2004 年 9 月 29 日 星期三 【晴】

今日都唔知做咩要返學,因明天又放假了,無聊!!不過今日都真係好無聊了,我地一回到學校就上月會了(即其他學校的週會了,不過我地一個月先次!!)小息後又打打字咁就lunch,食完飯,我地又好熱衷咁不停打字(仲打到停唔到手了═.═)之後好快又上多2堂就放學了~~放學同亞mo殺o左落太子買日雜(都唔知點解而家D日雜貴o左架,成日都唔跌價>m<")係油麻地MTR接亞孩時,見到有個男人佢按了$$,但又唔記得攞,之後有2個好心人同佢講,佢先攞回(嘩....仲要係$500了*0*~~同我都係第一次見了!!)

上日文堂時,我地不再係好嘈了!!只不過係我地係到開零食大會^.^因我返日文前買的$10五盒的百力滋,都好快咁大家一齊食晒了~~放o左學,我+亞孩同sonia佢3人先去信和行一圈(又係例行動作!!)但行到一震就好多賣佬翻的人一大群咁關鋪,亞孩同sonia佢地都呆了,而我係冇咩野的感覺,因我都唔知係我黑定咩,我好多時去親個D時,都係好多個D人係晒街或佢地關晒鋪咁,所以都見慣了═.═之後一齊去了食飯,仲行了一震街先回家~~回到家都成11點幾了!!


人人都常說我係冷血,但我唔係我只不過對人類比較冷血了!!但我對動物就好熱血了~~我常常都覺得如果一個人以為動物可以為佢解悶的話,我就一定叫哩個人最好都不要自養了!!因大家想想,如果這個人有一日佢厭了佢所自養的動物時,佢就會放棄佢,最後那隻動物就會被遺棄了!!如果一隻被遺棄的動物,在哩個大都會中係唔可能繼續生存下去了~~因佢地唔似人咁可以賺$$去為持生計,同佢地可以有好多辦法去有$$有飯食,但用心想一想,如果一隻動物比人遺棄了係街上佢地最後架結果係如何......最好的結果係比人收養了!!但世事係咪想想如此,佢地多數最終的結果係死了,不論佢地係去了愛護動物協會也好,最後佢地冇人收養都係會死了!!所以養動物真的要想清楚先好養了,因佢地架一生就係係你手上了!!我對人有D冷血就係咁解了~~因人佢地可以用佢地架智慧或勞力去繼續生存,但動物係比人笨了!!

>>October 2, 2004 at 11:32:26 AM GMT+8

2004 年 9 月 28 日 星期二 【晴】

一起身就要去嫲嫲家到做節了(我起身時都成11點幾了!!)一去到就見到嬸嬸的肚大了好多了(oh~~我的堂細佬or堂細妹)我想下年1-2月到就會出世了!!好在都不用到我20歲先出世^.^

食完飯我地全家總動員,一齊去了威爾斯到幫亞哥搬宿舍!!呀....我去到真的是去了做搬運工人了═.═咩野都要搬!!搬到咁上下,亞哥的同學同問亞哥我係咪佢家姐(我心想,下唔係呀嘛>m<")因佢見亞哥唔幫我一齊搬,所以問我係未佢家姐!!搬完亞哥個到,我仲要幫亞哥的X朋友搬,足足幫了我成3個鐘了,超攰═.═今日見到好多醫科生佢地個格比我個感覺係....呆呆的同不懂轉彎的人═.═

搬完野之後,除了亞哥外,我地一家了百佳入貨,我地由泊車開始計,我地以40分鐘,買了$469野,一見到的反應係....嘩...好像顛o左咁係到買,因我地覺得有車好方便了═.═(我想哩個係咁多買野第2多$$的紀錄了!!)

>>October 2, 2004 at 11:31:15 AM GMT+8

2004 年 9 月 27 日 星期一 【晴】

今日中秋節了~~lunch我地四個(我+亞mo+均均+大家姐)一齊做節,食月餅係"hello咪咪"迷你月餅了!!哈哈~~我地仲要係食完飯再食了!!所以大家都食到好"溜"上堂時,大家都攪到好眼瞓了~~月餅的威力!!

一回到家就即刻瞓覺,嘩....好耐冇試過瞓晏覺了!!因平時又要返日文~~晚上,我地一家人一齊做節,不過我地冇出去賞月了!!

近日覺得我地個group的人,個個都好努力咁去做功課,但好似常常都未達不到亞sir miss佢地的標準了!!我不想這樣了,唔想我地用了心去做的東西,但冇人buy了~~我地都係欠唔夠長時間去做了同未用盡全力了!!

>>October 2, 2004 at 11:30:32 AM GMT+8

2004 年 9 月 26 日 星期日 【微冷】

近期都開始感受到秋天漸漸來了~~今日我地班房掛上了燈籠來應一應節了^.^而ace一入來便說了我地一早預o左佢一定會說的東西了^.^

返日文堂時,我地班又好嘈咁上堂了,不過係正面的嘈了^.^而比上我ymca堂時好玩好多了,可能係有男仔的關係了!!放學時,我拉著亞孩佢飛快地回家,因我趕著要去張我儲了2年的牙石,來一個大清洗了(我係個D令願係一年洗一次牙,都唔會去早晚刷牙了!!)我想好多人都會說我苦來辛了,因洗牙可能對好多人來說係一件好可怕的事了,但我就覺得唔係了.....最可怕的係捐血(大家都會說怕你又去捐?_?我就個D如果對身體好的,怕都會去做了~~)

入去洗牙時,個牙醫同我講:你有好多牙石了!!哈哈....(苦笑)如果唔係都唔洗來一個大清洗了>_<"之後個牙醫佢仲比我D大粒牙石比我睇了(嘩...真的好大粒了!!如指甲般大.....可怕~~)洗之後,D牙好酸弱同好腥═ .═我仲問牙醫佢:我生歪了的智慧齒會唔會有咩影響?_?佢就好老實地答:如果佢令到你唔痛,就冇咩問題了,不用拔了(哦....好老實,不騙$$了^.^)今次洗牙都係ok平$200就可以了~~

均均:我返星期一、四了.....仲咩唔係學校到問我呀?_?我都係坐係你的隔離了═.═

>>September 27, 2004 at 1:52:14 PM GMT+8

2004 年 9 月 25 日 星期六 【晴】

今日11點幾就起o左身....本來想落街剪髮,但剪開個個又未得閒,所以就又回了家整今晚的餸(我想至上次"鳳尾蝦"之後,逢星期日的晚餐都係我煮了!!)今晚的餸有"東波肉"、"炒飯雞瓖翼"、"tiramisu".......

一開始先整了雞翼,嘩....要張D雞翼先去骨,去骨都去到手弱(記住,我唔係一個成日入廚的人═.═)本來想整tiramisu,但想整時,就發現冇咖啡~.~"(想整時,就想起上星期,我同亞均+亞mo佢地講:不如我整tiramisu回學時,佢地個反應係叫了出來了,大家唔洗咁大反應了═.═我又唔係大酒店水準了!!)

最後轉頭改整東波肉!!之後落o左街食飯同睇有冇得剪髮(因我覺得到了唔剪唔得架地步了同靚媽佢都同我一齊去^.^)到了差唔多剪完時,亞爸都黎剪(哈哈~~上欠亞哥未到,如果唔係成家都去剪了^.^)剪完又回家整我架餸,亞哥問靚媽係未全部都係我整了(唔好懷疑我架實力好唔好?_?)到整頭先整到一半架"東波肉"時,發現冇紹興酒,要落街買(哎呀....好似好劇情化咁喎>m<")今餐餸整到成6點半....真長時間!!

大家開始食時都說好食了,唔....我都覺好食^.^亞哥同亞爸都說:食完今餐就肥了!!我都覺得,因見到佢地食了好多飯了^.^而靚媽佢就笑我煮野個姿勢了,因我經上次比油彈傷了的經驗,就怕了(到今個傷都仲係到了>_<")今日都可算做了一日"天才小廚師"了^.^

王貝貝:我學日文個到約一千蚊到啦(我說初上,因越讀得高班,就越貴了!!)如果你係想去學都好呀^.^不過最好就唔好怕,又返學又返日文,因我而家覺得都幾忙了!!又要做學校的功課,又要做日文的~~

>>September 26, 2004 at 11:46:44 AM GMT+8

2004 年 9 月 24 日 星期五 【晴】

放工時,行了一會街再回家!!之後就係家到瞓......就是這樣過了今日了!!

今日打比日文同學仔chirs時,一聽到佢打聽都知佢係瞓覺中,所以我說遲D再打,誰知佢同我講知我係誰,就繼續講下去之後(我心想都古怪了!!)但講講下之後,佢好攪笑咁認錯我係第2個,咁我同佢講我係phenix時,佢個反應係:下....好大了吧(我都說不同佢講架啦~~仲笑足我全日了^.^)之後我打比mary時,傾傾下佢說叫埋chris一齊傾,但我同佢說佢唔係瞓緊覺嗎?_?但mary佢答:唔係....佢食緊飯!!下...好似同佢收線都不夠半小時了,竟可以係食緊飯?_?神奇了!!

>>September 25, 2004 at 3:59:48 PM GMT+8

2004 年 9 月 23 日 星期四 【晴】

禽日又同了日文的同學仔玩msn,一玩又玩到成12點幾了!!最後攪攪下都成點先瞓了~~

一早買早餐返學校,誰知食到一半就要上堂了(哎呀....我由禽晚食o左1/4個月餅之外就咩都冇食了═.═)之後未到小息,我就好似生蟲咁又餓起來......好在lock架到仲有零食食!!今日terry堂時,唔知係未佢睇o左我地比佢架意見啦,有改善,因上佢堂時,個感覺都舒服起來(希望之後佢個D堂都係咁上啦~~)

lunch我就同o左亞mo佢去o左信和到行,一行就行o左一個lunch了~~等到放學,我地(即我同亞mo)去o左吉野家到食下午茶(哈哈...平D嘛^.^")同我地又要等到5點幾先去睇戲~~咁等時間的同時我行o左去戲院鄰近架一間書店,係入面行o左一震,突然比我發現D日本電影雜誌,嘩...入面有講arashi架戲,入面仲要影得佢地好靚(oh~~我同arashi佢地好有緣哦^.^)而我同亞mo佢就一齊坐o左係個到睇o左好耐,先去入場睇戲!!

今次我地睇"聖、教、慾"又係BL戲了,仲要係著住校服去3級個隻添.....(唉...我又寵壞亞mo佢了,又同佢一齊睇D BL戲!!)入場時,要check身分證,誰知企我地前面的一群女仔,竟有人係借身分證去睇了(因佢比D工作人員問ID No.時,佢答唔出了!!真笨~~)大家都係未想知套戲好唔好睇呢(因3級的嘛~~)係....唔好睇的了!!同係有D悶到想瞓架感覺>m<"

>>September 26, 2004 at 11:42:05 AM GMT+8

2004 年 9 月 22 日 星期三 【晴】

做了班代表,還不夠今日仲比我班主任叫我做埋我地班會架康樂,最後係我+亞均+aster一齊做^.^今日上電腦堂時,ada佢拉個keybroad出黎時,誰知整個keybroad跌o左落黎(oh~~禽日大家上倉頡堂時都係咁,攪到我鬼死咁驚>_<"點解間學校好似好爛咁架?_?)

我想我真係係班中係好嘈的一個了(其實係我地班係全女,個個都唔係好講野,攪到我好似好嘈咁了!!)而亞mo說了一句:如果有一日你唔返架話都唔知會變成點?_?哈哈~~我想我真的係一名活寶貝了(可能有人唔認同的了^.^")

上日文學時,唔知係未我地班大家都開始熟絡了,大家上堂時都嘈吵,嘈到係聽唔到亞sir佢講咩了!!不過都係一件好事~~因上得都好開心了^.^

今日食了今年的第一個月餅了^.^

>>September 23, 2004 at 2:01:32 PM GMT+8

2004 年 9 月 21 日 星期二 【晴】

今日又有得上terry堂,佢一入到黎就同我地講,叫我地寫我地對佢個教學方法如何?_?哈哈(苦笑)我+亞均同亞mo一至係......(大家都知唔係好野啦═.═)不過佢教學方法真係有D抽象,令到我有D唔係好明佢最終想我地做D咩?_?

lunch今日我又開始帶飯返學了(不過而家都唔係日日有得帶了,因有時靚媽佢又唔煮,同星期一同四又要上日文攪到又唔想帶!!)食完我地4個去o左惠康行,唉..一入到去行o左一震,我同亞均佢都比人誤會我地係做惠康(唔係呀嘛.....我地似咩?!如果係百佳仲似啦═.═)

晚上睇arashi newsgroup時,嘩....傳佢地11月會黎香港!!呀.....我同八婆都已經控制唔到了,如中o左六合彩架感覺,因都傳o左咁多次了,希望係真架啦,不過失望都唔緊要,因都鍾意o左二宮都成3-4年了,再等下吧!!

>>September 22, 2004 at 12:14:47 PM GMT+8

2004 年 9 月 20 日 星期一 【晴】

禽日同日文D同學仔玩msn,玩到成點鐘....本來高峰期6個人一齊玩,但最後得返3個,因大家都要返學所以就1點就唔玩了,我想係放假的話就一定會玩到好夜了^.^

今日joecy佢真係冇讀了,佢轉o左讀我地學校架夜校~~但上到lunch之前個2堂時,突然我地班主任出o左去,佢一入黎就同我地班講"你地有個新同學仔"真係好突然了,剛剛joecy先走o左,就又有個新同學仔?!新同學仔佢叫"芷薇"最後我地班都係19個人一班了(因有joecy走o左就有芷薇加入!!)

新同學芷薇點醒o左我地D野,就係我地班雖然係一堆堆咁一齊坐,但我地分開得黎都會有溝通,所以都係好熱鬧架一班(哈哈~~有我同亞均就足足嘈吵了^.^")

>>September 21, 2004 at 11:35:12 AM GMT+8