2006 年 10 月 29 日 星期日 【晴】

尋晚失眠...心跳加速....緊張....= =今年多左係咁....
十點幾就出左街喇~~連續四天的假期都出晒街~哈哈

今天同天神同事唱K呀~今次有九個人呢~好多人的呢~呵呵
唱K Lunch呀~有埋午餐食呢~呵呵
因後日係Crystal生日~咁朝早同Ling一齊個時睇岩個Cake喎~
我地唱到一點就分別偷走左去買蛋糕~哈哈~
冇被人追問同埋發現~~我地用最快時速買完cake番去K房~嘻嘻

一切既安排都好成功呢~令大家都有驚喜~
齊齊唱生日歌~影相~切蛋糕~Happpy 呢~
唱K唱到兩點幾~


之後一齊行左陣街街~~就去食下午茶喇~
食完野大家都累累喇~各自散嚕~~
我同Crystal & 珊珊就繼續行街~
行到六點幾都走呢~~同貓貓一齊搭車番家家~

番到大埔就食埋晚餐先回家~食野既時候~雪人咁岩都入左黎食喎~
不過見到佢都沒甚麼特別~~

回到家沒有人呢~呵呵
邦仔今晚番工好忙忙忙呀~~~不過佢都打電話黎同我傾左陣~
嘻嘻~~真係好喇~~~

>>October 30, 2006 at 3:04:33 PM GMT+8

2006 年 10 月 28 日 星期六 【晴】

尋晚睇完演唱會都成兩點先訓訓~今朝仲好累累呀~
但一早就要去拜山呢~~好曬....好熱好熱....
拜完之後去左飲茶~好飽飽呢~呵呵

之後去左銓仔屋企...哇....佢呀....話咁快就三年級喇喎...
宜家係肥仔一名...真係比起佢細細個既佢...分別就大得多嚕~Kaaaaa~~

三點幾回到家....好累累累丫~
終於可以係屋企休息下喇~
呢幾日放假都冇咩番係屋企~哈哈哈~~~

>>October 29, 2006 at 8:27:48 AM GMT+8

2006 年 10 月 27 日 星期五 【晴】

今天邦仔同媽媽去左九龍塘拜爸爸~~
講起九龍塘...我都有成年冇去喇~~

十一點我就出左去嚕~去邦仔家家呢~亦姐係我第二個家~嘻嘻
一齊去左街市買菜呀~~哈哈哈~
今日既午餐係燒味大餐呢~~因為全都是肉類~所以健康d要食番d菜既~呵呵

有好多電視節目要睇番~~睇番兩集既肥田~同埋上星期既「一公升眼淚」
真多節目呢~~都睇到三點幾架~之後休息訓覺覺~
又訓到超時添...沒時間溫書喇~~起身即刻整野食~~
今晚要早出去呀~~睇何cc既演唱會呢~~~
食埋野洗埋碗就出街嚕~~~

今閱睇何c演唱會100蚊呢~~~雖然係100蚊呀~~
但係氣氛就超正~~~全場都企晒起身~
一齊玩人浪~~仲有嘉賓Sammi添~~佢一出場全場既氣氛仲高脹添~
真係正添~~~唱左終身美麗同埋煞科~~~



何cc個show唱到12點先完ar...時間真係岩岩好呢~
第一次睇演唱會睇到咁夜~~哈哈~~上次beyond最夜都係11點45分渣~
唔知今次個show超時罰幾多錢呢~~~~
不過錢唔係問題既~~~最緊要係開心~~滿足嘛~~~~
今晚真係一場Goooooooooooood Show ar~

睇完演唱會後有人係門口暈低左~~
可能冇食野既關係喇~~~

番到家家都好夜喇~~~又等左好耐taxi喎~
好累累累呀~~好開心ar~~~

>>October 29, 2006 at 10:05:54 AM GMT+8

2006 年 10 月 26 日 星期四 【晴】

今日邦仔要上課呢~而我放假喎~本來下午先同邦仔出街架~
但係佢個老師請病假喎~呵呵~對於我地黎講真係幾開心架~
可以早d出去找去呢~一點幾我就出左中環嚕~

行左好多地方呀~去左Causeway Bay行街街~
行完成個時代廣場...都冇野睇既..但係樓下就幾有Halloween氣氛呢~嘻



之後打算去遊樂會架~點知行錯路行左去大球場喎~
係我第二次黎呢道喇~~~第一次係小學跟學校黎表演架~kaaa


之後行到去遊樂會喇~~
坐按摩椅~哈哈哈~~唔知幾時邦仔家會買番張呢~

之後仲打保齡呢~技術差左呢.....oh...no...好多球都唔中.....

玩完都五點幾~~好肚餓仔呀~

搭叮叮去灣仔食野~~
食飽就係海滂行左陣~好少係灣仔望番尖咀既景~嘻


晚上睇《一峰一人一結他音樂會》~
好耐冇聽一峰既show喇~估唔到今晚既一峰一人一結他~
真係得佢一個人~連鼓手keepbroad都冇喎~~呀勳去左幫何cc個show打鼓~嘻

個show好正ar~好感動的一個show~
今次個show邦仔都覺得幾好呀~起碼佢唔覺得悶ar~嘻~~
每次睇一峰個show都覺得好舒服架~~
有首新歌叫「一峰一人一結他」~好聽a~
仲有~我係第一次聽好天氣呢首歌架~~正
一峰既演繹真係掂~~~好期待下次係博覽會開show~~

一峰有句說話好似家駒所說的~
「無論我去到哪裡，我正在做著什麼只要有想像，隨事可以回來，回到我開始的地方。」
「離開，是為了回來」

>>October 29, 2006 at 9:50:14 AM GMT+8

2006 年 10 月 25 日 星期三 【晴】

今日番到學校先知要帶班2年級去Pizza Hit~要幫手影相相的呢~
其實先前都知架喇~但個老師又未決定~最後我要問校長~
= =個老師真係唔負責任...明明係個老師話佢要問校長...
之後又冇問到..仲話係我要問校長...

帶一班二年級去黃埔既Pizza Hit呢~
佢地好開心呀~有得參觀廚房喇~學餐桌禮儀喇~同埋有份整Pizza呀~
整完仲有得食添~~~嘻嘻~佢地真係叻叻~
幾開心的一個早上呀~

呢個就係合作整的Pizza喇~整完之後d哥哥就會囉去焗架喇~

幾開心成班~~~

食飽飽~哈哈~~

Lunch個餐係寶珠請呀~哇哈哈哈~~真係謝謝~
過幾日有Pizza吃呢~~

放工同邦仔去街街呀~去左尖咀行行呢~呵呵~
佢條頸好番8成喇~~yeah~yeah~~
係海濱坐左好耐丫~傾計計吹風仔~

之後去左大快活食火鍋~大家樂都有架~但係多款d囉~
我同邦仔食完有個姐姐仔黎幫我地做問卷~
我諗大快活都係新推出的~都係岩岩好食得飽渣~~

食飽飽都走喇~去左睇衫~不過冇我碼買不到呢= =
番家家都睇到半集肥田~呵呵~
聽日又見見邦仔~真開心呀~

>>October 27, 2006 at 3:11:18 AM GMT+8

2006 年 10 月 24 日 星期二 【晴】

今日要上堂呢~~
又塞車呢....幾驚遲到呀~好在塞完架巴士開得快~呵呵
番到培正...見到Carrie個look...真係得意~

佢仲派糖比我地添~~謝謝的~嘻
食完Lunch我地幾個仲一齊影相相呀~~
今年E-leader都有幾多朋友仔~嘻嘻~不過都幾掛住上年種子的同學仔呢~




今個星期六要番培正補課~~不過我揀下星期三放學先補呢~
仲有下堂要帶錢買電腦書and交埋進階電腦課程的錢呢
原來下星期四晚就要上堂喇~~真係快呀~~

邦仔今晚去踢波丫~佢下星期忙忙喇~
成個星期都要番學番工~~Day Day也是呢~
我也是~~下星期仲以為會成個星期都見唔到面呢~
傾掂左都抽到兩個鐘行街街既~嘻嘻~

>>October 25, 2006 at 2:34:38 PM GMT+8

2006 年 10 月 23 日 星期一 【微冷】

秋天既感覺就係「微涼」~好舒服的感覺~想起一峰首歌仔添~
微涼的秋 蕩來傷口 微涼的酒 苦澀輕透
微涼是我 未忘借口 道別某個深秋

過兩日就係一峰的一人一峰一結他音樂會~
好耐冇睇佢既show喇~~嘻~~~


Deric教我地剪聲音個軟件~真係好呢~
不過得一部機有得剪係差d野咁~heee~

校園電台果課外活動自教完一堂後~感覺輕鬆晒呢~kaaa~
都好似唔擔心下一堂~~但又想不到下堂點教~~
下星期二要開會傾傾呢~~嘻嘻

幫P1仔高橋楓整錶呀~佢隻錶條帶有問題~
為左佢隻錶整親隻手添~Kaaa~
不過佢咁可愛~~冇所謂喇~
之後比番隻錶佢~~佢好可愛咁笑住話唔該晒呀~呵呵呵呵~~

今個星期要等到星期四先見到邦仔呀~~
等好耐呢~~~不過之後就因為睇演唱會關係連續見三天呢~
嘻嘻~~~同佢好耐都冇去玩成日喇~~
我想踩下單車~~放風箏~去郊遊丫~~~~

>>October 24, 2006 at 3:02:16 PM GMT+8

2006 年 10 月 22 日 星期日 【晴】

兩日冇係屋企開機添~嘻嘻~
又冇打機又冇打日記仔~好在番到家就即上到網呢~

唔知點解呢排細佬開始咁勤力搵工喎...呵呵..
係屋企座左成年....宜家先開始搵工..= =真係懶到爆...

呢兩日tss放假...我地幾個IT就要幫手四出Set機呢~
其實set機冇咩所謂既~不過會心諗~
做既野同tss差唔多~~if 有tss咁高人工就好嚕~呵呵~

星期四好似有得跟二仔去參觀pizza呀~哈哈~
因為要有人幫手影相呢~唔知校長批唔批呢~
我都幾想多d帶隊去參觀架~~

>>October 23, 2006 at 12:00:02 PM GMT+8

2006 年 10 月 21 日 星期六 【晴】

尋晚玩到一點幾~今朝訓遲左添~哎也也也~
約左邦仔架嘛~~佢今天放工呢~點知要佢等我呢~~佢買左好多野~重重重~
佢訓覺仔個時仲整親條頸添...個頭轉不到...OH NO...

今天沒有特別電視節目看ar~全都大結局喇~
午餐很豐富很多的~哇哈哈~全都係我最愛食的~謝謝的呢~
仲多到食唔晒添~好味呀~日日都係咁好送實會肥~嘻

尋晚學左啤牌魔術~show比邦仔睇~點知......佢....睇穿了..
呀....唔制ar...唔制ar....點解咁架...
我show比其他人睇就冇事喎...佢一睇就睇穿了..
可悲....不開心呢...之後我好似小朋友咁...扭晒計仔~
我好想有成功感架嘛~嘻~可惜佢太叻了~

訓覺訓左兩個鐘到~~六點幾就趕住走喇~
今晚約左培正Carry同埋同學仔去燒野食~
= =呃人的老師.....我們被騙了...原來佢想約我地食餐飯..

佢間雖然係幾有豪宅既感覺~但係就好細呢~不過一個人住就差不多呢~
係百佳買左d飲品同埋點心上她家~~佢整野比我地食~
之後又叫了外賣KFC呢~~又影下相傾下計咁~嘻~
說了個秘密我地知~~真係估唔到呢~Kaaaaaaa~


呢個Miss都算幾特別~~又肯比我地上佢屋企~
講野又幾大膽~著衫方便仲大膽~kaaaaaaaa~
9點幾就走喇~~有d人話去釣蝦..我不去了~~很夜很累呢~

今天又玩左成日呢~~呵呵~
我既人生真係豐富呀~~

>>October 24, 2006 at 3:05:03 PM GMT+8

2006 年 10 月 20 日 星期五 【晴】

今日係我同Crystal開電台操作班的大日子呀...哇哇哇~
心情很緊張ar~

不過課外活動前要幫二年級錄音ar~佢地好得意架~
係錄笑話呀~哈哈哈~~係細個d講先得意d架~kaaa~
佢地錄完之後就傻晒咁係咁唱歌喇~~
我錄左佢地唱歌呀~~哈哈哈~不過佢地唔知~~係咁唱歌仔~
佢地好叻架~~~之後Deric仲教我地March首歌添~勁呀~

我同Crystal合作的課外活動整體上都過得去既~
算過了一關喇~哈哈哈~~
開始既時候都唔知講咩好~都係Deric幫我地渣~~

放工個時同Miss Chan Chan ~Ashley~~Christina佢地唱K呀~

真係開心喇~~係咁大唱~~傻笑~~哈~~

>>October 24, 2006 at 3:10:19 PM GMT+8