|
2005 年 11 月 26 日 星期六 【晴】
越來越覺得
～有病
病咗幾耐都唔豬﹗
總之呢個月特別騎呢啦
食完自以為好好味既嘢
都醫唔好
早豬唔食啦～～
不過咁又唔得～唔食嘢會死架～
喺街就覺攰想返屋企
喺屋企就擔心太自閉
想鼓勵自己去下街
但始終鼓不動
黐根﹗﹗﹗
謀生以外
唔想咁出力諗嘢了
因為真係冇力
請忍耐不經大腦的話吧
有冇偏方呀？
ｓｈｏｐｐｉｎｇ？
試過啦
ｓｈｏｐ完只有好少許，沒有好１些
買玩具
冇以前咁有效了
去旅行～
可以試下喎～不如開始諗下啦～
今日努力向自己提供美味
焗了蘋果酥、芝士雞翼、喇沙出前一丁
製造了半小時的假像～
多謝～
勝在有誠意～
>>November 27, 2005 at 11:05:36 AM GMT+8
2005 年 11 月 24 日 星期四 【乍暖還寒】
好耐冇試過好耐都冇ｕｐｄａｔｅ呢度了
真係要對番張月曆咭先對到啲日期
過去兩星期比起過去兩個月的忙碌，實在……
有過之而無不及
ｔｈｅ ｂｕｓｉｅｓｔ ｉｓ ｙｅｔ ｔｏ ｃｏｍｅ
１１月２５日
進行後期的ｃｈｅｃｋ碟階段
一波３折
做了大半天～得個吉
這幾天，我哋兩組人心情都特好
ｏｆｆｉｃｅ開始嘈番啲啦
因為大家的工作都輕鬆了不少
鮮見之前的打仗場景～還得神落
晏畫去了吃扒王之王，再去掃貨
金薯百力滋呀
下晝可以輕鬆到開薯片食～真爽
昨天還可以準時走，跟各人道別
做全個部門第２個早走的人～羨慕死人
輕輕鬆鬆上街去
去了二德惠～ｙｅａｈ！為自己籌備烹飪節目
１１月２３日星期三
要完成所有ｐｒｏｇｒａｍｍｅ了
惡夢即將完結
心情超好
今晚做到８點半，又要關燈
不過，相信短期內我都不會再做關燈人了
（讓我陶醉一下吧）
最起碼，我已看到個終站
唔好似之前咁
一個無底洞～唔知幾薯先至完
原本諗住今晚畫埋幅畫聽日交
點知～攰到對眼睜唔開了
算了～好耐冇走過堂啦～聽日走下啦
豁然開朗
１１月２１日星期一
開了會
好嘢﹗做新ｐａｕｌ脊
唔駛再俾英文拖下拖下咁辛苦
新ｐａｕｌ脊新做法
要提升工作能力，要做得好又唔辛苦咁就為之成功啦（Ｌｏｔｕｓ話的）
這是我最近常研究的問題：
點樣先至做得快，但又唔求奇呢？
我開始有點兒明白…… ～v～
１１月２０日星期日
ＢＢ蕉日
原本諗住唔Ｂ的
喺屋企練下字，畫埋張ｍａｒｋｅｒ，抖下算
不過
屋企冇嘢食
Ｂ就Ｂ啦
１１月１９日星期六
晨早起身返工
第一次見識到出面日光白白
公司入面仲係黑黑沉沉的情況
搞到點幾鐘，終於卸除負擔
心情即刻輕鬆不少
成個星期都唔夠瞓
返屋企補個眠
夜晚去會展喝ｍａｔｔｈｅｗ的喜酒
超耐冇去過飲了～已忘了那是甚麼滋味
原來都幾開心好玩喎
新娘超靚，成個ｍｏｄｅｌ咁
仲見到小蝦真人，好乖好可愛
１１月１８日星期五
這個星期六日，廣州的同事加班做我的ｐｒｏｇｒａｍｍｅ
今晚一定要趕起晒啲嘢俾佢哋加班做喎
諗住做夜少少一定搞得掂
到夜晚９點９～永遠記得這一刻
仍餓著肚、埋頭苦幹之際～ａｄｍｉｎ同事突然話要瑣門
ＳＨＯｃｋ～ＳｈＯｃＫｉＮｇ～
超級無助，唯有焦急地打俾ｓａｌｌｙ，等我星期六自己返公司加班啦
好想嗌救命呀～～～
星期五晚，人哋個個去玩既時候
我自己夜晚ｏＴ完一個人行去搭車返屋企
仲有未完的工作明早等著我
好想喊
１１月１７日星期四
做唔切嘢，上唔到堂
唯有喺９點半前急急趕起工作
衝到美孚交功課
真係交一交功課就夠鐘落堂，睇唔到阿ｓｉｒ示範用甲苯畫畫
１１月１６日星期三
３個月零１日前，係我喺呢間公司返工既第１日
３個月零１日後，晨早蒙阿蛇召喚
已心知係咩事
入到去他的地方，第１次叫我ｓａｎ門
更加了解係咩事
叫我先看了張ｅｖａｌｕａｔｉｏｎ ｆｏｒｍ
９成ｐｔｓ的分數都一樣
只有１點是高少許的～內容大意是態度友善親切，能跟同事和衷合作
也看到在其它一欄
用原子筆寫下的：
１．說話欠缺自信
２．能主動提出建議
傾了很久
他逐點分析我的工作能力
仲教我說話的技巧（都幾受用的）
以一句：我覺得你仲有好大進步空間
作結
我當然明白啦～過去３個月撞了太多大大小小的板了～
我會盡量醒少少的
亦很慶幸嚟緊仲有機會等我進步下
結果，我的３個月袍碑唇生涯就結束了
已經不是新人的我～一定要醒少少啦
都唔知點解咁啱喺今日
忍不住驚天動地地爆發了
嚇親同事們
咁我真係深受打擊嘛～
其實我唔係嬲的～只係～設計ｐｒｏｇｒａｍｍｅ的信心深受打擊
到了放工時間～７點～８點～９點
他們一定覺得我很可憐～其實唔係咁架～
唔係因為工作辛苦呀～
更唔係因為嬲（ｈｏｎｅｓｔｌｙ，其實真係有啲嬲）
ｔｏｕｇｈ ｄａｙ
１１月１３日星期日
痛到我驚
ｇｕｍ腳痛到我要咬毛巾
冷汗都出
唔通我都叫體弱多病？﹗
>>October 13, 2006 at 1:47:10 PM GMT+8
2005 年 11 月 10 日 星期四 【晴】
這個星期又因為啲外圍因素
應該喪趕的工作被ｋｉｃｋ住晒
要趕都冇得趕
我大鑊啦～下個星期
得番７日，要ｍｏｄｉｆｙ好３１個ｐｒｏｇｒａｍｍｅ
真的不敢想像
唯有今日ｃｈｕｒ晒啲不是１０個趕的部分先
騰出下星期的所有薯間……
噢﹗我又被測試了
兩星期沒出去食晏了
今日去了荃灣廣場的青胡椒，吃泰國嘢
幾好味喎
不過覺得ｓａｌｌｙ的炒金邊粉會仲好味，有超多我最愛的蕃茄絲
不過同事話佢幾個星期間竟加價成２０％
雖然今天的工作也不輕鬆
但勁有ｈｏｌｉｄａｙ ｍｏｏｄ
扮悠閒開薯片ｖｉｎｅｇａｒ ｐｒｉｎｇｌｅｓ
索一索，舒筋又活絡
已習慣ｋｅｙｂｏａｒｄ放大脾啦
已沒有伸手拉個ｔｒａｙ撲空啦
完全接受沒ｔｒａｙ的日子．好像更舒服
晚上９點跟ｓａｌｌｙ一起關燈
Ｙａｎ的ｍｓｎ還未ｏｆｆ～在家中奮鬥緊
ｄａ ｊｉａ ｄｏｕ ｘｉｎ ｋｕ ｌａ
～離開是為了回來～～～～
姐買上癮了
又買了泰昌，今次連蛋撻都買埋
真係好普通喎，跟普通麵包舖比，都唔見得有咩特別
碰巧今晚在電視上看到彭定康
今期的幾大八卦雜誌都熟讀了
ｃｒａｚｙ～～
>>November 12, 2005 at 10:10:00 AM GMT+8
2005 年 11 月 9 日 星期三 【晴】
星期四‧
據科拿所述：龍生上次當我應承了做ｗｅｂ ｅｄｉｔｏｒ。
嘩﹗恭喜晒﹗
科拿︰佢話我會跟住個ｆｒｅｅｌａｎｃｅ喎﹗
我︰乜唔係個ｆｒｅｅｌａｎｃｅ跟住你咩？
～２秒～
爆笑
跟住同ｍａｇｇｉｅ就勁講腦頑童、軟硬體……
不過唔知做一樣自己完全冇做過冇相關知識一頭霧水的工作係點架呢
如果係我呢
我都會好欣然接受
好大挑戰呀～一定會學到好多嘢呀～
好樹來的
不過一定好辛苦啦
又不過做一樣完全駕輕就熟，估到晒佢第２、３、４、５、６會係點
就冇驚喜啦
第１次吃泰昌
姐喺中環排隊，買了沙翁回來
果然得～軟棉棉想化開的感覺，得點像高力豆沙
星期三‧
死科拿，又玩嘢呀﹗？
放工見德華公園好多警察呀～原來貢大件事
上了久違了的新豬城
扭了好唔掂檔的高飛～邊個話１０蚊的機正啲？同我出嚟﹗
ｗｏｗ！大事件！大件事呀﹗媽煮了好日都唔煮次的
咕嚕肉
好食到癲
唔生性，上網（打算）參考同學影的阿ｓｉｒ幅雲石紙鎮ｍａｒｋｅｒ圖
點知～雲遊太虛去也
３個鐘頭後＞即１點先開始畫
到３點先瞓～好熱氣
不過～，哈﹗值得的，稍稍重拾自信
星期二‧
書法袋果然在綠野
兩星期的疏懶，寫得不太得心應手
>>November 12, 2005 at 9:52:08 AM GMT+8
2005 年 11 月 6 日 星期日 【晴】
龜兔賽跑
也不是兔子由頭帶著的
嘻嘻～我這隻烏龜小勝１回合
經過上星期的「鍛鍊」
今日功力（心理上）提昇了～至少能ＯＴ得怡然自得
少了上星期的密集式唉聲嘆氣
不過還未起到稿給ｆｒｅｅｌａｎｃｅｒ做ｐｏｗｅｒｐｏｉｎｔ
一拖再拖，真慚愧
也拖了ｔｅｎｎｙ的ｉｂｏｏｋ
帶了旋轉飛機回公司
哈～心愛的玩具真的應放在公司
看的時間會較多
放在屋企，１日最多看３眼
晚上臨放學，我組急急地ｐｒｅｓｅｎｔ了
慚愧在這ｐｒｏｊｅｃｔ中沒盡多少力
總是踢１踢也不想郁１郁
是個頗差的組員
放學……嘻﹗去百佳入了貨～ｃｏｆｆｅｃｏｆｆｅｅｃｏｆｆｅｅｃｏｆｆｅｅ
（有點似ｎａｍｉｎａｍｉｎａｍｉｎａｍｉ）
上巴士冇位坐，抽著半打咖啡半粒鐘，真係抽下都心曠神怡
是架小露寶巴士（爸的行內術語）
棟咗喺司雞隔離，個位又鬆動，景觀開揚
聽住ｍｐ三，看看巴士準備駛過的前路，又看看隔離的青馬橋
唔知點解，心情真的很好
喂﹗魚菓呢條路無端端封鎖咗，我會喺度做咩呢？
練書法？唔得﹗咁大風，啲墨會好快乾的
放風箏？好似唔適合喎，不過唔知有咩咁唔適合
寫生？魚菓阿ｙａｎ在，我很樂意奉陪的
打麻雀？好喎﹗幾好ＦＥＥＬ
野餐？正啦﹗真刻想即刻搵塊格仔檯布出來
上次跟媽埋怨：你哋去３次旅行我都冇去到１次
就嚟變成大鄉里了～
哈﹗原來在巴士車頭看看景也不錯
變得沒那麼大鄉里了
平時坐在後面，想的都是些頗無聊的事
譬如說：而家我個袋入面有咩食呢？
萬一架巴士因為某啲原因困住我哋班乘客
（這可真是我經常想的課題，足夠寫１０萬字，魚菓有時間的話）
我啲食物魚菓同啲全無食物的人分
可以食幾耐？
這是條數學題
大前提要先望下人哋個樣，估下邊個有嘢食邊個冇嘢食先
有嘢食的人嘢食有幾多，冇嘢食的人有幾餓
遇啱啲人正正空著肚搭巴士回家吃飯的，就弊了﹗﹗﹗
他一定會很好胃口啊
又魚菓碰巧我只得嘢食沒嘢飲
我用１包小包裝百力滋可換到人哋幾多嘢飲呢
……這些不必用力的思考真令人暢快、醒神
聽著ＭＰ三，也清楚聽到司雞係咁咳咳咳
魚菓頭先去入貨時，碰巧買了瓶雞骨草
此時此刻，我會做起令自己超驚嚇的前衛之事來的
司雞，攞去飲啦﹗
總覺得巴士司雞比起
的士司雞小巴司雞貨車司雞……
都要可憐
偷偷地看了他的職員編號一眼～５００６（又再驚訝於自己咁都記得）
看來我真是ＯＴ Ｏ瘋了
Ｉ ＳＷＥＡＲ
平時除了上書法班和ｍｅｓｓｅｎｇｅｒ時
我是完全不會想到叉叉的
但此刻竟想到他～
噢﹗不知不覺咁夜了～
不要緊，明早嘆番罐啡
ｊａｃ～
ｗｏｗ～ｅｘａｃｔｌｙ！這也正是我在想的問題啦
而家已經做成咁，之後有排捱
可能因為我做嘢一向都太慢了
我諗慣咗個節奏後，之後會好好多的
目標是零ＯＴ～ｙｅａｈ～
喂﹗你都好忙喎～你知道嗎？
上個星期，我講咗幾多句「想死」真係數唔到了
有幾刻真係覺得自己快要死了～所以看到你寫的，超有共鳴呀
不過放心啦﹗這些ＯＴ辛苦歸辛苦
都是我心甘情願做的
若要我將它們丟給別人
我才不願意呢～
你也加油呀～ＯＴ也要Ｏ得開心才值回票價～
嘈～
噢﹗隔了４８小時才想到綠野這個可能性
比起畫室，更有可能呢
我有前科的啦～超勁
讀中學時都試過４、５次放學留低ＰＥ衫鞋
喺食下午茶的地方
不過次次返轉頭都拎得番的
聽日又再來場龜兔賽跑～
烏龜的後勁是很凌厲的～
>>November 7, 2005 at 6:49:04 PM GMT+8
2005 年 11 月 4 日 星期五 【晴】
今日靈雞附體呀～好眼瞓
下晝去補番書法堂
首次進駐綠野的下午茶時段
之後跟嘈慢慢地逛太原街
行了４間玩具店，４間都有斬鑊～勁
跟嘈每人一本買了細個好鐘意油的油顏色書
我的是麵包超人，嘈的是ｔｏｙｓｔｏｒｙ
還買了個旋轉飛機（跟旋轉木馬ｃｏｎｃｅｐｔ差不多）的鐵皮玩具
鐘意死了
仲有ＱＯＯＱＯＯＱＯＯ
再上了３聯，我倆又延續「每店１買」神話
買了本《當下，把心放下》～這本書真能迎合我最近的心情
ＳＨＯＰＰＩＮＧ瘋１發不可收拾收拾收拾
獨個在元朗繼續延續神話
延續到宵夜時段～太好了﹗１星期積壓下來的精神緊張和神經衰弱都
得以緩和
爸媽半夜旅行回來了
我：有咩手信呀？
爸指著那幾盒嘢食
我：冇嗱？﹗
媽：係呀﹗你仲想要咩呀﹗
我：你哋今次冇買呢瑣匙扣、書簽咩？
媽：呀﹗係喎﹗你又知既？（邊說邉從旅行袋中拿出瑣匙扣來）
我就知道﹗-＿-''
靈雞，獨立果敢有創見嗎？你也不見得沒有啊﹗
別灰心呀﹗Ｔｈｅ ｂｅｓｔ ｉｓ ｙｅｔ ｔｏ ｃｏｍｅ啦
你快啲返來我們書法班的懷抱啦﹗來﹗姐姐抱抱﹗
齊齊，冇錯呀冇錯呀，條腰、頸嗰啲位都有事，暗病纏身。
等你ｃａｌｌ～
噢３，星期２帶本郵購書俾我睇，買嘢買嘢買嘢
至於食麥皮＜嘩﹗都係富婆的早餐～哈﹗學云話齋
你食多啲你的富婆粟米片啦～
哎吔﹗星期２冇上堂，冇打過魚蛋頭，難怪這個星期有點不聚財。
>>November 6, 2005 at 5:31:45 AM GMT+8
2005 年 11 月 3 日 星期四 【晴】
又是破紀錄的早回到公司
早餐還未吃就開始衝了
越來越似戴志偉或者小志強了～衝呀衝～快搶攻‧‧‧‧‧‧
昨晚考慮了成晚（其實半分鐘啫）
決定今日唔跟他們去稻香了（據本人精密的頭腦分析，這可省下１００分鐘）
因為……嗚嗚……昨晚臨放工時ｃｙｂｅｒ又倒ｐｒｏｇｒａｍｍｅ落ｆｔｐ了
跟龜兔賽跑沒兩樣
他們到底有多少人工作呀
我自己１個人寫ｓｃｒｉｐｔ的１冊書，他們到底有幾多人寫ｐｒｏｇｒａｍｍｅ呀
快到令人（我認啦：其實係我）沮喪不已
不過，同時又燃起我的鬥心喎……呵呵呵呵
要衝呢就先要有充足體力喎
隨便吃個麵包又點得呢，起碼要有隻蛋啦
ｃａｌｌ了Ｙａｎ幫我買早餐：餐蛋治熱央呀唔該～
天時～８：１３回到公司（比平時多了１７分鐘）
地利～自己個風水位有「落地開花」事件，我個ｋｅｙｂｏａｒｄ櫃桶終承受不住
主人對它的蹧躓，鬆脫掉下來，唯有借出私伙大脾１用，墊ｋｅｙｂｏａｒｄ啦，型爆～
人和～幫我買早餐的ｙａｎ，知道我在忙沒找我玩的科拿，還有同事們與日俱增的美食……
這１衝非同小可，過了１４個鐘頭後才停下來
進度開始明朗了
放工時段，同時開始走的走，不走的也走
最後得番我和ｙａｎ
可以好大聲講嘢，平時１講嘢就驚靜靜的ｏｆｆｉｃｅ會全場都聽到
我：ｙａｎ，你幾點走呀？
ｙ：我諗８點半度啦。
我：咁我８點５啦，我唔要做最後嗰個呀﹗﹗（加埋ｂｏｄｙ ｌａｎｇａｕｇｅ：ｆｉｎｇ水髮）
可惜，我不停ｕｐｌｏａｄ ｆｅｅｄｂａｃｋ
ｃｙｂｅｒ又不停倒番啲ｐｒｏｇｒａｍｍｅ落嚟
點夠佢鬥喎
所以，我賤賤地想：哈﹗等我儲起啲ｆｅｅｄｂａｃｋ一次過先ｕｐｌｏａｄ
一ｕｐｌｏａｄ完就熄電腦走人
哈﹗你１定唔夠我快啦～
呵呵呵呵～好賤呀咁都諗到
石堅上身
最後又做個破紀錄的關燈人，１０點幾先走，衝去交收ｍａｒｋｅｒ
過了１０點，幾部ｌｉｆｔ都停咗，平時行的閘口又鎖晒
要問管理員叔叔先走得出這個困獸竇
還有兩冊書的十幾個ｐｏｗｅｒｐｏｉｎｔ
還有ｉｂｏｏｋ的ｈａｒｄｃｏｐｙ……
要拿回家繼續努力
無怪乎這個星期５，１滴ｈｏｌｉｄａｙ ｍｏｏｄ都冇
１滴都渣不出（學靈雞話齋）
１１點半，在街邊看著１０年都唔幫襯１次的粥檔，買遲來的晚餐
看著餐牌上的招牌雞粥、皮蛋瘦肉粥
任性地硬要了一碗皮蛋雞粥～
好嘢﹗多謝阿姐你順我意呀
不過好貴
不過我知道如果今晚吃不到當下很想吃的美味
一定會鬱鬱而中落張牀度瞓
>>November 6, 2005 at 5:11:00 AM GMT+8
2005 年 11 月 2 日 星期三 【晴】
咩話﹗？今日係星期４？﹗
唔好玩啦﹗點會係星期４喎……
吓﹗真架～
ｓｈｏｃｋｉｎｇ
是誰偷走了我的時間
由公司空著肚子衝去上課
上課後衝去買了隻全世界最遲緩的糯米雞
扣著鐵鍊的一雙腿拖著遲緩糯米雞
走遍１間ｏｋ＋３間七仔
終於買了本世紀最後一本第１９２９期的明周
同１時間得到３個７仔職員的協助
順利完成該本封面爛了的明周的交易程序
１１點半衝回燈火不通明的家
吞下該隻遲緩糯米雞
第１次在這間公司這麼失儀的
開了ｏｕｔｌｏｏｋ，見到ｓｔｕｄｉｏ番聲了
心力交瘁幾天後，實在忍不住～大嗌出來
噢﹗雪中送炭，在危難之間給我方便的人
我會記住的～
今日又在忙亂間急急地學用那個ｇｏｌｄｅｎｗａｖｅ
就像個黃綠醫生，
那條聲少了'what we can find and'這５個字呀，就由其它幾條聲度逐粒字剪接過來
好好玩呀，同埋
幸好
在忙亂間
尚算順利補鑊了
謝～
都話啦，真要有隨時補自己的鑊和人哋的鑊的心理準備
>>October 13, 2006 at 1:50:29 PM GMT+8
2005 年 10 月 31 日 星期一 【晴】
１１個月來，第１次走書法堂
無意中又做了關燈人
以為心情會輕鬆不少啦
完成今日的目標嘛
點知失眠了﹗﹗﹗唉﹗真是一壇煩人的事情
實在很怕被人催促
怕得很厲害
每天開ｏｕｔｌｏｏｋ都有點怯
一被人催促‧就會失控
表面瘋癲，心裏哀求：求你別再催了，我會爆炸的
那怕只是催促你刷牙刷快１點
「催促」之於我，跟狗狗之於噢３、曱甴之於阿米是對等的
星期３
真要有「隨時補鑊」的準備
太多在我們控制範圍以外的事
太多人需要我們配合
太多瑣事要我們記著
太多突發事考驗我們
太多人喜歡測試我們
幸好辛苦的事有大家一起幹
麻煩的事有大家一起商量
否則「閉」死了
今天又「突發」了２個鐘＜如此這般，人怎能長命？﹗
之不過，呻歸呻……
聽日又係另一個聽日
今晚看著阿旺和贊師父，完成了木枱ｍａｒｋｅｒ功課
雖然是功課，但畫的感覺得良好，很舒暢﹗﹗﹗
●●●●●●●●●●●●●●●●●●●●●●●●●●●●●●●
係呀，ｓａｍｓａｍ，辛苦搵來志在食﹗搵得唔多都係咁話。呵呵～
豬齊，你得閒打俾我啦，我就最好兩星期後啦﹗
>>October 13, 2006 at 1:44:23 PM GMT+8
2005 年 10 月 29 日 星期六 【晴】
揼骨日
萬眾期待的「梳乎日」終於到來
９點３，冇錯，相約在晨早９點３
往皇崗
團友有霞姐、Ｆｉｏｎ、Ｍａｙ
在Ａｄａ領隊率領下衝過關
先按腳，痛到我流出眼淚來
噢﹗有得笑人時且笑人
按出很多暗病～說了數不清多少句：好痛呀﹗﹗﹗咩（位）嚟架？﹗
師父也好像聽得不耐煩了
結論︰周身病，最正常算係個頭～噢賣哥
不過按完頭赤赤的
至於其他團友的身體狀況嘛……哈﹗不便透露
第２站就是名乎其實的「骨場」
揼３大個鐘～～正﹗﹗﹗ｖｏｖ～真要吹兩下口哨應下景
好像是牛牛的用語～借來一下＞＞＞爽死﹗
這裏的東西又好味喎，小菜碟頭飯都鑊氣１０足
最正的係廁所很乾淨，比ｅｐｈ更甚
不過回程時，頭痛得怕自己會死
想著︰如果今晚半夜嘔，一定要去醫院，因這是暴斃的先兆
同時默默地傷心，我唔想死呀﹗﹗﹗嗚嗚﹗﹗﹗
不過頭同欲裂之際，跟Ｆｉｏｎ１人１支ｏｋ哈密瓜味軟雪糕
走回家～呵﹗沒那麼傷心了﹗
９：３０
沒錯﹗真係９：３０就攤落牀
２分鐘內睡著了
最近都係咁，喺公司就鬼打咁精神，返到屋企就頹到阿媽都唔認得
攤落牀想揭下本雜誌
最多４頁，就不……醒……人……事……
不過早瞓是有代價的
第２朝５點就要起來準備今晚的ｉｎｔｅｒｉｏｒ ｄｅｓｉｇｎ ｐｒｅｓｅｎｔａｔｉｏｎ
終於畫好了ｓａｌｏｎ的洗頭ａｒｅａ啦
今日在公司ｏｔ到７點，停下令人擔憂的工作進度，忐忑地趕往返學
到了美孚西鐵站
戲劇性的事情就發生啦
電話震起來
某：你係咪ｘｘｘ呀？中大打嚟架，今晚嗰堂取消喎，阿ｓｉｒ去公幹
吹﹗﹗﹗脹﹗﹗﹗
死死氣（其實為突然多出的一個晚上的時間偷偷興奮）回元朗
左想右想想想買甚麼晚餐
一定要食餐好
士兵打完仗都會得到慰勞啦，實在不能待薄辛苦了一整天的自己
唔熱氣唔油膩的唔買
睇了兩齣劇，正﹗
>>November 2, 2005 at 4:43:30 PM GMT+8
|
![]()
|
廣告 |
|
|
讀者留言 |
| 路人留言
|
 咁耐都無新文章，是否搬了別處？如
>>April 18, 2007 at 2:23:40 PM GMT+8
Dear 敏敏:
<br>很想吃
>>March 15, 2007 at 7:03:52 AM GMT+8
大隻
<br>好野呀 ！！！
>>February 5, 2007 at 6:46:07 AM GMT+8
有士多啤梨係入面既~我想食呢隻！
>>January 31, 2007 at 4:20:20 AM GMT+8
多謝您給我造的美味ny chee
>>January 29, 2007 at 3:55:42 PM GMT+8
敏敏~你冇打蛋器? 我有個係到呀
>>January 3, 2007 at 1:44:11 PM GMT+8
敏敏~我收到你張聖誕卡ｌａ，多謝
>>December 23, 2006 at 4:17:39 PM GMT+8
我仲有相冇post,你要遲d俾埋
>>December 3, 2006 at 11:16:55 AM GMT+8
會長, 你的電腦技術很勁秋呢！有
>>November 23, 2006 at 5:31:17 PM GMT+8
會長...好甜呀你個日記~如果你
>>November 3, 2006 at 4:03:49 PM GMT+8
娘娘, 多謝你提醒我地果兩日原來
>>November 3, 2006 at 2:28:12 PM GMT+8
杜奧巴起腳少左，但仍有入球，更可
>>November 3, 2006 at 9:31:58 AM GMT+8
娘娘，上次沒來唱k實在太過分了，
>>August 13, 2006 at 5:30:57 PM GMT+8
娘娘，你的芝麻醬在哪兒買呀？
>>August 11, 2006 at 2:02:04 AM GMT+8
阿叔有接班人啦!
<br>who
>>July 12, 2006 at 4:27:37 AM GMT+8
巴西.英格蘭要嬴呀
<br>在無
>>July 1, 2006 at 12:09:57 PM GMT+8
努力向前衝 像有金鐘罩 像有金剛
>>June 17, 2006 at 3:03:18 PM GMT+8
.......why me!?!
>>May 15, 2006 at 12:29:12 PM GMT+8
身體的病,其實好易醫,所以無擔心
>>May 5, 2006 at 6:33:09 AM GMT+8
好返未ａｒ敏敏？保重啊～
>>May 4, 2006 at 5:30:54 PM GMT+8
豬蘿man，
<br>點解妳病得
>>May 4, 2006 at 1:21:09 AM GMT+8
打錯字,係幻想呀^o^
>>May 3, 2006 at 4:09:00 AM GMT+8
大隻,你唔係呀……原來發燒只是你
>>May 3, 2006 at 4:08:11 AM GMT+8
謝，娘娘！好都係，唔好衰被大八睇
>>April 24, 2006 at 2:29:02 PM GMT+8
大隻,你好勁呀!買o的野全部都有
>>April 16, 2006 at 8:43:43 AM GMT+8
娘娘，好羨慕你有得去旅行！
>>April 10, 2006 at 4:27:50 PM GMT+8
大隻, 咁你順手幫佢撈返粒貢丸返
>>April 8, 2006 at 5:37:27 AM GMT+8
我既貢丸俊平(日本人來的)去了很
>>April 4, 2006 at 4:14:16 PM GMT+8
大隻,對於你來說,你心中緊有塊叉
>>March 31, 2006 at 2:45:59 PM GMT+8
咩「每個人心中唔止得一座斷背山,
>>March 18, 2006 at 4:01:42 AM GMT+8
chu law man,
<br
>>March 8, 2006 at 9:06:48 AM GMT+8
我覺得呢個ｐｃｃｗ ｃａｓｅ，有
>>March 5, 2006 at 3:27:49 PM GMT+8
唔好咁孤寒,唔比人加珠啦,叉叉喜
>>February 10, 2006 at 7:02:51 AM GMT+8
忘了代表李生和準李太多謝你的祝福
>>January 31, 2006 at 5:39:22 AM GMT+8
新年快樂！
<br>祝你事業進步
>>January 31, 2006 at 5:08:25 AM GMT+8
娘娘,今日我貼左個「百無禁忌」係
>>January 27, 2006 at 3:21:31 PM GMT+8
娘娘,幫你送左個「百無禁忌」俾經
>>January 25, 2006 at 2:57:57 PM GMT+8
大隻, 你班同事、你的老細都很趣
>>January 12, 2006 at 5:33:57 PM GMT+8
娘娘，仲有比實景仲靚既寫生畫呀，
>>December 27, 2005 at 4:02:49 PM GMT+8
南生圍不錯，可惜有d地方焦左..
>>December 27, 2005 at 2:00:02 PM GMT+8
車, 死野, 我幾時有「淫威」你
>>December 9, 2005 at 3:09:42 PM GMT+8
我都同意阿齊0既提議啵，
<br
>>November 30, 2005 at 4:41:58 AM GMT+8
不如試o下做運動啦..你日捱夜捱
>>November 27, 2005 at 5:14:26 PM GMT+8
同是天涯OT人....
<br>
>>November 17, 2005 at 6:46:21 AM GMT+8
睇來叉叉已經係你心中佔著一個重要
>>November 8, 2005 at 3:18:29 AM GMT+8
喂, 做咩唔講o下你個書法袋的去
>>November 6, 2005 at 10:27:40 AM GMT+8
別常做"關燈人"，
<br>小心
>>November 6, 2005 at 10:25:35 AM GMT+8
娘娘, 你話每次開outlook
>>November 4, 2005 at 12:05:48 PM GMT+8
大隻,看你每天都是匆匆匆、趕趕趕
>>November 4, 2005 at 5:26:10 AM GMT+8
師父有冇按到你腰有冇事呀? 你上
>>November 3, 2005 at 11:49:02 AM GMT+8
|
|
越來越覺得
好耐冇試過好耐都冇ｕｐｄａｔｅ呢度了