2006 年 10 月 23 日 星期一 【晴】

亂

成台都係文件...亂
獲完一獲又一獲, 雖則唔關我事, 但一樣要處理, 亂
無聊price club 又搞搞震, 佢當左e 度係超市, 同佢做零售, 執個quotation, 亂
獲野每秒都有新發展, 隨時要執生, 亂
屍里難卡人又黎搞事, 亂

早排有同事贊我細心左, 但自覺仍是膽細心粗~~~
調左位之後, 同Joyce 愈來愈多野講~~~令沈悶的工作增添樂趣~
近排d 野咁煩, 如果同d 同事都唔岩傾, 面左左的話, 便真係轉工好過了~~

好多野煩住, 唔理咁多, 6:15 就即閃~~
今晚終於可以見到我心愛的~~而且, 今日仲係好特別既日子啊^^
亦終於試到巴壽司~~~刺身唔錯, 不過d 壽司一夾就散, 比較令人失望.
但最重要的, 都係一齊開開心心咁食飯^^
下次會想一起再食其他嗎???

唔講真係唔知, 原來符近有個灣仔公園
有好多伯伯係度做運動, 很搞笑...仲有周圍搵人結拜的藍帽子(亂說的)

公園有吸血鬼的~~~條頸一受到攻擊便會想
但這樣甜在心也不錯

黎緊的周末有3天假期, 如果可以一起過便好了~~~
當然, 還有屎屎出冊的大日子~

>>October 24, 2006 at 4:16:42 PM GMT+8

2006 年 10 月 22 日 星期日 【晴】

奮發

一早起身, 周身痛...預左, 不過我係唔會輸既~~
繼續做多SET體能, 仲加操掌上壓...D 肌肉好痛...

真係吉下吉下咁返工, 很失望, 自己的體能真差, 昨日跑幾跑, 第二日就咁, 一定要操返FIT D 先得.

回到公司, 未埋位已經覺得身心疲累...星期一已經係咁...
超多EMAIL, 都未睇完已經俾MANAGER 的左去開會...
開完又乜又七...累死~~~
希望唔係自我陶醉~~但Manager 應該幾欣賞三成的表現~~~
不過近排真係有d 謝...

快手快腳, 搞掂哂d 野, 剛剛好食lunch, 下午又可以清閒些少了, 好野^^

上午搏哂命, 下午終於有時間和深愛的傳短訊^^

重新站起來, 過充實的生活~~
繼續自學, 英文...

要努力為深愛的儲錢~~~

三成小花愛小花三成愛三成小花~~~

>>October 23, 2006 at 4:06:02 PM GMT+8

2006 年 10 月 21 日 星期六 【晴】

疲...

左搵右搵, 終於搵到肯同三成去跑步之人...

尋尋覓覓, 終於俾我發現...那個渴求燃燒全身脂肪的男人...GC...

去到銅鑼灣運動場, 先發現俾人封左場練波, SHIT...
借左個場個LOCKER 放野就轉戰維園...

好多賓賓, I hate phillipines...阻住地球轉, 係假日霸哂香港人d 休憩地方.
跑...跑....跑...體能差了很多, 跑了千二米左右便無氣...之後跑跑停停...
全日都係跑左2千,6,7百米度...連三千都無...真不濟.

想睇返自己 d 舊動畫...但d 碟竟然load 唔到, 怒極.

一消失不見便覺得很不安, 安全感是零...
但想想是自己太小心眼, 想得太多了...還是多從對方的角度想想才對...
但...很累...但當是磨鍊也不錯...
就效一戰中的德國之對奧地利如何?給予無條件的支持...

把鬱悶發洩在運動上也不錯, 繼續keep fit~~~

想到公司那一大堆煩事, 便很不想上班..
我欲乘風歸去~~~真想放一個悠長假期.

>>October 22, 2006 at 2:09:23 PM GMT+8

2006 年 10 月 20 日 星期五 【晴】

光明

雨過天清??
人一定要走錯路才會知道正確的路嗎??
會是一廂情願嗎?總覺得這些小風波把大家拉得更近...

突然出現, 突然上來, 真的嚇了一跳...我值得人家對我這麼好嗎??
像有無數說話, 但不知如何開口說似的, 很遜...

強吃小花花...

雖然只進行了一半, 但這算是對我的懲罰..
90B, 好想一齊答...

夜晚睇洛奇2, 繼續ON 哂FIRE, 睇完就好想做運動...

車仔對樸記, 好耐無睇過波了...
再睇返, 突然發覺好似無哂興趣咁...睇左一陣就唔想睇了
世杯睇得太密?

繼續面壁思過~~~

>>October 21, 2006 at 3:02:42 PM GMT+8

2006 年 10 月 20 日 星期五 【晴】

反省

當你一直以為自己唔係一個仆街, 而好睇唔起周圍既仆街既時候, 突然一日, 你發現原來你自己都係一個仆街時...果種感覺..

好難受.

回看自己, 原來是犯了這麼多錯誤, 走了這麼多錯路...
不斷地造夢...造夢...在夢中看見的, 可能才是我真正的心聲...
原來自己是幹了些多麼嚴重的, 不可饒恕的錯事...
我永不能原諒我自己...

一直以為自己看清一切, 但原來最看不清楚的人是我~~
連自己想要些什麼, 真正渴求什麼也不知道的人...
除了無能外, 便只能以一無是處來形容...

對不起...

>>October 21, 2006 at 7:39:31 AM GMT+8

2006 年 10 月 19 日 星期四 【晴】

謝謝Yan bb 的留言~~~
最近很不好啊, 可說是直插谷底...你近排又點呢???

10月20日 累

早上竟然十分清閒...沒什事幹, 甚至可以閒得連上MSN...
一直在等, 但一直仍沒有出現...會出現嗎, 還是不會出現??很不安...
個心...好唔舒服~~~

下午, 食完飯返黎, 就突然忙到顛...
但今日完全無心工作, 只想快d 放工...

近排條team 真係黑氣纏身, 爆完一獲又一獲, 賠錢都有排賠...
個個都愁雲慘霧咁, 只能偶爾傾下計, 訴下苦, 苦中作樂..

Price club d 野已經唔放在眼內, 見到佢d 野就會覺得...不值一提...
但當然...始終都要答佢d enquiry~~~

就快放工前, 在外開會的Cora 突然一個電話返黎: William, Kathy xxx 同xxx同我留低, 一個都唔準走...

"What the hell is going on!?"

只想快點放工....現在自己看回昨天的自己, 才發覺自己原來對工作是這樣的沒責任感..沒承擔...
Cora, Sky 就晚晚踩到9點10點, 甚至連私人時間都用埋黎處理單獲野...而自己...只係想...唔好煩, 快d 放工...

一邊忙於工作, 一邊傳短訊, 結果對自己最重要的人構成傷害而不自覺
我很可恥...亦很可鄙

俾Manager 召左入去傾左一輪...原來只係想問我跟開d account 今日有咩大事發生...因為佢唔得閒慢慢睇email, 想報告哂所有事佢天.... 之後仲問我solution...

真係好想放假...
星期一, 繼續面對地獄...但相比起係上面同我地d 做細既擋箭既cora 同sky..
我很緲小..

長夜漫漫, 愈想愈不對頭...才醒覺自己幹了愚不可及的事...
對不起...對不起...

>>October 21, 2006 at 7:24:36 AM GMT+8

2006 年 10 月 18 日 星期三 【晴】

寂寞

很想找點寄托...很需要一個能一直伴著我的人...

情緒病又發作...

>>October 19, 2006 at 2:56:36 PM GMT+8

2006 年 10 月 18 日 星期三 【晴】

謀事在人

很累...工作如是, 其他如是...
矛盾的心理及微妙的關係, 連自己也弄不清楚...

自己想要什麼, 渴望什麼, 就連自己也胡裡胡塗似的.
星期六不行, 確是令我不快' 失望了好一陣子, 但同時也令我醒覺到自己的視野, 思想是如此狹隘, 眼中看到的世界竟是如此的渺小, 好像整個世界的事物是圍繞著心中的那一點牽掛而轉動似的
被眼前的事物蓋過, 便看不到將來.

即使星期六行了, 也只是得到了一天的快樂, 彼此的狀況和關係也不會有太大改變, 不知不覺間, 新的一天又開始了.

一個月的時間, 可以讓自己擺脫迷惑, 不再猶豫嗎

很想快點看看, 自己那親自編寫的 ~~^^

>>October 19, 2006 at 11:11:03 AM GMT+8

2006 年 10 月 17 日 星期二 【晴】

花間小花又黎留言~~小花三成感激不盡.

其實人人都有煩惱, 關鍵只係在於你點處理...
生活, 自然有開心, 有唔開心, 唔開心時都要扮開心, 咁唔單止係呃你自己, 更加呃埋你身邊既人.
與其話唔想人擔心, 不如話你唔信任果個人, 唔想佢睇到你真正既一面...
不開心又不想其他人看到時, 我寧願選擇獨處...

無風無浪星期三~~~
昨日一輪苦戰, 今日終於都回復風平浪靜...
Jamie 真係黑過墨斗, 又整多兩隻獲出黎...
當然, 其實完全唔關佢事, 但碰巧單單野都係佢負責...真係聞者心酸, 見者流淚...
一路做野一路繼續係公司旁若無人地玩短訊...希望唔會出事.

已習慣了苦中作樂~~面對再黑仔的事, 也可以用這些事來開玩笑...
話無聊又好, 話幽默又好, 都係令自己一抒胸懷既方法...

Kathy 等Manager 簽單..一齊long 個頭係Manager 間房塊版(所謂既房係用d 板間出黎, 我地個頭就係long 係塊版度), 見Cora 行開左, 就一邊裝一邊傾計...點知..就俾剛想回位既Cora 望到...
你兩隻衰野又係度做乜!!??

放工之後同Kathy 去左朗豪坊食飯, 間野唔錯, 個二人套餐幾好食~~~
食左好多野, 好飽~~~

Kathy 話Cora 贊我好有上進心...
唔知係真定假既呢^^開心~~
麻煩快d 升我職, 加我人工...

一食就食左個幾鐘...總有些無聊笑料可以令大家發笑...
點解...人人都話我偏瘦??
我好FIT!!

又話想出旺角買野, 結果咩都無買, 都係漫無目的咁周圍行...
去左兆惠睇玩具...

信和變哂...無哂動畫...太耐無黎??

>>October 18, 2006 at 4:48:30 PM GMT+8

2006 年 10 月 16 日 星期一 【晴】

苦

今天, 本應是值得慶賀的日子, 但卻總是開心不起來~~
無離喇更地有種寂寞的感覺~~~

但至少, 希望佢會有愉快的一天~~

工作照舊忙到顛, 很煩...
繼續無意義的OT...繼續等客人的資料...

無聊地呆在公司, 令晚間的節目都泡湯了...失望 X 2
不開心~~很累...
總覺得身邊的一切突然全都變成灰色, 世界一片黑暗~~

終於...南洋終於答我野, 拿拿臨整埋個report 交貨就收工...
望望鐘都成8:30, 真係無心戀戰...

雖然約會泡湯了, 但幸好, 還有吾友GC, 殺去金鳳据扒...
一樣傾得開心~~~

疲, 有點愈來愈累的感覺...是人老了?
如果沒有什麼大改變, 自己也應該好好打算一下.
路, 會愈來愈難走, 要繼續走下去還是另作打算?由自己決定...
時間, 機會, 未來, 都是掌握在自己手中的.

>>October 17, 2006 at 4:28:27 PM GMT+8