2006 年 11 月 15 日 星期三 【晴】

計劃

轉眼間已是11月, 時間總是在不知不覺中慢慢流逝...
也是時候了, 始終不可能永遠這樣下去呢...
人在改變, 身邊的一切也在慢慢改變...反正擬定計劃是三成的專長, 也是時候好好地籌劃一下.
冬季作戰結束後便開始行進

在公司完全地遊手好閒...偷偷地上網, 睇股市...傳短訊等...
完全懶散狀態.

整支出表既習慣真係好, 完全睇到哂自己使左幾多...
早幾日先以為自己洗突左, 但睇返, 原來比起早兩個月同期, 錢竟然係洗少左好多...
預計今個月一樣會有盈餘...

又遲到...氣死人...

地中海燒烤大失水準, 同上次食完全不同, 令人失望...態度差, 服務差, 食物又不熱....
落完order, 幾秒就捧哂上黎, 點睇都係一早整定...離哂普...

一直行街, 食cheese cake, 開心...

臨別依依, 很有感覺.

>>November 16, 2006 at 4:41:37 PM GMT+8

2006 年 11 月 12 日 星期日 【晴】

睡得超不好, 不斷地造著惡夢...
睡了好像沒睡似的...

愛. 慾. 貪. 嗔. 痴

快樂過後的第二天, 往往是更大的空虛與寂寞...
心房像有一個無底洞...久久不能填滿...

有d 驚...遲d...會有節日恐懼症...

既了解自己, 又像是不了解自己.
先不要急躁...

無無聊聊...返工等放工...

收工後, 去同倩名會合, 很久沒見了, 大家傾計真係好開心
上次見面, 都係係九龍灣..不知不覺, 已經過左咁耐.

Joey遲收工~~~害三成和倩名一起呆了很久~~~死刑~
近排成日食日本野~~繼續...肚滿腸肥...

呢幾日錢花得很兇...幸好....股市向好, 拉上補下, 仍有盈餘~~

>>November 14, 2006 at 1:40:55 AM GMT+8

2006 年 11 月 11 日 星期六 【晴】

補完返星期五同星期六既日記~~

刻骨銘心的超級星期天

今日, 係一個好好好好好開心既星期日, 因為見到我好好好好好好好掛住既人~~

一早就執屋, 吸塵, 執床, 間屋一樣破舊, 但至少, 見得下人, 座得安心, 訓得舒服~~

著得好令呢~~~眼前一亮~

魔鬼編輯又催稿~~~唔交稿, 就無野食~~~
今日好似食左大力菜, 覺得身體狀況極佳~~可能昨日叉左一日電, 有種狀態十足既感覺~

只要是深愛的, 便不會覺得髒...

很喜歡相擁而睡的感覺, 但不捨得訓左D 相處既時間去呢~~

食盡午餐, 下午茶, 晚餐~~
小花請食下午茶, 好野~~

下次再食梭羅^^

共渡了一整天, 很開心~~

一起的感覺, 很奇妙...
奇妙的化學作用.

>>November 12, 2006 at 2:56:43 PM GMT+8

2006 年 11 月 10 日 星期五 【晴】

愉快周末星期六

今日三成既老友豬妖生日, 係度同佢講聲生日快樂先~~~
祝佢同豬嫂百年好合, 生一大竇豬仔豬女~~~~~

今日全日都係屋企執屋同打機~~~~
DL 左FM 2007 黎玩, 感覺唔錯~~~~~~

打到慶高彩烈既時候, 久違了的肥鋒叔叔來電邀約三成出銅鑼灣~~~
仲有飛機王柏豪先生TIM~~~~~

出到去就見到肥鋒係度買手機, 一責三千七, 真係有錢得令人羨慕~~~
三成就仲收緊微薄既薪酬~~~不過都係自己懶, 要好似佢咁日日OT 到夜晚2,3點, 真係人都顛~~~


去左壽司亭食野, 三個大食王發哂顛咁叫...
食極都唔夠咁...$$$$$$$$$$$$
清袋....

大家都讀同一間中學, 但眼前既肥鋒, 已經係一個專業人士~~
三成仲仿似迷途小羔羊, 唔知自己既前途同目標係邊~
一方面, 自己懶, 一方面, 目標不清晰...

現階段, 都係要強化自己既語文能力先, 不過講就講左咁多年, 但實踐就...

之後三條友~~~開始傾心事....
其實, 我真係唔多慣講自己D 野, D人一問我, 就會有D 驚慌失措既感覺...
有時仲會答D 口不對心既野...
特別係講到各自既感情生活...總覺得感覺怪怪的...
都係中意做聽既多...

不過都講左唔少自己既戀愛觀...
肥鋒話: 大X 講既野理論上係OKAY, 但實踐就...
豪豪: 如果有人做到, 都幾得人驚...形同機械人...

有時, 自己都唔知自己諗咩...
可能人格分裂玩得太多, 成日抽身睇自己D 事...
有D 覺得自己好似有雙重人格...

>>November 12, 2006 at 2:46:52 PM GMT+8

2006 年 11 月 9 日 星期四 【晴】

多謝小花既留言, 近排都係得黎留俾我呢
終於都搞返掂, 上得返網~仲順手update 埋昨日的日記...

無驚無險, 又是星期五的愉快周末時份...等了很久...
遲d 公司的Jamie 又放產假...又加一大堆野俾三成做...
no~~~no~~~no...

唔知係唔係開始入冬, 天氣涼左, 胃口特別好~~~
食野愈來愈多~~~D 同事成日話: 你係唔係想食埋隻碟??
"你係唔係生虫??"

放工之後又去炮步...
兩個圈, 800米, 已經好累...
之後跑下停下, 跑下停下, 跑左半個鐘就返歸...

發覺自己體能都係麻麻, 好快無氣, 但D 爆發力就好勁, 回家前, 唔留力爆左一大段...感覺非常良好...

>>November 12, 2006 at 2:36:26 PM GMT+8

2006 年 11 月 8 日 星期三 【晴】

無聊

工作開始清閒...而家做既, 都只係之前未搞哂既野~~~
已無乜EMAIL 同新野入...

開始得閒之後, 某D 同事就會開始無郿...同四處搞事...

事件1

K姓同事走過黎企係三成個位面前扮動物園觀眾
K(望住三成): 隻猩猩好得意呀~~
三: ....

事件2
K姓同事捉住你隻手係咁話: 我好無聊呀....
三: 那去死吧...

其他
收到大量K 姓同事的無聊內線電話....
平日經常發現某K 在三成的位子符近誹回及窺探三成工作, 恃機騷擾~~

拜託SUPPLIER 俾隻WINDOW 碟我整電腦...
LUNCH 時佢突登專程取隻碟軬三成...GOOD

無驚無險, 又到6點

5點55分...某K 出現...催促三成: 快走!!!
本來發緊短信~~竟然黎搞搞震, 簡直係豈有此理~~
為免俾MANAGER 捉住, 大家好似走難咁...推住咁入LIFT...好好笑~~

回程時, Sydney , polly 及Kathy 難得的一同答地鐵...仲難得地, 係同一條線...
不過最後都係各有各講, 我同Kathy 企埋一邊, 佢地又自己企埋一邊傾計...
無喇喇show 張課程宣傳俾我睇~~一齊學如家都幾好播~~

回家繼續整電腦...
當慢慢絕望的時候, 開始覺得無得上網都唔係咩大不了既事...
正當豁然面對既時候~又突然搞返掂...

不過上得返網, 發覺上網都係無咩野做~~~haha

>>November 9, 2006 at 4:01:17 PM GMT+8

2006 年 11 月 7 日 星期二 【晴】

木馬屠城記

家中的防毒警告三成的電腦中了木馬, 平日都會選擇隔離的三成, 忽發奇想, 如果把它刪除了會如何呢...
結果, 就咁出事..
刪除了後便再上不到網.....

強行刪除木馬會把電腦某些重要檔案的原件也一併刪除.....

再見了...我的WINDOW....

有時會想, 科技雖然令人的生活愈來愈方便及多姿多彩, 但也令人過份依賴科技...
好似電話, DOWN 左就企係度...車...死左火就係死左火, 唔係專業既根本唔會搞得掂...

唔似以前, 將椅爛左, 度門開唔到, 就算唔係豆木既都大約知點搞~~

到底...係人支配科技, 定係科技控制返人???

死心唔整之後, 就會發覺...上唔到網, 都唔會係太大不了既事, 至少, 生活仍然繼續...
回家慣性地ONLINE, 有時, 也不知道自己到底幹了什麼...

>>November 9, 2006 at 9:34:08 AM GMT+8

2006 年 11 月 6 日 星期一 【晴】

回花間小花, 係呢, 好耐無見~~有3日了~~

夢
那是一個清爽的晚上, 夜風蕭蕭, 冷月無聲~~
我捧著自己的心, 把一褸愁思拋給上天, 尋求上天給我的指引.

已經沒有必要了, 不想再看下去
已不需再迷惑, 讓一切回歸原點

工作...悠閒?忙碌??搞不清楚
唯一清楚的, 便是我在原地踏步~~

下午1時...kathy 走過黎...
K: 好悶呀...
我: 哦....
K: 不如我早D 出去幫大家霸位飲茶...
我: 哦, 好喇, 你去喇, 支持...快...速...
K: NO, 你陪我去...
我: MANAGER 俾先算...
K: 咁你仲唔去問??

點解...我會...有...E...D...同事...

如佢願一齊出去霸左位...一齊係酒樓度霸住張大台呆座半小時...

近排真係覺得有D 疲...轉數慢左好多...把聲亦欠缺中氣, 就斷氣咁...

>>November 7, 2006 at 2:00:03 PM GMT+8

2006 年 11 月 5 日 星期日 【晴】

調整心態

沒什麼好記的, 得與失, 成功與失敗, 慢慢已變得不太重要

工作難得悠閒, 但已開始出現厭戰心理...
係時候請假抖抖~~~

>>November 7, 2006 at 1:32:01 PM GMT+8

2006 年 11 月 4 日 星期六 【晴】

無聊有感

思想影響一個人的行為, 行為重複會變成了個人的習慣.
如果你凡事都習慣性地抱怨, 甚至覺得自己力有不逮, 不可能改變現狀, 那麼吃虧的一定是自己.

凡處理生活上的任何事情, 要拒絕任何的藉口. 要為每一件不愉快的經歷, 找一個原諒自己逃避問題的借口, 實在是最簡單的事情.
只要你認為時間不足, 家人未接受, 處境特殊, 試過多次均無效果, 一切均是天意等消極砌詞的毫說話時, 這些負面思維所引發出來的借口, 很容易會令人失去找尋解難良方的原動力, 甚至會採取放棄的態度來處理事情.

只要認為是正確的事情, 便必定要集中你的思維, 並且盡快以行動來配合你的想法, 繼而可以在實踐中找到得與失的經歷. 千萬不要為某些失敗找藉口, 反而應該從失敗及不快的經歷中汲取教訓, 並且保證不再重蹈覆轍.

不再找藉口, 敢於解決生活上的難題, 便是正式開始挑戰自己個人能力的時候, 也是你勇於承擔生活的表現~~

>>November 5, 2006 at 5:35:45 AM GMT+8