2006 年 10 月 1 日 星期日 【晴】

16日...仲有16日就係Paul Wong演唱會~~
但係演唱會飛仲未到我手....點算....睇唔睇到都仲未有答案~

踏入秋天的十月~將會有很多活動~~
我男朋友Paul Wong & 邦仔女朋友何詩詩都會開演唱會~
好期待呀~~尋晚發夢仲見到呀Paul添~嘻嘻~~~

今日係家家做功課~~中文作文~600字呀~
很多添.....好耐都冇拿起筆作文喇~~不過都終於作完喇~~~嘻~

放假假的一天都過得幾快~~
呢個星期只係三天工作 + 一天上學~
星期六日就係BBQ大日子喇~

邦仔今天都係放假日~~大隻仔跑步步就去督波~
SO Gooooood~

>>October 2, 2006 at 8:52:52 AM GMT+8

2006 年 9 月 30 日 星期六 【晴】

「愛似林一峰」呢首歌仔正式登台~
係林一峰&農夫唱的~~~係電台可以聽得到~~
不過幾奇怪喎~~又會呢排先興起呢首歌仔既....嘻~~




>>October 2, 2006 at 7:48:49 AM GMT+8

2006 年 9 月 30 日 星期六 【晴】

今日十一點幾先出去呀~~星期日當然去邦仔家喇~
因為佢要拜佢老豆所以今日遲出去找他~
就係因係咁所以午餐有燒味大餐食呀~哇哈哈哈~~~正正正

佢媽媽講得好呢~~我應該去幫手架嘛~~
不過邦仔都唔比既~嘻嘻~~新年先見得佢媽媽~
講講下都仲有半年喎~~咁都幾快呀~哈哈~~

燒味大餐好味丫~~我地兩個可以食晒四大盒的燒味~
雞~鴨~燒豬~叉燒~~一共係四大盒呀~~
真係忘了影番張相添~~嘻~

食飽就睇「我Miss係大佬」~十集就大結局喇~
真係快呀.....仲想繼續睇埋去添~~~
「女王的教室」下星期都係大結局~~~~~

電視完又係訓覺時間喇~~~
七點幾走走~今次不用洗碗~呵呵~

係百佳買野呢~~我買了兩盒月餅回家家~
邦仔比錢的呢~~多謝晒~kaaa~
仲有買埋M痛貼...我地找左好耐都找不到...之後問收銀喇~
我唔想問架....怕羞架嘛...點知邦仔叫左人~我冇得唔問喇~嘻~
不過收銀果個人唔知係邊喎..就大叫個經理問m痛貼係邊...個經理又唔知..佢又大叫..
買一樣野都叫到個個都知添...= =

>>October 2, 2006 at 3:31:51 AM GMT+8

2006 年 9 月 29 日 星期五 【晴】

今日係學校主保慶日~全校老師要去聖堂~
得我同Crystal番工...但都冇野做...= =知道Deric冇人番天神..
早知遲到喇...= =可以訓耐點嘛~
老師去完聖堂佢地就齊齊入茶喇....我地就真係過左一個無聊的早上......

放工約左貓貓係大埔食Lunch丫~好多人的時間~
食飽就行左陣街街~佢又買左鞋鞋喇.....真有錢.....我呢個窮人冇錢買....
行到三點幾到過去家健屋企拿單車~~約左今天踩單車呀~呵呵
不過有點微雨~~但係都照踩~~~出到吐露港就天晴呢~
踩左出沙田呀~~~衝衝衝~~


好快就出左馬場個邊ar~~今次不踩去馬安山呢~
踩去歷奇單車場~~~新地方呀~嘻~~
踩左幾個鐘~~~唔覺腳仔累累~先前每次踩單車都好快累架~
可能成日休息喇~~~


踩到7點幾先番到大埔~~去左澳門街食飯~
下次都唔去呢間食喇~~d野好淡淡....先前食開都幾好...宜家好似變質咁~

食飽飽登特去7仔買野飲~~知道國秋係7仔做嘛~
伍啟都係果間喎~~好耐冇見佢地喇~~~~
買完野飲就打機~~玩左一陣都回家家喇~~

>>October 2, 2006 at 4:06:22 AM GMT+8

2006 年 9 月 28 日 星期四 【晴】

今日番培正~補番堂呀~上堂很悶....d人都唔識既..
訓覺...訓覺...哈哈~因為進度不一樣既...
佢地今日先做Listen渣....= =我又冇帶書...先前果堂又已經聽左~
調堂最麻煩既就係進度唔一樣...唉~
徙晒時間~又冇野做喎~我附近d同學仔都唔打算考hkcee..所以連書都唔買..

我就出左去走廊睇對面班中學d女仔踢波~睇佢地踢真係搞笑~
之後有個同學仔都悶悶~~陪我睇波傾計~嘻~~~

食飯同埋上年個種子同學食食~~佢仲有班朋友~~
= =12人齊齊去飲茶....本來叫了好少野食...
點心一上台唔夠三秒就被人夾晒~~
點知就再點喇.....都唔知點解....一叫就叫左好多好多........
最多點心係我地張台呀.......十幾龍係咁上...個時大家都開始飽架喇..

真係估唔到....叫下叫下就咁多喎....嚇親人呀~
想取消張單都唔得........最後要猜黎食埋d野..同埋打包左~
結果埋單係900幾蚊....每人都要比80蚊...哇....呢餐真係貴貴貴........

電腦堂交左AL的錢嚕......貧窮呀......呢個月係用得最多錢....
買衫褲.....食野....書錢.....考試費.....哇.....破大產........救命...
下個月我諗都逃不過要駛錢....朋友生日....燒野食...演唱會....
仲話想買其他野喎....呢幾個月都唔駛諗...

放學仔約左邦邦~~本來今日唔去街街架~~
但係我又扭計氹佢~~因為要等四日先見到實在太耐喇~嘻嘻~~
去左九龍公園傾計計~~座係公園到都傾左成個鐘添~哈哈哈~~~
佢講左燒槍既野我知~~我又認識多左呢~嘻~

之後去左食麥記~~星星薯餅~呵呵~d麥記卷冇剩嚕~~~



睇花燈呀~~~都幾靚靚呀~~好多人影相相~~
之後又周圍行下~~原來呢個夜靜既九龍公園都有好多人做埋d不軌行為~
我同呀邦本來想上個塔到架~點知見到有人喎....之後就即走喇~
我地兩個周圍視察~~好似警察派來的~做緊放蛇行動~~~
都睇到幾多野~呵呵~不過冇拉人~
反而被人視察番轉頭~~果個人傻的....= =我本來睇唔到果人里埋左架~
係邦仔話我知~~不過我都見唔到~~直至果個人被我地望好耐~
佢先走~~~我同邦仔幾驚呀.......都唔知果個咩人黎架~~特登里埋~ = =

之後我地係公園玩玩~~成個小朋友咁~~佢仲揹住我走圍行添~
哈哈哈~~~~佢仲話我成個馬騮咁~~~

今日好開心呀~~嘻嘻~~~~

>>September 29, 2006 at 2:51:04 PM GMT+8

2006 年 9 月 27 日 星期三 【晴】

今日又係番七點呀....很早很早...跟昨天一樣五點幾出門~
在巴士訓到朱仔咁....哈哈哈~~很累累呀~
園園幫我地幾個買早餐~~謝謝呀~~真是好人的呢~

ESR第二天睇學生上課的日子~~
我地IT小組既行動就係調課室既機....行動成功~~電腦大致上都沒問題~

中午時間去飲茶呀~~呢餐係校長請架~~哇哇哇~~多謝多謝~~
真係估唔到呢~其實應該要請埋其他老師先岩架嘛~~
我地既辛苦咪就係早番黎天神....但係老師就唔同喇~
又要備課~又要顧掂班學生~~呢幾日佢地都真係幾大壓力~

無論如何都要頂住~~~
十月就係我地燒野食既大日子呀~~十分期待~~~

朋友仔中秋燒野食個地方定左大尾督嚕~~~~係有點失望架....
不過算喇~~都係最期待同老師們燒野食個日多d~~
小欖呀......到時好多野玩~呵呵呵~~

下午同Crystal要落電台預備我地十月份開班的事....
我地電台既設施都唔算太熟....我剩係知道開晒D制就得...
宜家要教班學生喎.......好難....唔識呀...


原來星期一放假喎~~真係好極了~~
我都唔知添~都係睇數碼部落個網先知渣~
聽日要番數碼呀...補堂~~乜人都唔識...孤單一人添~

今日約左青見既個案經理~跟進番今年既新職位~~
原來職工盟搬左去太和..= ="行去太和~都幾快找到既~嘻~
佢唔做喇~~~做夜青呀~~仲辛苦~努力呀~

>>September 28, 2006 at 1:30:38 PM GMT+8

2006 年 9 月 26 日 星期二 【晴】

今日五點便醒了...很早也...訓得唔太好呢~
很累累累...不過又唔眼訓....呢排ESR都真係有點壓力嘛...
起身個時望個天都仲有滿天星星...好靚~
不過刷完牙仔後再睇~就消失左嚕~真係快~

番到天神都七點~~準時準時~嘻嘻~我地it組就開工呢~~開晒d機呀~
等到學生上晒課室先至輕鬆晒呢~車路士都番左黎幫手~真係開心呀~
Miss Chan Chan就番黎收小一入學表格~~
飯飯叫了KFC~4人吃呀~~都飽飽呀~嘻~

其實今日天神每一個老師都好驚張.....比好大好大壓力自己~
最大壓力都係上影子既堂的老師~
平時間唔中會發生的事...今天亦都有發生...
本以為上課沒問題....甚料有學生吵架...嘈吵...電腦上唔到網...一次過好多問題出現..
咁岩有學生問題係Miss Au個班發生~~令到佢好唔開心~好失望~
我覺得真係要輕鬆去面對每一件事...太大希望總會感大壓力~
我都知道佢對每件事好高要求....但係...咁樣好難受架~~

仲有2日呀....各位同事要頂住呀~~~

放工前我&珊珊&Crystal都同呢位主角影相相~哇哈哈~
影左好多個角度....手震的我影左好多次...冇計仔....手震震~




>>September 27, 2006 at 2:58:21 PM GMT+8

2006 年 9 月 25 日 星期一 【晴】

聽日就係ESR來校睇學生上課的大日子~一連三天...
好多老師都好擔心聽日會有咩特別事發生...
都幾感大壓力架....佢地講得多...其實我地都有...
要7點鐘回到天神呀...哇...哇....連續兩日都係....超早的~

check定晒全校電腦~~聽日番到校第一時間就要開晒去~
都唔係好多課室~同埋人手都足夠~~應該沒問題既~

放工同邦仔去左奧海城睇象骨化石丫~有幾隻呀~好巨大隻呀~
影左好多相相丫~好在相機已番黎我身邊嚕~嘻




影完相相睇完就去食野呢~~煙三文魚加麵麵好味道~呵呵

之後去左公園到傾計呀~~~很靜靜的呢~
同邦仔下次見要等4日咁多呀......星期日先見到添....好耐呀~
今日好開心呀~~邦仔好叻叻~~查埋回家車車~嘻~~


>>September 28, 2006 at 1:34:26 PM GMT+8

2006 年 9 月 24 日 星期日 【晴】

天神 - 關愛行動
主題曲 - 冰天的太陽



http://203.198.162.98/care/Student.wav

>>September 25, 2006 at 2:52:56 PM GMT+8

2006 年 9 月 24 日 星期日 【微冷】

今日稍為大風一點呢~~清涼涼丫~
一連幾日都係小一收生~Miss Chan Chan番黎幫手收表呢~嘻~
叫了Pizza作午餐~~先前同邦仔食Pizza有張買一大批送一大批的優惠卷~
仲以為尖咀唔送黎紅磡添...點知都得喎~哇哈哈~~~
九個人開大餐~好味道呀~抵食抵食~

天神今年有個新活動~叫做「關愛行動」幾特別的呢~關愛精神~~
整左個網頁for關愛~~有班小朋友錄左段主題曲~
佢地雖然唱得唔算太好~唔岩bit...但好好聽喎~~~小朋友唱歌好得意~嘻
我好鐘意首歌仔呀~~~

同班老師傾8/10去 BBQ事宜~~
希望會成功搞到喇~~計劃會去小欖呀~嘻嘻~
佢地反而想自助bbq呢~Gooood~仲以為會帶野食去燒添~沒所謂呢~~最緊要開心呢~

朋友仔方便BBQ方便..地點可能去大尾督..= =唔會嘛...
唔想去係番大埔燒呀....我要陽光與海灘與樂趣~

放工去左剪頭髮~~嘻嘻~
爽爽爽~~

星期六家健約左我去踏單車喎~~尋日先話想搵人陪我踏單車~
今日即刻有人約我~~so gooood~

星期三數碼堂被迫調堂....因為星期三開始就係ESR....唔夠人手...
其實我唔想調架...一來我地EL01班比其他班進度慢左..
因為上次紅雨冇上堂...真麻煩...= ="
不過冇計仔喇....唔夠人手....種子又唔識Set機...一定要番...
仲要番早早早呀.....七點半要回到天神...好早呀~~~

數碼通送左兩張方大同音樂會門卷比我呀.....不過我冇咩興趣...
問左好多人又冇要人喎...= ="
下次應該送d好既音樂會門票比我嘛~kaaaa~
張音樂會票宜家都唔知點添~~~

『 大 同 音 樂 世 界 』
日 期 : 2006 年 9 月 29 日 ( 星 期 五 )
時 間 : 晚 上 8 時 正
地 點 : 九 龍 灣 國 際 展 貿 中 心 3 樓 演 講 廳
門 卷 : 兩張

>>September 25, 2006 at 1:54:30 PM GMT+8