2010 年 4 月 10 日 星期六 【晴】

顛架我...今日仲去o左行山...即係整個假期都係冇休息過架~~

今次行架係嶂上---->北潭坳,由於好大霧,D路都變晒做泥漿路,仲要好滑....D石又滑.....每步都好怕...好努力咁捱完成個路....如果今日係好天架話,我相信會好行好多!!

>>April 11, 2010 at 12:45:23 PM GMT+8

2010 年 4 月 9 日 星期五 【晴】

今日係放假日...但發顛架我,走o左返公司...唉,真係擔心星期一D工作多到自己發炆....所以都係返去清咁D野先好點...不過返到好,好彩都唔係好多特別多野做...仲可以清咁D~~ 同事們個個都問我仲咩返去...唉,有辛自己知啦~~ 星期一D會多到嘔....真係怕做唔切!!

返o左半日公司,下午返教會....

夜晚,去o左亞哥屋企食飯,睇相...返屋企~~

>>April 10, 2010 at 4:29:16 PM GMT+8

2010 年 4 月 8 日 星期四 【晴】

上早時間,仲係架機到瞓...好難得可以瞓得著,仲要比我發o左個夢係....我要係尖沙咀鐘樓落機,顛o左!!

下午2點多返到香港....哇...完全感覺到同個個都好趕時間咁....又多人...

之後,返到屋企第一時間做架野係工作上架事...唉....

夜晚,外出食飯,不過係食中餐,因有西餐恐懼症啦!!

>>April 10, 2010 at 4:11:12 PM GMT+8

2010 年 4 月 7 日 星期三 【晴】

在三萬呎高空中....飛緊返香港~~

>>May 5, 2010 at 2:36:08 PM GMT+8

2010 年 4 月 6 日 星期二 【晴】

旅程架最後一日了,早上先去o左睇米拉宮….外星人天台哦!! 又係gaudi哩位人兄design架….真係佩服!! 佢張D煙囪都design到好似外星人樣咁,除o左哩個出名架天台外,其實佢都設計o左好多家具,包括櫈、手抽等~~全部都係好特別架,但又用得好舒服架家具~~

接住就係自由活動,不過我都係繼續參觀埋最後一樣gaudi架藝術品,就係巴由之家….由於好多人排隊買飛,仲要D飛勁貴先可以入場,所以我係冇入到去架,只係外面睇成座樓架露台好似整好面骨咁,同其實有D位佢都整到好似一條條骨咁架形狀~~好靚~~ 睇埋咁多gaudi架作品之後,發現佢所有作品架風格都係一致架,都係好靚~~ 有機會我都想再睇多次哦!!

之後又係行街shopping,冇咩好shopping….所以周圍係到hea,等時間~~上返車,就去o左巴塞隆納球會魯營球場,雖然冇得入去睇,只能夠係間紀念品店到影下相,買下野咁~~ 當係到此一遊!!

好快又要出機場了….旅行好快就完~~不過哩幾日我都有D掛住香港呀~~

>>May 5, 2010 at 2:35:32 PM GMT+8

2010 年 4 月 5 日 星期一 【晴】

終於搭晒所有長途車啦….去到終點站巴塞隆納!!

先係港口到睇到一個手指向西方架哥倫布紀念碑,一睇到個哥倫布,就諗起「矮」哈哈~~接住去o左92年奧運會場地…冇咩特別,只係一個運動場~~

之後,重頭戲就黎啦,就係去到聖家旅大教堂隔離個度食個飯先,因成2點多先食飯,好餓~~食哩個「西班牙海鮮飯」,D米係感覺硬硬地、生生地咁,不過都唔係難食,我仲覺得幾好食添!!食飽,就啦啦聲飛出去睇大教堂啦…一眼望就真係哇o左一聲,好靚~~ gaudi兄都真係勁,2百多年前已經咁潮,同我估哩個教堂係全世界最多人參觀架地盤,因為起o左咁多年都仲係一個地盤~~

之後再去埋奎爾公園,就更加覺得gaudi兄勁,因個度係勁靚~~成個公園差唔多都係用馬塞克粉飾 (I like it) 同個度有2間屋企係design到好似童話故事架屋咁,好靚~~其實佢架design仲有包含環保架意念係到~~ gaudi 其實你係咪外星人,點解2百多年前架你,已經諗到咁多野呢!!

睇完gaudi架野就去o左加泰隆尼亞廣場行街,又去o左個街市~~好大哦,咩都有得買,同唔似香港D街市咁個地濕淋淋咁~

行完之後,去o左睇flamemgo show,想睇好耐架啦~~D表演者真好勁,全程都好有強勁架節拍,同佢地每一下都好用力,去拍打出拍子~~最重要係佢地架表情係可以表現出喜怒哀樂,好利害,真係會睇上癮~~

>>May 5, 2010 at 2:34:13 PM GMT+8

2010 年 4 月 4 日 星期日 【晴】

一早起身去o左塞歌維亞古城,一去到個度見到條橋,原來個條橋只係用o左沙石去堆砌出黎,仲要有埋D拱門,咁耐都唔冧都幾好野!!同古城內有間米芝蓮餐廳,係食烤乳豬,但好貴呢,成EU35,所以冇食到~~

先周圍行下,搵下有咩食,見到一間書店,就走入去八下,睇下書,同玩下,全部都係西班牙文,係唔識架,不過書店架伯伯同婆婆都好好人哦,雖然我唔識西班牙話,佢又唔識英文,但大家各自講自己架話都好開心~~

係古城買o左好多手信哦,又食o左個漢堡包餐….同古城到有間叫「香港酒樓」真係好笑~~

離開古城,就又要坐車去到Zaragoza,去到個度都差唔多夜晚了,先去o左GOYA酒店放低野先,同今日住個間酒店,係D古老架building改建,因D lift都係人手開門的~~不過我地去o左參觀教堂,入到去岩岩做完禱告,同哩個教堂試過比2個炸彈射中,但都冇爆,所以仲保存到而家,仲係一個好靚架教堂~~

Dinner係自費食buffet…全部都係西班牙美食,任食都係EU15咋,平到笑….食飽飽,就慢步返酒店….咁又一day啦!!

>>May 3, 2010 at 2:38:24 PM GMT+8

2010 年 4 月 3 日 星期六 【晴】

一早去o左杜麗多古城,古城D路好窄,所以我地要落晒車行入去~~不過個度好靚哦!! 係古城內有間大教堂,係建造o左2百多年,所以用o左幾種唔同建築特色去起,教堂內勁靚,D雕大理石唔至係地上有,係連天花頂都有,整到好似一個天堂,可惜係唔比影相架~~

之後去o左聖多美修道院睇名畫「伯爵之死」,哇....哇....好靚呀,又係唔比影相~~

下午食o左乳豬餐,無飯,得薯條,仲要勁大隻豬件,食到飽…..飽…..滯….滯….

接住搭車去返馬德里,先去雲達斯鬥牛場,由於唔係季節,所以冇得入去睇,只可以係外面行下影下相~~ 下一站就係去皇宮,哎呀~~又係唔比影相,同差D因為個袋太大唔比入去,要放係locker到 (搞錯)….不過個皇宮唔係好大,同有D恐怖,D水晶燈吊到好低,D房又好細、又暗….地下全地毯好焗咁架感覺,同周圍都係油畫,好似好多人望住你咁….不過最勁架係,唔知係咪以前D人個pat pat 好細架呢,D椅好細張….唉,真係龍床不如狗竇~~

夜晚又去多次太陽廣場,真係冇咩好行啦~~ 就再去搭車去o左名店街,同哥倫布紀念廣場,我都係完全冇興趣D名店~~所以坐o左係個公園到,睇到D年青人踩板,好好笑,佢地一見到警察,就會扮乖仔圍埋係到傾計~~

Dinner食中餐,一D都唔好食呢….又咸、又酸,之後返酒店,上網最好啦~~

>>May 3, 2010 at 2:17:55 PM GMT+8

2010 年 4 月 2 日 星期五 【晴】

一早起身,其實都唔一早啦,因係香港時間下午1點多啦~~ 起身,食早餐,再搭8hrs 車去西班牙,搭足半日~~

去到西班牙 馬德里,去o左狄寶神殿,冇咩特別,不過個度係一個好大架公園,同有好多狗係到散步~~之後,行去唐吉訶德同佢個作家一齊架公園,有佢地2個一齊架雕塑,接住又係搭車去o左太陽廣場,睇到零點,同係個個廣場到見到好多人賣藝,好得意~~ 之後我地又行o左supermarket,個度D野樣樣都又大又多....

dinner 食o左黑毛豬片包,只係EUD1 咋,勁平!! 又用o左EUD 0.5食啤酒,因本來係要EUD1架,但點知佢忘記o左已經比o左一杯我,仲要比多杯,哈哈...賺o左!!

最後返酒店,哇...有20mins電腦用,真係感謝主,因我可以check下我公司D野啦!!

>>April 20, 2010 at 2:14:15 PM GMT+8

2010 年 4 月 1 日 星期四 【晴】

KLN 23:05唔準時起飛,哩一程機要搭12hrs,飛到去荷蘭~~個位香港人空姐,完全係燥底,飛足12hrs 都係燥架!! 相反外國人空姐就好nice~~ 係哩12hrs中,只係食、飲、發呆,小睡片刻、同去廁所,冇其他野做架!! 最慘係周圍都迫住,瞓唔到!!

去到荷蘭亞姆斯特丹,係當地時間早上5點多,天都未光!! 話說回來,點解我去o左荷蘭呢,其實我係要轉機去葡萄牙 里斯本,所以停一停係荷蘭,同要等成6小時先可以再飛,所以決定搭車出去city centre到行下!!

搭o左15分鐘火車到,就到啦~~行o左一震咩都未開,係條街到行行下,同吹西北風,同影下相~~

到1點,又再飛啦!! 去葡萄牙啦,搭2hrs 15 mins,又係食瞓痾,冇咩作為~~

落機啦,終於要展開我地架行程啦,先黎一個自費節目「羅卡海岬」歐洲最西架地方,同見到一望出去整個大西洋,好靚....由於係最西架地方,所以我仲拎埋張証書哦!! 接住搭車去貝倫塔、航海家紀念碑、修道院,全部都好靚,好多都係石雕,由其修道院內架設計好靚!!

有野食呀,就係葡撻....真係好好味,完全同香港個D唔同~~一個都真係唔夠!! 差唔多夜晚,去o左市中心行街,因今日係星期六,所以好多鋪頭就close o左...不過我地去o左試葡萄牙車厘子酒,仲要我比唔夠錢,拎o左2杯走,佢都冇話我,哈哈...可能老闆見我係到數錢好煩,同佢間鋪排晒長龍~~但D車厘子酒,一D都唔好飲~~

係黑馬廣場行o左一個圈就要返酒店啦!! dinner 架時間可以話係香港食宵夜架時間,因已經係香港3:00am,不過係當地時間9:00pm,比香港慢7hrs~~

由於今日搭o左成日飛機已經好攰啦,所以好好瞓,冇時差架感覺!!

>>April 19, 2010 at 3:03:20 PM GMT+8