2005 年 1 月 8 日 星期六 【晴】

連星期日也要忍受夜睡早起的苦
8點幾就要起身啦
連續3份補習-----想起也出冷汗
無計啦-考試的季節
終於說出了︰你們考完試我要休息一排
呵呵呵
10點補到5點---再去阿婆度燒嘢食
原本想不去的，但很久沒跟芷君見過面了
爸又休假，燒就燒啦
8點幾番到屋企
哈哈！又係一除鞋就即刻埋衣車—分秒都必爭呀

一月八日(星期六)
放工同米人、蝦米去入貨
兩點九先食午飯---餓到發瘟
吃了譚仔隔離新開的酸菜飯
蝦米先拎布回公司支援
我同米人行到腳都%去摷碗
搵到啦—但總共只平了20大元
都好，做生意,平得1蚊就係1蚊
差不多6點先番到公司
星期六的下午+晚上,公司有我們7個
遙身1變,成了個小型工場
夜晚大家去銀龍食晚飯—睇了少少勁歌
之後又番工場做嘢10點半才走----第1次這麼晚
這種成班人一齊努力的感覺是我一直好想試下的
試到了﹗感覺真的很好----不過要事先準備-----eye mask
------------我們這麼努力,大家記得來捧場﹗
晚上回家,又開衣車---車車車車車車車----
看着勁歌的錄影，睇了3次明哥跟祖兒的合唱
車到3點多。

一月七日(星期五)
晏晝上到酒樓,攞了位
但我哋走了，改去元祿
夜晚車嘢車到兩點多
5個鐘頭只整了一件課-----唔係馬

一月六日(星期四)
第一堂平面及商業設計
看着powerpoint，我睡着了
不是因為悶，而是太累
很多功課啊
9張粉咭----1額汗

>>January 12, 2005 at 7:37:54 AM GMT+8

2005 年 1 月 4 日 星期二 【晴】

一月五日　　（星期三）
米人今天病了，沒番工
打給她，她竟在家車緊布，真乖
晚上也有出來，３人一起上書法
上完，在灣仔入埋貨
買了１００件，事頭婆竟唔肯減價，
原來呢啲嘢要問它闆先有計傾的，搞掂了﹗好嘢
又去桃園食嘢，咖喱牛腩飯
咖喱好味到不得了
又是辛勞的一天～很累
今天派了易拎、小Ｐａｍ去深水埗買貨～乖啦

一月四日　　（星期二）
放工又同蝦米、米人去了長沙灣格價
再過深水埗，又係買到啲買唔到啲
今天開了ｅｄｉｔｏｒｉａｌ的１２人大會，外加１個空降員工，阿cm生
哈哈﹗說出了自己覺得不妥的地方，舒服了很多﹗

一月三日　　（星期一）
上星期很擔心Ｏｐｈｅ，Ｒａｃｈｅｌ她們太忙而唔幫手縫嘢的
提了她們３次
點知今日個個都有縫到番來，很令人振奮呢﹗
放工時間跟易拎出去食綠茵閣隔離的米線，超普通
夜晚番學～休息了一個星期，上新的科目啦
描繪技巧與繪圖
展開了新１個星期的工作──很累（哈哈﹗我常覺得１個星期的開始是星期一）
辛勞的開始，輕鬆的結束～咁樣好似好０的

一月二日　　（星期日）
幾多年沒掂過衣車啦﹗？
下晝拿了媽的衣車出來，看着《四海同心……》
車着一片一片碎碎的布
幾好玩的
又練了一版書法

>>January 7, 2005 at 9:48:57 AM GMT+8

2004 年 12 月 30 日 星期四 【晴】

十二月三十一日　　（星期五）
今日公司放4點，唔記得放工做過0的咩
不過晚上就跟妹在家大食會
看了一隻碟──其實有冇看呢？甚麼碟呢？
隔了這麼多天，忘了﹗
咁快就１年了
想寫個２００４ｒｅｖｉｅｗ
但由於需時，現在又在公司，遲點吧﹗

十二月三十日　　（星期四）
今日我同米人請了假
跟正在放大假的蝦米去深水土步揾貨
拎了很多布版，又去埋長沙灣
格了價，看了款式
但實質買到的東西不多
趕得及７點幾回到元朗睇醫生
蝦米的大假被我們的秘撈霸佔了
謝她～我們的商業登記證搞店了

十二月二十九　　（星期三）
今晚上完書法，番元朗跟茜嘉、好兒、齊齊、阿Ｙａｎ打邊爐
打到好似１２點幾先番到屋企，好眼瞓

>>January 7, 2005 at 9:30:24 AM GMT+8

2004 年 12 月 26 日 星期日 【陰晴不定】

晏晝補習，出門前覺得很熱的
只穿了短袖Ｔ－ｓｈｉｒｔ和薄外套，到３、４點，凍死我啦
香港的温差幾時變得咁勁的？
麥潔儀話阿皓今日去會展吹笛～所以先唔得閒補
唉﹗提到「阿皓」，我真的有點頭痛
皮質醇有上升的可能
之後補瑤瑤啦
～原來同一個年級的學生，程度真的可以很參差的
（對不起﹗我知道這樣說是很沒品的，所以只在這兒說）
不是說瑤瑤程度差～剛好相反，就是太好了
隨手拿起了隻ｄｖｄ問她英文
ｄｅｓｔｉｎｙ，ａｎｉｍａｔｉｏｎ．．．全部都識讀識解
（哈哈﹗我的補習課是很生活化的，上次補數學，我哋合力計了哪種ｓｉｚｅ的ｅｘｔｒａ最底0趙，答案是最大的袋裝最底）
同是中１的人，為甚麼有這麼大差別呢？
今日出去時，袋了本《交換日記》，諗住在車上睇
點知太攰啦～瞓覺算～白白袋了本重重的書～無聊
這兩天好像回復到大學時的頹廢日子
兩點瞓，１１點起身，仲攰過瞓得幾個鐘的番工日子
犯賤～講開又覺眼瞓啦
～今日又去買了芋蓉包和紫米包，終於試了ｌａｔｉｎ　ｐｅｐｐｅｒ味品客啦，實在不錯
晚上又上網找資料啦
～這兩天的感冒徵狀出晒來啦～若不是擔心趕不及在年底前完成１課ｒｅａｄｅｒ
真的很想請假～不是因為不舒服
其實只係喉嚨痛同勁多鼻水，精神完全冇問題的
但如果請假，我就可以去睇醫生拎假紙０麻（哈哈﹗好像本末倒置了）

星期日
去了阿婆家ＢＢ蕉
這次人丁不算多，但不冷清
我同家姐最遲走，看了少少《天涯俠醫》
因我要教ｂｅ做功課，家姐幫舅母ｄｏｗｎｌｏａｄ歌
坐舅父車走，幸好不是ｍｉｓｓ了很多《俠醫》
晚上又睇左新城頒獎禮～一路睇一路練書法，練了兩板
雖喜歡祖兒
但對她得獎時刻的片段不太感興趣，不過她唱ｌｉｖｅ的吸引力實在很大
今日斷斷續續上了好耐網，要找這找那的
做落先知太多嘢要煩～希望這些功夫唔會只用到兩天～真的很希望

～今天發生了地震引致的海嘯情況，出現了海嘯引致的災難，恐怖得很
～今天番禺有大象傷人的新聞，米人好似話這幾天會去番禺的
　看了第１次新聞片段，不太清楚；看第２次，傷者應該不是她吧

>>December 27, 2004 at 4:11:12 PM GMT+8

2004 年 12 月 23 日 星期四 【晴】

平安夜
公司放半晝呀～太好了
我哋１２點幾在公司玩交換禮物
抽中了Ｏｐｈｅ的禮物呀
大家又夾了錢送聖誕禮物和聖誕咭給Ｓｔｅｖｅｎ
Ｓｔｅｖｅｎ是１個很君子、很明事理、很客氣的老人家
公司的上上下下都很尊敬他的
Ｓｔｅｖｅｎ話︰真係好高興，高興到唔知點講
跟住我哋成班一齊去飲茶啦，１枱１１人，
多謝Ｓｔｅｖｅｎ請飯茶
仍然係當肥廋珍菇（大小二千金的新花名）透明的
飲完茶，我哋７人去開秘撈會
（Ｐａｍ　Ｐａｍ昨日已出發去湖南做義工，喂嘈去睇戲，所以缺席）
原本諗住找間ｃａｆｅ開會，但Ｏｐｈｅ有瑣匙
醒起可以番去公司開會，
咁我哋成班人就動身啦
今日由２：３０開到４：５０
進展良佳
之後同嘉美去行街
夜晚吃了很多熱氣嘢呀～ｏｏｉｓｈｉ
但喉嚨仍然是痛

下個星期兩日都唔駛番學呀
而家好有放大假ｆｅｅｌ
這個大假的時機很對，為我們的秘撈騰出時間～謝
我的日文都丟低了兩個星期了，係時候追番啦

大家聖誕快樂﹗

>>December 25, 2004 at 6:15:39 AM GMT+8

2004 年 12 月 22 日 星期三 【晴】

今早，我同米人、經理都請了假
～哈哈～經過尋日的開大會風波
今日我哋幾個就一齊請假，唔知兩個千金會點猜度我哋呢
我幾３個仲喺度講︰都未見過人哋請假請到我哋咁得戚的
算係低調的抗議吧﹗
我哋３個朝早１０點上地產公司ｂｒｉｅｆｉｎｇ
聽下比賽的詳情
原來我哋入圍，唔係因為冇乜人參加
事實係有９５隊參加，我們入了３０強呀～如果再嬴埋頭３名～就開心到癲啦
聽到１２點有休息時間，之後就係記招啦
我哋就趁此空檔閃人
點知下晝有蘋果日報的記者打來話想跟我們做採訪
但在記招又見唔到我哋～
在電話聽到那記者的相約，真的很不好意思
因為我哋乜都未準備的，俾唔到啲咩資料佢的
所以生平第１次被人邀作訪問～就此告吹了
喂嘈就話︰我哋唔可以出名架，碌碌會嬲架，佢唔鐘意人做兼職架，除非打我哋格仔啦
哈哈哈

下晝我哋３個番公司打卡，再ｊｏｉｎ其他人去千色店食日本嘢
食完飯再去隔離的Ａ　ｏｎｅ買定麵包ｆｏｒ　ｄｉｎｎｅｒ
因為今晚番學前要畫埋幅素描，冇時間同格格去買嘢食啦

>>December 25, 2004 at 5:59:36 AM GMT+8

2004 年 12 月 21 日 星期二 【晴】

星期三
朝早起身好似發燒，喉嚨很痛呢
～若不是晚上要學書法，我可能唔番工啦
唔係「可能」，應該係「應該」
一整天都做唔到嘢，昏昏沉沉的，諗唔到嘢
今日喂嘈、Ｏｐｈｅ她們忍不住了，
要求召開成個Ｐｕｂｌｉｓｈｉｎｇ　ｄｅｐ的會議
聲討大、小二千金
雖然最終在碌碌的逃避下開唔成
但已迫使上層正視問題了
真的好話唔好聽９個人不滿兩個人
唔計ｇｒａｐｈｉｃ的，成個ｐｕｂｌｉｓｈｉｎｇ就得這９＋２人
問題真的很嚴重了，何況ｇｒａｐｈｉｃ的同事都暗地裏很不滿的
這並不是人多蝦人少的問題
而是會直接影響大家工作的問題
做了差不多半年了，很實質學到的東西不多
但以她倆作為反面教材，我就獲益良多
學會了在ｐｒｏｏｆｒｅａｄｉｎｇ上尊重別人創作，而又顧全文字質素的方式
學會了哪些部分特別需要跟別人作妥善溝通
學會了表達自己的想法時，要有實質理據支持，而不是主觀的感覺
－（「怪」實在是個很差很差的字，要改人哋的文字時，用「怪」作理由的話，
－－講咗等於冇講，因為每１個部分都可以話佢「怪」的，說到這裏，
－－又忍不住暗叫肥千金食屎）
學會了不容易妥協～～擇善固執
學會了不要太相信表面
明白了別人改的不一定比我原本寫的好
明白了磨爛蓆～不一定會得出甚麼，可能就真的只有一張爛蓆
多謝她們倆

話說回來
今晚上書法～～哈哈～開始同老師混熟了
佢無端端問我哋３個係同事定同學
跟住一路寫一路傾咗陣
夜晚，終忍不住～唔舒服都照原定計劃去鋸扒
食大家樂的鵝肛西冷鐵板餐
番到屋企飲了４碗涼茶補數
實在太攰了，最後一份素描功課只畫了個雛形
唯有留待明日啦


星期二（冬至）
由於冬至的關係，今日全公司的人早放１個鐘
車﹗一心諗住會放４點添
跟住我哋８人，撇除要去睇戲的米人
去了和民食ｔｅａ、交換禮物、開秘撈會
我抽中了喂嘈的禮物呀
最近大家越來越多花名啦～尤其係大、小二千金

>>December 25, 2004 at 5:41:15 AM GMT+8

2004 年 12 月 19 日 星期日 【晴】

星期一
真的有點擔心Ｏｐｈｅ
她的皮質醇偏高問題越來越嚴重啦～是真正的擔心
不能說二千金做得不對，只能說她做了不對的東西
放工時間，跟易拎去了綠茵閣買魚湯麵外賣～好味呢﹗
到了７點，正要離開公司的時後，竟接到地產打來的電話
我們的計劃書入圍了～
那一刻，我應該係幾鬼崇的～礙於肥千金在，我要到門外談
跟住就同易拎打電話通知各人啦
大家都好似唔相信入了圍咁
易拎就話︰最冷靜都係阿Ｓａｍ，因為佢係ｖｏｉｃｅ　ｍａｉｌ
我就話啦︰經理仲冷靜呀，佢冷靜到聲都唔出～～因為我地冇佢電話
嘻嘻～好興奮呀～雖然預了會入圍～因為時間倉卒，應該唔係太多人參加的
今晚最後一堂色彩學呀，派番晒所有功課
我幅菊花拎咗滿分呀～～
仲有幅ｐｏｐ　ａｒｔ，有人投我票呀，得了兩票
我覺得我是有＋會進步的
～～竟然買了兩部電視雞～一次過～阿爸阿媽的效率真是驚人
如果是我，可能又拖過個幾月吧
晚上睇埋《烈火雄心２》～
明天又是眼瞓的一天了

星期日
上晝去了補習
下下，又沖了咖啡，加入了朱古力粉
兩點，同米人、Ｆｌｏｒａ去做推拿
今趟做兩個ｓｅｃｔｉｏｎ……待續，要睇ｏｐｈｅ份小故事稿啦
繼續打埋日記先～在公司釣魚呀～攰爆
講番那日的推拿，哎吔！原來係咁推法的，好舒服呀
原來我對腳都好攰的
跟住就行街啦，又去了那個速銷的店～還問了阿姐拿了大舖的地址
因為她有可能成為我們的批發商
買了一隻好大好大隻的鐵皮雞
又帶了米人去買碟，同睇窗簾
等Ｓｕｙｉ來，我地就一齊去食嘢，去了台灣麵～唔抵食的，但味道不錯
跟住Ｆｌｏｒａ，Ｃａｆｆｙ都要走了，
我就同Ｓｕｙｉ去買聖誔禮物啦～行千色～睇咗好耐
跟住飲了許留山的士多啤梨乳酸蘆薈
番屋企睇到少少獎門人
一路完成色彩學的ｐｏｐ　ａｒｔ功課的最後部分～做到３點幾
（後話︰那位Ｋｅｎｎｙ同學連續做了兩日添呀，做到要遲１個鐘上堂～勁呀）

星期六
今晚畫好了祖兒的男伴
傍晚，開了十分鐘電視
電視突然無端端熄了
隔了半分鐘，睇住佢出煙
不過都冇嚇死人的感覺～但～唉～現在睇電視有點不方便
今午放工同大家一齊食吉野家
個三文魚飯好滯下

>>December 21, 2004 at 8:16:11 AM GMT+8

2004 年 12 月 16 日 星期四 【晴】

哎吔﹗已打好的日記沒有了﹗是阿局累的

星期五
由於尋晚太早食嘢的關係，今朝要食多啲
好味的糯米雞……待續（要放工啦）

星期四
今晚上素描，番學前
同格格去了買上海嘢食
南京牛肉麵同生煎包～好豐富呢
阿ｓｉｒ竟說我的風格夠硬淨
查實這不是我的風格
只係我咁岩呢幅石膏人頭（似復活島的石像）晝得好硬
夜晚番屋企睇番今晚的《天涯俠醫》錄影

星期三
下晝忙到發癲～
今日～１２月１５日，係計劃書的死線
幸好大家通力合作，趕得切了
２１號就會有結果公佈～好緊張、好期待呀
原本可以做得好暢快的
點知阿局咁快就落完學校回來～阻住晒
不過都無礙我哋早走５分鐘去趕巴士的計劃
準時去到學書法
今晚見到阿老師，又想起了楊天命啦
楊天命今年本生肖運程封面的金漆字係老師寫的
老師的字收得超貴～
夜晚，我哋去了工展會
都冇乜嘢行的，不過叫做醫了肚，米人已經餓到癲咗
今晚在巴士上瞓到死咗

星期二
今晚唔駛番學
昨晚已計劃放工去剪頭髮～５點半即閃
但是，經理竟捉住我研究視聽稿用的字眼
跟住又同米人、巧宜傾
之後個阿局又聲大大地加入，
話乜嘢︰「部分」這詞是平面同立體的問題
一向唔鐘意講屎尿屁的我，真的很想叫佢食屎
不過我都係照原定計劃去剪髮
今晚一路睇電視一路練書法，寫了兩版

>>December 17, 2004 at 9:41:01 AM GMT+8

2004 年 12 月 12 日 星期日 【晴】

星期一
阿嘈去完韓國番來
竟然買了韓國的啜啜樽Ｑｏｏ～超開心的一個早上
還有吃了麥記早餐～很高興啊
距離秘撈的ｄｅａｄｌｉｎｅ好近好近啦
今日點都開始要寫ｐｒｏｐｏｓａｌ的，加油呢﹗
股東幾人勉強分了工～哈哈！我這個主席的ｔｉｍｅ　ｍａｎａｇｅｍｅｎｔ好像不太好呢
應該要在ｗｅｅｋｅｎｄ前分定工的～下次會醒目的
分了工就是～現在這麼晚，我還在家用電腦的原因
明早一定要飲咖啡了～絕對唔可以又咁奢侈的請假

今晚係尾２一堂色彩學～阿ｓｉｒ竟沒批評我的ｐｏｐ　ａｒｔ功課～但建議
我在祖兒隔離多畫一個男ｐｏｐ　ｓｔａｒ
想了一會～一係李克勤、一係張衛健～其實要幫祖兒找男伴，有少少難的
不過我很樂意多畫一個人
因為頗喜歡這次自己想出來的表達手法
今堂早走了４５分鐘，因為沒材料在手為祖兒製造個男伴
今晚上堂前，跟格格買了吉野家回公司吃
所有人都走了，很ｆｒｅｅ呢

星期日
上晝補習，之後抽了點時間買衫
番家畫了公雞，還有ｐｏｐ　ａｒｔ功課～我選了祖兒來畫
（後話︰媽話佢係趙薇、米人話似ｍａｎｉ）
咁祖兒同趙薇同Ｍａｎｉ根本就係似樣，咁我畫祖兒畫得似另外兩人，
應該還好吧

星期六
哈哈～今日又請了假，沒番工
１０點起身，開始補做素描功課～畫了兩個煲
下午茶時間，就開始準備下星期要交的功課～畫了一件白色衫
傍晚時分，開始做色彩學的ｃｏｌｌａｇｅ功課
黃色ｈａｒｍｏｎｙ、綠色ｃｏｎｔｒａｓｔ總算完成了
果真進入癲峰狀態～一日搞掂４幅嘢
今天沒白費刻意製造的假期
今晚還有東華陪着我，我也陪着它

星期五
今天又要繼續ＯＴ
但我會適可而止地只會ＯＴ到還睇得切《功夫足球》的時間
今晚終於看到了～聞名不如睇電視
一邊做黃色ｃｏｌｌａｇｅ功課
因為這個星期一、四都交不到功課～我大鑊了～未來幾天真慘
今晚整到兩點多，但做不到ｙｅｌｌｏｗ　ｈａｒｍｏｎｙ效果
還是明天再努力吧

>>December 13, 2004 at 3:27:10 PM GMT+8