2004 年 6 月 11 日 星期五 【晴】

禽日同亞mo又傾到成點先sleep,如果唔係今日要返工,我想我地又再度講到好夜^.^"同禽日發o左個好可怕架夢,就係我發夢派成績表,同時我又見到maggie(我班主任)見到佢都冇咩野,最可怕架係....夢中我係考第尾同maggie佢對住我流眼淚,本來我都好想喊,但見到佢咁,我只好安慰返佢同佢講"我係咁架啦",oh~~好可怕!!我從未試過發哩D夢>_<"好驚現實生活都係咁!!

今日差D唔知醒,一起身就要啦啦聲準備出門口,好彩冇遲到!!但可能因唔夠sleep攪到心情唔係咁好~.~"好開心可以早收工!!之後同o左靚媽去o左係花墟,本來想買花種架,但我架小花園已經冇位啦>_<"放棄了!!行完之後又再同豬珩佢行街,等o左一震豬珩再等多一震佢個fd(oh...唔識架一名男子!!只不過佢有K2架VIP卡^.^")我地一齊去o左旺角同太子架K2同another....去到太子我終於睇中了,誰知唔洗VIP都可以有7折,因只要一次過買2件!!所以最後豬珩同佢個fd走先,得返我一個繼續下去....係太子個間K2又比我發現o左一個好似內feel架人,佢D動態同佢講野,哈哈!!我一見就大心了(不過大心了一會^.^")同時我想點解哩間公司請D人咁有質素(即K2同another!!我死了~~)最後我總共大手筆買o左3件衫~~

買完衫,自己行o左一震就去會聰聰一齊去睇joey容祖兒(哈哈!!連續2日見了~~)佢同埋佢一班joey fans一齊去九龍灣到睇啦!!同行架人好多都好細只得F1~F3(突然想起自己以前架追星日子!!同發覺自己都好老啦>m<")不過有一個人好似lo type架人(不論真假)由其佢架側面,佢只有中三~~最可惜......佢係一個女仔(oh~~我鍾意o左女仔?_?哈哈!!)而同行架人令一得意架,係有一個2歲大細佬女去,同佢講野都唔知好嬲定好笑,因佢講野好老積!!佢可算係我地架笑蛋^.^不過佢又係最有福架一個,因大合照時,佢可以同joey面貼面+抱抱!!睇完joey就回家,回家時,突然想唔知今日會唔會比人影到呢?_?如果影到未.....算啦!!都冇咩野架啦!!

今日搭MTR時,突然想起NewS上堂本兄弟節目架內容,真係好攪笑,同又想起內架溫柔樣+手越架笑容時,攪到我自己都不禁想笑出來(緊係冇笑出黎啦,怕人地以為我傻架!!)不過,我發覺自己越黎越鍾意NewS了,同時亞mo就越黎越憎佢地了(因佢不嬲都唔like佢地!!)

>>June 12, 2004 at 4:14:19 PM GMT+8

2004 年 6 月 10 日 星期四 【晴】

禽日唔記得o左打,終於捉到鱷魚啦~~攪o左成半成終於自投羅網了!!夜晚同亞mo又玩icq玩到成2點幾~~我地用o左幾個鐘係到講w-inds同NewS,哈哈!!真係有D傻^.^"

今日就睇o左w-inds con(日日都睇日本con^.^)之後同o左靚媽去o左葵芳行街,行完就又要去考LCCI(其實仲未考完架,因黎緊哩2科都冇得溫!!)今次去o左觀塘考(唉...又令我諗起好耐以前架野>m<")一見到亞均就不停係到講今日我睇o左架w-inds^.^"考架時候,有好多大年紀架人去考,攪到好似哩科對第時做野好似好有用咁?_?本來我地約定幾點走,誰知大家都冇按原定計劃進行,係各自走架~~我早走架時候(其實我科科有早走,但我都真係有做晒架!!)剛剛亞琪同亞均先走~~我地等埋一齊就去o左搭MTR,咁啱亞琪又係去旺角~~

我去到旺角搵埋聰聰就去o左食野,食食下QQ都黎埋!!QQ一黎到o左比聰聰勁串佢(唔知係咪出o左黎做野攪到好炆呢?_?)食完野我地行o左一震旺角,之後就落o左去尖沙咀,落到去我地去o左行another(嘩...豬珩同我講個到sale,不過只限VIP~.~"好正有7折呀!!)去到一睇...真係人面全非,同個到D衫比人攪到好似打扙咁亂>_<"攪到好冇心機睇!!之後我地又行o左去睇vivienne westwood(其實係收o左鋪,係我任性叫去>_<")oh~~又係做sale,太正啦~~一定要搵日去睇!!行完我地就去搭MTR回家....係MTR時,突然比我同聰聰見到有一對情侶,係個好肥架女仔同一個普通架男仔架組合(我都知我地唔應該咁講~~但個女仔都真係....同佢係我見過架最強組合>_<")

今日我睇w-inds con時,靚媽就不停吐佢地架糟,但最後佢又好矛盾地講龍一幾得意,而涼平係好有機心,一聽到之後,就發現同亞mo所講架係完全一樣(oh~~又會咁攪笑!!)同時我都知點解靚媽覺得龍一佢好,因佢.....包面~.~"靚媽佢連ohno佢都講好架時候,我就只有比一個反應佢就係....~.~"日文架文美麗(ki re i)同討厭(ki ra i)只差一個音,大家要小心呀!!

>>June 12, 2004 at 3:05:14 PM GMT+8

2004 年 6 月 9 日 星期三 【晴】

唔知係咪考試,考得太多攪到我今日又諗起禽日架oral,唉...好怕會唔合格添>_<"因真係比syl.A難!!唔合格就....同而家自己好亞Q精神,如果真係要出黎做野架話,我就會咁諗都好架可以自己搵$$自己洗!!如果升到就....緊係開心啦(都真係好亞Q~.~")算啦算啦...咩都好啦~~唔知呀!!

禽日同亞mo傾電話傾o左都唔知幾耐先sleep?_?今日sleep到成點先醒,都唔知好定唔好?_?因攪到好似今日唔夠時間用>_<"今日係家到咩都冇做,只係一路食草餅一路睇埋禽日未睇完架KAT-TUN,睇得都好開心(我以比日本文化進佔了^.^")之後就咩都冇做就係家到發呆......

KAT-TUN......係好真實架組合!!佢地係隻con到講,佢地因計劃個con架時候,龜梨同上田因小事而大打出手過,不過打完之後佢地都仲係好朋友,真難得~~仲要上田講番件事佢喊o左出黎,oh~~都幾感動~~同可以感受到KAT-TUN係打出感情來(可能有好多男仔都係咁樣建立感情的!!)

>>June 10, 2004 at 1:58:57 PM GMT+8

2004 年 6 月 8 日 星期二 【晴】

禽日打機打到成2點幾先sleep,呀...好累>m<"

今日又係要考試....不過今日係考HKCEE架Eng oral,唉...成年冇做過哩D野啦!!今日又好似禽日咁用o左半日黎係家到左攪右攪....不過今日唔係睇NewS係睇o左KAT-TUN^.^"之後就出o左去考試~~去到唉..因改o左期攪到要做最後一組去考(因撞o左LCCI所以改o左今日!!)仲要得3個人,因係禍不單行>m<"終於考啦~~唉....本來都ok架,但到o左講返比佢聽架時候,oh~~答錯o左幾題,好彩group個到都唔係太差有野講!!

今日睇KAT-TUN架時候,發現有小山架蹤影,嘩...勁開心^.^

>>June 9, 2004 at 1:33:10 PM GMT+8

2004 年 6 月 7 日 星期一 【晴】

今日半日係家到發呆....其實應該係要溫書,因晏晝就要去考LCCI架account(唉....又係要考試>_<"仲要禽日都冇溫過,今日又唔溫!!)但係家到只不過係睇下w-inds,不過都睇得唔閒,就走o左去睇NewS^.^"睇到咁上下就又要準備出門口!!考試啦...一打開卷,唔....都平平啦!!不過我都慢慢用心去,做一做就做o左成2個半鐘到(唔...希望pass,如果可以pass以上都開心死架啦!!)之後去o左搵亞琪(因佢早走過我咁,佢就行住等我!!)見到佢之後我地又去會VCD(VCD佢比我想像中都差唔幾!!)我地去o左食飯,食完就回家....

今日一睇完NewS,發現原來消極3人組(小山,內,加藤)好早就有萌芽,同時可能亮唔係到攪到內會去o左同小山佢地一齊啦!!同我又發現o左小山緊張個樣真係幾似胃痛般,同時佢都幾成日比人講佢單眼皮加串佢(其他組員張new nippon仲改埋歌詞,係講佢單眼皮~.~")

>>June 9, 2004 at 1:17:35 PM GMT+8

2004 年 6 月 6 日 星期日 【綿綿細雨】

今日終於到o左考LCCI架時候,第一科考架係我最討厭架B.A.晏晝亞mo打黎問我有冇溫書時,我仲係張床到仲未起身~.~"同發現大家都放棄了,因覺得好難同唔識點埋手溫?_?最後我咩都冇溫過,仲要同要同亞mo傾o左成個鐘電話,先再同亞mo出o左去街行(哈哈!!考試喎~~)

我地早出o左門口去o左行信和同聯合,唉...又破財了(不過破得好開心^.^")不過我同亞mo見到個奇景係係買Jr野個間鋪到發現架......本來我地入去架時候都發覺有個男仔係到睇緊Jr D相,但竟比我地發現佢比女仔還要....佢係一路睇一路笑架,我地2個即刻心想:是否BL?_?我再想咁未合亞mo心意,誰知佢同我講那個人好恐怖(oh~~這不是BL小說架真實版嗎?_?)

我地再會合大家之後一齊去試場,去到初時發現好似得女仔去考咁,誰知最後比我地發現有4個男生去考時,我地幾個好似前世未見過係到講笑同大笑(哈哈!!唔知係咪讀得全女班耐,大家好似一見男生就傻o左咁?_?)最後入hall,全場只有6個男生考(嘩...証明哩科唔係男仔讀架?_?)一打開卷時,唉....只好怪自己冇溫書因若好好咁溫o左架話就一定識(真係恨不得想不停對自己吐糟>m<")同我最後全部都係靠亂作同又做唔晒+早走咁考完,哩科一定唔合格了(咁就浪費了考試費了>_<")不過好攪笑咁亞mo,亞琪,亞均,sylvia一次過4個一齊走好壯觀呀(人地一睇就知係夾埋^.^"同唔知點解哩科冇咩人早走?_?真係咁勁?_?)走o左之後得返我,亞mo同sylvia 3個食埋夜晚飯先回家......

一返到家,本來想溫account,但比個條甩色架牛仔褲攪到個agnes b架袋染o左色(真係有D心痛>_<")最後攪到我要洗袋洗褲,洗到手指都染了藍色同附加好累一個>_<"

>>June 8, 2004 at 2:22:02 AM GMT+8

2004 年 6 月 5 日 星期六 【雨】

今日係亞哥生日!!雖然佢係英國個邊,不過我地全家人都有打電話恭賀佢^.^咁佢今年就有2個生日了(其實平時佢都係有2個,因佢都計埋舊曆端午節生日,所以今年應該係3個>m<")

唉....今日終於很攞起本B.A.黎溫下!!因聽日就係考LCCI架日子啦>_<"但一打開就好灰>m<"真係好想快D考完同快D知道個結果~~諗返我近日成日諗升唔升到....我想第時睇返架時候一定只得2個反應,1就係,噓....自己真係想得太灰啦!!第2個係,唉...一早預o左架啦>m<"因我上次派完會考個個之後一睇返之前自己架日記時,就係第2個反應!!唉...好驚今年又再係第2個反應時,都唔知講咩好?_?

人一靜o左係到係咪好鍾意胡思亂想架呢?_?因我一靜下來就想:我架校園生活就咁樣byebye o左啦~~

>>June 6, 2004 at 8:45:57 AM GMT+8

2004 年 6 月 4 日 星期五 【晴】

豬珩生日快樂!!雖然今年冇同你慶祝,不過等下次一定要一次過補番你同我架生日呀^.^

今日又再度要返工!!一返到去嘩....幾個新人~~仲要有一個人係好似我咁返去做幫手個D(咩而家咁興架?_?)計埋我全公司有3個都係做哩D野!!放工,就回o左家,不過都唔係溫B.A.(都真係一打開就想sleep~.~")係用o左黎睇問亞mo借架w-inds同sleep(唉....咁覺有D白過咁>_<")夜晚又同o左家人出o左去食飯,至亞哥去o左英國之後,靚媽就冇煮過飯~.~"不過亞哥好快就返黎架啦(咁快就一個月啦喎!!)

唉.....今日又好灰咁諗,升唔到點算?_?禽日仲驚到sleep得唔好(會考都未咁驚過,因今年我都收心養性o左好多!!)不過都打定輸數先架啦(快D派成績表啦,唉...仲有成個月先派>_<")其實我都幾想升,唔係因為我逃避出黎做野!!而係我有D唔捨得今年架同學仔兼朋友仔好似亞mo佢,都真係覺得識得佢太遲,同今年同佢講Jr都講得都唔係好痛快~~再加上今年發生o左咁多事,令我更加唔捨得而家玩開個堆>m<"不過人一定會有分別架時候,但我唔希望咁快!!

>>June 6, 2004 at 8:47:40 AM GMT+8

2004 年 6 月 3 日 星期四 【晴】

今日全日都幾忙下....唔係忙溫書!!哈哈~~星期一仲有LCCI架B.A.,明天仲要返工,都冇咩時間溫>m<"唉.......

好啦!!到o左回顧一下我地係YMCA約一年架時間,架攪笑野同驚嚇野(其實收埋o左好耐等一次過寫出黎,同唔明點解今年特別多哩D事!!唔知同全女班有冇關係呢?_?)以下就係,不過係唔順次序架:

1. 亞均問點解?_?佢唔係好普通咁問一個好正常架問題,算啦!!自己人就知架啦^.^" 2. 亞mo同miss佢講你洗唔洗上床(其實佢想講"上場"因個時我地係到講緊排戲D野!!) 3. isis鐵沙掌令雞肶枱(我地平時用個D枱!!)爛o左 4.我張15名講成15萬(又係排戲時架笑料^.^") 5.亞琪用紫菜"NEW"牙(當時係冇人有牙籤) 6.sylvia寶貝事件(哈哈!!仲要係廣華添^.^") 7.又再係sylvia佢,佢經常食飯食到成頭都係!! 8.再係我計account計到爆頭,miss話咁考試未爆好多次?_? 9.亞琪writting默書跌貓紙,好險!! 10.我係到寫哩D野時,亞琪問我洗唔洗傳出去^.^"

接住係驚嚇事件:

1. maggie(我地個miss)上堂流M,都真係幾驚訝!! 2. 又再係maggie,上堂電話響,仲大大聲問邊個?? 3.再再再係maggie上上下堂突然爆瘡(哈哈!!maggie佢都幾攪笑,不過佢好好人架!!只不過做野慢o左DD啫!!) 4. B.A. miss上堂大講生仔經~~ 5.亞mo第時生仔要用黎呃禮金,大個D就幫佢扮女仔喎?! 6. 又再係亞mo上堂扮心臟病發嚇親abi(abi佢係混血兒,我都係第一次同max架做同學仔^.^) 7. 亞琪同我係彌敦道事件,咩事唔好講啦,仲知又好笑又驚嚇啦!! 8.甜甜圈(此是化名)彩虹落車事件 9.又再到返我死奶媽,一出門口即見黑箱車,邪呀>_<"

至買o左wink up睇之後,就成日諗起小山佢因成日比人講佢單眼皮(其實係內雙~~)所以成日都好消極!!仲要比人講佢一被人吐糟之後,個樣就好似胃痛咁(不過佢都好串咁回答,佢係每晚都用針拮自己個胃,好攪笑^.^因佢每晚都會反醒佢每日所做過架事)而佢+加藤+內3個係消極派,由其加藤!!但我就係喜歡消極3人組(但都係最like係小山^.^同加藤唔好同我爭,佢同小山熟得有D.....過份喎~.~")同真係好想同小山講如果佢唔係單眼皮架話可能我都唔會鍾意佢^.^"咁先得意架嘛~~

而二宮佢就講到自己好似好慘,因佢講到自己好似冇咩fd>_<"仲要佢好似當o左小栗旬係佢最要好架fd咁....(oh~~都唔知好定唔好?_?小栗旬又唔係差!!)同佢都係仲係咁傻仔,hehe~~超鍾意^.^

>>June 4, 2004 at 2:00:22 PM GMT+8

2004 年 6 月 2 日 星期三 【晴】

今日可以叫做最後一日著校服啦!!因考埋今日試就考晒學校個D試,等考LCCI.......一返到去發現大家都已經坐晒係到等,得我好似好遲咁>m<"同今日個科我都預o左唔合格架啦(就係audio~~)同考完可以睇返上次架WP架分!!好彩....計埋上次speed test冇o左個20分,都可以合格!!希望未完咁多科只有audio唔合格啦~~考完之後我同亞琪係到等亞mo同大家姐時,突然見到主任~~咁就同佢吹o左一震水.....佢好攪笑咁問我有冇睇搵工個D,我就答佢我諗住升!!之後佢就呆o左一呆就同我講加油努力啦(哈哈!!升有咩問題呀?_?)之後我地等齊4個人就係留下大堂到又再等sylvia同亞均,佢地一齊去唱K,一路等我同亞mo就一路講Jr架野,攪到悶親大家姐(因亞琪等等下之後就走o左!!同佢都唔你去唱K~~)等齊人我地就殺去唱K.....

去到K房放抵野之後,我同亞mo就去o左攞湯同沙津返去,誰知我去裝湯時,個個煲蓋同裝湯個隻羹超熱得好燙手>_<"同時亞mo又唔理我自己返o左房!!咁我只好硬著頭皮裝埋去,咁亞mo又唔知咩時候又,走返出黎問我點時,突然有個staff佢同我講話比個大D個盤我(因我當時係有5碗野!!)我好完之後,佢仲同我講"不如我幫你裝,你覺得熱"oh~~當時第一個反應係,太好啦^.^但我答佢架時候係呆o左一呆,因有D唔好意思同有D突然(連亞mo都覺得!!)咁等o左一震個D湯就送黎,咁佢放抵o左一碗湯之後又再度攪笑咁講"唔好意思!!我冇手銬門"(哈哈!!我地幾個笑佢哩句都笑o左一震^.^")因見唔夠匙用咁我就出去攞,

誰知個staff就突然唱我地唱緊個隻歌(oh~~超攪笑!!)繼後又有好多攪笑野如我去廁所時,一開門就見到佢,佢就調頭行!!一連串有攪笑野之後,佢個fd好有善咁同我地say bye,之後見到佢我地都好好...有善同佢say bye,佢都有同我地講!!本來我地都想問個個人攞icq但最後大家都係.....算吧啦,咁就冇啦!!亞mo一路都覺得個個人係對我有野(我只不過覺佢都有風度!!)同亞mo覺得個男仔唔錯(我只覺得個男仔幾矮,之後都有咩特別!!)最....後...靜心一諗人地只不過係服務好啫!!我地幾個傻婆想得太多了!!

唱完仲同sylvia 2個去o左行街,最後自己買o左條幾合心意架牛仔褲^.^同當時大家因唱完K沙聲之關係,大家講野都少晒同又講得勁細聲,再再再加上大家由早上開始一路踏到5點幾,oh~~超累!!

令到我想起,其實我有好多野同好多時候,我都係只差一點點.......但最衰都係自己!!

預告明天會有哩一年內攪笑事,敬請密切留意!!(其實係今日太長留到明天打^.^")

>>June 3, 2004 at 12:24:32 PM GMT+8