| 日記 | 日記主簡介 |
||||||||
2008 年 12 月 24 日 星期三 【晴】 祝各位聖誕節快樂 !
>>December 23, 2008 at 6:31:46 PM GMT+8 2008 年 12 月 23 日 星期二 【晴】 尋晚一直輾轉反側訓唔到，原因係今朝 9 am 會係網上公佈成績。一早就開定電腦等睇個分，終於都出左啦 ! 5 科都全部 A 或者 A+，仲囉左個 president's honour list。我估大概係因為我全部科都囉到 A 或以上呱 ? 但係我第一個 Sem 都係 straight A，但唔知點解無 honour ‥‥‥
打電話番 HK 同 dad 報喜，佢有讚我話「幾叻啵」之後就 move on 去問我揀大學既野‥‥‥唉！我知道佢好關心我揀大學的事，但係可唔可以唔好每個電話都係講呢樣野 ? 媽咪都有讚我，跟住第 2 句都係話「哦 ~ 咁對你搵大學咪好有幫助 !」 個個都關心我讀唔讀到大學，但無關心過我到底開唔開心。 babe 都有讚我，之後個話題就變左講佢聽日有 2 個 pary，同埋佢會著咩野衫去果 d parties‥‥‥ __________________________________________________________________________________________________________ 
>>December 23, 2008 at 6:24:54 PM GMT+8 2008 年 12 月 17 日 星期三 【晴】
壽星仔
______________________________________________________________________________________________________________
Eyeliner + Mascara only
近期喜歡這種色調的眼妝 
>>December 18, 2008 at 6:27:39 AM GMT+8 2008 年 12 月 13 日 星期六 【晴】 張柏芝 星語心願其實我知道我應該剪短 D 指甲先彈琴，不過我又唔捨得，所以‥‥‥唉 ~ 尤佢啦 ! 我又唔係 professional ~ 彈琴都係志在玩下姐 ^^ 練左一陣就錄左佢，中間有 d 錯處，請大家見諒 =^.^= >>December 14, 2008 at 2:15:39 AM GMT+8 2008 年 12 月 10 日 星期三 【晴】 28 Months Anniversary 今朝 9 點 20 分番去補習，出乎意料之外，勁多學生。而且仲有一個 walk-in 的學生，指名道姓話要搵我補。原來因為對上果次我幫佢補，令到佢 mid-term 囉到 70分 ( 對佢黎講已經係好大進步 ) 所以佢今次都想搵我補。其實聽到有學生喜歡我的教學 style，覺得學到野~ 我都好開心 ^^ 同 Kenn 講左陣電話，大家都無 mention 到今日係我地的 28 個月紀念日。也許，大家都已經半放棄狀態‥‥‥who fuc*ing cares about the anniversary.... 夜晚去左 Chako 果度食 Korean BBQ。我地一行人8 個人 ( 7 個 tutor + 1 個 supervisor)，2 個爐。我坐果邊的 3 個 tutor，個個都好「刷」得 ! 變相我好似食好少野咁 ~ 其實我已經食左好多嫁啦‥‥‥
大合照
我左手邊果 4 個人，佢地個爐長期都無乜野食既。而且有菜有肉有魚，好平衡。 我所屬的 group，就勁擺肉 ! 除左肉之外，都係肉 !
圖中果舊魚係我放ge ><" 我想放 veggie 俾人小‥‥‥話我阻住地球轉。哈哈 ! 我估我都係適合去左手邊果 group 多 d ! 食完飯番屋企，超飽，飽到頂住心口，心口痛 ! >>December 13, 2008 at 6:21:10 PM GMT+8 2008 年 12 月 9 日 星期二 【晴】 2008 年 12 月 8 日 星期一 【晴】 尋晚飲到超醉，今朝 8 點起身的時候，仍然係成身酒氣，而且不停作嘔又肚痛。所以今日我無渣車 ~ 好辛苦咁 9 點 20 分番到學校，個人死下死下咁。躲埋係 tutor 的休息房果度小睡 ~ 10 點有學生 walk in，教到 1 點鐘。 Tutor 中途的時候，突然之間反胃的感覺愈來愈強烈。。‧‧最後忍唔住，同個學生講叫佢等我一陣，之後衝左去 toliet 嘔 ! 一路跑的時候已經想嘔，死忍忍到去 toliet 門口，求其打開一隔，門都未閂就嘔左 >.<" 一點半就去左幫一班學生做翻譯。第一次做翻譯，但都唔算太緊張。 4 點幾就走人，番屋企第一件事就係小睡。訓到 7 點起身打邊爐 ~
Color cons 真係可以令對眼有神好多。近睇可能好惡，但係遠睇的效果就好好 ! 試左咁多隻色，始終都係喜歡 Hazel color ~
之前一直都集中練習點樣化眼妝，發覺自己忽略了胭脂的重要性。打得好的胭脂，真係可以改變個臉型好多 ! 下面果幅相好明顯化得好差，我當係 practise，下次繼續試，繼續努力 ! 
>>December 9, 2008 at 4:49:55 AM GMT+8 2008 年 12 月 2 日 星期二 【晴】 2008 年 11 月 28 日 星期五 【晴】
呢件事係今個星期，25 號發生的。 話說一個多月前，我收到一封 email，內容係話佢係網頁果度見到我 post 左 d 資料話想做 model，佢係果度搵到我 d info，叫我 send d 相俾佢。 之後我地back and forth email 左幾次，佢叫我俾個人資料佢，身高體重三圍，電話住址等等。 我亦都有問佢個工作性質係點樣，可唔可以搵人陪影相，payment 之類既野。 佢答完我，我又 send 左相之後，就無回音啦。我以為落選啦 ~ 點知近日收到一封 UPS urgent 的郵件，同時亦都收到果個人的 email。佢話佢撞左車入左醫院，所以成個月都無搵我 ( well‥‥又會咁巧合‥‥‥勁似電視劇情 ) 開左個信封之後，嘩 ! 嚇左一跳 ! 入面有寫住我個名的支票 -- 大拿拿 $ 4860 加幣 ! 我開心左兩秒，之後已經覺得唔對路。我咩野 contract 都無簽過，咩野都無做過，點可能佢會無啦啦俾錢我 ? 我 email 問佢到底係咩野一回事，係呢個時候佢開始露出狐狸尾巴了‥‥‥ 佢叫我入左張 cheque，自己 keep $500 ( 之前傾好的，佢話每個被選中的 model 都有 $500 先，類似 downpayment 咁 ) 然後將其餘的錢囉去 Western union 果度，匯去美國一個戶口，話係 payment to make up and hair artist team。我睇到呢度更加覺得奇怪‥‥‥寄支票俾我果間公司 claims 佢係美國 based，咁點解佢地唔自己俾錢俾 d makeup & hair artist ? 諗左兩諗，我就知道係咩野一回事了。支票係假的，我相信各位都估到嫁啦‥‥‥咁當我入左張 cheque，唔會即時彈票。如果我蠢到以為真係 $ 500 袋袋平安的時候，再將其餘的錢 ($4860 - $ 500 = $4360 ) 匯俾果個人，實際上就等如我自己掏荷包，將果 $4360 cash 現兜兜咁雙手奉獻俾人 ! 到幾日之後，我就應該會收到 bank 的通知，notify 我張 cheque bounc back。 好彩我無上當姐 ~ 之後我係 email 果度，同佢講話 " 咦，我今日入 cheque 的時候佢話彈票 wor " ( 其實呃佢既，應該唔會一入就即刻彈，不過我嚇下佢 )，佢勁快覆我 email，佢話咩野有另一間 sponsor 會俾錢俾我。哈哈 ! 之後我 reply 番佢，叫佢唔使啦，我話我唔會 deal w/ 一間連合約都唔使簽就會俾錢我的公司。 佢知道我已經拆穿左佢之後，就無再 reply 我 email ~ 希望各位遇到類似的事情都唔好上當啊 !
p.s. how i wish this was true........ >>November 29, 2008 at 3:11:17 AM GMT+8 2008 年 11 月 21 日 星期五 【晴】
入面有 LCBO 俾人試完酒之後買自己喜歡的酒 ^^
$ 1 一張 coupon
買左一碟 12 朵 cheese 花花 ! d cheese 味好濃 ~ 濃到有 d 接近 blue cheese 的味道 !
手工好靚 ^^
仲有 d 蠔 ~ 唔腥，不過超細隻 ><" 試左好多種唔同的酒 ~ Rose 香檳都試左，麻麻地姐，我都係鐘意普通香檳多 d。 >>November 23, 2008 at 6:23:53 PM GMT+8
|
|
哨牙大粒墨癦袁佩婷人氣: 421348
Design & Scripting by ShowHappy.Net