2007 年 4 月 17 日 星期二 【晴】

大家忙 多麼漂亮理由
愛不夠 只不過是借口
憑我愛你這麼久
亦沒信心走出教堂 沒理由
為何未夠好 請聽我預告
就算跟你未遊盡花都
可給你的都會做到 並未求甚麼
唯一志願想你安好

誰能及我好 我也想知道
就算這相貌從未討好
總可當跟椅墊共老 任地厚天高
回家也都想得到擁抱
除非這感情你不希罕太易得到

>>April 18, 2007 at 6:46:42 PM GMT+8

2007 年 4 月 12 日 星期四 【晴】

琴日整緊野0個陣聽倒個ECD同佢朋友過... 香港冇前途....
佢自己黎緊都走, 應該返大陸做,
黎緊隔黎team d 人都會走得七七八八,
今日AS 0個邊又走左一個,
easter之前又走左個英文writer,
連請我既都想走,
到宜家, 我都係未見前路!
琴晚做MTR pitch做到4點先走,
返黎知道入左2nd round, 應該係幾開心,
但CLP 個pitch idea又未傾掂,
星期日又要鼴返黎, 好慘!
做廣告失去既野真係好多好多,
親情,愛情,友情,正常生活, 休息時間, ....都比哂工作.
我都係「人」黎嫁, 真係真係.... 有時都幾無奈,
雖然係學倒野, 但... 有時都要比我地似返一個普通人丫, 有時就夠嫁啦!!

>>April 13, 2007 at 5:55:33 PM GMT+8

2007 年 4 月 10 日 星期二 【晴】

今個復活假好短, 最後一日公眾假期都要返公司做野!
今個假期只係唱左次K, 睇左「戇豆放大假」, 去左海洋公園, 就要返工,
係咁做pitch, 係咁唸'橋',
晚晚都唸'橋', 今晚仲無啦啦6點幾要我地整另一個樓盤logo,聽日要起哂,趕住pitch,
本來一早ACD話今晚點都要7點走, 佢亞媽嘈, 要同屋企人食飯,
我地個個都唸住可以早走, 我就唸住可以趕返去打排球, 點知...唉...
不過今日都好, AS有同事生日, 我地搞大佢, lunch 0係彩雲軒book左兩圍,
晏d 仲有生日蛋糕, 係我最鐘意既朱古力,
雖然OT,但今日都算唔錯啦^^
唉... 岩岩還左信用咭最低付款額,唉...抖左3個月, 三個月冇收入,冇辦法啦!!!
窮到死!!!

>>April 11, 2007 at 5:24:59 PM GMT+8

2007 年 4 月 2 日 星期一 【晴】

今日又係一月一渡既聚會啦,
lunch本來有波踢, 但想去聚會多d,
今日人少少, 計埋我得6個人,
廣告人都互相明白, 工作實在太忙啦,
真係要每月一次聚會弟兄姊妹互勵互勉!
Paul 分享到佢0係公司傳福音所面對既因難,
KK又分享佢帶團契同福音營.
其實我靈命好弱好弱咋, 又冇乜再點返教會, 又冇再點睇聖經,
工作經驗已經比佢地差好遠, 信仰更加唔再講啦.
唉, 總之乜都比人差.
今晚5點9倒, 我個CD同ACD去左收brief 同開會,
我一直等, 6點半倒, 一齊等既writer 先走,
7點左右, AD話有事, 走堆,
得我一個0係度等, 走又好似冇哂人, 唔係咁好.
我等到8點8, 佢地出黎, 點知話聽日先傾.
之後, 我趕落長沙灣同成班舊同學慶祝亞桑生日,
係咁食日本野, 愈食愈多, 供過於求,
但好正, 亞田就冇口福啦, 去左澳門發展,
丫, 次次都係同佢地慶祝生日,
點解我生日0個日冇人同我慶祝既???

>>April 3, 2007 at 5:50:15 PM GMT+8

2007 年 4 月 2 日 星期一 【晴】

今日又係一月一渡既聚會啦,
lunch本來有波踢, 但想去聚會多d,
今日人少少, 計埋我得6個人,
廣告人都互相明白, 工作實在太忙啦,
真係要每月一次聚會弟兄姊妹互勵互勉!
Paul 分享到佢0係公司傳福音所面對既因難,
KK又分享佢帶團契同福音營.
其實我靈命好弱好弱咋, 又冇乜再點返教會, 又冇再點睇聖經,
工作經驗已經比佢地差好遠, 信仰更加唔再講啦.
唉, 總之乜都比人差.
今晚5點9倒, 我個CD同ACD去左收brief 同開會,
我一直等, 6點半倒, 一齊等既writer 先走,
7點左右, AD話有事, 走堆,
得我一個0係度等, 走又好似冇哂人, 唔係咁好.
我等到8點8, 佢地出黎, 點知話聽日先傾.
之後, 我趕落長沙灣同成班舊同學慶祝亞桑生日,
係咁食日本野, 愈食愈多, 供過於求,
但好正, 亞田就冇口福啦, 去左澳門發展,
丫, 次次都係同佢地慶祝生日,
點解我生日0個日冇人同我慶祝既???

>>April 3, 2007 at 5:50:12 PM GMT+8

2007 年 4 月 1 日 星期日 【颳風】

變態嫁, 簡直係飛禽大咬, 又惹基佬, shit!!
今晚早放工, 0係灣仔地鐵站落車, 行行0下有個30歲倒既男人跟住我,
突然無啦啦行過黎對我講佢去金鐘, 問我去邊度,
我初初唸我識唔識佢, -------唔識;
又唸:唔通摩門教?--------冇黑牌, 唔係丫;
又唸佢精神有問題,-------又唔似, 因為佢係同我對話, 唔係自言自語,
睇返佢眼神好....好淫, 微笑中帶著變態既感覺, 油頭粉面娘娘腔,
突然仲同我講: 做個friend丫!
心知, 仆街啦, 又惹基佬!!!
頂!!!
樓下OK 0個個女人型我去親都聊我: 點呀, 靚仔, 放工拿?!! ; 靚仔, 今日放假呀??
上年去bar 又比基佬抽水,襯我ring ring 地錫我,
頂, 真係男人去夜街都要小心呀!!!

>>April 2, 2007 at 5:46:23 PM GMT+8

2007 年 3 月 31 日 星期六 【晴】

做pitch 做到成隻狗,弱待至死冇氣抖!!!
晚晚4點先至走, 一早返工忙到嘔,
砌搞砌極都仲有, 度橋度極都唔夠,
weekend返埋六至九, 廣告生捱真兜戊,
抱負是細水長流, 健康卻令人擔憂!!!

辛苦左兩個禮拜, 真係要火一火, 呻一呻!!!
不過, 我知道真係學倒野, 特別係咁著個咁勁,拎過咁多金帆既CD,
真係覺得好幸運!
但願可以一直做落去啦.
星爺都講啦, 人如果冇夢想, 咁同條咸魚有乜分別呀?!?!
我又唔係咸魚, 只要肯捱肯博肯學肯問, 主唔會虧待我既!

琴日享受左一個好好既假期,
晏晝同sindy, 彤彤, ...,去伊館聽Les Choristes,
真係好好聽, 第一次聽咁世界性既choir,
Les Petits Chanteurs de Saint-Marc, 我淨聽過法甲有隊叫里昂(Les Petits)咋,
雖然全部法文, 一d都唔知佢唱乜, 但班小朋友唱得好高好高音,
次次唱完都有d小動作, 好得意.
聽完之後, 晚上去左藍田踢波, 雖然輸波,
但0係平日慘無人道既工作以外一定要好好珍惜謹有既假期,
人總要懂得善待自己丫嗎!

今晚, 星期日都要返公司做野, 表左成三十個board,
但 好開心, 因為真係覺得, 個 pitch 我都有份,
依度比好多機會我一齊唸橋, OT時間係好多,
但真係未試過成個星期只係唸橋, 唸倒深夜先返屋企,
星期六返黎都係唸橋,
未試過一間睇ides , 睇講法, 睇件事睇得咁重,
仲係勁做above the line, 一黎兩張brief都係要唸TVC,
之前0個d比15,16K我都唔覺得meaningful, rewarding,
要虛定要實, 每個人想要既都唔同,
之好似前個星期, 中銀批左張白金卡比我,
最諷刺係我冇錢得黎仲有負債, 又grant oan, 又卡數,....,
之前又肺炎, 冇做野3個月,
兩年前我問自己: 十年後我可唔可能出倒張白金卡呢?
原來依個世界好多野都係虛榮,
有d乜野係實在, 係恆久, 係永恆呢????

>>April 2, 2007 at 5:21:13 PM GMT+8

2007 年 3 月 19 日 星期一 【晴】

嘩, Geese, 咁都比你捉倒我打錯字.

>>March 20, 2007 at 5:54:51 PM GMT+8

2007 年 3 月 14 日 星期三 【晴】

今日真係幾忙, 一早9點3去大會堂聽小學choir比賽,
之後就趕出去北角,12點casting, 今次係一個飲品既TVC,
佢對我講如果係就會依個月廿幾號拍廠景,
我同佢講星期六日好d囉,
因為星期一就返新工, ^^ , 佢幫我highlight 左, 係揀左我既都會就我既,我唸,
過多3日就又返工啦, 依排得閒都會掂返d software 準備0下,
今次依間又係4A, 主要做about the line多, 真係好啦.
重返側魚涌既心情, 有點興奮!!
今日casting完先同完J記踢波, 返側魚涌會撞返好多friend,
踢完波就去左文化中心拎電影節本野, 記得year 3 0個年一星期睇左9套,
希望今年有時間睇0下啦.
之後, 就返左屯門, 去慧豐club house度睇返d software既書,
8點就趕返屋企睇特首辯論,
曾生雖然口才係冇梁生咁牙尖咀利,冇表現好左, 有備而來, 而且有反擊,
講到做野, 得把口未必有用, 講到做特首, 梁生未夠班,
如果他日陳太走出黎選, 咁就有競爭啦!
依兩次辯論最成功既係讓特首, 讓香港市民清楚及面對未解決既問題,
就好似教育殺校縮班, 有壓力--教師有壓力, 校長有壓力, 學生有壓力, 家長有壓力,
未解決!!! 未解決!!!!! 未解決!!!!!!!!!!!!!!!!!!!!!!!!!!!!!!!
希望曾生黎緊真係會做好依份工啦 !!
我都要做好我每一份工,
睇完某某幾編日記, 我想我要活得比從前好, 愛情, 工作, 家庭, 我要比從前好!!

>>March 15, 2007 at 7:02:02 PM GMT+8

2007 年 3 月 8 日 星期四 【晴】

耶穌的靈充滿你

1 願你蒙基督施恩包圍,
願主愛與祂的靈,
滿溢你的心,使你靈魂滿足;
來向祂交出諸般牽累,
主必差遣祂的靈,
在你身心工作,醫治你痛楚.
2 但願眾心的歡欣交流,
滿懷喜樂獻歌頌,
存順服的心,歡呼舉手揚聲;
讓耶穌擔當諸般憂愁,
你一生創痛哀情,
奉耶穌基督聖名跨進永生.

副: 耶穌, 我救主, 來充滿群羊,
耶穌,我救主, 充滿你群羊.


聽倒依首詩歌, 好舒服, 亦有點感動. 好耐都冇返教會...
今早0係大會堂欣賞一個全港性既小學choir既比賽,
第一隊唱國語, 第二隊都係唱國語...
一直聽,..聽聽0下先覺得:「點解首首歌都有'主' 或者'耶穌' 既歌辭既? 」
乜原來首首都係詩歌喎!
12隊參加, 得依首「耶穌的靈充滿你」係識識地,
聽倒依首歌, 好有一種塵緣既溫暖,似曾相識一見如故既感覺,
突然之間, 好想返返教會, 但我咁差, 又好似唔配.

>>March 9, 2007 at 7:29:50 PM GMT+8