|
2005 年 4 月 5 日 星期二 【晴】
今天是辭職後的第一個工作日
心路歷程在一日之內有很大很大的變化～
早已預備了在公司做的私事
果然，１１點幾前，都無嘢要我做
我就坐在自己的電腦前打application letter～
用公司的資源找工，很正的感覺
不過，之後二小姐就要我幫手做vocab page
她客氣了很多～也許真的跟我的辭職有關
好的心情維持不了多久
午飯過後，我又再發現了二小姐的荒謬與無能事
咁大個人，第１次「興」到頭痛的
嬲到我爆炸
首先，當事人無能是她自己的事。但當影響到我，就……
先向了阿文了解一下，了解的時候都抑制不了我的激動與對二小姐的不屑
再直接向二小姐查詢
她有幸了，她成了我這一生人中，極少極少數看到我給面色的人
嘈她們都在messenger叫我鬧佢
但我是不太懂得鬧屋企人以外的人的
充其量就是語氣沒平時的溫和
今次外加一張黑面
忟得我有點窒息感
我也不知道自己在執着甚麼～唉﹗
都是快要離開這間公司的人了，唉﹗
於是，我就過了Ophe那邊房，散心了２０分鐘
先埋位繼續做嘢
心情漸漸地平伏下來了
臨近放工，滾與Ophe、大小姐開了個ｉｎｆｏｒｍａｌ ｍａｎａｇｅｍｅｎｔ ｍｅｅｔｉｎｇ
事後知道，原來是討論經理投訴滾扼人補假的事
滾竟在會上說︰我想佢即刻喺我面前消失﹗（這是針對經理說的）
哈﹗理虧的人就只能說這些了﹗果然是不成熟的中年肥笨「少爺仔」
田又在office 度扮白面和狒狒了，笑到我們肚都痛
這是《四月四日辭職日》的回應︰
Sam :中文科老師評語：
行文流暢，感情真實，能具體描述大小姐當時的神情。
她那份既不知所措又虛偽的表現能一一展示在讀者面前，
讀者即使未能親歷其景，
但也能感受當時人的激動和喜悅，
以及故事主角的奸險。
由其以遞信一刻及堅決拒絕陰險小人的請求至為精采。
作者所記述的事件及撰寫的文章是上上之作，
本人建議同學把作品投稿於《蝦米私日記》，
好讓更多讀者欣賞。
嘈︰你實對白面的形容, 實在不能再好, 如果你寫的「自我介紹」都形容得自己咁好,
就肯定咩工都請你了!! 希望你早日搵到工呢, 呢間咁o既公司, 實在襯你唔起的!!! 努力!
等我得閒, 都學你咁寫寫白面的事, 可以出一個「白面回憶錄」都好
呵呵呵呵
>>April 6, 2005 at 5:48:54 PM GMT+8
2005 年 4 月 3 日 星期日 【晴】
記四月四日辭職日
今天終於遞了辭職信了，
蘊釀了兩天的興奮心情，今天更甚
不過被Ophe打亂了我的計劃
原訂下晝先遞的
Ophe說大小姐做了很過份的事
話說今天是教師發展日
大小姐上星期五已知道的
但今天才告訴Ophe
更衰的，是Ophe今天穿了牛仔褲，沒預備下晝要去校訪的
詢問大小姐，大小姐的態度竟然夠膽死仲好惡劣咁，叫Ophe返屋企換衫
唉﹗我也不知可說些甚麼
因此，Ophe要求我上晝就遞信，因她下晝要校訪
咁佢同蝦米、猴子就以拎嘢俾production為假動作，過來見證我人生第一次的呈辭啦
整個歷史性的過程，現詳錄如下︰
公元二零零五年四月四日上午十一時多
當時的冷氣溫度是少有地適中的
我由自己個位走了4-6步，到了大小姐個位
我︰阿芳﹗
大小姐那塊據田形容為「白面」的面由個芒的方向擰了過來。
我拿著一個寫著「To:Mr.Timothy Yuen」的白色信封，兩手稍稍向著「白面」的方向伸前。
我︰呢封係我0既辭職信。
「白面」定了格地看著我。
我在等著「白面」發出聲音，雖然那應該依舊是我聽了就討厭的聲音。
「白面」上是一雙瞪大了亦不見得大的眼睛。她接過我的信。
我仍在等著充滿厭惡性的聲音。
「白面」看著我那張不夠她白的臉，再看看我大約二十五天前已草擬好的信。
我︰係呀﹗
(無端端說甚麼「係呀」呢？讓我稍作解釋︰看著「白面」的癡呆，我覺得佢以為佢自己聽錯。
為了讓她肯定一點，我就助她一把，送了句「係呀」給她。)
兩秒後，我不等了。
又走了4-6步，回到座位，拉開椅子，坐了下來，繼續看5年班英文稿。
心思當然還未飛回稿上啦
又過了20秒
「白面」拖著那副「纖體不見其效」的身軀
踏著鑲了鐵片的一雙腳，向我的座位走近
白面︰Lotus，你過一過來呀﹗
(好熟的一句對白。哈﹗她上一次叫我過去她那個「四面環枱」的座位時，是她「成功為我們
bargain到加人工」的那次)
她坐回她的坐位，我就坐屎先生坐過的椅子。
白面︰其實會係咩原因呢？
我︰無呀﹗我想轉下新環境(這句事後被其他人噓，不過要聽我講埋落去先)
我︰同埋，我覺得看寫0既嘢唔係咁啱公司囉(這句查實包含了我幾個月下來所積累的冤屈)
(我原本預了白面會講番啲類似「你點會咁諗架？」的說話，不過，佢就好似扮聽唔到我講咁)
白面︰咁你搵到工未？
我︰未呀﹗我想辭咗工，專注啲搵。
白面︰咁你會唔會考慮留低。(嗱﹗講番句廢話啦﹗咁先係真正0既你家麻，叻女啦﹗)
我︰我唔啦﹗
~~~對話結束，之後我就盡量忍笑了~~~
這篇《記四月四日辭職日》也順道抄送了給蝦米、米人、Ophe、猴子、嘈、Sam、經理、靈雞、小牛、小雞
與此同時，今天就要俾resume、自我介紹文章和portfolio給經理
讓她轉交給她的朋友
查實之前都無寫過中文的resume，
這份嘢已寫了幾天啦，幸好公司內有很多軍師
我寫resume的技巧，深受大家------質疑
經理還說︰究竟呢份工你係點搵架？
嗚嗚﹗好hurt
我的自我介紹和履曆表經多人校對和修正後，終於見得人了
其實自從下晝4點半睇完稿後，我就明目張膽地在電腦上執我的resume了~~~感覺好爽呀
希望接下來的日子，上級都唔好俾咁多嘢我做啦(因為據聞呈辭了的人都可以在額頭上鑿個「閒」字的)
今天還有個小風波
話說3月17日遞了辭職信的經理去account那邊找Maggie check剩餘的補假和年假
唔check尤自可，一check就
3日~~每日OT了超過6個鐘的補假應該共有3日的
出來竟變了日半
查看補假紙正本，竟發現補假日數那欄
由原本的1, 1, 1,total:3
被改了，改為1/2, 1/2, 1/2,total:1.5
隔離是隻阿滾的簽名，日期是3月17日
真的估唔到那隻嘢咁都做得出的~~
這不單是刻薄不刻薄的問題，當中仲涉及欺詐成分
作為成間公司的老闆，開會成日話「呢個唔係錢0既問題」的人，哼﹗真的好有點那個
無賴﹗縮骨功始祖呀
不過，我們的經理絕對絕對不是省油的燈。好勁呀﹗經理﹗俾個big hand你
>>April 5, 2005 at 3:05:10 PM GMT+8
2005 年 3 月 31 日 星期四 【微雨】
晏晝去完銀行就返工啦
一返工，上晝的祥和心情都消失得無影無踪啦
唉～越來越相信～走～是正確的
姑勿論個客觀情況是怎樣，我已很主觀地不喜歡這不喜歡那了
不過自從返了這份工後，我學會了表達自己的不滿
不會自己收收埋埋自己嬲
會在開會時數算二小姐的不是（雖然沒指名道姓，但她必定明白，可是卻沒有接納）
會在工作上反映自己的不滿，讓她了解她荒謬的地方
不過也真的要感激她，做了我很好很好的反面教材
讓我明白到在出版工作上，這樣那樣是很可笑的
在搵工上，到目前為止，除了之前的海關外
一封信還未寄出
感謝大家看職位空缺時，都順便為我留意
特別感激阿嘈連cv, cover letter的sample都找給我
今晚hae下hae下打信，搞到現在成３點都未可以
夜啲瞓啦，聽日放工瞓番飽
星期四
由今晚開始，連續有7個星期四去尖咀上堂
七堂會學Ｃｏｒｅｌ ｄｒａｗ和Ｐｈｏｔｏｓｈｏｐ
上３個鐘，這個阿ｓｉｒ教得不錯，進度幾好
除了開始介紹ｄｅｓｋｔｏｐ ｐｕｂｌｉｓｈｉｎｇ的歷史有點悶外
今晚上堂前去了ｓｉｍｐｌｙ ｂｒｅａｄ，買了虎皮芝士包吃
１０點幾先搭車番屋企，這個星期都睡得不好
在巴士上，當下決定明早請半日假，心情立時輕鬆下來
返家後看回長今的錄影，以及睇女生宿舍的探偵學園
星期三
今天是地產部一些同事的ｌａｓｔ ｄａｙ
晏畫全公司的人去了隔離酒樓食飯
有３圍台，好樣衰地，阿滾坐了埋我哋張台
他得了３個不通︰１不通漫畫、２不通卡通、３不通電影～場面有點尷尬
過了頹廢的放工時間
～書到用時方恨少
我要盡量令這個「少」不要真的太少啦
星期二
上書法中途收到經理的電話
害我今晚睡不著，但也很感激經理為我帶來的機會
謝啦
還要看我自己的做化
>>April 1, 2005 at 7:04:54 PM GMT+8
2005 年 3 月 27 日 星期日 【微雨】
今天拎了舊的ｒｅｓｕｍｅ，ｃｏｖｅｒ ｌｅｔｔｅｒ出來看
又上網看了些ｓａｍｐｌｅ
從來無寫過一封像樣一點的求職信，因為實在不太懂
也看了未找到工作時所寫下的日記～情況也不是太糟吧
三月二十七日（星期天下雨天）
今天是游水日
時間定了在下午兩點
可惜茜嘉臨陣退縮
今天有秀秀、豬卡勳、豬佬、好兒和他的小芝
誰也估不到，這場泳賽會到凌晨成1點先結束
原因係極為爆笑的～在此姑且～不提
一路游、一路睇了好耐電視，差點忘了《愛上女主播》大結局，睇埋《瀛台泣血》錄影、《金像獎》
仲睇到少少李小龍
在眾志成城下，不必吃埋早餐
今天我問了句︰你識唔識譚志明，竟然同時間有兩個人有回應
好惹笑～
仲要係我哋３個人所識的譚志明真係同一個人來的～我深信
尋晚睇了《傾國傾城》，狄龍後生時真的很得
>>March 28, 2005 at 12:43:11 PM GMT+8
2005 年 3 月 25 日 星期五 【晴】
而家仍在公司～今朝１１點幾先返到
因為太累了，所以瞓晏啲先返
做多１個鐘就走啦
唉～我和靈雞果真係二小姐為滿足爸爸獸慾下的犧牲品
本身我連這個星期四都想請假的，咁就一連放５日～好高興啦
點知ｒｅｊｅｃｔ我的休假不特止，仲要五、六都要番
我的美夢～由連放５日假，１下子，變到．．．得．．．兩日～～作死
昨天１０４０返到公司，做到１７４５
跟住行了陣街
除了我們英文組的３人回來ＯＴ外
仲有ｐｒｏｄｕｃｔｉｏｎ所有人
晏晝一齊叫pizza食～因為文哥仔話叫外賣好似型啲
經理尋日好早就ｏｎｌｉｎｅ，在家ｏｎｌｉｎｅ
仲搞到我和靈雞恨得牙癢癢添，仲有個摻一腳的阿嘈：
tolee_ma: 我而家睇緊愛麗絲學園...嘻嘻
comic13_2003: 我依家睇緊六年級-__-
tolee_ma: 恭喜恭喜
rain12sun: 鳴....我而家睇緊三年級
tolee_ma: 齊歡唱~~同慶賀~~
rachelai: 我打算今天看晒的「鋼鍊」，之後先再做野，昨日做到好悶
作死--＿-"
>>March 26, 2005 at 9:38:32 AM GMT+8
2005 年 3 月 23 日 星期三 【晴】
今日雖然不是星期五
但為了慶祝靈雞和牛牛的日語能力測試成功了
我哋晏晝出去吃
靈雞在３級得了３６０分，小牛在２級得了３１１分～～ｓｕｇｏｉ ｄｅｓｕ
去了滇園食
晚上蝦米米陪我去旺角行街
有一下，心情失落了一大下
愉林搬家了
今日我哋進行了集體創作
記錄者︰嘈
註釋︰Lotus
英文組的衰歌：
有錯無錯，都要交貨。
無錯就過，有錯排過。
小姐無錯，錯的是我。
我錯甚麼，甚麼都錯。
錯錯錯錯，死不認錯。
錯在甚麼，爸不愛我。
靈雞話喎，我也喎喎。
假日遊蕩， 管唔到我。（爸說他的員工與其放假時在街上遊盪，倒不如回公司ＯＴ）
上了一課，唔該晒喎。
逃出井底，尋回自我。（爸說中國人的特性是︰井底之蛙）
唔駛怕(火羅)，走不會錯。
數學組金句：
只求無錯, 不求突破
娘娘對肥瘦的感覺：
肥肥瘦瘦招招積積衰衰格格得戚。（鳴謝︰李清照）
>>March 26, 2005 at 9:02:51 AM GMT+8
2005 年 3 月 22 日 星期二 【颱風】
今日下晝請假~~
經理上晝去見工，我哋下晝就一齊去睇畫展
先看了印象派，多人得好誇張
啲畫好靚，特別係Degas那幅芭蕾舞
不過睇咁多幅畫，睇到對眼好攰，仲有好多畫都比想像中細
跟住睇黃永玉八十藝展
好犀利呀，佢啲水墨畫俾人一種好In的怠覺
計番條數，大多喺佢七十幾歲的時候畫的
咁既年紀都做到這種感覺，很厲害﹗
其中一幅係畫佢個孫女的，畫得好醜樣
但睇完畫中的文字後，會忍唔住望幅畫望多兩眼的
睇完都6點幾了，下大雨
所以取消了原定的行街計劃
晚上收到靈雞的留言，說我們英文組這個星期五六要回公司OT----
打亂我的計劃
對這間公司，我是越來越心淡的了。做得好又三十六，做不好又三十六
>>March 24, 2005 at 9:29:00 AM GMT+8
2005 年 3 月 18 日 星期五 【晴】
三月十九日(星期六)
今日瞓到11點，跟住睇下書睇下雜誌
刻意做些輕鬆的事情
點幾就入天水圍考試啦
考試進行其間的心情是頗愉快的
好耐無考過試了﹗這些題目又是些好玩的題目
不過在我記憶之中，這次是我唯一次做MC會留空了格仔，亂填也沒有
漏了3題呀
我一心諗住淨番5分鐘佢會再提一提的,點知佢淨係提咗一次仲有30分鐘
下一次提就話︰夠鐘﹗
我嚇到放低咗支筆，空了三格無填呀~~
2點開始，到6點九先離開試場
仲有呀，這間甚麼鄧兆棠中學，指示唔清晰
好多人同我一樣，在外圍隔聲板那邊走了一圈才知道這邊沒有入口
番到元朗行了一陣,吃了好味的串燒和燒魚,仲有TCBY軟雪糕
碰到秀秀，原來秀秀今日都有考試，雖然也在天水圍，但跟我不同試場
三月十八日(星期五)
隔咗咁耐，好哋終於慶功了
今晚放工後
我、米人、靈雞、Sam、Ophe、蝦米、嘈、猴子、經理~~對、就是我們這些股東
去了重慶食咖喱，芝士薄餅真的好味得好恐怖
大家食到好飽，再去Haagen Daz食~~佢哋好多人都已經唔得了
所以吃不到原定的朱古力雪糕火鍋
我叫了一杯Coffee Break~~有咖啡雪糕、芝士雪糕、朱古力雪糕的一杯嘢~~好味
9點坐到11點幾~大家都笑都塊面緊晒
有時我也會幾欣賞自己說的笑話的
跟住除了米人外，我哋一齊又行遠0的去搭車---要消化下至得
今晚好眼瞓呀~大長今錄影帶未看完就去瞓了
聽日都係唔番工啦
>>March 24, 2005 at 7:43:47 AM GMT+8
2005 年 3 月 17 日 星期四 【晴】
For my own memorization about out crazy chat．．．
zanjo_map: 我地聽日有個行動代號：mission impossible
rain12sun: 唔好意頭,唔得mission must be possible
rain12sun: 一係我寧願叫黃雀行動,都唔要你那個, 一係獵鷹行動
onlyysterday: 我地都要努力
rain12sun: 目標人物係大麻鷹
zanjo_map: 兀鷹calling麻雀
rain12sun: wei,頭先篇english standard係我條針俾我的,堅料,roger
onlyysterday: 即係乜呀，ｒｏｇｇｅｒ
rain12sun: 點解我地0既秘密行動,有外人知道架, 那個ophehsk是大麻鷹的頭馬
zanjo_map: 佢係我條針呀，roger
ophehsk: 我已經搭通了天地線
rain12sun: 大家小心,行動要升到4級半
zanjo_map: 和記的嗎？
onlyysterday: h級
rain12sun: 而家秘密外洩,我地要改用摩斯密碼
rain12sun: (*&*^*^*&^%$^%$^%$^%
zanjo_map: 打粗口呀，roger
onlyysterday: roger，唔好發神經
rain12sun: ))(**(^&*())(&%^%%
rain12sun: 間碟走了,可以正常番
zanjo_map: 我地要轉喇，sent
ophehsk: 夠了,唔好發癲
rain12sun: 別人笑我們發癲,我們笑別人看不明 sent
zanjo_map: 我笑他們太低b，sent
rain12sun: 好句,sent
caffymomo: 喂, 你地做緊乜呀??? 瘨o左?
zanjo_map: 太平十三郎是也，sent
rain12sun: 我地進行緊獵鷹行動 sent
onlyysterday: 我地呢個行動有幾個核心成員，sent
zanjo_map: 邊隻鷹？sent
caffymomo: 咩獵鷹呀? 做乜要打個sent字呀?
onlyysterday: sent咪sent囉
zanjo_map: 花祺芯？sent
rain12sun: 你呢個市民只要配合我地就好,了,不必知太多
rain12sun: 鷹是「入境事務主任」 sent
rachelai: 我更正:「是別人笑你發花癲」sent
caffymomo: 噢, 好恐怖, 你地做到黐o左呀?
zanjo_map: 非也，sent
caffymomo: 救命呀, 我都係唔同你地講啦, 費事畀你地傳染到呀...
rain12sun: 市民,你要好好利用你0既眼,耳,舉報罪案,其他的我們獵鷹成員會處理的,sent
onlyysterday: 我地的行動係獲取鷹的行動，sent
zanjo_map: 原來鷹係主任，我以為係"認住呢隻鷹，飲花祺芯茶有保證"，sent
rain12sun: 係,明天就是取鷹行動的重頭戲啦 sent
onlyysterday: 小市民係唔會明架，sent
rain12sun: 猴伙伴,集中0的精神
zanjo_map: 一定要捕獲疑犯，sent
comic13_2003: 真係唔明喎, sent
rain12sun: 市民姬,你識打sent己好好了,唔駛明太多,sent
onlyysterday: 你都明呀，識打sent ，sent
zanjo_map: 飲左茶會集中精神的，sent
comic13_2003: 做過特務, 爛船都有三分釘, sent
rain12sun: 猴伙伴,咁聽日我地在私家車中監視目標人物時,就飲住花旗芯啦,sent
onlyysterday: 果然係特務，有番兩度板斧喎，sent
onlyysterday: 係蔘呀，sent
rain12sun: 好,蔘,sent
comic13_2003: 嗯, 有蔘, 有信心, sent
rain12sun: 好難忍笑呀,sent
rain12sun: 我癲啦,個任務令人好大壓力呀,sent
onlyysterday: 今晚阿嘈會睇我的數稿，sent
zanjo_map: 我地係萬寧度監視目標人物，sent
onlyysterday: 好驚，sennt
rain12sun: 收唔到蝦米伙伴的訊息,串錯sent, sent
comic13_2003: 驚到打左2 個n 啊... sent
zanjo_map: 係囉，sent唔到架，sent
rain12sun: 咁今晚的獵鷹行動前哨戰幾點開始 sent
onlyysterday: 咪就係驚到打錯字，sent
zanjo_map: 7:30呀，sent~~
onlyysterday: 一放工就開工，sent
zanjo_map: 準備中，對錶，sent
rachelai: 救命呀!!! sent
caffymomo: 你地好似青山d病人呀.......
onlyysterday: 而家開始準備，sent
caffymomo: 好驚呀
rain12sun: 係咪去尖沙咀瑣定目標人物先呀,sent
comic13_2003: 今晚隻鷹呢, 約左7:30 俾我地打... 但呢度出去, 一個鐘都得啦, 咁早出去真係飲花旗蔘咩, sent
zanjo_map: 米伙伴佢思覺失調呀，sent
rain12sun: 市民米,差人做野,合作0的啦,sent
caffymomo: 救.....命.......呀~有..冇......人......呀.......?
zanjo_map: 拉佢返差館啦，sent
rain12sun: 猴伙伴,米只是市民,不是我們的伙伴,sent
onlyysterday: 你唔好嗌，會打草驚鷹，sent
onlyysterday: 去個洗手間先，sent
rain12sun: 唔好搞破壞,市民米,charge你一條阻差辦公,要你坐番十年八載的,sent
rain12sun: 通常一去洗手間,就有事發生的,sent
rain12sun: 不過我都去下,sent
zanjo_map: ，要保護我地既蝦伙伴，sent
zanjo_map: 市民米佢阻唔到我地的，sent
comic13_2003: 咁猴伙伴, 你落單了, sent
zanjo_map: 市民米，可否幫我拿你頭頂上既暑假作業4升5俾我？sent
zanjo_map: 我要落咩單，特務姬？sent
comic13_2003: 一件油占多一杯奶茶少甜行街 sent
zanjo_map: 你幫我落嗎？sent
onlyysterday: 我要升小六的暑期作業，sent
caffymomo: 你地趕住要定點, 我去廁所至拿畀你地ok嗎?
rain12sun: comic13_2003: 一件油占多一杯奶茶少甜行街-----------------整,sent
zanjo_map: ok，市民米，sent
comic13_2003: 神偷米人, 靠你啦
rachelai: 是囡囡佢o地不在時先要呀! 偷野呀, 米米, 唔好咁揚, sent
zanjo_map: 哦~~~~~~原來你係我地通緝左好耐既神偷！sent
rain12sun: 猴伙伴,行動危險,市民米不是等閒之輩,你找個伙伴同你扮情侶去公園交收啦 sent
rachelai: 在德華公園呀?? sent
zanjo_map: 好難的，冇人扮我情人呀，sent
zanjo_map: 個度太多伯父了，sent
rain12sun: 原來0係八十年代,風靡秀茂秤的大盜就係你------------市民米,sent
comic13_2003: 喎 , sent
zanjo_map: 估唔到宜家重出江湖，好似黑玫瑰咁！sent
rain12sun: 點解唔見伙伴經理的？,佢又接了?底freelance job做？sent
onlyysterday: 估唔到佢而家?度扮普通市民，欺騙大家，sent
rachelai: 你又知米偷內衣褲?? 有咩證據先!! 差人大晒呀? 砌生豬肉呀! sent
zanjo_map: 係獵鷹之前，我地要扣捕你，sent
rain12sun: 好,我地替「洗佬」行道,警偷懲盜sent
rachelai: 差人屈人呀! 差人屈人呀! sent
zanjo_map: 有証有據啦，當日阿八嬸個老公個表姨個四婆個女認到佢呀，sent
rain12sun: 市民嘈,咪嘈,sent
ELAINE 已經加入這個多人會議。
rain12sun: 頭先失去了我地條針,市民姬的聯絡,幾驚,sent
comic13_2003: 有人干擾, 一定係 sent
zanjo_map: 雖然神偷米宜家隱居民間，不過多得特務姬，唔係市民姬呀既幫助，搵到神偷米sent
rachelai: 咩呀, 我呢O的小市民有言論自由的, 差人大晒呀! SENT]
rain12sun: 好,我地向上頭申請,還店今年的好市民獎仲有一個位,就攝市民姬入去啦,sent
onlyysterday: 所以我地不如誠邀特務入黎我地的組織工作，sent
comic13_2003: 各位市民, x 鷹, 神偷, 放工啦, sent
rachelai: 無間SENT
rain12sun: 大楷的sent,獵鷹成員是read不到的,sent
rachelai: 你看不到又知我大楷 SENT
onlyysterday: 我地係幾時起行呀，sent
．．．．．．
>>March 26, 2005 at 8:51:30 AM GMT+8
2005 年 3 月 11 日 星期五 【陰】
今朝我無番工呀
因為尋晚１２點幾番到屋企，眼瞓到爆
所以當晚就下了決定～聽朝要休息一下
3月11日(星期五)
今日落雨呀，看更阿叔見我們出去食飯，借了傘給我們
我和靈雞遮遮下見到有異樣~~把遮上面寫住「巡邏專用」
嘩哈哈~~我哋由公司巡邏巡上元祿啦
～猴子今早黃了
～蝦米米今天話要學英文喎，於是我哋一起創作了
Ｙｅｌｌｏｗ Ｌｏｖｅｒ，Ｉｓｌａｎｄ Ｍａｓｔｅｒ，Ｂｒｏｔｈｅｒ Ｐｏｗｅｒ，Ｗａｓｈｍａｎ
他們依次是︰蕉蕉、島主、權哥、洗佬～～一班低Ｂ的人所改的低Ｂ名字
夜晚「送」蝦米去跟島主匯合，跟住我就同米米行了一陣
跟住就去新港中心跟茜嘉、Ｙａｎ、Ｊａｃ、Ｍａｂｌｅ匯合
Ｙａｎ介紹了我們去食意大利嘢
都幾唔錯的
跟住就傾下近況啦咁～
幸好～風雨過後，已天晴了
Ｔｈｅ ｂｅｓｔ ｉｓ ｙｅｔ ｔｏ ｃｏｍｅ
陳美寶又猛羨慕是v是v的Jac Jac～哈哈
跟住我哋又去食松記啦
４個人一齊坐西鐵番屋企
過了一個幾愉快的晚上～唔一定要游水的聚會才開心的
不過游水都係件令人開心的活動
>>March 12, 2005 at 10:07:52 AM GMT+8
|
![]()
|
廣告 |
|
|
讀者留言 |
| 路人留言
|
 咁耐都無新文章，是否搬了別處？如
>>April 18, 2007 at 2:23:40 PM GMT+8
Dear 敏敏:
<br>很想吃
>>March 15, 2007 at 7:03:52 AM GMT+8
大隻
<br>好野呀 ！！！
>>February 5, 2007 at 6:46:07 AM GMT+8
有士多啤梨係入面既~我想食呢隻！
>>January 31, 2007 at 4:20:20 AM GMT+8
多謝您給我造的美味ny chee
>>January 29, 2007 at 3:55:42 PM GMT+8
敏敏~你冇打蛋器? 我有個係到呀
>>January 3, 2007 at 1:44:11 PM GMT+8
敏敏~我收到你張聖誕卡ｌａ，多謝
>>December 23, 2006 at 4:17:39 PM GMT+8
我仲有相冇post,你要遲d俾埋
>>December 3, 2006 at 11:16:55 AM GMT+8
會長, 你的電腦技術很勁秋呢！有
>>November 23, 2006 at 5:31:17 PM GMT+8
會長...好甜呀你個日記~如果你
>>November 3, 2006 at 4:03:49 PM GMT+8
娘娘, 多謝你提醒我地果兩日原來
>>November 3, 2006 at 2:28:12 PM GMT+8
杜奧巴起腳少左，但仍有入球，更可
>>November 3, 2006 at 9:31:58 AM GMT+8
娘娘，上次沒來唱k實在太過分了，
>>August 13, 2006 at 5:30:57 PM GMT+8
娘娘，你的芝麻醬在哪兒買呀？
>>August 11, 2006 at 2:02:04 AM GMT+8
阿叔有接班人啦!
<br>who
>>July 12, 2006 at 4:27:37 AM GMT+8
巴西.英格蘭要嬴呀
<br>在無
>>July 1, 2006 at 12:09:57 PM GMT+8
努力向前衝 像有金鐘罩 像有金剛
>>June 17, 2006 at 3:03:18 PM GMT+8
.......why me!?!
>>May 15, 2006 at 12:29:12 PM GMT+8
身體的病,其實好易醫,所以無擔心
>>May 5, 2006 at 6:33:09 AM GMT+8
好返未ａｒ敏敏？保重啊～
>>May 4, 2006 at 5:30:54 PM GMT+8
豬蘿man，
<br>點解妳病得
>>May 4, 2006 at 1:21:09 AM GMT+8
打錯字,係幻想呀^o^
>>May 3, 2006 at 4:09:00 AM GMT+8
大隻,你唔係呀……原來發燒只是你
>>May 3, 2006 at 4:08:11 AM GMT+8
謝，娘娘！好都係，唔好衰被大八睇
>>April 24, 2006 at 2:29:02 PM GMT+8
大隻,你好勁呀!買o的野全部都有
>>April 16, 2006 at 8:43:43 AM GMT+8
娘娘，好羨慕你有得去旅行！
>>April 10, 2006 at 4:27:50 PM GMT+8
大隻, 咁你順手幫佢撈返粒貢丸返
>>April 8, 2006 at 5:37:27 AM GMT+8
我既貢丸俊平(日本人來的)去了很
>>April 4, 2006 at 4:14:16 PM GMT+8
大隻,對於你來說,你心中緊有塊叉
>>March 31, 2006 at 2:45:59 PM GMT+8
咩「每個人心中唔止得一座斷背山,
>>March 18, 2006 at 4:01:42 AM GMT+8
chu law man,
<br
>>March 8, 2006 at 9:06:48 AM GMT+8
我覺得呢個ｐｃｃｗ ｃａｓｅ，有
>>March 5, 2006 at 3:27:49 PM GMT+8
唔好咁孤寒,唔比人加珠啦,叉叉喜
>>February 10, 2006 at 7:02:51 AM GMT+8
忘了代表李生和準李太多謝你的祝福
>>January 31, 2006 at 5:39:22 AM GMT+8
新年快樂！
<br>祝你事業進步
>>January 31, 2006 at 5:08:25 AM GMT+8
娘娘,今日我貼左個「百無禁忌」係
>>January 27, 2006 at 3:21:31 PM GMT+8
娘娘,幫你送左個「百無禁忌」俾經
>>January 25, 2006 at 2:57:57 PM GMT+8
大隻, 你班同事、你的老細都很趣
>>January 12, 2006 at 5:33:57 PM GMT+8
娘娘，仲有比實景仲靚既寫生畫呀，
>>December 27, 2005 at 4:02:49 PM GMT+8
南生圍不錯，可惜有d地方焦左..
>>December 27, 2005 at 2:00:02 PM GMT+8
車, 死野, 我幾時有「淫威」你
>>December 9, 2005 at 3:09:42 PM GMT+8
我都同意阿齊0既提議啵，
<br
>>November 30, 2005 at 4:41:58 AM GMT+8
不如試o下做運動啦..你日捱夜捱
>>November 27, 2005 at 5:14:26 PM GMT+8
同是天涯OT人....
<br>
>>November 17, 2005 at 6:46:21 AM GMT+8
睇來叉叉已經係你心中佔著一個重要
>>November 8, 2005 at 3:18:29 AM GMT+8
喂, 做咩唔講o下你個書法袋的去
>>November 6, 2005 at 10:27:40 AM GMT+8
別常做"關燈人"，
<br>小心
>>November 6, 2005 at 10:25:35 AM GMT+8
娘娘, 你話每次開outlook
>>November 4, 2005 at 12:05:48 PM GMT+8
大隻,看你每天都是匆匆匆、趕趕趕
>>November 4, 2005 at 5:26:10 AM GMT+8
師父有冇按到你腰有冇事呀? 你上
>>November 3, 2005 at 11:49:02 AM GMT+8
|
|
今天是辭職後的第一個工作日