2006 年 9 月 18 日 星期一 【晴】

離情

不知道為何你會遠走, 不知道何時才再有對手
我的身心只適應你 沒氣力回頭

不知道為何你會放手,只知道習慣抱你抱了太久
怕這雙手一失去你 令動作顫抖

留住你 別要走 無奈怎能夠, 除下在左右我的手扣 有愛難偷

想不到還有機會再見~~算是一個驚喜
我想要小叮噹的時間閘....吻了又吻, 但總覺得不夠

工作繼續忙碌...睇到d email 就覺得好煩...

>>September 20, 2006 at 1:35:04 PM GMT+8

2006 年 9 月 17 日 星期日 【晴】

陣亡

昨夜凌晨時份的來電, 令我擔心了一整天~~但另一方面亦感到歡慰...

Jamie 快點回來吧...你的爛癱子快令我發瘋喇~~
雖然Back up jamie 的工作不算太多, 只是花了大約一兩個多小時左右便完成
但對現在忙爆的三成而言, 那些時間極為寶貴...
本來都做唔哂既野,再加多幾樣, 仲唔死?

所有同三成有關既客好似有哂默契. 同一時間發功咁, email 俾人狂炸...
做到12點都仲係睇緊星期六d email..

shirley 不斷開錯我的單...每次都像教女一樣...教完又錯, 今次終於忍唔住爆發...
Kathy 即時打個內線黎: 你終於都發顛喇...一早話左你, 唔可以太好人嫁喇...

唉....已經多野做, 俾人做d 野又係咁錯...有時真係覺得自己做仲快...
有種內外交困既感覺...
好想大聲嗑~~我投降喇~~~唔做喇~~~放工!!88, 華山再會~~

太多野整, 罕有地叫了外賣在公司食~~
十分慶幸這個決定~~因為可以邊食邊MSN, 開心~~

4,5 點, 當香港果邊d 人準備收工既時候~~西方沈睡既獅子開始甦醒...
大美利肩, 秘魯果邊d 客開始展開email 轟炸...我支持唔住喇...
放工時, 台面既野同返工時一樣咁多...
希望明天會更好...

>>September 18, 2006 at 2:52:37 PM GMT+8

2006 年 9 月 16 日 星期六 【晴】

再見要是有緣

繼續無敵鐵三角...出陣尖沙咀...

很久沒唱K, 識唱的來來去去都是那幾首歌...(識唱的定義只是大約記得首歌係點...)
愈來愈覺得貓大姐是一個很好的人, 老是製造機會...TKS.

玩得很開心, 但歡笑過後總難免有失落的感覺.
今日一別, 不知何日方能相見, 離別的吻.

依依不捨, 可能我們的相遇是交錯了時空, 要是彼此能夠早點認識便好了.

再見, 再見, 再見.

>>September 17, 2006 at 11:30:27 AM GMT+8

2006 年 9 月 15 日 星期五 【晴】

空

兄長回家...
難得地一起打機...一齊玩同一個人玩, 感覺真係爭好遠~~
2 play 帶來了不少樂子.

可惜, 玩一陣又要出街~~
又係出戰阿貓...
愈來愈發覺因為怕遲到而特登跑去係一件好無謂既事...
約定了時間, 便算是作出了一個承諾...
盡可能, 都想keep到守時這個唯一的優點...
但當所有人都不在乎遲到與否時, 事情變得愈來愈難...
特別係大堆頭活動時, 即使再遲也好, 你會發覺, 總會有比你來得更遲的人..

說不上快樂, 也說不上無聊, 總之, 是輕快的渡過了七小時...
有點像是和貓大姐兩個人約會的感覺...

我實在搞不懂現時的人的想法...我知道他在想什麼...
但卻不知道他為何會有這些想法...

七武士...完結了...
又完了一套自己喜愛的動畫...有種空的感覺...
當自己喜愛的東東離自己而去時, 總會有種莫明的空虛和失落...
但自己的路, 還是得繼續走下去...

>>September 16, 2006 at 6:14:31 PM GMT+8

2006 年 9 月 14 日 星期四 【晴】

頂級忙碌

好忙...Jamie 入了廠的現在...忙到顛左~
其實唔back up 佢d 野都已經多野做, back up 埋就更加人都顛~~

help~~
超專心咁做野, 做到12點時覺得自己狀態大勇, 爆爽...但d 野仲keep 住係咁入...
之後狀態直線下滑...好累呀....大佬...

做到5點30...總算清哂d 急野...但一樣keep 住有email, enquiry 入...膠膠地的....
唔理佢, 6點走人~~~yeah

爆了一天, 很倦, 在地鐵小睡回復體力(氣力+10)

近來的心態起了些微妙的變化~~宏觀微調?

今次竟然很準時啊~~~咁叻既...錫
排排座傾計的感覺真好~~不過...有吸血鬼...
頸頸的血都被吸乾了~~

勇戰受傷~~~流血tim~~~
正常人應該覺得驚慌失措~~但我又覺得無乜野~~天才~~~(又自己贊自己~~)

下次試下企係度先~~

要遠行~~~會寂寞~~~
嗎?

>>September 16, 2006 at 3:47:53 AM GMT+8

2006 年 9 月 13 日 星期三 【晴】

工作忙碌+Jamie 入廠

Jamie 入廠, 要頂埋佢d 野, 加上自己 d 客又瘋狂落單...
真係人都顛...

往往以為就做哂時, 就會有d 新既issue 出現...
近幾個月黎, 第一次ot..

希望Jamie快d 無事 (應該好快康復...)
email 山...訂單山...麻煩...

在工作上, 自己是個膽大心細的人...
為了令自己更方便或平息事件, 經常不經請示便憑己意判斷~~
自己覺得合理的, 便幹...
不過就係唔驚死, 先可以做得咁快...

夜晚...情迷波士頓...
點解無紅湯!!!飯...意粉...薯菜呢!!!??

爆~~

明天...會期待...
嗎?

>>September 14, 2006 at 5:25:59 PM GMT+8

2006 年 9 月 10 日 星期日 【晴】

工作介乎忙碌及清閒之間~~
至少, 我還有時間不斷地傳短信...

天氣開始轉涼, 各位保重身體~~~

今天是電話日...很久沒傾電話...
煲了近兩個小時...(回家答車煲, 食完飯沖完涼又再煲...煲完都差唔多12點...)

>>September 11, 2006 at 4:10:55 PM GMT+8

2006 年 9 月 9 日 星期六 【晴】

尋覓覓，冷冷清清，淒淒慘慘戚戚

梧桐更兼細雨,到黃昏,點點滴滴.

快樂哀愁甜蜜淒苦, 反來覆去的就像是一個又一個的循環

無論發生什麼事, 我都不會改變, 我會繼續貫徹自己的原則, 以信義為待人之本.

這兩天我都隱居在家, 足不出戶, 沒踏出過家門半步, 希望理解一下不能四處去, 被人禁足的感受.
滋味的確不太好.

重拾打機樂, 也可說是生活無聊, 渴望消磨(還是浪費?)時間的必然結果.

>>September 11, 2006 at 1:52:25 PM GMT+8

2006 年 9 月 8 日 星期五 【晴】

我想, 現在貼出來也沒什麼關係了~~

知易行難

先哲有云: 人不知而不慍, 不亦君子乎

唸時覺得對對對, 心覺的確如此
但慢慢才發現, 這個極難做到.

自己的需要~~自己的渴求~~不被了解, 不被滿足, 是一件十分難受的事.
特別是當你覺得這是你可以得到, 應該得到, 而對施予者而言, 只是舉手之勞的事...
你會覺得唔開心

感覺就好似D 工友咁, 做左好耐野, 好餓, 老細一聲放飯, 大家就可以舒舒服服, 開開心心咁食
但件老細明知你餓, 但佢就扮睇文件, 餓夠你喇, 先黎一聲放飯...
就係呢種感覺

遇到E D 情況~~真係會無乜MOOD, 至少, 個心都涼左一捷.
再俾人唔知有心定無意咁問多你兩問, 就會更唔開心~~
係呢個MOMENT, 乜野人不知而不慍既教條, 真係會拋諸腦後~~
自己會忍唔住慢慢開始對提問者或身邊人冷嘲熱諷...

其實覺得自己咁做, 真係好無謂...成個細路仔咁.
就好似去遊樂場玩, 意猶未盡既小朋友, 俾父母勒令回家一樣...
咁開心, 點解唔俾我玩多陣??你唔俾我想要既, 我亦唔俾你想要既~~
於是就刻意做D 令父母難受既事~~唔食飯~~訓覺唔蓋皮, 頂咀之類~

其實, 也只是想人家關注一下自己的需要, 即使渴求得不到滿足, 也希望可以換來數句安慰.
但誰不知往往咁做, 就會連人地既情緒都影響埋...
於是人地既負面情緒又會連帶令自己既壞情緒更壞...形成一個惡性循環.

所以我成日都同自己講, 意氣之爭實再無謂, 爭贏左, 都只係換黎心入面既一陣痛快, 但現實卻成為了一個大輸家
成為左既定事實既野, 就唔好意氣用事.
例如遲左放LUNCH, 餓到成肚火, 但既然已經遲左放LUNCH, 點慶點黑口黑面都係無補於事, 不如開開心心咁食埋果餐遲來的午餐.

為左一啖氣, 無謂嫁~~
放輕鬆點, 豁達點吧~~

>>September 11, 2006 at 1:53:37 PM GMT+8

2006 年 9 月 6 日 星期三 【晴】

繼續倒數, 今天是9月七號

不知不覺已經踏入九月, 倒數行進中...一切按照計劃進行(其實所謂的計劃便是沒計劃~~~^^)

這年頭, 空口說白話的人實在太多~光說不練, 見得多, 睇得多, 都有d 化了.

不滿的種子一旦撤下了, 不滿便只會愈滾愈大...

工作持續忙碌, 全日都未停過手, 幸好, 做到5點鬆d, 終於清哂所有工作...
一件一件慢慢黎, 處理得還是挺輕鬆的, 待人處事亦是如此, 關鍵只在於你肯不肯做, 肯不肯付出而已.

仲有幾單煩野未settle, 不是自己控制範圍內的東東, 便只有乾著急而已...充滿著無力感~~~

>>September 7, 2006 at 9:42:18 AM GMT+8