2003 年 10 月 14 日 星期二 【晴】

今日七點幾入完倉,跟住落銅鑼灣搵Gary食飯.

走時著住對開工鞋,又爆又穿既,點行出黎見人.
於是急急腳走左去買對啡色低筒Converse,又唔見百幾.
先前先買左對agnes b.咋,而家又買新鞋.
不過唔緊要囉,反正都係多對鞋著咋嘛.

落到去銅鑼灣,同Gary睇左陣agnes b.同Porter,但又係睇唔o岩.
睇完袋,落左意粉屋食飯.
冇見一排,佢仲係咁忙,睇怕短期內都唔會自在架啦.
今日主要講香港既新一代點樣出黎同人相處既問題,真係越講越覺得而家既大學生唔似樣.
特別係班舊同學,都唔知佢地點諗野既,短視到死,又冇自知之明.
今日大家講野既層次又高左少少.
呢個唔係問題,我驚訝既係點解我之前講唔出呢D野.
我又唔係唔識,但對住水平低既人我又居然諗唔到.
或者我未夠成熟啦,仲係會俾level低既人帶動到我既思維.

我地仲係老死,唔會因為耐冇見而相對無言.
冇既,始終Gary既諗法同我比較接近.
加上都係o個樣啦,佢既思想比較open,同佢講野都有交流既.

某D人就令我比較失望囉,口講就話唔同人有唔同既想法,要求.
講到自己睇得好化咁,實則自己都接受唔到現實,淨係識逃避,自我封閉.
人地同佢講,佢又唔肯聽,淨係活o係自己既世界入面.
呢D人冇進步既,就算佢幾有理想都唔會成功,又唔夠虛心,又冇power......
遇上風浪時,呢D人咪死先囉.

夜晚返麻布探下班舊同事,又俾人叫我返去做.
唔係唔想返去做,只係我唔想再因為呢份工而兼顧唔到教會既事.

有次我o係度諗,如果我放棄左神,返去麻布做會點呢?
我星期六,日都要返工,唔洗返教會,日日對住班同事.
開工嘻嘻哈哈,有時收左工就去唱K,飲酒.
我唔會有時間再學新野,返到屋企就淨係打機,慢慢越黎越少睇書.
我會掛住享樂,越黎越少做有意義既野.
我會搵返個女仔拍拖,食飯,睇戲.
我既生活以後就會係:返工,放工,食飯,打機,去wet,拍拖,做愛......

如果係咁,我呢兩年返教會為咩呢?
我從此放棄左神,放棄左一直以黎自己建立起既,放棄自己所愛既人,放棄埋自己既理想......
我......唔想咁樣......

我要更加上進!

>>October 20, 2003 at 1:02:08 PM GMT+8

2003 年 10 月 13 日 星期一 【晴】

今朝返晨更,係陸牧師hold既.
同平時晨更有D唔到,牧師冇乜讀詩篇,反而叫我地背箴言.
晨更背經,真係未試過.

完左大家一齊去美心食早餐,今日冇乜I團既人返,所以都要同隔籬團既弟兄姊妹坐.
主內一家,冇所謂啦.
今日識左個新人阿廷,聽佢講冰仔已經拎左佢icq,仲好多野講添,咁神奇?

今日冇乜野做,準時收工,爽~

>>October 19, 2003 at 11:41:24 PM GMT+8

2003 年 10 月 11 日 星期六 【晴】

今朝起到身,但滋滋油油咁出門口,搞到又遲到.

今次成導唔放人,冇得入去祈禱會.
衰在今次係阿峰hold,自己團弟兄hold聚會但自己入唔到去,真係心情唔好.
成班遲到既人坐o係門口,佢地傾偈我都冇mood搭訕,淨係諗緊入面既野.
祈禱會完左先放人入去,心情唔好,掟袋(冇品......).

今日Kelvin分享得救.
佢係一個冇乜自信既男仔,正正係咁神既恩典對佢先大.
我呢D自負兼任性既人,信仰既心就冇佢咁純一啦.
跟住到芳芳分享十分一,叫我地唔好將所擁有既全部留返俾自己,唔好唔記得將一部份回饋俾神.
得救同十分一對我黎講都係遙遠既事,等我升到家員先算啦.

完左又係伯利恆去食飯,幾個傻婆鬥噴粥噴茶,白痴到死.
食完飯返崇拜,文仔同大西洋都有返,希望佢兩個真係可以o係信仰上繼續成長啦.
前半段釣魚,好辛苦.
後半段訓夠,個人醒返.
今日唱詩轉用低音,好似效果唔錯,值得繼續鑽研.

之後返舊堂分cell查經,大家一齊讀經,討論,感覺好好.
完左同阿包慶祝生日,跟住傾左陣偈就走啦.

又過左美好既一日,感謝主.

>>October 12, 2003 at 10:54:34 PM GMT+8

2003 年 10 月 11 日 星期六 【晴】

送給我所愛的:
　　　　　　　　　＊　　　　　　　　＊　　　　　　　　　＊

多一點 - 陳奕迅

風已暖　沿路是笑聲一片　未覺俗世事轉了幾圈
心更暖　無懼歷過滄桑千遍　但最後抱著你的溫暖

何妨任那千疊浪　滔天巨浪　向著我亂撲亂纏
才更覺我心一秒也未變
抬頭望千山萬樹　青空大地　樸實透露了自然
同獻上最真跟我相見

來吧　關懷人多一點　不憂風波驟變
人間千分溫暖　因兩手牽
人若肯同情多一點　光輝必出現
塵世也會被愛頃刻感染

冬變暖　陪伴是愛深的臉　踏過萬里路有你手牽
心最暖　無論遇上秋霜冬雪　願最後抱著你的溫暖

同聚海角也是份緣　何不以愛做渡船
同珍惜讓這愛萬世不斷　風波過去小島見樂天

各把感情濃多一點　不憂風波驟變
人間千分溫暖　因兩手牽
人若肯同情多一點　光輝必出現
塵世也會被愛頃刻感染

各把感情濃多一點　不憂風波驟變
人間天天歡笑　因兩手牽
人若關懷人多一點　溫馨心中現
塵世也會被愛頃刻改變

人類有笑有夢尋　只因心暖

>>October 12, 2003 at 3:13:08 PM GMT+8

2003 年 10 月 10 日 星期五 【晴】

今日冇團契,但照樣一點就走,唔想留o係公司.

收左工冇野做,一個人去打左陣機.
跟住四圍行,諗住搵返間清靜既餐廳享受個悠閒既午飯.
卒之行到身水身汗,頂唔順搭幾個站巴士去左土瓜灣間白宮冰室.

朝朝搭車都經過,一直對呢間茶餐廳好有興趣.
入到去,個裝潢係典型舊式茶餐廳格局,D裝修殘殘舊舊咁,冇冷氣,只有吊扇.
最特別係個總掣箱,真係好古老.
餐廳入邊只係疏疏落落咁坐左幾檯客,一D都唔逼.
至於野食方面,都係普通茶餐廳貨色,但都算有水準既.
難得入到間咁好feel既餐廳,又唔趕時間,幾大慢慢嘆.
一邊食飯,一邊睇尼采,好一餐優皮午飯.

食完搭車返永光,今日係Oscar既追思禮拜.
返到去未夠鐘,冇野做同隔籬團既弟兄姊妹坐o係地下大堂等.
雖然大家唔多熟,但有時無聲勝有聲.
大家靜靜咁坐埋一齊等聚會開始,都可以係一種交流,一種無聲既交流.

禮拜係一項體現教會合一既治動.
雖然會堂內眾弟兄姊妹未必相熟,甚至互不相識.
但大家都懷住同一個目標,就係返到黎一齊敬拜神.
透過敬拜既共同活動,大家既精神o係不知不覺中合而為一.
呢種合一並非言語或者其他野可以促成,只因大家都係信仰同一位神.

>>October 12, 2003 at 10:55:39 PM GMT+8

2003 年 10 月 8 日 星期三 【晴】

咁快又到十月......
一年前既今日我仲係冇野做,好得閒咁搵cell員靈修.
仲誤打誤撞咁"順便"幫埋cell員慶祝生日,諗返起都仲感到非常美好.

今年已經有工作,根本唔得閒搵cell員靈修.
(事實大家都唔得閒約埋出黎靈修)
一年,人事已幾番變遷.
唯一未變既,就係我仲未摸清楚前路.

由雅各過到黎伯利恆,好多野都唔同左.
如果你問我邊cell好D,我梗會答伯利恆.
但無可否認,經過左o係雅各既日子,先會有今日既我.

前事已過,今後大家繼續努力啦!

>>October 10, 2003 at 3:58:48 PM GMT+8

2003 年 10 月 4 日 星期六 【晴】

琴晚side哂D時間,今朝鬼咁眼訓,卒之訓到淨係返到崇拜.

崇拜唔錯,之後莉妍hold既祈禱會都唔錯.
完左團一齊摺心俾Oscar,摺左好耐先識,好蠢......
人真係脆,咁就......

唔講D唔開心野,講返摺心既過程.
大家一路摺一路唱歌,仲要鬥大聲,唱到唔知似乜.

夜晚去睇Gloria表演,死人5C等極都冇車,搞到我遲到,miss左第一幕.
好在歌莉亞最後一幕先出,都仲睇到.
今日幾個團體都做得好好,內容亦算寫實諷刺.
唔知幾時到我有機會搞返個話劇呢?

>>October 22, 2003 at 12:25:07 PM GMT+8

2003 年 10 月 3 日 星期五 【晴】

今日係佈道會,雖然我都冇乜做過咩,但見到I團都有百幾人返,唔理咁多,我都開心.

成個佈道會都好好,嘯君既分享有D出人意表,套劇做得好好.
驚喜既係家有一百零四人決左志,伯利恆都有十一個.
最開心係連大西洋都決志,事前都冇諗過.
最緊要既,只係o岩o岩開始咋.

夜晚table manna,今次我同阿峰hold.
都係玩下遊戲,傾下偈咁.
我雖然有份hold,但聚會入面我唔係太多出聲.
由得阿峰講,我冇乜mood爭野黎講.
我唔慣同人合作,對住個partner我會唔自在.
我就係獨來獨往,獨斷獨行既人.

完左約左張柏豪食飯,跟住打機,打完join埋大佬搭van仔返屋企.
冇乜特別,冇野好講.

>>October 6, 2003 at 2:42:55 PM GMT+8

2003 年 10 月 1 日 星期三 【晴】

早排做野做到個腦實哂,終於重拾靈感寫作.

　　　　　　　　　　　＊　　　　　　　　　　＊　　　　　　　　　　＊
誰的生命能夠延續到永恆呢？
誰人能夠保住死後不致於煙消雲散呢？

秦始皇可以吧？雖不能流芳百世，也能遺臭萬年。
秦始皇留下了甚麼給我們？他的一言一行你會效法嗎？
君主專制到現今還有市場嗎？世上皇朝只有一個一個的瓦解，被民主政體取代。
萬里長城除了供人瞻仰一番，還有甚麼價值！
何況留存下去的是磚頭，不是下令興建的秦始皇的精神。
他還能影響你甚麼？留下的只是一個與暴君畫上等號的名字。
人類歷史中的暴君何其多啊，秦始皇有甚麼特別可說呢？
難道你會為了那些已不再對你的生活有何影響的所謂暴行而悲憤莫名？

孔子可以吧？他的事跡，儒家理論一直被傳頌下去。
萬世師表嗎？他是否好老師與你何干。
孔子當過你學校裡的老師嗎？他怎樣教學生會影響你成績表裡的分數嗎？
一個混賬「老師」對你的影響比孔子還要大。
儒家思想嗎？哦，就是那些甚麼孝敬父母，忠君愛國嗎？
那是父母教我的，我知道「孝順」二字時，還不知道誰是孔子。
「忠君」更是笑話，現在誰還會為了一個奴役自己的人而賣命呢？
「愛國」嗎？傻瓜才會為國家花費心力，政府只是狡猾人你爭我奪的地方。
我知道儒家思想，我是在書本裡看到的，真是那個叫「孔子」的人說的與否，我不清楚。

那麼怎樣才能使自己的生命延續到永恆呢？真的沒有辦法嗎？
有，唯一辦法，就是「愛」。

朋友，我本想再跟你說多一點，無奈我現在必須就寢。

如果你覺得我的說話很沉悶，那我放過你吧。
如果你還想聽下去，請你原諒我的懶惰，我承認自己是貪睡的人。

Batavic Lion

>>October 2, 2003 at 5:30:01 PM GMT+8

2003 年 9 月 30 日 星期二 【晴】

本來同I團去街報,點知......
今日要走貨,邊度都唔洗去.
我覺得俾人罰咁,得閒去街報自己又唔去,而家想去都冇得你去,抵死......
又一個龍咁威,成個鎖扣俾人撬開......

國慶冇假放已經火都黎,仲要成八點幾先收工,好野~

>>October 2, 2003 at 3:03:48 PM GMT+8