旅行好過冇。
佢問我點解唔聽日去...Puiblic holiday先去..我話..我聽日要HKAPA second in..
呢個時候..佢話..好阽~IN唔到就好喇,佢同老豆不停咁講話~咩黎架~演藝呀..
冇得借錢架..冇架~~幾千蚊呀..我答..唔係呀..同大學一樣。佢地講完一輪..我終於忍唔住
講左句:我考下又唔代表D咩野。我唔敢問佢地係咪唔想我讀..我唔想問。
好啦..之後諗住早D訓,11點半~夠早~~唔要黑眼圈。點知十一點半~係電腦人砌完電腦走左
之後~拍一聲~停電?!!全村停電??下面都冇燈....head hunter住錦繡,佢打俾我,佢都係停電。
下..大鑊,我仲想練架MA..唔駛啦....唉..之後~差唔多成一點..有番電..
上icq..同Pokka chat..下...咩話朗社仲未練......想我點..頂..頂..頂!!
仲有就係..係Drama's forum度..下..元朗匯演出埋次序喇咩...點解唔咁o既..
一時之間..好迷糊...聽日..仲迷糊
停電必備-candle!

停電的細佬（影出黎好光喎．．哈）

>>June 30, 2004 at 4:45:24 PM GMT+8

2004 年 6 月 27 日 星期日 【酷熱】

嘩~~今日十一點半~阿朗打俾我問我幾時拿同學錄..．哈～我都仲未起身。
今日約左個細路補１２點半～我落到元朗１２點３度．．佢打黎話補１點．．
去玩～點知一點打去佢又未得．．又話要係人地度食反．．（頂佢唔順）
之後搵左Keiko佢地食lunch~~
　　２點幾開始補‘補到４點幾到啦。佢梗係未上門補習過．．時間可以話改就改咩？～哈
如果唔係太家熟．．我實唔會咁。之後我過左Cat cat屋企整同學錄～搞到成７點～
嘩～Cathy去完旅行番黎．．有手信喎。點知～佢同我地講同學仔ｏ既事．．咁似警訊
個Dｏ既．．好驚呀。之後‘冇端端電話響～嘩～似足劇情咁，個個同學打黎．．
我梗係推左啦。．．好擔心佢呀。係Cat cat屋企，我做左次Mime俾佢地睇。好彩佢地都睇得明～好～～努力！！

　 　之後我搭車入阿朗度～kaak~佢俾左２盒古古力俾我呀～好開心。番到屋企差唔多９點
夜晚，玩icq個陣，同個frd個我同學件事．．不過佢又講得o岩～我地唔可以sure 佢係合唔合法
況且～美國好多公司都係咁～但係人地就一定合法ｏ既。
　雖然佢話如果係了解多D,係真ｏ既公司～都不失係一個機會。但係．．哈～唔o岩我ｏ既～
而且～佢問左個好simple問題：如果你冇錢，你買唔買香熏？佢講得ｏ岩，如果第日真係做呢d生意ｏ既話．．我覺得sell個D應該係實用品～人人都Need呀MA。
　　　１２點幾～整左Lemon pie~哈哈～好眼訓．．整到成２點．．好難食。
因為．．好酸同埋好大陣唔好聞ｏ既牛油味～～＞＜

Cathy's的手信

>>June 29, 2004 at 4:49:21 PM GMT+8

2004 年 6 月 27 日 星期日 【晴】

2004年朗社社際戲劇　　　　　　　　　劇名＋　劇情簡介
　
　　　　　　　　＋＋星語。心願＋＋

簡介:
　　　　　　　　當流星劃破長空的時候,你會否許下心願?
　　　　　　　　　『我願 流星閃現
　　　　　　　　　　我願 心願達成。』
　　　　　　一個臨近會考的女孩子 一個期待著流星的女孩子
　　　　　　一個滿有夢想的女孩子 一個被過去捆綁的女孩子
　　　　　　『有夢想而不敢想 。』 她的人生觀?
　　　　　　　現實與夢想 你教她如何抉擇?
　　　　　　　「當流星出現 我要許下一個可達成的心願」
　　　　　　　　當流星出現 你又許下一個什麼的願 ?
－－
＜星語‧心願＞個劇名好似好老土．．但係如果你認真深情的讀．．另有一番韻味。

>>June 27, 2004 at 5:44:58 PM GMT+8