2007 年 7 月 14 日 星期六 【晴】

轉左公司, 都係忙忙忙!!
但買電器音響相機,..有折; 牛仔褲又有折; 運動用品又有折; 連跑馬拉松都唔使錢, 仲有野送,
OT 都抵!!!

今日勁洗錢, 買magazine 買左六百幾,晚上請屋企人食日本野食左二百幾,
但幾好, 因為唔係亂咁洗.
夜晚睇白色巨塔, 關欣好靚靚呀,
睇親依d電視劇, 點係人地d感情係咁有經歷既?
係唔係人越大,工作越耐,感情就越少經歷呢.
最深刻都只不過得兩位, 黃小姐同郭小姐,
究竟幾時先有一段刻骨銘心,又好有經歷而又開花結果既感情呢???
睇倒電視...我會問: 點解從來冇女仔咁樣攬住我, 張個頭枕0係我肩上流淚??
究竟我期盼中既一位, 會幾時0係我生命中出現呢? 定係只係一個夢呢??

>>July 15, 2007 at 4:48:40 PM GMT+8

2007 年 6 月 26 日 星期二 【乍寒還暖】

今日簽左約, 本來應該開心.
但今晚知道自己art direction 真係唔掂,
只係識得唸橋,
真係唔知過唔過倒probation!!

返到屋企, 竟然比我搵返好耐之前既external hard disk,
記得4年前個external hard disk 仲窺窺地, 點知無啦啦work wow,
裡面其中一個folder 竟然係6,7年前至柔send比我既所有相,
同埋我同佢以前0係旺角新天地既相,

仲記得以前我地成日去0個間賣化妝品既鋪頭,
個salas仲成日問我地係唔係已經一齊左,.....
今晚,....會是沉甸甸既夜上,
宜家既至柔, 會係點個樣呢? 0係邊呢? 做緊乜呢?
記得...大概, 我地0係0係零一年既初夏(六月尾),0係上水橋認識,
如果真係有時光機, 我無需考慮, 立即返去我半生人中最快樂既時候.....

>>June 27, 2007 at 8:59:40 PM GMT+8

2007 年 6 月 25 日 星期一 【晴】

簡直百感交集,
今日佢地同ECD review, 竟然淨係buy左我個idea,
當然唸"橋"會一齊唸好條"橋",
但大橋---advertisng idea係我唸出黎, 當中有個execution都係我唸,
都算係親生仔丫,
但心情真係鬱鬱不得志.
因為我下星期就轉第間4A,而且我0係我宜家間公司只係freelance,
我唸都唔會當條橋係我出啦.
就算唔當我出, 我當想幫佢出世, 可惜咁岩我又轉公司,
希望到時真係出左世, 可以send返佢既片比我回憶0下啦!!
本來轉公司, 轉perm, 人工又高左少少, 應該開心;
ECD buy 左我個advertising idea, 都叫肯定自己唔係最水皮既廣告人,
但宜家都係冇乜mood,
時不利兮騅不逝, 騅不逝兮可奈何!
少少虛榮又好, 對自己野既感情又好,
話哂係第一次比ECD buy 既大橋丫,...

>>June 26, 2007 at 7:00:25 PM GMT+8

2007 年 6 月 23 日 星期六 【晴】

一切還好
一天比一天好,
因為,..我姓香 !

>>June 24, 2007 at 5:28:25 PM GMT+8

2007 年 6 月 22 日 星期五 【晴】

姓香既真係個個都好"勁",好"堅", 好"閃"!!
今晚約左老豆, 肥文, 香振強既亞媽,去睇香振強比賽,
決賽---永倫對南華,
全場都係永倫同亞香冒fans,
一開波亞香就入第一球, 鏟籃放高板,...
第一節就已經帶開左9分,
之前同佢打波都覺得佢勁快,
睇佢比賽d cross over 仲癲,
好好笑, 肥文問我: 點解你既家族打波d風格係咁既? 你同佢都係帶住個波勁跑勁快勁cross over,
哈哈, 雖然我同佢都叫亞香, 但佢快好多^^
新年去佢度拜年個髮型都唔係咁, 宜家又轉左少少,
最後永倫贏南華廿幾分三十分, 贏波功臣, 當然係我親戚香振強啦.
睇完波, 同老豆同佢亞媽搵香振強叫佢一齊食飯,
不過都估倒佢唔得閒啦, 佢要開會,
於是我都3個去食d魚蛋粉,
我老豆0個碗黎遲左, 麗姐就追追佢, 點知寫野個亞姐突然好串"...你估爭左你咩..."
黎哂譜!!! 我即刻嘈啦「你d 野遲黎仲可以咁串, 你乜野態度呀?!!! ...你就係爭左我...」
火都黎埋,咁樣對我d親戚, 結果咪比我鬧到死狗咁冇聲出!!!
我一向不平則嗚, 好耐都未爆過啦, 自作孽,不可活, 抵比我鬧爆!!

>>June 23, 2007 at 6:22:57 PM GMT+8

2007 年 6 月 18 日 星期一 【晴】

星期日好開心, 原來我仲會因感動而流淚.
星期日返主日, 睇住詩班唱歌, 突然出然以往同老豆, 媽媽相處既片段,
其中一件事係我上年年尾患肺炎既一個晚上, 我發緊高燒, 勁氣促, 勁咳, 臥病在床0個陣,
老豆0係我身邊搭住我講:「囝囝, 唔使驚, 老豆0係度.」;
又唸地細個病, 發高燒, 媽媽都0係我身邊;
媽媽0係佢患癌病既一個晚上, 我熟睡中, 媽媽0係我床邊不斷親吻我面, 講:「囝囝, 我好愛你」
就0係依d片段一幕幕0係我心底裡閃爍不斷, 我竟然流淚!
我好耐未流過淚啦, 而今次更加係因感動, 覺得自己好幸福, 幸運而流淚,
係我咁耐以黎第一次,
一直以黎冇一件事令我真正開心,
我以為我個心係發硬,
原來, 我係可以咁感性.
原來因覺得幸福幸運而流淚, 感覺係咁好嫁!!!

晚上, 我同老豆, 細佬, 細妹去明星食飯,
等左兩個鐘,
一坐低, 勁叫野食.
好耐未食過咁豐富啦,
雖然我做老細, 但做老細係好開心既一件事, 因為「一家人」丫嗎!!
老豆, 父親節快樂呀 ^^

>>June 19, 2007 at 3:29:59 AM GMT+8

2007 年 6 月 15 日 星期五 【晴】

「我豈沒有吩咐你嗎?你當剛強壯膽!不要懼怕,也不要驚惶 ,因為你無論往那裡去 ,耶和華你的神必與你同在。」(約書亞記---1:9)

今晚禱告, 諗起亞Paul有 一日搭住我膊頭講:「信心,係要鍛鍊番黎既!」
又諗起上星期去樓下公司老輝同我講既說話(大概係讚賞同埋叫我有乜既經歷都要堅持理想,...)

我間中會哼「一步一生」既一句: 我很想找個人, 對我說別怯慌.
以前Angi成日講「以馬內利」, 意思係主與你同在.
但當我在患難中,受迫逼中,我既信心係盡失,
好想有一日, 有一把聲音0係我心裡同我講:「你當剛強壯膽! 不要懼怕, 也不要驚惶, 因為你無論往那裡去 ,我必與你同在。」

神呀, 今晚依段聖經, 究竟係偶然, 定係您刻意安排, 為我而準備呢?

>>June 16, 2007 at 7:16:56 PM GMT+8

2007 年 6 月 10 日 星期日 【晴】

夏蟲也為我沉默，
沉默是今晚的康橋！

悄悄的妳走了，
正如妳悄悄的來；
妳揮一揮衣袖，
不帶走一片雲彩。

好friend 既靚女同事last day左lu,
Get that girl, get that job, get that house, get that yacht. Why not Me? ~~~
好, 努力搵工!!
career is the most importance in my life!!
有緣再見!

>>June 11, 2007 at 4:44:18 PM GMT+8

2007 年 6 月 4 日 星期一 【晴】

今日好得閒, 但有兩個消息令我唔太開心,
今日,一直同我好friend既AS佢同我講佢星期一last day,
佢係全公司同我見同識咁多女仔最靚最靚一個, 又好可愛,
佢都夠朋友, 我係第三個知.
第二個消息係, 莫生頭先同我搭的士時講, 楊生上星期五遞左信, 做到8月尾,
即肯定會走.
依幾個月能夠跟倒楊生, 又同一個咁靚既女仔做倒好朋友,
真係算係咁,
感謝主!!


琴晚我將卞之琳既詩改左我自己既版本, 哈哈, 個個都咁大反應既??

「我站在橋上行cat walk，
看cat walk人在橋下看我。
射燈裝飾了我的不羈，
我裝飾了觀眾的心。」

雖然我冇writer 咁叻,
但其實寫0下野, 都好開心丫!! ^^

>>June 5, 2007 at 6:19:52 PM GMT+8

2007 年 6 月 3 日 星期日 【晴】

今日冇野做, 太休閒.
無啦啦秘書約我星期三見新ECD, 要準備3個最好既works,
我freelance 0者, 搞埋d咁既野,
今日7點幾8點走, 地鐵站撞倒亞水同Kevin一齊搭車,
亞水話聽講楊生遞左信resign, 如果係真既話, 我會盡快搵工走啦!
留0係依間公司最大原因係可以跟倒楊生學野,
最大既理由都冇左, 留0係度仲有乜野意思呢!
能夠跟倒楊生係我既福氣, 宜家唯一既福氣都冇埋,
唉, 真係有d down down 地~~

>>June 4, 2007 at 5:19:43 PM GMT+8