|
2005 年 7 月 7 日 星期四 【晴】
我覺得我有１半同事都好好架
仲有啲熟悉的感覺
１號同事～坐我隔離，同我細妹１樣大的Ｍｏｂｅ同事
處事十分成熟得體
解決問題的能力比我高得多
有性格，常給蟑螂太太臉色
又夠率直，真係好鬼鐘意佢呀
把聲同趙ｌｉｎ勳好似
今日佢好忙呀～所以我幫手聽咗好多好多個電話
當係訓練下自己的ｔｅｌｅｐｈｏｎｅ ｍａｎｎｅｒ啦
２號同事～Ｗｉｎｄｙ
年紀、性格、說話和大笑方式同陳美寶都好似好似
如果佢真係姓陳，我實問佢識唔識陳美寶
好有可能係兩姐妹嘛
每日返工，聽住佢坐喺我後面講電話
嗰種圓滑但不虛偽的處事方式
絕對令我嘆為觀止
每次見我望住個芒度稿，就話︰「無靈感呀？」
見我拎起支筆，就同１號同事異口同聲︰「有靈感啦？」
３號同事～會計部的蟑螂太太
據聞她是最近才學懂跟她的蟑螂先生駁嘴的
每天最少被她的蟑螂先生罵３次
４號老細～蟑螂先生
每天都不留情面地罵她的蟑螂太太
真不敢相信他們真的是１對
如果夫殺妻的倫常慘劇發生在他倆身上
我不會有１０個驚訝
最多只有５個
不過我真的不是要咀咒他們
只是，真覺得匪夷所思
每次３號和４號（不是高達）１罵１被罵，或１罵１駁嘴時
我和１號、２號都見怪不怪了
有時會細細聲話︰抵死﹗又俾人鬧（因為３號真的很抵鬧的）
除了我和１、２、３、４號外，中心經常有其他人上來的，非常熱鬧
間中有啲言語治療師來教班
又有啲唔知咩老師
又有啲唔知咩家長
又有啲唔知咩學生
加埋３、４號的責罵聲，有時真係嘈到我掛住聽
專心唔到做嘢
不過都好既，可以接觸各種唔同既人
>>July 9, 2005 at 4:11:48 PM GMT+8
2005 年 7 月 6 日 星期三 【晴】
等我極速完成這篇日記
按下錄影機的錄影掣
趕睡覺去啦
今早被自己的反胃反應嚇親了
看來，是開始對老細先生有潔癖了
此「反胃」不是誇張、不是借喻
恐怖地
竟是直述
唉
１污漕廁所２老鼠３貓４璧虎５蟑螂 (以１級為最嘔心）
老先生現在是５級
跟蟑螂先生共處一室，我沒所謂
但這樣面對面，瞪著眼
我反胃了
對不起
見係蟑螂先生喳，我先俾面攰視你那熨到燶得勻循的恤衫
因為你的無知
我的偵探故事的主角的寵物金魚，阿「眼金金」胎死腹中了
你竟給我來隻松鼠積積、松鼠ｙｏｙｏ甚麼的﹗
還敢扮嬌肖地說出來
我要吐了
幸好，雖然我悍衛不了我親愛的眼金金
但也未有讓你的積積、ｙｏｙｏ甚麼的得呈
你說你要讓學生寄些野來，要有ｉｎｔｅｒａｃｔｉｏｎ
你說你要他們抄阿已故名畫家的畫，畫來給我們
我說這是扼殺他們的創意
我說這樣他們不會有任何得著
你說誘發學生創意本雜誌不會理會
你說你只係要有學生參與
我說在心裏你是個戴金牙的人，仲係唔止１隻，起碼有３隻
我說在心裏我很不想你整衰我本雜誌
我說在心裏是的，那是我的雜誌
我說在心裏你充其量只是利用我本雜誌去賺＄的人，心力沒留１絲給我的雜誌
應付你，我開始找到方法了
你來個松鼠甚麼甚麼的嗎
我就來個比你更好的
你要學生寄畫來嗎
我也想個更好的方法來取代你的無謂
你別0徒氣了
ｙｅａｈ～抗戰勝利
介紹給你的那ｓｅｔ科學書
告訴你吧，我在魚林買，不用３０蚊已買到１本
今早看你獻寶似的拿你昨天去上輸防買的
看到那個＄４２ ｌａｂｅｌ
我的心默默地在涼快
眼白白看你多花了＄１２x２的時候
我姑且讓你繼續發你的錢寒吧
今天我用我那像我的生肖般靈敏的鼻子
知道了那會計阿姐竟是蟑螂先生的老婆
除了這對蟑螂夫婦外
另兩位同事都很好～幸好
我們昨天還共同進退了半天
刺激得很
＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠＠
今晚上堂
開始教書刊設計了
阿ｓｉｒ教的，都係我做緊的東西
很興奮，唔駛自生自滅，有人照住條無ｇｕｉｄｅ燈的路俾我行了
今晚的心情也放鬆了
因約稿、借相的事有定案了
>>July 7, 2005 at 4:39:29 PM GMT+8
2005 年 7 月 5 日 星期二 【晴】
我這２天
１ｓｔ ｄａｙ
９－１６ 看了６小時雜誌，約１０本
研究對手們的優劣之處
（其間亦恰了點眼瞓，尋晚３點先瞓呀～體諒下啦）
我發覺我很喜歡研究人家的版面設計
（但我醒目地沒讓老細知道我在學設計，但我愚蠢地給他知道我在學排版）
１６－１８ 開了會，向老細先生報告我的看法
今晚放工後的心情是很興奮的，因為覺得自己的工作很有意義
走過紫蘿蘭，還立刻買下一本新鮮出爐的Ｑ版特工
迫切想知道到底這本書有咩地方吸引我哋的ｐｏｔｅｎｔｉａｌ ｒｅａｄｅｒｓ
到咁既地步
１８－２０ 返學
（阿ｓｉｒ出聲之時，就是我釣魚之時啦）
夜深了 錄著創世紀，放放心心睡覺去
２ｎｄ ｄａｙ
晨早又開會了
仲有ｌｕｎｃｈ ｍｅｅｔｉｎｇ
一開始就有「新移民」之說，阿生你令我倒盡胃口
尤其嗰下陰陰笑～想撕下你那副嘴臉
唉！成餐茶都在迪士尼迪士尼迪士尼迪士尼
話你聽呀﹗我而家真係好憎迪士尼
唔該晒
約稿的事，不幸地，你再露出一雙勢利眼，打開個臭嘴
我真後悔～為何要攬下這被利用的責任
放工後，心情充滿矛盾，我發現那個跟我合作得最緊密的人
價值觀跟我的完全不同～
但更可悲的是，當中卻有一ｌｏｃｋ的機會給我
兩天的工作已令我感受到過去那１０個月完全沒出現過的
壓力
很可惜，在這樣的人管治下的地方，竟有著我很想做的事
學書法後的晚上跟Ｆｉｏｎ來個即慶增肥夜
吃泛后甜品
談大二八婆
談這談那
但更多的時間是我在發泄著
聽了Ｆｉｏｎ的一句，心情真的好多了
或許……不
應該……我是個承受不了壓力的人
從沒盡力承受過，總是在逃避著
若一堆東西向我湧來，總是選擇放棄某些部分
何必辛苦自己呢？
那是在學校的情況
工作，心也總未定下來
也想著，拿﹗如果咁咁咁咁咁，我最多咪唔做
唉﹗原來也是在逃
今次，我諗如果我堅持到
以後，路一定會走得順暢多了
１個編輯做１本雜誌都試過
定雜誌架構、做市場調查、找廣告、趕稿、約稿、訪問、版面設計……我有咩未試過呀
你仲有咩難到我喎
不過，若要堅持落去
就要繼續呻啦，辛苦你們了
如果，１．５個月後，本書出來後，我一定要騰半個星期天出來好好地哭一大哭了
你哋唔好再白黐了，我老細無摸我呀
謝謝各方好友的關心
>>July 6, 2005 at 4:21:57 PM GMT+8
2005 年 7 月 2 日 星期六 【晴】
利用返工前的最後一天
拉了茜嘉和齊齊陪我狠狠地行了一天３－１１
唔講唔知西鐵有「節日通」這玩意
買了１２樣東西
不覺累
茜嘉今天學做ｍｅｒｃｈａｎｄｉｚｅｒ
齊齊不用不開心，找次專誠去陪你坐Ｋ，搵日啦
明天就返工了
今天的心情很緊張～這是喪買嘢過後冷靜下來的事
今晚襯衫時，覺得很很很麻煩
忍不住對細妹說
如果而家有人打電話來，叫我聽日唔駛返工就好了
我會超開心
～唉﹗跟去補習前的心情差不多
但現在多了緊張
諗住襯返工前要做的東西，還未做完
明晚上堂的ｌａｙｏｕｔ還沒著落呢
返工前要觀摩下其它出版社的雜誌～還未做
剛剛才執好了丁點，上班應帶回公司用的東西
真的很緊張
今日真的完全不知聽日事
救命呀～
今早兩個阿姨跟出世還不到１年、第２次見面的細細細細細表妹上來
兩個阿姨＋阿媽＝３個女人在說鬼故
原來她們咁多切身體驗的
唉﹗唔想聽都要俾我聽到
還說了阿媽細個撞邪的故事
嚴重到阿婆要找喃嘸佬來區邪
今日之後應該沒那麼多時間打理我這個版版啦
所以夤夜寫埋去啦
明日要適應新生活了
>>July 3, 2005 at 6:38:26 PM GMT+8
2005 年 7 月 1 日 星期五 【晴】
執手尾的3天
７．１ 人家遊行的日子
我就在家執房，執埋辭職後喺公司拎番來、放在枱腳成兩個月的一叠厚厚的東西
清理＋執拾所有銀行信
繼續ｔｉｍｅ ｍａｇａｚｉｎｅ的ｐｏｓｔｅｒ設計（進度是３０％）
清了４個ｅｍａｉｌ ｂｏｘ（長期爆滿的ｈｏｔｍａｉｌ，很艱難先令佢降至５０％ｆｕｌｌ
ｃｌｉｃｋ條「我的最愛」ｂａｒ，是不見底的，花了些時間去分類、加ｆｏｌｄｅｒ
２０００－２４００練字（今晚寫得不錯）
搞賣拍賣場的東西（搞到朝早５點先瞓）
７．２ 打了耆貨居的信
搞ｅ－ｂａｎｋｉｎｇ的東東
構思ｐｅｒｓｏｎａｌ ｓｙｍｂｏｌ設計
一陣做咩好呢……
應該要爭取時間跑番次步先
應該要睇埋圖書館借回來的書啦，快點還不用心掛掛
仲要睇今午郵差叔叔拿給我的ｌｕｒｚｅｒ ａｒｃｈｉｖｅ
今晚睇電視時，要練多２－３版字
仲有呢……就係早點睡
●猴～原本是欲拒還迎的猴
係啦﹗睇到我眼濕濕呀
尋晚仲衰，個張自力賤到爆呀，超虛偽
你知道麻？霍景良最後都會死的
計下數先︰ａｎｔｈｏｎｙ、許文英、許文x、雅汶、霍景良……
佢簡直係殺人已成習慣呀
昨晚我在想
如果能夠在力天世紀咁寬敞、開揚的辦公室工作
就好了～
>>July 2, 2005 at 8:41:57 AM GMT+8
2005 年 6 月 30 日 星期四 【乍寒還暖】
續６月３０日
坦白說，自聽到那一至六、朝９晚６後
ｄｏｗｎ了大半天
不過我和猴子這些人，總會積極想些東西安慰自己的
我個ｐｏｓｔ叫Ａｓｓｉｓｔａｎｔ Ｅｄｉｔｏｒ ａｎｄ Ｃｏｎｓｕｌｔａｎｔ
為何會有Ｃｏｎｓｕｌｔａｎｔ這個名字呢
因為老細剛完成了管理心理學的ＰｈＤ
他有時會有些ｒｅｓｅａｒｃｈ要做的
咁我就要幫手啦
至於ｅｄｉｔｉｎｇ方面呢
唔似以前咁啦
而家咩都要做，樣樣都要跟
排版都要幫少少
佢好慎重地問我︰用ｐｈｏｔｏｓｈｏｐ，你畫唔畫到呢樣嘢出來？
我話畫到，因為真係畫到
就連搵ｐｏｔｅｎｔｉａｌ ｃｌｉｅｎｔ落廣告
都要做（不過佢話遲下先，話會教我點說服人落喎）
對於我來說
這份工無論薪酬、福利、工作時間都沒有任何吸引之處
吸引我的，是那份自主權吧
從來都不太喜歡，人家要我１、２、３、４……咁做
我就真的要１、２、３、４……
你俾我用下自己個腦，做下２、４、６、８……就好了
尤其睇我老細，應該不是二八婆那種格
你作提議
佢想都不想
即ｂａｎ
隔了一排
就話︰不如都係咁咁咁～
八婆，我之前咪咁講囉
（死啦﹗我又記仇了﹗不過諗起都嬲）
係啦﹗就係咁樣，有人會理會下我的建議
我先有推動力做下去
～別怪我之前工作時沒壓力
想做得好的心不夠強
原打算隔多１個星期先返工的
騰些時間出來多踩１次單車就好了
可惜……
係咪每個老細都會以為自己想出來的東西是獨一無二最有市場觸角只有自己諗到人地諗唔到呢
係咪每個老細都雄心億丈鍚咗個女朋友一嗒就諗到第時個孫俾家用自己洗說時臉不紅吃不喘呢
阿添好可憐呀
兩日間～
阿爸＋細佬被判坐監
細妹被燒死
阿媽做完手術唔知醒唔醒得番
好想請阿添食番支椰子紅豆雪條呀
●嘈，多謝你封利是喎
咁快講定食桃園，咪無得問阿米︰食咩呀？
●茜嘉，你都要加油呀～不過根據我的經驗，有得玩的時候一定要玩癲啲呀
>>July 1, 2005 at 7:53:14 AM GMT+8
2005 年 6 月 29 日 星期三 【晴】
唉……
……唉……
唉……
我簽咗約啦～
唉……
……唉……
唉
萬３分的失落只因那星期一至六、每ｄａｙ９至６
救命呀
仲要３日後
３日後
係３日後就返工啦
真的有咁耐風流（風流了兩個月）
未試過得到１個ｏｆｆｅｒ會咁……
天命先生話我７／７－６／８︰
在生活上將不能避免會相當忙碌
（我係想將這忙碌推遲到１１／７的，奈何不成功）
運主「辛苦得財」，縱使辛勞頗甚，但也能得合理之回報
（多謝晒）
回顧５／５－６／７︰
其心頗懶，請勿過於放任，令自己無端陷入低沉之谷
（中晒，但真係放任得好開心喎，今生無悔啦）
適逢「貴人」之運，如機緣配合，則可以助你心願達成，或在處事上能得一大助力
（唔知新老細係咪我的貴人呢，曾幾何時，我的心願是……）
得番３日咋
今晚上課時，盤算著要怎樣運用這３日
１執房
２打耆貨居的信
３清ｅｍａｉｌｂｏｘ
４練定字
５清電腦的ｂｏｏｋｍａｒｋｓ
６做商標功課、海報功課
７買衫
８繼續ｐｈｏｔｏｓｈｏｐ的ｃａｒｄｓ（盡做啦）
Ｓｃｈｅｄｕｌｅ（ｂｅｇｉｎ ｗｉｔｈ ４Ｊｕｌｙ）
ＭＯＮ 0900 - 1800 at work
2000 - 2200 Design lesson
ＴＵＥ 0900 - 1800 at work
1945 - 2115 Chi Calligraphy lesson
ＷＥＤ 0900 - 1800 at work
1835 - 2035 Desktop Publishing lesson
ＴＨＵ 0900 - 1800 at work
2000 - 2200 Design lesson
ＦＲＩ 0900 - 1800 at work
ＳＡＴ 0900 - 1800 at work
ＳＵＮ （唔好仲要我補習呀～求求你～）
●是的，猴
●沒錯，蝦米，你不用知道霍景良是其麼東西
你知道阿米老細係點就得
>>June 30, 2005 at 4:44:44 PM GMT+8
2005 年 6 月 28 日 星期二 【雨】
為了一個ｕｐｃｏｍｉｎｇ的機會
搞到而家咁
不停地喊驚是因為真的很驚
不是要煩人、不是要找話說
只是
從小開始出於本能
害怕的時候要嗌，最好嗌破喉嚨
只是想有人知道
我是真的在害怕
請原諒我這天秤人
對ｕｎｃｅｒｔａｉｎ的事總是在胡思亂想
越想越ｄｅｔａｉｌｅｄ
我是愛著這胡思亂想的
從事文字工作
有點令人喊煩想打我一拳的胡思亂想，我是甘願接受的
在這心情底下
打開雪櫃
看到滿滿一大盒的紅豆綠茶牛奶雪條
最近纏繞在心頭那句「可惜媽是獅子座」不由得淡化了一點
若無其事地吃著溶解中的雪條，默默地為雪條的雪中送甜道謝著
睇過雞雞的日記
我覺得
我都係開埋另一盒椰子紅豆雪條吃
咁會好啲～
>>June 29, 2005 at 3:07:25 PM GMT+8
2005 年 6 月 27 日 星期一 【晴】
今日又係好晏起身
屋企又超多電話～不想做接線生呀
吃過午飯，練了３小時書法
寫了３張～很慢
沒時間開電腦上ｍｅｓｓｅｎｇｅｒ
去了荃灣跟大家坐地鐵去灣仔
阿米又發癲了
ｏｐｈｅ又蠢了
今天３點２收到昨天的曹生的來電
佢好似想請個超人～
想不到這間公司真係會打去前公司的
幸好我留的電話係米＋靈雞的ｉｎｔｅｒｃｏｍ
幸好ｏｐｈｅ對我的工作表現都實話實說
被ｏｐｈｅ說中了，ｐａｒｔ－ｔｉｍｅ比ｆｕｌｌ－ｔｉｍｅ更適合我
今晚書法班好嘈，大家都黐黐哋線
致全港的鋁窗們︰唔該你哋坐定定啦，想起你哋成日落街玩，我就覺得好痛啦
阿添ｖｓ大八婆+二八婆
很喜歡阿添，因為佢聰明、心思細密，但沒有利用呢啲去暗算人哋
大八婆+二八婆，愚蠢、成口金牙，都要擘到個口咁大去圖謀不詭
哈哈～屎滾的短褲ｌｏｏｋ＝霍景良的打波ｌｏｏｋ
你話唔係咩﹗？
科拿的牛奶糖很好吃
>>June 28, 2005 at 4:14:29 PM GMT+8
2005 年 6 月 26 日 星期日 【晴】
齊齊，我不是坐得太多
係因為打完羽毛波，周身酸痛
今日搭地鐵行上又行落樓梯
真係１級痛呀（以生仔為１０級痛計算）
好攰呀～
原本諗住創世紀之前練下字的
枱都開埋，不過我就攤咗喺度，唔想郁
都係明日再練啦
下晝去了太子見工
臨出門前，忽然想到，其實今次唔ｆｏｒｍａｌ ｄｒｅｓｓｉｎｇ都得喎
豁然開朗
原來要做ｗｒｉｔｔｅｎ ｔｅｓｔ的
譯了一篇麥田圈文章，ｅ ｔｏ ｃ
第１次，有人咁ａｐｐｒｅｃｉａｔｅ我的工作經驗喳
無論ｉＬｅａｒｎｅｒｓ，Ｂｅａｎｉｅ，ＥＢ的工作
好感動呀～多謝ｉｎｔｅｒｖｉｅｗ我的先生
不過我知道這個世界有些人是慣於說仁慈的說話
或許不代表甚麼，更絕不是甚麼承諾
但讓我開心半ｄａｙ，已足夠讓我心存感激了
不過我想，某些時候，被ｉｎｔｅｒｖｉｅｗ是要說說謊話的
哈哈～跟猴子有關的謊話
昨晚才完的ａｕｃｔｉｏｎ，今日就有得拎了
之前躡了些時間去了ａｒｔ ｓｕｐｐｌｙ
去了維記
吃豬潤通～忽然間
覺得這碗年多前趨之若鶩的東東
變得很無聊
一個大碗載著有色無味的水
泛濫在面頭、堆得亂糟糟看不出誠意來的豬潤
唔知幾多粒倒模出來的通粉
吃得很無聊
～不過咖央多仍是令我趨之若鶩的咖央多
晚上跟靈雞看《頭文字Ｄ》
如果頭文字Ｄ是內地或台灣的譯名
我們這些香港兒女一定會笑人地
Ｉｎｉｔｉａｌ Ｄ～頭文字Ｄ～Ｉｎｉｔｉａｌ Ｄ～頭文字Ｄ～Ｉｎｉｔｉａｌ Ｄ～頭文字Ｄ
識查字典的人都識譯啦
不過也許頭文字Ｄ是日語漢字來的
也許是先有中／日，後有英的
不想深究了～
若要選人類最不喜歡聽的說話，我動議「ｇｅｇｅｇｕｔｇｕｔ」
明天開始，我不會說多過０次的
多～謝～
>>June 27, 2005 at 5:11:48 PM GMT+8
|
![]()
|
廣告 |
|
|
讀者留言 |
| 路人留言
|
 咁耐都無新文章，是否搬了別處？如
>>April 18, 2007 at 2:23:40 PM GMT+8
Dear 敏敏:
<br>很想吃
>>March 15, 2007 at 7:03:52 AM GMT+8
大隻
<br>好野呀 ！！！
>>February 5, 2007 at 6:46:07 AM GMT+8
有士多啤梨係入面既~我想食呢隻！
>>January 31, 2007 at 4:20:20 AM GMT+8
多謝您給我造的美味ny chee
>>January 29, 2007 at 3:55:42 PM GMT+8
敏敏~你冇打蛋器? 我有個係到呀
>>January 3, 2007 at 1:44:11 PM GMT+8
敏敏~我收到你張聖誕卡ｌａ，多謝
>>December 23, 2006 at 4:17:39 PM GMT+8
我仲有相冇post,你要遲d俾埋
>>December 3, 2006 at 11:16:55 AM GMT+8
會長, 你的電腦技術很勁秋呢！有
>>November 23, 2006 at 5:31:17 PM GMT+8
會長...好甜呀你個日記~如果你
>>November 3, 2006 at 4:03:49 PM GMT+8
娘娘, 多謝你提醒我地果兩日原來
>>November 3, 2006 at 2:28:12 PM GMT+8
杜奧巴起腳少左，但仍有入球，更可
>>November 3, 2006 at 9:31:58 AM GMT+8
娘娘，上次沒來唱k實在太過分了，
>>August 13, 2006 at 5:30:57 PM GMT+8
娘娘，你的芝麻醬在哪兒買呀？
>>August 11, 2006 at 2:02:04 AM GMT+8
阿叔有接班人啦!
<br>who
>>July 12, 2006 at 4:27:37 AM GMT+8
巴西.英格蘭要嬴呀
<br>在無
>>July 1, 2006 at 12:09:57 PM GMT+8
努力向前衝 像有金鐘罩 像有金剛
>>June 17, 2006 at 3:03:18 PM GMT+8
.......why me!?!
>>May 15, 2006 at 12:29:12 PM GMT+8
身體的病,其實好易醫,所以無擔心
>>May 5, 2006 at 6:33:09 AM GMT+8
好返未ａｒ敏敏？保重啊～
>>May 4, 2006 at 5:30:54 PM GMT+8
豬蘿man，
<br>點解妳病得
>>May 4, 2006 at 1:21:09 AM GMT+8
打錯字,係幻想呀^o^
>>May 3, 2006 at 4:09:00 AM GMT+8
大隻,你唔係呀……原來發燒只是你
>>May 3, 2006 at 4:08:11 AM GMT+8
謝，娘娘！好都係，唔好衰被大八睇
>>April 24, 2006 at 2:29:02 PM GMT+8
大隻,你好勁呀!買o的野全部都有
>>April 16, 2006 at 8:43:43 AM GMT+8
娘娘，好羨慕你有得去旅行！
>>April 10, 2006 at 4:27:50 PM GMT+8
大隻, 咁你順手幫佢撈返粒貢丸返
>>April 8, 2006 at 5:37:27 AM GMT+8
我既貢丸俊平(日本人來的)去了很
>>April 4, 2006 at 4:14:16 PM GMT+8
大隻,對於你來說,你心中緊有塊叉
>>March 31, 2006 at 2:45:59 PM GMT+8
咩「每個人心中唔止得一座斷背山,
>>March 18, 2006 at 4:01:42 AM GMT+8
chu law man,
<br
>>March 8, 2006 at 9:06:48 AM GMT+8
我覺得呢個ｐｃｃｗ ｃａｓｅ，有
>>March 5, 2006 at 3:27:49 PM GMT+8
唔好咁孤寒,唔比人加珠啦,叉叉喜
>>February 10, 2006 at 7:02:51 AM GMT+8
忘了代表李生和準李太多謝你的祝福
>>January 31, 2006 at 5:39:22 AM GMT+8
新年快樂！
<br>祝你事業進步
>>January 31, 2006 at 5:08:25 AM GMT+8
娘娘,今日我貼左個「百無禁忌」係
>>January 27, 2006 at 3:21:31 PM GMT+8
娘娘,幫你送左個「百無禁忌」俾經
>>January 25, 2006 at 2:57:57 PM GMT+8
大隻, 你班同事、你的老細都很趣
>>January 12, 2006 at 5:33:57 PM GMT+8
娘娘，仲有比實景仲靚既寫生畫呀，
>>December 27, 2005 at 4:02:49 PM GMT+8
南生圍不錯，可惜有d地方焦左..
>>December 27, 2005 at 2:00:02 PM GMT+8
車, 死野, 我幾時有「淫威」你
>>December 9, 2005 at 3:09:42 PM GMT+8
我都同意阿齊0既提議啵，
<br
>>November 30, 2005 at 4:41:58 AM GMT+8
不如試o下做運動啦..你日捱夜捱
>>November 27, 2005 at 5:14:26 PM GMT+8
同是天涯OT人....
<br>
>>November 17, 2005 at 6:46:21 AM GMT+8
睇來叉叉已經係你心中佔著一個重要
>>November 8, 2005 at 3:18:29 AM GMT+8
喂, 做咩唔講o下你個書法袋的去
>>November 6, 2005 at 10:27:40 AM GMT+8
別常做"關燈人"，
<br>小心
>>November 6, 2005 at 10:25:35 AM GMT+8
娘娘, 你話每次開outlook
>>November 4, 2005 at 12:05:48 PM GMT+8
大隻,看你每天都是匆匆匆、趕趕趕
>>November 4, 2005 at 5:26:10 AM GMT+8
師父有冇按到你腰有冇事呀? 你上
>>November 3, 2005 at 11:49:02 AM GMT+8
|
|
我覺得我有１半同事都好好架
等我極速完成這篇日記
我這２天
為了一個ｕｐｃｏｍｉｎｇ的機會