2009 年 10 月 22 日 星期四 【晴】

今日又係要開會....唉...我發現成日都要開會....仲要overun.....lunch又遲o左~~

之後,約埋同事一齊行公園,由於同事架時間關係,所以2點多返到office,仲要比老闆A問我咁早返...不過我覺得...都係做好D好,費時話我偷懶~~

同昨天隻"米老鼠" (間諜) 已經捉到啦....仲要搵埋捉鼠專家來....好勁哦....佢可以睇到D鼠蹤去搵到佢出來...最後,同D板黏住佢...等佢走唔到...生擒!! 不過隻老鼠好細啦....有D似倉鼠大少少~~

收工,去o左"撞鬼" 因今日哈囉喂,早o左開,所以可以早D去睇下D鬼,但員工唔可以入去玩啦~~同係我office上面,已經有間鬼屋,好彩我個office唔會好聽到D尖叫.....

夜晚去o左查經~~

>>October 23, 2009 at 4:16:39 PM GMT+8

2009 年 10 月 21 日 星期三 【晴】

日日都好似去旅行咁....搭成個幾鐘車...最白痴架我,係金鐘轉巴士時,成日都預到好尾,日日追車!!

點知一返到office....就有同事話發現有"米老鼠",唔係呀嘛....真係冇想像過一個office有老鼠,不過老實,我個office一出去就係馬路.....所以有老鼠入來都真係唔奇!!

搞完好多野,最後係捉唔到隻老鼠~~

今日教我野架同事,返o左黎啦...所以多o左好多野學,同多野做....之後,又要跟老闆B去開會(我跟2個老闆的,不過老闆A今日放假,所以輕鬆點)

lunch,老闆A好有心地,約埋其他dept,架sec.一齊食飯.....仲要佢破費!! 多謝晒~~

收工,返屋企繼續我架take meeting notes.....真係想死!!

>>October 31, 2009 at 3:34:31 PM GMT+8

2009 年 10 月 20 日 星期二 【晴】

今日早上風平浪靜...因2個老細都去o左開會....太好了!! 仲有時間睇下書~~

lunch和同事搭o左海洋列車,去山上食飯,都係員工canteen~~但點知一返到我個位架時候,突然老細話我知4點,要跟佢去開會,take minutes....下...唔係呀嘛,仲要個會有外國人....好彩仲有多個同事,和我一齊take,不過全程英文,好似考listen咁...真係聽到頭都痕!! 仲要佢地講講下,會講其他野,都真係估佢地唔到,加上有好多樂園架字眼我又唔熟,搞到我一頭霧水....唉....哩一個duty 係我最怕個個..真係睇真章啦~~

一個鐘架會....令我最後,灰灰架心情收工,返到屋企...好似攰到想死,因用晒D精神去開個會~~

>>October 21, 2009 at 3:30:03 PM GMT+8

2009 年 10 月 19 日 星期一 【晴】

第2日OP life....

今日又係冇咩野做...因為教我做野個個人放假中,所以...個個都企晒係到,同今日主要做o左架係,filing & 碎紙....仲要慢慢hea住做...如果唔係點過日子~~

由於昨天準時走o左,所以今日諗住遲少少....但點知6點都未到,就比同事吹我走啦...其實個刻,我真係有野做緊架,所以做埋先走...當我走架時候,6:15到啦,就見到好多同事都走晒啦,仲要熄晒燈~~

哇...真係要覺得自己遲走係咪有問題呢,以前6點多走...一定比人話到上天花板,而家唔走會比人吹你走...好似去o左天堂做野咁....生活模式完全唔同!! 希望keep 住都係咁就好啦~~

lunch,食飽飽,入o左去樂園到,睇新來架熊貓 & 小熊貓等....好得意呀,都係第一次見到佢地咋,忍唔住都要影下佢地相!!

>>October 20, 2009 at 2:56:54 PM GMT+8

2009 年 10 月 18 日 星期日 【晴】

今日正式返工啦...

返OP都真係好離預時間,成日都好驚會遲到咁....不過我去到架時候,個HR都係岩岩先返~~

正式開工,我個detp.係GSV...general service,做架野都幾多,好似咩detp.都會接觸得到!! 我個detp. 全部都係男人,好彩隔離園藝部架sec. 好好人,同佢係唯一可以比我成日問到野架同事,同佢係一個可以做到我媽咁架年紀架同事...太好了!!

lunch去同o左園藝部架同事一齊去canteen到食飯,好平哦....炒飯+湯,只係員工價$21,仲要即叫即炒~~真開心有個canteen.....

今日都冇咩點做過下野,但好似感覺到有好多濕碎要做咁...同搞到我好似detp. sec.咁,要一個人對2個老細...2個都係男人...不過我個post唔係dept. sec.囉~~ 若根據今日架工作來看,哩D工作就係我想做架野,同希望D同事個個都真係好人啦,keep it~~

準時收工,係first day 架特權,之後架日子我估都唔會有架啦~~

>>October 19, 2009 at 12:50:17 PM GMT+8

2009 年 10 月 17 日 星期六 【晴】

今日全日都冇出街,就係為o左明天第一日架返工.....

係屋企...勁忙...發現原來我放o左整整一個月假,係冇執到房架,成間房勁亂...由其張枱,係見唔到枱面架,不過...今日架"希望工程",終於張我間房架每個位都執好了,枱終於見到枱面啦!! 好開心~~

明天要返工了....好緊張,先係好驚係新工,會好似以前咁,和同事不和....又會遇到「上級、港女」般架同事,真係會發顛~~ 第2...好驚自己應付唔來新架工作,因我希望自己可以係新工到做長D時間~~

以上架擔憂都真係冇人可以處理或者預告比我知明天會點,為有主先知.....所以交比佢吧!! (口講,但個心都仲好擔憂!!)

>>October 18, 2009 at 1:28:54 PM GMT+8

2009 年 10 月 16 日 星期五 【晴】

今日,起身,就開始煮糖水......帶返去小組

返到去教會,當聽到個個都未返到架時候,都真係呆o左一呆,心諗:「大家係咪要咁面左左呢」~~如果真係咁架,突然閃過...個組係咪要散啦~~

最後,好開心大家可能遲到,但都返齊,証明大家都係有心想解決問題~~當亞旦,要每一個講出感受時,真係有開心、有感動、有傷心、有難過~~說真的有一刻,我真係好想離開哩個組,因為由我返教會咁耐,哩個組都好似不斷都有問題架出現,有時我嘗試去做事,但最後動力都減了,今次都真係有點令我想逃避,想唔再面對哩個組架問題,不過最後我都係放唔抵組員們....真係唔捨得,因我知道離開係可能對個人係開心架事,但相反去睇,可能會係組員們架悲痛架事!!

我係唔會忘記今日,我地成個小組,一齊喊到2隻雞蛋咁腫架眼架情形~~

夜晚,去o左bear屋企到開P.....哈哈,佢個2隻貓好可愛哦....真係想拎o左返屋企,同細佬玩....

>>October 17, 2009 at 6:13:26 PM GMT+8

2009 年 10 月 15 日 星期四 【晴】

今日好悠閒....獨自行街....

但咁就出事啦,一條友行,行到破財,冇啦啦買o左個貴袋...不過自己都真係鍾意,但買完之後,好似有點良心過意唔去咁...好矛盾!!

真係未出糧,先興奮.....買到窮,喂...你要捱下啦!!

夜晚,去o左查經班,今次查架林前,都真係越查,越要人反省,仲要經上所說,由如打o左我一巴....多謝主!!

>>October 17, 2009 at 5:27:44 PM GMT+8

2009 年 10 月 14 日 星期三 【晴】

今日冇呆坐係屋企了

只係去沙田行街....

點知公司打來叫我下星期一返工了....太好啦....不過都仲未可以好安心...因一日未返工,一日都未知真實情況,如:工作,我會擔心應付唔到,唔識做!! 人士關係怕好複雜,因之前架工令我好似有陰影咁....好驚會同以前一樣~~ 唉....算吧!! 擔心太多都冇用,只有一樣可以做,就係盡力,問心無愧,就可以了!!

>>October 15, 2009 at 1:55:06 PM GMT+8

2009 年 10 月 13 日 星期二 【晴】

今日架我...又係屋企到hea....

胡思亂想....係到諗點解返工仲未叫我返工...其實係咪唔ok呢....但明明人地都叫o左我去body check架啦~~ 唉....顛架,人都顛~~

>>October 15, 2009 at 1:51:04 PM GMT+8