2004 年 7 月 19 日 星期一 【雷雨】

今日下午~~約左阿媽。去千色四樓勁買野食。
不過我最貴最想個ｄ都冇買～買左D小食～哈哈～
同埋細佬一齊去～仲見到卓敏～有緣Ma!
最後買左４０蚊到啦。～
唔～番到屋企，見到老豆整蝦餃。嘩！老豆係個度唔係好大架咋喎．．
點知老豆話做埋下星期五就失業了．．．沉默。
　　細佬就話：好快搵到工架咋。佢話：邊有咁易。
係ｏ既，邊有咁易。而家，都好難搵到工架喇。就算人面幾廣，長江後浪推前浪～
又點同ｄ後生仔爭呀。‧‧‧‧‧寂靜。
　　初頭仲諗住搵阿媽過幾日去食sushi,算啦。都係唔好喇，今日已經用左幾ｄ錢。
其實自己而家都好好。每星期都有一百蚊零用。好彩平時唔買衫咁。其實都夠使ｏ既
，如果搭車唔駛錢仲好－－””。雖然琴日問細佬借左一百蚊。
　　夜晚阿媽打黎～佢話收到之前投稿的fee了～咁都好～好～今晚再寫ｏ既。
今晚係D forum見到"春天"係朗屏社區中心有個Drama工作坊。有十堂～
全日制學生就可以半價～original係３２０蚊。全日制？唔知我算唔算．
如果係ｏ既，我都想補。１６０蚊．．銀行仲有．．Kakaka
＝＝＝＝
而家．．．好多野ｏ既諗法都唔同左。如果為左屋企，我應該？
如果為左自己，我又應該？？唔．．．．．

>>July 21, 2004 at 5:06:50 PM GMT+8

2004 年 7 月 18 日 星期日 【晴】

今日係Keiko生日啊~~~生日快樂~~
不過~對於我黎講 今日係另一個大日子~係我樹仁的Interview~
其實都一早明白~而家條路好明顯~讀樹仁/自修一年/做野~
不過~都係想 in好樹仁先。
今日約左小芬女一點係968等~~搭車..好累~~2點幾去到轉小巴~~
好搞笑,坐係我地後面係2個男仔~佢地係咁講樹仁~~
初頭我地以為佢地係學生..點知聽到有個人一句 :好似好多人in喎今日..
哈哈~爆笑,我同小芬女落車就忍不住笑。
去到,真係幾多人,我地in3點/3點3~點知2點幾去到...有人著到好OL feel..驚~~
等到3點3~去到,阿sir黎o既~講中文~一見到我就話我好高~係度講左一陣高度~
佢叫我sell自己~sell鬼~唔識講野...咩都冇提~成個Interview~我覺得最失敗and遺憾
係冇講我係學校/出面參加過d咩,得過咩野獎。我專登用14蚊買左個file諗住入得靚靚地架D
成績表..點知最後都冇睇..唉~
佢問我o既問題~~都唔係好識答~~我in完出去~咦~係小芬女,小芬女同我in同一個阿sir~
大約3點9度就走了~我地係架車度講番頭先~哈~個阿sir一定覺得我地係白撞o既~
不過對我黎講真係有失望Law~始終自我介紹搞成咁。唔........8月初會知結果...唔知點呢..
之後我地6點係千色等去BBQ~~嘩~去阿牛度BBQ呀~
有好多人~有我,小芬女一對,Keiko,阿腸,Catcat,Cathy,Janey,阿牛,吳立賓,拉登,黃繼堯,720伉儷,Kate
等等(係唔記得,好似差唔多)牛爸爸同牛好似樣。
燒野食~好~~燒燒下落雨~仲好~移師陣地~~kaka~之後收到電話~阿Lam打黎~~
咦,唔記得左佢今日去camp....佢地實玩得好開心~哈哈~~之後我都好乖咁打番俾阿LO~
kaka~~如果我係佢地度,我實會衝入佢地間房反~~~~希望有下次機會啦。
燒到十一點幾就走了~~~BBQ個陣我地D女仔就傾左好多野。我而家終於知道左~~
澳門之旅個日~~哈~原來阿腸都唔係好熟睡架咋~~--lll(汗)
唔緊要啦不過~~~哈哈~。
之後我搭車走,見到一個同村~~yeah!!有人陪我行下面,安全D~~好彩佢係男一個~係女我都唔行下面啦!!
--
是夜～嗯～成４點先訓，因為咁夜沖涼．．邊有咁快乾架個頭。
我都思索左好多野．．．會唔會邊做野邊進修好D呢？？

>>July 20, 2004 at 4:34:21 PM GMT+8

2004 年 7 月 17 日 星期六 【晴】

今日一早起身~~~去飲茶,跟本約左阿珊交錢俾佢~~~
飲完茶去百佳啦~之後我冇番番屋企,係元朗行左陣~就落左天水圍~
因為約左韻韻12點半~係天耀等~~~
去到~同佢一齊去天盛個邊的仁愛堂~~事緣之前我係D Drama"s Forum度~
睇度火羚劇團recuit actor~咁今日係casting,咁我問佢有冇興趣~既然大家都有~
咁咪一齊去Law~去到~fill the forms~就去casting~個2個人係一男一女~~好好人~
我地一齊Casting唔覺有咩緊張喎。哈哈~~1
首先就自我介紹~~~記得有個男話:你地2個都係最佳女演員。如果我唔俾你地2個做演員
咁你地咪打我~~kaka~~
之後~我地就要做默劇~~其實係做場景~~我做番上次IN APA個個。韻韻做係鬼屋~~
Then~ 當然係做劇~~做車海十三郎喎~
試完~佢地話我地把聲好響~不過咬字就..咳咳......
試完後一個星期通知~~~對我黎講得唔得都好啦~玩下Ja~kaka~~
之後同佢地左銀座食野~嘩~涼茶鋪都有面食架喎~~~
跟住我就落番元朗~~~係度行啦~因為未買Cathy and Keiko的禮物~~~
其實諗到整咩~不過要搵到黎買~~行行下上千色~發現左千色4樓~有特賣場呀~~
kaka~下次叫埋阿媽買先~~最後都買到我想要o既野~~臨走個陣~
見到叮噹個D window curtains~~kaka~$25`豪俾佢~買左~~
番到屋企~見全屋待番阿媽同老豆~~就問阿媽其實如果我讀樹仁~有冇錢供我讀~
佢話都有o既~不過叫我考慮清楚先~因為要\讀4年~佢地話如果真係讀~驚我搭車~
太耐辛苦~~kaka~~不過~阿爸話讀到先再煩~哼!呵€
夜晚~係度整Cathy 的禮物..魚~失敗左.....頂呀~
因為聽日要In樹仁~所以係度睇Newspaper啦~~~2點先訓~~
Keiko 個份~原封不動~勁~

>>July 20, 2004 at 4:08:42 AM GMT+8

2004 年 7 月 16 日 星期五 【晴】

～～～＊＊深情日記　　　　無題。＊＊～～～



呢個叮噹～係L.C送俾我架～好可愛呀～yeah~~


隔離個個～～咳咳，．．大家都知啦～～有天資所以唔溫書的．．咳．．

你看到嗎？這是我家中的一隻烏龜。生活在我的家幾年了。
Lazy Man的獨白：
"親愛的龜龜　感謝你幾年來看著我　我也看著你的長大　但　其實你悶嗎？
幾年來都是在同一處的狹窄的地方　每天也待在這裡。不知你的心在想什麼呢？
幾年了　只能特在這裡．．．Lazy Man
龜龜的獨白：
"人類啊人類　我都不知道要多謝你還是埋怨你　你養我　好　好　非常好
但我每天也過著同樣的生活　幾年了　足足幾年了　我又逃走不了　
你試試在同一處地方生活幾年　沒有朋友　沒有朋友的　什麼事情也不知道的
也不能游來游去．．"
～～＊＊其實　佢有冇思想架呢？如果有ｏ既話　佢咪真係好悶．．．＊＊～～
"

>>July 19, 2004 at 5:36:28 PM GMT+8

2004 年 7 月 16 日 星期五 【晴】

嘩嘩嘩~~今日終於可以寫番日記了～～～唔知點解～
之前個幾日都有ｄ野發生．．日記．．上唔到黎（sever問題～）
哈哈～天意天意。
　　　今日係淑君生日～嗯～生日快樂呀！！
我地下午（有我啦，阿腸．小芬女，Janet.Keiko)去祖凡尼都食Lunch~
咦咦咦～個Lunch的menu同我上次去．．一模一樣ｏ既．．－．－””
之後食完～梗係唔走住，係個度吹水～kaka~ 講番好多中學的野～
好似．．唔係好記得添．．kaka~
我地點幾去到成５點先走．．嘩哈哈‘
之後凡左打機～嘩～打太鼓。原來我都識打～～有叮噹首歌喎！！好玩好玩～
佢地又有玩賽車～打拍拍機，太刺激了～～唔經唔覺咁又６點幾～
走呀走呀～～哈～～
番到屋企，食飽反～魚，都冇咩野做。我呢D梗係行行企企行行企企．．
哈哈～係屋企．．無聊添。不過就同左麗華傾左陣電話～～因為我地星期四同韻韻
去遊船河～哈哈～係錦光搞的（點解我會去～？因為地點係半月灣～我剩係想影相。
同埋～～其實，吹海風，個人，個心，係會醒D架。我要ｏ既，係呢ｄ。我要諗清楚ｏ既係
我要我自己要點！！到時～講道都唔理佢～呵～
－－
聽日．．．好特別～我同韻韻會去一處神秘的地方．．

>>July 18, 2004 at 4:10:22 PM GMT+8

2004 年 7 月 11 日 星期日 【晴】

前途未明　　　仍然混亂　　其實係　自己都唔知自己想點

　　　我想點呢？　　我想黎多年？（但係今日聽Ms Yip的說話．．好似唔係太好～）
　　　　　　　　　　我想讀HD?(hey~我報個２個都唔收我咁低分的考生．．）
　　　　　　　　　　我想努力於樹仁？我都不太清楚我的心。
　　　而家　其實得番２條路可以揀。Repeat /ｉｎ好樹仁。
　　　而我的心呢？　哈～當然係Degree~不過～咳咳～現實D。
　　　心　仍亂。唔知呀．．真係唔知。

　　　今日番學校拿獎，有一百蚊Ma..頂，原來係書券。係下面走廊見到Louis兄。
同佢傾左一陣，我同佢講感覺有D愁緒。佢話：我教你一種方法呀。祈禱．．．
唉～如果祈禱真係能解決問題。年中就唔會有咁多人自殺‧哈
＝＝＝＝＝
琴日　　決定左　俾小學同學叫去番教會之後　我呢排唔會再番主日學。
因為　我而家唔想對住D太熱鬧的氣氛　咁只會顯得我更加寂寥同埋對比
我諗住　下次分組就講架喇　。

>>July 12, 2004 at 4:14:58 PM GMT+8

2004 年 7 月 9 日 星期五 【晴】

我發現　　每個人講野都唔同　讀degree的話讀degree好　樹仁唔好
HD的話HD好　樹仁唔好　　樹仁ｏ既梗係話樹仁好　　副學士話副學士好．．
即係．．我都唔知道。其實．．樹仁我都幾想讀～新聞系‧本身．．就想讀架啦
但係．．係U度點揀ｏ者．．揀左都輪唔到我。然而～有太多考慮因素了．．我都不消楚。

　　　各人前路好似未明　我的前路仍然未明．．我都唔知應該點好。　ｈｄ？ 我本身冇諗過，但係佢地咁講。自修？Keep唔keep到呢？．．．未明的仍是未明的．．。唉。
－－－－－－－－－－－－－－－－－－－－－－－－－－－－－－－－－－－－－－－－
　日記，都唔算update版，皆因，心情仍未穩定。
但係～無論睇唔睇到．．有好多人都要多謝。感激。（老師唔計啦．．寫哂成版都未寫哂）
＝＝＝
首先係～番教會的Limmi成組啦～個個都咁support我～
一番去有Lammi陪我放榜～再黎係阿珊＋阿Pink+麗芬的support~
夜晚黎阿lam..的MSG(開頭唔知係佢黎仲可以傾好耐．）
仲有係阿LO的祝福～好～２個後者因為太遲．．
所以各要下次Gathering帶備２包麥提莎／金莎。仲有係：

　　韻韻　唔係佢我連社drama點都唔點。
　　阿邊個：雖然我係不喜歡她的attitude　但係佢控制燈光方面唔錯
　　阿哥（edmond)ｄ歌好o岩feel　特別係最後個Part,而且　道具分配不錯
　　APPLE:開幕拉幕～功臣黎架～～
　　Meteor/Janet /Rain:經過我４日改造，上到台一大進步　而且前２位最後對於結果不甘心
因為佢地知我係最後一年　所以想做好D。但係對於我黎講．．呢套劇係一個好好的memory,
我真係可以玩到燈光～可以玩到獨立人物，今年的drama係improve左。對我黎講．真係可以謝多次幕。
　　Louis兄：今次個噴水池都係多得佢先可以吹起D水（繩）。仲有要多謝係係有一幕D mic冇聲，有人唔記得打signal個陣，我走緊過後，佢同後台個helper 講：跟緊D呀。起碼對我套劇係益多於弊呀。仲可以穩定番個一剎那怯的心。
　　台下個３個評判：雖然我唔知邊句真邊句假　但係　讚套劇的時候　我當係真架喇。
　　上黎睇我做劇的中七同學仔：對我黎講　你地肯黎睇我演出　係一句好好的事　其實個陣係台上，我都睇下你地係咪度．．唔知呀，因為我覺得，有同學仔陪我一齊過．．我個心安定好多。起碼我唔係孤軍作戰呀Ma。
　　台下audience:　我可以做到一套我想做的劇　懶高深的劇　你地又要逼住睇
不過　如果D同學係收到入面獨立人物的Msg就好了～～
　　

>>July 11, 2004 at 4:06:01 PM GMT+8

2004 年 7 月 8 日 星期四 【晴】

對不起 詳細情形不記載...細節不記．．只記大概吧

　當考完al開始　縱然　因為什麼事情都好　我都可以抑制到自己　不要哭。我比人強
然而　今天　又再流出淚來．．．
　　
　　收到成績．．我應該比咩野反應？？我要上去做DRAMA..我應該點做．．
上到去．．見到mOK SIR..原來壓抑的感情．．又再激動．．伏在mOK SIR身上，任周圍學生點看
你容許我哭吧．．我可以對大佬莫說：我冇對唔住你。
　　做dRAMA..冇人咁問我成績，冇錯，我前一日講過．．唔准問我。
做完．番落去．．感激有好多同學上黎睇我做戲，因為，我的最後一套劇了。
雖然劇本欠一分．但～我很感動～唔知呀，係因為個劇本可以搬上舞台掛。
　　　事後，我地同mOK SIR食反．．知道得５個人　ＦAIL..都好開心．．　ＭOK SIR,終於唔駛俾人照肺了．．係下面個陣，校長過黎同我講，佢問我套劇係咪親身經歷。你又會知～哈～
不過係～咁又點呀～冇咩所謂。
　　　見到jANET同埋mETEOR( 劇中）係陳老師面前喊的時候，佢地話唔抵，可能啦。不過
我好感動，因為証明佢地都有為套劇付出過～盡左力～所以先有咁的表現。
　　　　　食完野，去左７２０家訓左陣，番到屋企．．寂靜．．唔想出聲。
夜晚上左icq..同哂要講ｏ既人講哂成績．．唉．．好迷茫Law~
　　小芬女同我講有冇興趣報樹仁．．有架．．但係．．聽到班degree的frd講．．唉．我都唔知。原本諗住黎多年，但係聽佢地咁講．．唉．．好似真係做唔到喎．．
好苦惱＞＜

>>July 11, 2004 at 3:38:33 PM GMT+8

2004 年 7 月 7 日 星期三 【晴】

唉~今日的心情當然複雜,明天都咩喇...唉~
今日一早番左去排...但係..大鑊喇,由於我幫梗人替了一個角色,
佢同我講話做唔到...聽日上喇喎.即係搵我做..下..下..下..
陳老師聽左都好驚嚇~我放榜仲邊有心情上黎呀.....er...
Ms 張都叫我唔好做..但係..唉...我好想做,但係聽日用咩野心情上黎做先得架。
之後係課室排個陣.Keiko打黎~應該係我打俾佢先o既,睇下有咩野節目呀Ma
點知~~冇~之後佢再打黎~哈~不如約 d人去唱K~之後我就搵左小芬女~Janet cathy
腸 and keiko,去唱K食Buffet LaW~
講番套劇..唔..我叫左Janet番黎睇,佢都覺得悶~哈`我都覺得,咁我冇諗過係我做架Ma
不過開心的是,係最後我地加了不少笑位..咳咳..。
之後排排下,我落左去,見到Ms chang了..咳~我同了她說....我話我等待你期待。
我等待明天的成績單,你期待我最後的一劇。不過搞到成6點先走之後去唱K
我杜唱到11點半`都未cut~!!不過都走了~~嗯~
其實夜晚都好開心架喇~有咁多朋友可以陪我~~因為如果冇人陪,我都係唔要咁早番屋企o既
番到屋企,我舅父又好似平時咁冇野(--"")唔理佢呀..我打開newspaper
大鑊...明天放榜的事賣了..好了~全屋都知..唉唉..
唔知呢~是夜~玩ICQ lAW~好了~而家係3:51am..
寫到呢度。再見。明天一早會番去教會,佢地話叫我番去為我祈禱~
哈哈~好呀。..

>>July 8, 2004 at 7:50:35 PM GMT+8

2004 年 7 月 6 日 星期二 【晴】

唔...今日都有番去幫佢地排Drama啦。咳..原本諗住搵紫霞老師食反..
點知聽Ms hui講佢要同中史科d老師開會食反喎....><
之後我同左D actress食,係學校附近~新開的都不錯。
之後練Hall的1-3pm..好明顯係好左架~但係都係悶,點算呢..ER..
之後陳老師上黎..佢拿左D jelly上黎呀..好開心,不過我冇同佢講野佢就要趕住開會了..
練到四點幾係Canteen傾野..陳老師落左黎..咳,我梗係把握機會同佢chat,
佢話見到進步好..好開心呀。我仲問佢拿了地址添...之後我過了Cathy家整同學錄
哈~其實我跟本冇整過..坐咋M。7點幾~去左分組Gathering~
之後係條街度見到3舅母,頂佢個肺~見我好似好陌生好尷尬咁,頂佢呀~
我諗住六國大封相後我冇野架喎...佢咁對我好彩我係MACAU冇買手信俾佢~
呢D正一衰人!
不過我要早走~~之後佢地為我放榜祈禱~嘩`我梗係話拿拿臨祈完先走..。
番到屋企,再搞掂番少少drama的野,做自己野了...唔..聽日要早D番學校排,
為左陳老師,我豪俾佢...王子話聽晚BBQ cancel了..下,咁我咪要留係屋企,人地就係唔想呀><
---
今日下午個陣,我打俾細佬,細佬話屋企隻死老鼠捉左喇,嘩~好開心呀~
都話係個老鼠龍度死左架啦..咳咳.不過好似話有蟲.唔講喇都係

>>July 8, 2004 at 7:43:58 PM GMT+8