2005 年 1 月 2 日 星期日 【晴】

　　　今日係Lazy Man的舊歷生日～

人愈大　愈唔想生日～老喇～
ANyway,今日就訓到成３點半先起身，一起身就去補習～
夜晚～屋企就BBQ~ 咁～

　　　對於～大一歲，我的見解係　仍係一個剩係識讀書ｏ既機械～
有點兒無奈～

　　　我成日都話　最討厭ｏ既係香港ｏ既教育制度，唔通當我係隻小鴨？？
唔好忘記　而家讀緊ｏ既係咩野書　讀完出黎又係另一回事
　
我懶得個個係係讀聖咩聖咩～HKU也好～ｃｕ也好～什至乎係喇沙€
嘩～好勁呀！讀書～真係好擔～A+,10A~但係～咪多得香港ｏ既制度～
一個２個都係書呆子～讀讀讀讀讀～

　　不過～香港ｏ既教育制度好ｏ既一面係會俾ｄ錢學生讀書～
之不過　讀完　又點？
　　
　　當然～我都係係香港教育鴨仔團之一，要讀上去就死讀難讀～不過讀完出黎
都係唔知做咩咋ｍａ～大一歲　但係　仍係書本上浮沉　有點兒可笑

　　是夜～我的至高無上道出了家中的經濟問題～原諒我的耳朵好嗎？？
你倆叫我不要去找工作去　但　我不去找兼職　咪又變了你２個的負擔～

　　Non mean D錢～新年後又要郁動～嗯～交完學Fee,幫完阿婆做埋手術～唔知仲有冇剩？？
其實　都幾想搵多份Part time~每次到月尾～都要問我細佬借糧～哎～真係唔係太好＝＝”

　　哈哈～其實都不願大個　皆因　細細個唔會諗屋企的經濟ｍａ～＊＊

>>January 4, 2005 at 7:52:36 PM GMT+8

2005 年 1 月 1 日 星期六 【颳風】

　　　　　　　　　　【反思】
是夜～趕不切轉西鐵　反們要在美孚改上巴士去。

是夜　回到家中　完完整整的作一個反思‧

　今天　與德福的幾位好友，他們是在forum上識的～
雖然見面不多　但　總是很相熟似的。一同到工展會與吃晚反。

　今天　他們對我說了一句說話：如果唔係玩cash flow,我都唔知你番學咁唔開心ｏ既
係既～同紅腸同埋佢地玩Cash flow個日～也將一些心底話語說了出來！
　
　　討厭番學～＊
今天　追查原因，　究竟為什麼會這樣呢？？
可能　因為一開始對那所遠遠的學校反感　然後對　要學的東西反感　因而討厭！
我更加討厭　個度ｏ既大部分人　上ｏ既堂　個度ｄ老師！！個度ｏ既環境～

因為呢個原來　所以～唔鐘意就唔鐘意架喇

　　　　上一ｄ唔鐘意上ｏ既堂　反學心情～果然不太好～
不過幸好　下一個sem番４日～最好唔好再番去　唔好見咁多個度ｏ既野～
見多一日　只會令我討厭多一日！！一放學　愈早走愈好！！

　　　對於個個PE programme,有Gym card個個呢！
我～雖然好想要將Card,但係～有時間出黎都唔上～我今日發現到個原因喇！
因為我討厭呢間學校所搞ｏ既一切ｏ既野！！！

>>January 4, 2005 at 4:25:47 PM GMT+8

2004 年 12 月 31 日 星期五 【乍雨乍晴】

【台上大星星 台下閃不停】

05年 1月1 日～＊新一年　新新快樂～～～＊＊
很喜歡　９０３頒獎禮的舞台　很靚ｍａ～～＊＊

台上大星星　美麗而燦爛。
其實　人　總有終結的一刻　但
我相信　人們曾經影響過人的印記　留下的足跡　對後世影響之價值會留下來。

台上大星星　留下的　是一個個永不磨滅的歷程　
台下閃不停　帶下來的　是對後來人們的無限影響～＊

我想　以自己的生命去燃亮他人的生命　
至少　都想把現在已經因工作而失去夢想的人　尋回屬於自己的夢。

如果　一日　我能踏上一個這樣的舞台　領取一個辛辛苦苦得來的獎項　我都會像古巨基一樣
唱歌　其實不難　但要得人迎同　其實不易　
一套Drama production看似很易　但　內裡複雜　亦無人能知
所以　凡事　不能單看表面耶～

＝＝＝＝＝＝＝＝
今日係詩詩生日～～～～生日快樂唷～～～～～～～～

>>January 2, 2005 at 5:14:12 AM GMT+8

2004 年 12 月 30 日 星期四 【乍雨乍晴】

　　　　　　　　　　【除夕～＊】

２００４年終結　。　整天與好友一起過

２００４年終結　。　世界　臨年尾發生了翻版的唐山大地震～世事難料
２００４年終結　。　人們從歡樂中　帶點反思～生命之有限　人性之無限，人間有情
２００４年終結　。　許多事情就如ａｃｃｏｕｎｔ學上的Balace C/d 帶落下一年～２００５
悲傷的事件　既是事實　就不如趕快Balance B/D ～傷痛　真的很痛。

２００４年　對C MAN我來說　經歷了很多事。
家中的不和演變成分烈，考ａｌ，入副學士　認識到一班從未想過會認識到的人
完完整整　古古怪怪的心情。曾經　有開心有傷心有快樂有悲哀

從未忘記　中七的最後一個Drama Production：＜星語。心願＞
亦未忘記　第一次對外　第二次正式公開表演：＜大棠道的燕子＞，＜秋Go戲爽＞

無論如何　２００４年　已經將成過去
學懂～將開心轉化為歡笑感染旁人
學懂～將淚水轉化為前進的動力
學懂～把失敗演變為成長的踏腳石
也學懂把哀愁把過去把不快．．．．．．成為自己成長的一個印記

我不管　旁人　對現在自己所做的一切　評好評壞
我只知　因為　心中有個能流出一滴淚的夢想　緣由一個夢。

２００４年　正式過去　２００４年得到一份又一份無比真摰的友情
得到一個又一個真心的朋友　真情總好過假意～＊

２００５年　但願　今年比往年更加快樂～＊
２００５年　為著訂下的目標　為著心中的最愛　勇敢地前行

>>January 2, 2005 at 5:14:05 AM GMT+8

2004 年 12 月 29 日 星期三 【晴】

　　　　　　　　　　　【笑～】

很喜歡笑　原來　笑　真的可以感染人！！

　是夜　仍然去學野　有ｄ～原本都唔識　但係都見過ｏ既人　見到面　同我講左２句野
可能　之前出去分享過　每次都係勁笑勁笑咁～ｋａｋａｋａｋ
　
所以　個個人　同我講　你的笑容好好耶～你成日都可以好開心咁　令到我都可以好開心～
嘩～呢個人　真係唔係好識　不過　佢好似好Cool咁架．．．ｋａｋａ

　之後有對夫婦　佢地好可愛ｏ既～我同佢地打招呼　佢地話　你好高呀．．魚．．＞＜
不過佢地都話：見到你成日笑　令到我地都感到好開心。

　　原來笑　真係可以影響人。　我有一個希望　打從而前的希望　
　　　　　　　　　●以自己的生命去燃亮他人的生命●

原來　笑都可以架～咁就要笑多ｄ～要係打從心底裡的笑！！
希望　識我唔識我　應得我ｏ既人　都可以開開心心。
　笑一笑　世界真美妙～＊

>>December 30, 2004 at 4:54:45 PM GMT+8

2004 年 12 月 28 日 星期二 【晴】

　　　　　　　　　　　【古古力味雪糕】

夜晚　同ｃａｔ　ｃａｔ佢地去左阿牛度ｂｂｑ～很開心，很久未有見的詠詩
同幸亦能見到面。談了最近的狀況。

　　　是夜　回家時　買了一杯似古古力但是美祿味的雪糕吃～
很冷～很像真的多了一點點～ｋａｋａ
　
　　　　冬天吃雪糕的感覺　一早違忘了　但　又再從回了。
吃雪糕　把　亂成一團的心　再一次重整　要學會去Balance番個心情。

這幾天　是人累　或是心累？比平時更加下苦功到自己要做的事情上。
每一步都是值得的。　不過　這幾天　又學懂了許多的東西
個人向他人學習的地方也感覺多了～學習，仍是要繼續從別人的身上學習

　　　　近日　亦要開始　一早被放低的補習　哎～又開始不能漫無指境的休息去．．．
很喜歡與小朋友相處　但　真的厭極補習　很累嗎！！但　不補習何來有車費生活費？？
自相矛盾～ｋａａｋｋａｋａ


>>December 30, 2004 at 4:32:57 PM GMT+8

2004 年 12 月 27 日 星期一 【晴】

　　　　　　　　　　　　【命運】

　人生條路咁長　其實係有得揀　定還是冇得揀架？
中七　社際話劇的其中一句說話　

　　　今天發了一個很奇怪的夢，個夢朦朦地色架！
之後我見到一隻手，見到前而有幾個指示個Ｄ aRROWS~就係咁喇～
諗起～唔知呢～哈～

　　　其實　人生會遇到好多好多個唔同Ｏ既arrows, 只在乎自己會點選擇。
我好鐘意Cash flow呢個GAME,係因為　我的人生係有得俾我去揀～
呢次唔得　咪下次ｌａｗ。但係現實上　人生可唔可以唔鐘意呢個結果
就去揀下一個？(十八年後的一條好漢？KAKA)

　今日聽到一個幾好的故事　小學的老師為了証明冇神論　所以就叫班小朋友望出
窗外，問小朋友：小朋友，你地見唔見到有樹呀？（見到）見唔見到有白雲呀？（見到）
見唔見到有藍天呀？（見到）咁你地見唔見到有神呀？　
　　呢個老師就以為咁就ｐｒｏｖｅ左冇神呢個說法。呢個時候
有另一個同學就企起身　問番同學仔同一系的問題　之後　就加多左條問題
　　咁你地見唔見到老師個腦呀？？？個故事就完。

　　　其實人生　條路係點　睇唔到　係咪真係代表冇得選擇呢？睇唔到　我諗唔代表
煮到黎先食　見步行步。
　話劇中的一句：【人生在世　你為ｏ既係咩呀？】
　ｅｎｄｉｎｇ：【我唔知　將來條路係點　我剩係知道　最緊要係　無悔無憾】
　
　我的命運　由我自己去掌管　旁人　不能去動搖。
今日的夢　　唔知可唔可以發下．．隻手係邊個架呢．．ｋａｋａｋａ

>>December 28, 2004 at 5:03:13 PM GMT+8

2004 年 12 月 26 日 星期日 【晴】

　　今日一早起身～就係度整ＴＩＲＡＭＩＳＵ，因為今晚大食會ＭＡ。
整緊旦糕時～先發覺冇發粉喎．．．下．．～不過唔理ＬＵ～～
整完之後就俾左王子佢地先～我就趕出去～～
　今日下午～約左班朋友仔同埋我細佬去玩ｃａｓｈ　ｆｌｏｗ～
嗯～我細佬買得到個夢想．．都係多得我炸～ｋａｋａ～
　
　　　夜晚～做哂所有工作，趕番去天水圍～開大食會～
由於太累的關係，係架ＬＲＴ訓著左～訓訓下有人踢我隻腳喎～
哎～原來我阻住人地落車～不過我及覺原來到站～我都落。
　　　
　　去到詩雅家，好開心，見到素筠佢地～因為真係好耐冇見～～
玩左好多ＧＡＭＥＳ呀，又打邊爐，好快就十一點幾要走
哎～真係唔捨得，唔知幾時可以見到面呢再．．．

　　番到屋企．．好累呀～明天～Ｄ補習又開始番番黎．．
哎～～勁唔想．．不過～又有＄＄，真係難取捨．．．天啊。
呢幾日日日節目都幾豐富同充實～不過咁都幾開心Ｏ既～哈哈哈！！
　
　　

>>December 28, 2004 at 4:44:25 PM GMT+8

2004 年 12 月 25 日 星期六 【晴】

　　　　　　【ｂｏｘｉｎｇ　ｄａｙ】

今日係星期日，　今日有２個節目～第一個～係開Party~~
但係一起身．．．成身　骨頭好硬好痛～我琴日打左半小時ｏ者．＞＜

十二點幾約左小生買埋要用ｏ既野
之後３點鐘　就約左番完教會ｏ既阿Man,wendy carver,
仲有華哥，ADA十餘人係屯門搞Party~~哈哈～～～又混亂又精彩～
　
之前同小生講想食salad, 佢真係整左～好好好味～ｋａｋａｋａ

之後一路食一路反～ｔｈｅｎ到我ｏ既神秘GAME--戲劇共賞
其實即係玩即興，我set 左個場係公園～
ｋａｋａ，小生坐左係出面，我行埋去就．．老公～哈哈
一講就全場爆笑，之後笑料百出～ｋａｋａ～

第二個景係Carver set o既巴士，我扮大肚婆，上車鬧LOUIS唔讓座～
之後～點知俾人玩番轉頭～．．．．－．－
　其他人就係架巴士上面坐上坐落～哈哈～未入去剩係睇已經笑到死～
最後我話總站，見到ｃａｒｖｅｒ唔肯落車．．我話：喂～落車喇！
呢個時候～佢先扶住野落車．．原來佢係盲架！！ｈａｈａ
期間仲有棵”樹”出現左

最後係機場～我見有　ｄ人冇出過黎．．就係度叫，阿爸～你做咩咁耐架
就順便拉埋佢出黎．．呢個就係　DRAMA好玩之處～拉人入黎一齊做～ｋａｋａ
　
　　ｃａｒｖｅｒ奪得最佳actor~佢份禮物係．．一包LEMON TEA,同一個生果．．
ｋａｋａ～冇ｏ既～我係屋企拿ｏ既～哈！！
　　之後交換禮物．．．．我個個係MICKY MOUSE 紙巾盒～
玩到６點幾就散
　　
　　之後我出左去＜寶琳消防局＞７點幾度就出度去～ｂｂｑ呀！！
有Daniel 同佢太太carmen and仔女啦～阿ＪＯＥ一家同ＩＲＥＮＥ佢地€
當然仲有好多人～哈～嘩～燒燒下．．．消防個Ｄ廣播響！
全場靜哂．．但係我都聽唔到佢講咩～燒緊野食Ｏ既消防員就即刻留心～
哦～原來係油塘間局冇哂車，要排架車過去～～好～繼續燒～ＫＡＫＡＫＡ

　　之後～又有喇～今次係．．唔知咩野，剩係排架救援車～ＫＡＫＡ
係操場入面bbq~ 好好ＦＥＥＬ，最衰冇帶相機．．我係度研究緊
我行唔行得上消防練習個條二十幾層的樓梯

　燒到十一點幾就走～ＫＡＫＡ＜係架ＭＴＲ訓著左～
去到油麻地落車，個陣都十二點三，所以搭68x番屋企．．．
ＯＨ～～～好累．．聽晚又有ｇａｔｈｅｒｉｎｇ，要整ｔｉｒｍｉｓｕ．．
唔知聽日整唔整得切呢．．？！！

>>December 26, 2004 at 7:22:11 PM GMT+8

2004 年 12 月 24 日 星期五 【晴】

　　　　　　　　　　　　　　　〔聖誕～～～快樂！！！〕

今日係聖誕節，但係～節目簡直～嘩！！！
　晨咁早就起身，出左去大埔，咦，搭車經過林村許願樹，都想下次去。
之後就去左大埔墟，約左阿Man+Wendy+小生同Carver食早餐～
後邊個２個就剛送完佢地老婆仔去粉嶺，佢地今日去山區LU~~　
　　　　期間～俾佢地笑人地ｄ字係咪細路仔寫添．．＠＠
　之後去左打羽毛球，仲有好多佢地的朋友～ｋａｋａｋａ
我就打左一陣～～已經好累ｌｕ～～

　　　下午，同Wendy出番去油麻地，因為約左朋友仔玩Cash flow
魚，今次做左醫生，到最後我有三個Frd就Jump出左個圈圈，仲有人win左．．．
佢地係第一次玩架咋．．魚．．咦咦＞＜
不過今次我就冇經歷生仔同埋失業～

　　玩完成個Cash flow,自己又學多左ｄ野～學憧去表達與欣賞。而且～
可以用Cash flow去表達創造者與玩者的心情，都不俗～哈！
　
夜晚～出番去元朗，同Kate,720.Cathy,Janet,小芬女，阿腸打邊爐，
不過過陣我已經疲憊ｌｕ～ｋａｋａｋａｋ
　　　
　之後就１１點幾就走，番到屋企．．咩都冇做就訓～
聽日又係新一DAY~~~KAKAKAKAKａ聽日仲開心好反～哈！
－－－
由認識到那班可愛認真的烏龍團隊開始，人生開始變得更有價值
減少了許多消極的想法與說話　增加了很多正面的人生
不要說自己比別人用多幾多時間／冇咩時間
每人只得每日的２４小時　而且　連傷殘人士都游得水　寫得字
自己常說不能　究竟有什麼不能　我比別人幸運　我真的感覺到。
今日收到份聖誕禮物～～好開心～ｋａｋａｋａｋA
^

>>December 26, 2004 at 6:50:54 PM GMT+8