2006 年 6 月 16 日 星期五 【晴】

今日放假丫~~邦仔就要番工呢~~
下午約了國秋一齊番教會丫~~好耐都沒有番喇~
因為李姑今日係最後一次番微沙~六月二十六日(星期一)就要離開香港自己飛往印度宣教~
好似係唔會再番黎....好唔捨得佢呀~~

所以今日週會係關於李姑既~~李姑分享左佢細個到宜家既生活事~同埋有相相睇~~
仲有團友仔分享下同李姑既事~~大家都好唔捨得佢~
因為佢飛過去之後....都唔知會幾時再見到喇.....

不如我分享下李姑比我既印象喇~
佢係一個開心人黎架~我每次見到佢個時佢都有一個好開心既笑容~~
好記得我入黎微沙個時佢好關心我地新人~~
仲有成班人一齊去rainbow食糖水傾計~~
分享自己既開心事比佢聽~heeee~~~
雖然唔係好多~~但係呢d全部都係開心事~

好想去送機...只不過個日係星期一呀~要番培正呀....
唔知時間容唔容許到我同佢食一餐飯呢~





今日影左好多相~好開心呀~~
八月有Camp玩呀~我想去玩....不過都唔知去不去好~kaaaa~
七點鐘走走~~留到家即刻打比呀貓比碟佢~
之後係小巴站傾計仔~heeeee~

>>June 17, 2006 at 1:51:20 PM GMT+8

2006 年 6 月 15 日 星期四 【晴】

今日有小朋友係上課室個時打爛左枝百花油~我要看住堆証物~防止小朋友接近~~
好多大陣味...= ="直至到校工來到我先完成我任務~~
食飯個時完全冇胃口...一啖都食唔落...

我同Crystal安排左暑假既大假喇~~我地都編好晒每人果10日大假~
哇哈哈~~我有個星期仲係連放架添~~
不過邦之後先比信息同我說~~佢七月頭就要上連續四星期的課堂~
但我d假囉晒係七月尾...遲了一步....oh..要重新編排...
果時Deric又已經走左....最怕佢星期一會同校長傾我地既假..
到時就冇得改喇....

今天係所有課外活動最後的一次喇~~我幫Miss Au果個讀書會都完嚕~
大頭妹既故事亦都說完了~~所以叫佢地分別演繹番個故事出來~
哈哈~~都幾搞笑~~幾識做戲下~令到d家長都幾開心~kaaa~
有個家長義工教左我同Crystal果魔術~~今次呢個魔術實識穿唔到~哈哈~好玩呀~
唔知下年會不會仲有讀書會呢~kaaaaa~

晚上要過灣仔番學呀~今堂沒有電影欣賞~~
講左剪接同拍攝角度方面~~用左個幾鐘時間剪一段片~
其實段片出來都係得三分鐘~kaaaa~剪片都要用好多時間同幾深究~

>>June 17, 2006 at 3:37:49 AM GMT+8

2006 年 6 月 14 日 星期三 【晴】

今日早左十分鐘出門丫~~要番學校監考阮芷同學呢~
一連四日既考試今天是最後一天嚕~~可以輕輕鬆鬆嚕~
小朋友仔真係好...有成兩個月大假~kaaaaa~

開始多了很多既獎狀來喇~~要努力丫~
學校有一大筆既錢將會比學生用丫....先前留落既錢...
d錢會開不同既課外活動比學生暑假參加~佢地真係好喇~~咁多活動~~heee~

放工邦仔家長黎左門口接我呢個小朋友走~~我係最後一個小朋友走~heeee~
搭車車去尖咀囉身份証~呵呵~囉左成人身份証喇~~
之後去睇雙魚星號既船價~~一個人起碼都要五百幾..邦說貴貴要考慮下...
仲有黃金海岸個camp....都唔知點樣添~因為邦說佢八月要上堂....
沒可放連假了~~而且我學校d假都唔知點.....= ="
唔制架.....點樣我都要去玩玩架喇....佢應承左點樣都會玩到一樣架~哈哈~

去左玩具反斗城反斗左一番丫~~真係比我地兩個小朋友玩亂晒喇~
我地見到d球類又囉黎玩~~又射籃喎~~哈哈哈~~
仲有打機丫~~我同邦係個度玩ps2~~玩足球~~我入左佢一球丫~kaaaa~
真係開心仔喇~~~咩都比我地玩晒~~~

今天真係開心呀~~哈哈哈~~~

嘩嘩嘩....今期網上行帳單竟然要成三百蚊喎...
Moov果個我一早已經取消左....但都要交48蚊喎...
先前佢送左d咩優惠比我~但我全部都已經取消了的..聽日一定要打去講數...
冇理由架喎.....冇用都要比錢....= ="

>>June 15, 2006 at 2:35:27 PM GMT+8

2006 年 6 月 13 日 星期二 【晴】

今日仲係考試日...對於我地黎講都未算忙忙既...
不過考試後我知道工作量一定大增..唔係點會請多兩個partime呀~
呢排要處理好多疊既問卷丫...真係勁多...

我同Crystal計劃緊我地點放個十日大假丫...不過諗諗下..
學校都唔係比兩個星期我地放渣喎...我地兩個人又唔可以疊咁多日一齊放.
咁其實放唔放得晒都係一個問題丫...

下星期三至五Deric都唔番丫..電台直播要交比我地呢~~
我唔緊張架喇~~已經有晒經驗~kaaaaa~

食飯飯個時訓大覺丫..因為好累累累....
加上個身好凍...係咁震...天氣時常轉變真係令到我成日病病...

放工七點就已經回到大埔了~~貓貓放六點幾的~~說一齊回家家~~
但我回到大埔~佢仲ot緊~我等左佢一個鐘呢~kaaaa~
仲諗住叫佢陪我行大中架添~hee~都很久沒同佢行街shopping嚕~
她九月先有大假~~仲可能會去泰國玩玩添~~~哇...真係正正正~

邦尋晚去左朋友家看球賽...奇怪地今日下午十二點佢先番家休息~~
不過又奇怪地訓飽左下午又出街玩玩...真活力..我都想好似佢咁可以輕鬆下~唔駛咁大壓力...
更奇怪地今日佢都冇咩比信息我... = ="晚上他回家時說打給我..
但....等了很久....電話沒有響起...直至上網見到他才知回家了...
轉了台的不好處就是這樣.............很可悲!!但我真的甚麼也收不到...悲極了!!
總結......今天好像沒有了溝通...

晚上同國秋msn丫~~我用咪同佢傾計~~得我講野~他電腦用不到咪~= ="
不過幾好呀~~短短時間裡都傾左好多野~HEEE~
李姑番埋星期六最後一次教會丫~~她就要去印度宣教喇....最後一次....
我果日放假....但有很多功課要做...真的要考量下....

>>June 14, 2006 at 2:58:01 PM GMT+8

2006 年 6 月 12 日 星期一 【雨】

番工在巴士上很凍凍凍凍.....冷得我震震震...
下很大雨...很多人都有濕濕的雨傘...結果巴士開大冷氣..
而我就凍僵了....

Deric跟我們說暑假會請多兩個人幫手丫~不過係partime呢~
係種子未黎前都有人幫手~~看來暑假真的比較忙忙忙喇~

飯飯個時同邦傾左半個鐘電話丫~哇哈哈哈~
他說來接我放工~heeee~
放工個時我地行左去火車站到食野~~食飽飽就行番培正...
很遠遠的路程....番學遲到了..kaaaa~遲了半個鐘呀~~他送到我上培正丫~
真開心仔呢~~我遲到都咁開心添~哈哈哈~~

邦仔今晚去朋友家家看球賽~~幾場呢~~哇哇哇~~

>>June 14, 2006 at 2:23:21 PM GMT+8

2006 年 6 月 11 日 星期日 【雨】

今天仍是下雨天...都下左好多日嚕~~
唔知幾時先係晴朗的一天呢~~

子健晨咁早就回來...真係驚訝...平時佢起碼半日後先回來架嘛...
我地好耐都未試過六個人咁齊人喇~~哇哈哈~~
食飯個時佢地幾個係咁講世界杯既野~都係呢排既熱門話題黎架喇~~



校訊6月28日要交丫~呀sir剩係話點樣交法...其他乜都冇說到..
都唔知有冇搞錯架....點做比佢丫...不過可以問問Crystal~heeee~
下午的堂很快做完習作...本想訓教教..但係又唔眼訓..哈哈~~

下星期要匯報......oh........help me....對住全班講三分鐘野...
雖然三分鐘係短...但一諗到要對住咁多人講自己既野...就覺得好長....


本來今日放學同邦行街既~~不過佢ot到兩點幾~~累累的他~不來了~~
沒所謂喇~~反正今晚「火舞王沙」大結局~~

係培正被冷氣吹到病左...= =我同Tramy都中招....都係衰仔堅...遲遲唔係關冷氣...
凍到我打晒冷震....身軟軟...頭熱熱...Tramy就用左幾包紙巾....
呢次真係病喇.....

>>June 12, 2006 at 12:07:51 PM GMT+8

2006 年 6 月 10 日 星期六 【陰】

今日邦仔一早就已經番工了~~他今天出海去東平洲~電話完全接收不到呢~
我呢隻朱仔訓到十一點幾先起身~~kaaaa~在家休息一天~
係now.com睇番tvb既節目~~睇番好多集既15/16丫~kaaaa~

6月28日既《MOTO903新樂潮拜音樂》 黃貫中，Jun，Soler ~
已經問人囉左兩張飛喇~~哇哈哈~~
又可以睇show呢~~正正正呀~今次個show係劃位架~
唔駛一早去排隊~~仲可以食埋野過去~~時間fit晒喇~~
邦個日仲係放假~~正正正正~~~

終於搵到我一直想搵既歌喇~~「拚了 - 柯有倫」 (求婚事務所主題曲)
都係討論區既人send比我架~~真係開心仔喇~哇哈哈~
首歌好正正架~~

>>June 11, 2006 at 1:51:12 PM GMT+8

2006 年 6 月 9 日 星期五 【溫暖】

BeYond六月天~總是下雨天~
黃家駒生日快樂~

仍是雨夜 凝望窗外 沉默的天際
問蒼天 可會知 心裡的感覺
隨著歲月 無盡愛念 藏在於心裡
像冰封的眼光 失去了方向

讓雨點輕輕的灑過 強把憂鬱再掩蓋
像碎星閃閃於天空 叫喚妳

遙望盼望 能像清風 陪伴他飄去
讓孤單的臂彎 一再抱緊妳
回望往日 如霧似夢 無奈的輕嘆
是他的歡笑聲 風似輕吹過

>>June 11, 2006 at 8:20:10 AM GMT+8

2006 年 6 月 9 日 星期五 【溫暖】

今日要番工呢~不過唔駛做拍攝工作丫~so goood!
工作忙到沒停手~~考試後相信就會更忙忙碌~~
我想都要到7月頭過左個畢業禮先輕鬆得~

放工過邦邦家呢~~邦在惠康買了很多東西吃呢~
回到家我吃午飯~~他就弄沙律....不過到晚上我回家先記得....原來我地未食沙律喎...
哎呀..........唔抵丫...冇得食....

講番今日先喇...大部份時間都在房~都傾左好多計仔呀~很懶丫...不想踏出房門~
連打機都沒有玩~哈哈哈~補習時間都係補左一陣~~
因為很累累~~當佢睇緊波個時我訓左一陣~哈哈~~
傾計仔中了解左更多他在水警的工作~聽日要番工~~大浪的海真討厭....
令到意外的發生.....又常常令到老公仔身體不適....不好不好..

七點幾走走呢~~搭小巴落黃大仙個時~~在車上差點發生交通意外....
= =真係險....好在個司機醒~~

我們大約都計劃了暑假去玩玩既安排~~
期望想去到黃金海岸book camp~~上雙魚星號玩玩~~同埋去沙灘遊水呢~
哈哈哈~~唔知呢個暑假玩唔玩到更多野呢~heeee~我就好想喇~~

>>June 10, 2006 at 2:00:10 PM GMT+8

2006 年 6 月 8 日 星期四 【颱風】

今天幸好番工沒有下雨丫~係下午左文台分別發出了紅雨and黑雨警告~
下午校又係不用上學呢~~當黑雨發出後~~就有好多家長打黎學校要接個女走~
不過都唔係好多學生早走呢~~所以如常上課~~
小學唔同中學....小學要早走好麻煩...有d家長又要番工...校車又有問題~

Art Sch打黎說晚上不用番學~~會補堂比我地~heee~都好唔駛番~~
可以睇電視同早休息~~聽日要番工呀~

今天好多野食丫~校長又請我地食餅餅~之後Lunch又叫了KFC食喎~
兩點鐘先有得食呀~kaaaa~我地六個人哩埋左係reading room食~呵呵~
呢餐多謝miss yip呢~估不到佢請我地食呀~哈哈~~謝謝~好味道!!

夜晚回家打篇eng功課~完成了~
行雷閃電個時連不到線....= ="晚上係咁打雷...真係驚驚...

>>June 9, 2006 at 3:15:19 PM GMT+8