2004 年 8 月 30 日 星期一 【晴】

明天就係開學日了!!我想大家都應該準備開學的心情了~~但其實我明天都仲未開學═.═仲要係家到悶多幾日了~~

>>September 1, 2004 at 1:13:29 PM GMT+8

2004 年 8 月 29 日 星期日 【晴】

禽日雅典閉幕,最後係冇睇晒架!!因太太太太太太眼瞓了═.═2008北京奧運見!!

去學日文之前,去o左買日雜!!一買就買o左成百蚊了═.═今次上日文課,亞sir佢幫我地將中文名譯了作日文,最後有D人個名鬧出了好多笑講,有D似粗口^.^好彩我個個冇事!!放o左學同亞孩佢行o左一震信和就回家了!!

>>August 30, 2004 at 1:47:23 PM GMT+8

2004 年 8 月 28 日 星期六 【雨】

我地瞓到成12點又再繼續睇(真佩服年青人═.═)最後睇到3點就終於睇晒了(終於睇完了!!)之後落街食野,我同八婆都有同一個感受就係睇arashi竟然可以睇到可以一段時間唔再睇,但亞mo佢就冇哩個感受,可能佢唔係鍾意arashi佢地啦~~不過大家都覺得arashi哩對野都係一對好真實架藝人!!

返到家之後就再度搵"周公"搵到唔識食夜晚飯!!同又再睇奧運,不過今日奧運閉幕了,4年一次架大事,竟然係短短架幾十日就做完有D唔捨得!!奧運真係可算是運動員架考試,不過佢地架考試真係比我地架考試重要得多了!!因佢地只可以4年一次,同有一D項目架運動員到了一定架年時就要退休,所以奧運對運動員黎講係人生架大事!!同時奧運係好有意義的事,因可以將全球大部份的國家集合在同一個地方,大家又會和平地一起!!下屆2008年,大家就係北京見^.^

>>August 30, 2004 at 8:31:50 AM GMT+8

2004 年 8 月 27 日 星期五 【暴雨】

劉翔好勁呀你!!係110m跨欄賽到勁o左D鬼佬勁多,仲要第一次參加就平o左世界紀錄~~參後講o左一句我超鍾意架係:誰說黃皮膚的人,不能跑在黑皮膚的人前面"嘩....超正*0*~~

瞓o左3個鐘就又要起身返工(因我又係睇奧運!!不過都好抵^.^)亞哥車我返工,所以好早就回到公司!!放o左工就諗住去沙田搵亞哥食飯,但由我公司行去火車站又好遠,搭MTR轉又好煩!!所以搵o左搭巴士,一上到車問司機點樣去時,司機就好好人咁教我轉車去(原來尖沙咀係冇車去沙田架,點解兩個咁旺架地方,但就係冇車去到?_?)誰知司機最後好人到,揸快D同早D比我落車,等我可以趕得上轉個架車(但最後都係趕不上了═.═)等車時,有D大陸人問我路,突然又想返起,我好似成日都係比D大陸人問路多(都唔知係我似大陸人定點═.═)等o左好耐先再有車,所以攪到我用o左成個鐘先去到沙田(嘩....好鬼慢!!)同時又因為咁樣令到今日架arashi放影會要壓遲了(arashi放影會=我+八婆+亞mo係我家到睇D之嵐^.^)

回到家收拾一下之後,大家都到齊係我家了!!D之嵐放影會正式開始~~本來都真係由頭開始睇,但因真係太多了,所以我地係揀o左D好睇架黎睇(都唔知自己個時點樣睇到架>_<")我地睇到咁上下就轉睇奧運了(哈哈!!我地睇得arashi黎都不忘睇4年一次架奧運^.^)之後我地又繼續睇返arashi,大家都係支持到6點就瞓o左了,瞓之前大家都不禁講:個天都光了"(我地已經揀D好睇架黎睇了,同係由晏晝4點開始睇═.═)

>>August 30, 2004 at 8:24:58 AM GMT+8

2004 年 8 月 26 日 星期四 【暴雨】

2點去o左ymca到會亞mo一齊去睇戲,都唔知係咪我地八字唔夾,我地2人一齊出街架話就會落雨>m<"今次我地去睇架係"花與愛麗絲",點知我地一買完飛,就有人同我地做問卷,咁就幫下人做啦!!一做完,就送每人一張換飛卷(嘩...好正!!可以免費睇戲!!仲要而家睇個套都係$40咋~~)我地由2:25睇到成5:00(套戲都好長!!咁又底睇了~~)睇完戲開始我地架買野準備開學了(雖然都係9號先開!!)

我地先去買書,嘩...一睇到今年要讀個D書就驚了>_<"因本本都好似好厚,同好多字,好似專業咁!!之後我地去o左買校服了(本來唔係架,但因怕佢早收工~~)再之後我地殺入花園街,買o左對我讀咁耐書第一次買咁平架返學鞋,因只不過係$50咋,超平*0*大家忍住又重又攰咁去旺中到買書包(我係冇買到架!!)去交日文學費,最後忍埋去信和,誰知arashi又出o左好多野,多到我真係想去罵一罵佢地(佢地想我破產═.═)我地終於去o左M記到食飯,一坐抵就攰到咩都唔想食!!誰知亞mo突然想起係信和到仲有野未攞,所以我地又再折返去,仲攪到我地2個都再度買野破產>m<"

回到家,仲未可以休息,因今日全家都冇人係到!!所以我仲要做埋家務先可以正式休息一下~~但其實仲要忙自己野,如打日記啦═.═

亞mo:哈哈~~唔囉唔囉!!同我地都好似真係有心靈感受咁囉,呀唔係,係我地同時都係雨女囉,一出街就落雨!!

>>August 27, 2004 at 2:46:57 PM GMT+8

2004 年 8 月 25 日 星期三 【暴雨】

日文終於到o左初下了!!返學前,去搵o左悠佢攞NewS的碟(太好人了,借了佢架寶貝碟比我^.^)返到去時,經過J-Friends時,撞到亞孩佢係到睇arashi con,所以最後我地遲o左成15分鐘先回去上堂,回到去,發現多o左好多新同學仔(即上次有D同學仔冇讀落去!!)同派返上次架考試有93分哦(但都唔可以當真,因有得傾計架!!)同麥條佢仲得到獎學金(係全班最高分~~)

mo:你又知我去了百佳^.^我地真係精明價了(唔係,係師奶價!!)

>>August 26, 2004 at 3:32:02 PM GMT+8

2004 年 8 月 24 日 星期二 【酷熱】

近哩幾日架奧運都冇咩好睇了~~所以好早就瞓了!!

原來而家興唔係星期五買特價貨,以係星期三有特價貨之餘仲有九折添,仲要唔至係得超級市場有,係好多地方都係咁了!!所以今日同o左靚媽去o左掃貨!!

>>August 25, 2004 at 11:37:59 AM GMT+8

2004 年 8 月 23 日 星期一 【晴】

禽日同八婆又係到一路傾電話一路睇奧運,又係睇到成5點到了!!今次中國隊係體操的成績係一金二銅,真的可算是好差架成績!!不過係體操隊中,我最睇好的係藤海濱,唔係佢幫中國攞o左金牌架好,而係佢係男子體操咁多人中,最好樣架一個(不過八婆佢唔覺得係═.═)08年都要睇藤海濱^.^

今日係家中到發呆......呆足成日係到等睇奧運!!

>>August 24, 2004 at 12:18:25 PM GMT+8

2004 年 8 月 22 日 星期日 【晴】

禽日同亞mo傾msn傾到成4點幾先瞓,同佢都係頭一次係咁夜^.^

日文要考試了,不過都唔可以講係真正考試,因係可以細細聲傾架~~學完日文,就去o左嫲嫲家到食飯,食完就回家了~~

>>August 23, 2004 at 6:26:00 PM GMT+8

2004 年 8 月 21 日 星期六 【暴雨】

晏晝時都係同o左亞哥去o左食飯,就回家了!!誰知要再出門口時,發現本來家中淨下架2條魚架其中一條唔見了~~最後發現佢跳水,跳到係櫃頂了(真死的唔抵.....)

夜晚同聰聰+QQ+好耐冇見架秀怡,我地去o左彩虹牛池灣文娛中心到見話劇,去到我地先去食野,之後去o左等一震就入場,入到場竟然比上次同manman佢睇場還要細,細到得4行,觀眾都唔知有冇80人!!整場劇有2個故事~~但覺得唔夠我同manman見個個好睇!!睇完之後,我地都一齊回家了~~

>>August 22, 2004 at 4:37:38 PM GMT+8