2007 年 3 月 31 日 星期六 【晴】

夢想

這樣的關係~~有時確實令人非常痛苦~
但我沒有生氣, 也沒有值得生氣的理由.

人都是自私的, 各取所需也是合理不過的事.
我也是如此, 有一點, 總比什麼也沒有的好, 不是嗎

偶爾也會有"我想要既唔係e d" 既想法出現.
但自己 希望得到些什麼, 過怎樣的生活, 卻是半點也說不上來.

法官大人!!我想做好人
不過, 我又好憎做好人..., 因為, 吃虧的多數是好人~~
好矛盾~~~

有個人格分析game 叫陽光遊戲, 係睇下一個人可唔可以將關於自己既每一件事, 都可以抬首挺胸咁係大眾面前講出黎...
我發覺...我有好多都唔得...原來有咁多野...係唔見得光...
唔見得光, 係幾咁卑劣同可恥~~

>>April 1, 2007 at 5:13:46 PM GMT+8

2007 年 3 月 30 日 星期五 【晴】

繼續無聊

返工等放工, 放工等放假..
終於等到星期6, 是假期了~~

但又等到了什麼?都是無所事事, 遊手好閒地過一天~
時間是不等人的, ON 居居對住部電腦, 咁又一日~

更糟糕的是, ON居居對住部電腦的目的, 就是消磨時間.

阿仙奴被利記大炒, 但三成掛住砌悲哀Deck, 場波基本上無睇過咁制~~
睇住佢慢慢變紅燈, haha~~~sorry, 玩哂你d 電, 但下次麻煩帶埋火牛~~cccc

之後再戰~~~西北方之亂 大戰太平要術~~
還有, 不夠士氣出看破是會被斬手指的~~

>>April 1, 2007 at 5:01:04 PM GMT+8

2007 年 3 月 29 日 星期四 【晴】

生活還是無聊~~~

10點和11點, 一個小時之間, 12000大元便蒸發了~~
刺激嗎?

工作提不起勁~~~

升職, 加薪也是沒有什麼感覺~~~
到底在搞什麼??

看來好逸惡勞確是潛藏人心的劣根性

>>April 1, 2007 at 4:49:31 PM GMT+8

2007 年 3 月 28 日 星期三 【晴】

好像胖了一點, 身邊的人也覺得三成好像胖了~
中年發福??

唔制

朝早涼, 下午熱, 唔知點著衫...
夜晚去左炮台, 個看更伯伯已知我係乜水, 仲派埋垃圾袋俾我tim
電視播龍珠, 一路睇一路等
咁舊既既動畫, 而家睇返都覺得okay 好睇的(仲講緊天下第一武道會)

很激烈....8點玩到9點, 出左成身汗~~
唔知會唔會回味呢..

仲有半次呢....

>>April 1, 2007 at 4:45:35 PM GMT+8

2007 年 3 月 26 日 星期一 【晴】

無聊人生

返工~放工~返工~放工~打機~訓覺~打機~訓覺
完全亂七八糟的生活~日復一日, 朝朝有明天, 今天和明天過得毫無分別~~
其實也不是很喜歡打機, 只是打機的時間過得特別快罷了.

明天找找家中那本哈利波突來看~順道練練英文吧.
學如逆水行周(好不容易想起怎寫, 但怎打也打不出來), 自去年世界杯後, 已荒廢了自學事業近一年了.
無聊時, 與其浪費時間, 不如嘗試從自學中尋找樂趣吧...即使只是三分鐘熱度, 也比什麼也不幹好.

平淡的生活, 唯有股市場上價位的波動, 能在我心中激起一點漣漪~

>>March 27, 2007 at 4:08:52 PM GMT+8

2007 年 3 月 25 日 星期日 【晴】

欣喜

下班回家後, 邊打ONLINE 邊翻閱新報, 赫然在報上發現三成日記的蹤跡.
細看之下, 乃是三成日記對梁儒盛(加先生嫌累贅, 叫阿叔又奇怪...還是直呼其名好了)的一段讚嘆說話被引用於粱儒盛的專欄之上, 並在專欄上得到梁儒盛的回應, 煞是興奮.

立時登入太平山晨話詳加查看回應內容, 並對各方好友奔走相告, 歡天喜地如中彩票.

眾友皆奇怪三成何事歡喜, 一友更謂笑: 未經許可, 即引用你的文字, 是侵權行為, 可狀告之敲其一筆^^

說實在的, 這並不是什麼大不了的事, 自己也不知為什麼如斯高興, 大概是對敬佩者品格學養的崇仰之情, 能傳達到對方那褢吧.
閒來無事記錄下來的生活點滴, 不意竟被梁先生幼子(三成今年二十四, 算來當和三成年齡相若)發見, 可見細閱三成日記的人不限於三成身邊的朋友, 此前亦有些網友閱畢三成日記, 笑言三成日記內容有趣, 並與三成交友, 至今仍有保持聯絡~~
故這網上日記已成為三成廣結友緣之地, 看來以後不用心點寫不行了^^

後話: 本想對太平山晨話 BLOG 的內文加以回應, 奈何要先註冊雅虎帳號, 就此作罷.

>>March 26, 2007 at 5:27:31 PM GMT+8

2007 年 3 月 24 日 星期六 【晴】

見識

沒有令人回味的地方, 但也不能說一無所獲~~~

其一, 是增長了自己的見聞
其二, 肯定了自己的能力

不過, 武器再強但沒有孔武有力的身體配合的話, 威力也會減半.
注意鍛鍊~~鍛鍊注意~~

>>March 25, 2007 at 8:33:45 AM GMT+8

2007 年 3 月 22 日 星期四 【晴】

無升跌

駿威汽車無升跌~~中糧油反彈...
廈門港微升兩仙...

成日見到d 圖表, 都會諗...如果一早咁咁咁, 就好了...
自己都會諗返...如果1月5.3放左財險...如果放左之後即刻入中油燃, 如果再放左之後即刻入中海集運...如果777之後入江西銅業...

如果....

如果我知6合彩開咩就好喇~~~

如果~~~

有早知, 無乞兒

突然極多野做~~~煩...
我預感到...會有獲出現...復活節就到...d 貨點睇都唔會做得切~~~
但上面無乜反應~~~我都廢事理~~
反正~~理左都無用~~~~

夜晚突然同女神傾到生仔(汗...)既問題....

而家d 細路, 活係父母既溺愛之中, 唔會有出色...
通常都係父母外出工作, 由賓賓帶~~再用物質補償子女....
最後養d 垃圾出黎...

帶細路, 一定要嚴厲~~~
等佢地習慣刻苦~~(當然, 我就大魚大肉喇~~haha)

>>March 24, 2007 at 3:48:22 PM GMT+8

2007 年 3 月 21 日 星期三 【晴】

談笑看人生

返工~~~放工~~~打機~~~訓覺~~~

以上的生活模式一直重複著~~~
每一天也不會有太大改變~~~有點無聊的感覺~~~

再沒有談什麼自我增值, 都是日復一日無聊地生活著~

今天跟明天, 沒有什麼分別~~~

Manager 不在, 進入無王管狀態~~
駿威汽車走勢唔錯~~~進帳幾千~~~唔錯唔錯~~
中糧油直線下跌~~~好在無入~~~唔係就又座艇~~~

睇股市已成為生活中不可或缺的事~~

放工直往炮台...
再次強調....守時十分重要...
也不是從來不會遲到, 但至少會通知等候者自己大約幾時會出現..
on 居居咁等, 真係會好燥的~

>>March 24, 2007 at 3:40:51 PM GMT+8

2007 年 3 月 19 日 星期一 【晴】

忙

昨日6:00 放工, 6:30返到屋企, 爽死, 但到左今日~~~

突然勁多野做~~~d email 係咁入~~~個死人電話係咁響

做做做, 做到隻眼都乾埋~~~
勁辛苦~~~不過忙還忙, 我一樣6:15 就走左~~~吹咩~~haha

忙還忙, 一樣上網做股票買賣~~~
放哂隻133~~~等中國糧油...
抽兩手, 一手都唔中, 真慘, 暗盤價高過個招股價成2紋~~
明天睇睇~~~恃機大手入d

但講時講~~覺得個市又可能就快跌~~~

>>March 20, 2007 at 5:46:14 PM GMT+8