2004 年 4 月 12 日 星期一 【晴】

天氣開始轉熱啦!!今日見到好多人都轉o左季著短袖,我諗再熱架話D人就會轉晒吊帶同背心.......

一朝早就做o左單交易,今個假都可以叫做都有DD $$收,晏晝同靚媽去o左荃灣食米線(忍o左好耐啦!!終於有時間去食^.^)之後食o左一震荃灣就回家.....明天就返學啦!!

>>April 13, 2004 at 9:22:30 AM GMT+8

2004 年 4 月 11 日 星期日 【晴】

今日全日係家到做下英文past paper(都係做o左1年都冇>m<")點知變o左睇日劇咁過~~仲有半個月到就考啦,點算?_?本來諗住攞哩個假係家到溫下書同做下past paper,但個假都就快完,就發覺咩都冇做過咁>_<"

>>April 12, 2004 at 12:17:04 PM GMT+8

2004 年 4 月 10 日 星期六 【酷熱】

今日D天氣熱o左好多!!

晏晝去o左交收,yeah~~又有$$收!!之後同o左亞哥去o左睇"受難曲"(第2次入戲院睇3級片,同2次都係睇埋D血腥野,自己都覺得自己有D須奈子(係一個漫畫人物)架感覺)嘩....都真係幾震撼!!不過套戲係講拉丁文~.~"一路時睇一路有D人係到"咦咦呀呀"同喊晒(因套野都好多血腥場面)其實我睇架時候都覺得耶穌比人打同釘十字架時,都好痛(因都幾真!!)同有D位都真係幾感人~~我諗套戲係我睇完咁多戲之中最震撼同深刻架一套.....

>>April 11, 2004 at 2:29:24 PM GMT+8

2004 年 4 月 9 日 星期五 【晴】

今日上半日都悶住咁過~.~"晏晝亞mo黎o左我家坐o左一震就去o左葵芳架葵青劇院到睇V6架戲,去到嘩....好多比我地更早黎排隊等入場!!等緊架時候,八婆同佢家姐都到埋!!入到場套戲架導演sabu都到場,佢仲好攪笑咁同我地全場架人影相^.^今次套戲有中文字幕唔洗估估下,同我覺得套戲好好睇!!完o左之後sabu同我地又有個答問大會......好正,大家問D問題都問得好好!!之後八婆佢地走先,咁我同亞mo 2個去o左食吉野家,哈哈~~我地2個都好耐冇食過攪到好開心^.^最後好滿足咁回家.....

覺得自己突然好日本,一個星期睇2套日本戲,又睇日劇,同又去食日本牛肉飯!!日本文化已經攻佔o左我架心靈了......

>>April 10, 2004 at 1:52:07 PM GMT+8

2004 年 4 月 8 日 星期四 【晴】

今日用o左大半朝係到做功課!!個感覺好似以前細個一攞到本暑假作業之後,就一日內做晒架感覺^.^一做就停唔到手!!

夜晚同o左亞哥+X朋友去o左黃埔到食飯,同行o左一震街就回家!!

>>April 9, 2004 at 3:21:49 PM GMT+8

2004 年 4 月 7 日 星期三 【晴】

嘩...今日勁煩忙架一日!!好彩聽日開始又放假^.^

今日都幾趕咁返學,本來亞琪按晒lift咁諗住搭點知正當我正想入去架時候,有個miss出現,攪到我即刻轉彎上樓梯,亞琪就走返出黎(因我地學校D lift係唔比學生搭架!!)終於整o左tiramisu啦,亞琪佢地一見就開始發顛.....食到咁上下大家都食甜到滯>_<"到o左lunch本來去睇書,但最後我地去o左影貼紙相,不過係影之前,我地先玩夾公仔,咦...夾o左好多次都差D夾到個"hello咪咪"架啦~.~"之後我地去o左影一部個背景有得自動轉個,嘩...好開心!!因第一次咋,好靚^.^咁我地就影o左成大半個lunch,回校路程中,我同亞琪2個去o左買衫(第一次咁忙咁買衫!!)

到o左上account堂時,我地後面個4個又發顛啦!!不過發得最勁個個係我同亞琪^.^"本來我地玩度隻眼有幾大,之後我同亞琪到冇野好玩,玩除鞋同除襪,後者最後係冇做到!!玩到咁上下,又落堂,之後亞mo比o左D野我同亞均睇,睇完之後又比o左D意見佢之後,亞mo個面色係180度轉變架,好恐怖>m<"放學啦......但今日星期四要去補習~.~"補完習之後,又要好趕咁去尖沙咀,攪到冇時間同yuki傾下計(唉...好耐冇同佢傾計啦!!)

去到尖沙咀文化中心同亞哥+X朋友,睇田中麗奈架戲,嘩...好真係見到田中麗奈架真人*o*~~我初時諗住走上前影佢相,點知比人話我唔可以(因D日本人個樣都有版權>.<"同佢身邊有好多保安係到!!但都好開心可以咁近距離見到日本明星同斬可以叫做半傾計^.^如果係二宮就更好啦!!)不過一開場田中麗奈佢就走o左...同套戲係英文字幕,好彩都睇得明!!眕完我地先去食飯....食完就回家攪得黎都成12點啦!!

>>April 8, 2004 at 5:14:56 PM GMT+8

2004 年 4 月 6 日 星期二 【陰】

禽日又傻o左咁好早9點幾就sleep o左啦!!講比亞琪聽,點知佢鬧我架~.~"

今日我地班個套劇終於公演啦^.^唔.....都ok成功啦!!同我最尾要講總結,嘩....勁緊張有DD腳震,因好多人係到睇住(本來唔洗講架,最衰都係主任冇啦啦要加>m<")lunch時我地個堆係到傾計,越傾越顛~~又笑到勁大聲!!最攪笑sylvia佢本來要做宮女但佢自己就攪到自己要做公公,哈哈!!白痴婆^.^

今日豬珩佢約我食飯,但點知佢好攪笑咁同我講佢係太子,但我係係油麻地返學架~.~"所以就冇去到啦!!

>>April 7, 2004 at 11:29:52 AM GMT+8

2004 年 4 月 5 日 星期一 【晴】

嘩....今日好激呀!!亞琪sylvia+乖乖女均均,3個走電腦堂去o左唱K~~得返我,亞mo同大家姐係到上堂^.^lunch之後,miss佢突然黎搵我地同我地講主任突然要我地套戲加總結(哈哈......好多謝晒佢囉,即我要講多o左野~.~")放學要排戲,最後今日啦!!因明天就公演啦^.^希望成功!!不過都唔係好成功架啦,因都唔明D人認頭o左之後又甩底到最尾個日先搵人同人地講"我唔做啦"(你唔好去死>_<")仲要明明自己已經唔啱,仲要講人地話佢架不事,問心個句都唔知邊個唔啱D呢?_?

唉...今日亞mo同我講o左句好正架野"唔好諗咁多啦,好多人都成日以為同邊個邊個好有緣架啦!!順其自然吧"好正...不過我仍然好亂,但我仍然會做返自己!!

>>April 6, 2004 at 10:15:17 AM GMT+8

2004 年 4 月 4 日 星期日 【晴】

因禽日太攰,所以全日都係家到,抖下!!攪下部新MP3 ^.^部MP3太好用啦同又細部,勁鐘意~~同拾下個書櫃,因D小說多到開始放唔到>_<"

>>April 5, 2004 at 10:10:51 AM GMT+8

2004 年 4 月 3 日 星期六 【陰晴不定】

今日簡直香港一日遊,同隻腳攰到勁痛>_<"

每年清明節都係咁~.~"6點幾開始揸車出發去拜山,先去柴灣---->荃灣---->鑽石山(因跟輩份關係,所以行程如此!!)嘩....終於拜完架時候,都已經成12點幾啦.....足足拜o左6個鐘山(好彩有車,如果唔係真係由朝拜到夜啦>m<")拜完先回家沖番個靚涼(沖走晒D煙味~~)之後同亞哥出o左旺角去買MP3,因而家個部壞壞地~.~"最後買o左部我都覺得幾好架一部!!行行下...突然撞到肥輝,佢而家半工讀!!同佢都冇咩點變都仲係以前咁^.^行完去o左嫲嫲家....坐o左一震就回家留下食飯!!

亞哥話我終於認自己似熊人,哈哈!!因我有如意熊掌同熊腰^.^"同今日同o左亞哥講有隻熊D動態有D似我,哈哈....一樣咁懶^.^"

>>April 4, 2004 at 12:13:17 PM GMT+8