2004 年 6 月 2 日 星期三 【酷熱】

尋晚老早就訓左，皆因尋日６點幾起左身，超眼訓呀，訓之前又要煩聽日聽謝師宴囉！真係可以話俾人玩死囉！突然兩個又話唔去，而家又唔夠＄，超煩呀，尋晚計到憫呀！又喊囉＞＜．．勁樣衰呀！之後雪兒拎左ｄ旗仔入黎叫我買囉，幼稚園就要賣旗？！佢入到黎係咁話：家姐～家姐～買旗丫，＄１一個ｊａ。果時又計緊數，我就敷衍話：　得ｌａ得ｌａ，拎果度ｄ＄啦。佢就拎左個＄１０走。今日１０點幾起左身帶細佬去補習，熱死呀～而家既人，唔止做人老豆或者阿媽難，而家做家姐都好難，熱死呀今日，之後去左元朗廣場行左陣，買埋ｍ記過去俾佢食，帶埋佢番學就走ｌａ。行到我死呀！又傷風ｗｏ，而家個頭仲勁痛添呀～又要打俾佢地通知佢地時間！麻鬼煩啦！有ｄ又唔聽電話，個個都飛哂留言！！好眼訓呀～唔講～～

>>June 3, 2004 at 7:31:55 AM GMT+8

2004 年 6 月 1 日 星期二 【晴】

尋晚２點到就訓左ｌｕ，驚今日起唔到身番學校綵排ｙａ，到今朝６點幾起左身就訓唔番ｌａ，起左身睇左陣＜狂愛龍捲風＞就好頭痛，仲嘔添，咁就訓番ｌａ，訓到１１點起身換３，好耐冇著校服咁既感覺，洗完面，諗住戴ｃｏｎ啦，但一隻就得番中間果忽，到另一隻就得番一半，以為唔知自己做錯ｄ咩搞到咁啦，就用”事啤”果對啦，有一隻又係咁樣得番少少，就勁麻煩啦，等ｍａｍｉ番黎車我同細佬出去拎ｐａｓｓｐｏｒｔ啦，阿媽白痴囉，唔記得帶出世紙，阿妹又唔記得拎身分證，下次又要再拎過呀，我就帶細佬去食ｍ記，麻鬼煩啦，自己又唔想食，坐向度睇佢食，之後同阿妹去左元朗廣場食拉麵啦，睇唔到野咁，好麻煩，食完野佢就番學，我就去左配ｃｏｎ，我問佢做咩對ｃｏｎ會無啦啦咁啦…
我：點解對ｃｏｎ會無啦啦咁既？
佢：真係唔知，會爛到咁樣，擺明人為架ｗｏ，係咪俾你ｄ朋友整蠱呀！？
我：冇可能ｗｏ，我擺向屋企架ｗｏ，屋企人都唔會搞架ｗｏ。
佢：但會爛到咁，真係冇可能架，你係咪住得好僻呀？！
佢好似嚇緊我咁囉，但樣仲要好認真，拿拿聲配埋就番學ｌａ，本來叫ｓｕｋｉ載我，但ｐｉｎｋｙ冇單車，佢要載ｐｉｎｋｙ，遲哂到囉，之後行去禮堂果陣，見到娜姐，我一話娜姐呀！我地３個超快咁縮埋一邊囉，好合拍呀，我話唔緊要啦，反正佢都上禮堂架啦，之後講完淨係得我行囉＝．＝””佢地２隻野仲企向度，娜姐見到我居然微笑？！超驚ｗｏ，入到去…
娜姐：你個頭點呀？！你知唔知你著緊校服呀？
我：我今朝遲起身呀～
（我都未講完，佢就話…）
佢：你遲起身關個頭咩事呀？！
我：我遲起身噴唔切黑個頭呀～
佢：你應該係染番黑去架ｗｏ。
我：我唔會架ｗｏ
佢：到正式果日你唔整番好～你唔好入禮堂呀下。
其實都唔知番黎做咩，通告又寫話如果唔番綵排就冇得拎成績表住，但佢都冇點名，咩都冇，淨係ｍａｒｋ低邊個校服不整，全程同ｓｕｋｉ傾計同玩狗仔，都冇野做，ｐｉｎｋｙ考第２，超開心呀佢，ｐｉｎｋｙ走左，得番我同ｓｕｋｉ傾計，３點幾先至放，番黎真係唔知做咩架ｗｏ，之後等埋ｐｉｎｋｙ派ｄ邀請卡就出左元朗ｌｕ，出左去還書，仲去左印班刊，搞掂我就去左搵阿媽，去左光華度等肥叔睇完ｅ生過黎就番左ｈｏｍｅ　ｌａ，超眼訓呀＞＜．．

>>June 2, 2004 at 11:57:31 AM GMT+8

2004 年 5 月 31 日 星期一 【晴】

ｗｏｗ～～尋晚終於睇哂＜海豚灣戀人＞，好慘呀個結局，同埋天邊開ｃｏｎｃｅｒｔ果陣真係超正，睇到今朝５點到，但仲未眼訓，淨係諗住想食雪菜肉絲米，唔知點解呀，咁就睇番＜紅豆女之戀＞啦又，睇到６點到，就去左ｐｉｎｋｙ度俾班刊ｄ野佢，再去左中心買早餐，買埋俾阿妹食，晨運咁？！我呢個家姐超好ｙａ～～買埋野俾佢食～番到屋企同阿媽嘈左一陣囉，之後就訓覺ｌａ，訓到４點幾起身，又冇野做ｌａ，超悶呀真係～

>>June 2, 2004 at 11:19:42 AM GMT+8

2004 年 5 月 31 日 星期一 【晴】

尋晚臨訓之前突然諗起謝師宴既野．．超擔心，好驚搞唔好，已經唔記得有呢樣野咁濟，之前考ｃｅ果陣ｄ人問我幾點果ｄ，都講等我考埋先問，但而家，唔理唔得啦，但班刊都未搞掂，諗起之後幾日都冇得睇番＜紅豆女之戀＞住，但覺得好煩，尋晚睇海豚灣睇到今朝５點幾先訓，訓到４點到起身，個頭超痛，起左身上下網，睇左兩集，先記得仲未搞班刊ｄ野，痴相呀要，開頭都有ｄ心機剪下，之後就就咁亂貼落去囉，貼左４張紙都仲有好多淨，仲要繼續貼，諗起就煩，貼左陣都冇貼ｌａ，之後訓左陣，起身食埋飯，睇電視同睇漫畫ｙａ，之後又繼續睇海豚灣呀，仲有３集就睇完ｌａ。

>>May 31, 2004 at 5:47:28 PM GMT+8

2004 年 5 月 29 日 星期六 【晴】

冇寫幾日ｗｏ～因為都冇咩做呀～都係周圍行下咁啦～同埋而家睇緊新劇～＜海豚灣戀人＞呀～好憫呀睇到～都係＜紅豆女＞好睇ｄ呀～尋日３點幾起左身～買野俾ｔａｉ食啦又～變左阿４囉～之後同佢去左剪髮～剪埋髮還埋碟就去左蝴蝶灣ｂｂｑ啦～都冇咩點啦～向輕鐵度同ｔａｉ玩啦，搞笑啦，發生左ｄ魚野，同佢打交咁啦，之後睇兩個ｍｋ人，向度望實佢地，好心佢地啦，超樣呀佢地，入去之前，ｔａｉ話要買定野飲入去，話佢地淨係會買酒，醒ｗｏ果然，佢地淨係買左酒，不過都有２罐ｊｅｌｌｙ　ｓａｎｄｙ同一枝大水，都算係有ｄ人性架ｌａ，去到俾６弟寸呀＝．＝”，超賤囉班友仔，向度寸哂咀囉，睇佢地玩大話骰，超搞笑呀佢地，原來６弟咁搞笑架ｗｏ，成晚都冇點ｂｂｑ，淨係隊酒咁濟，之後燒到無無地聊，同狗仔互寸呀，之後同佢單挑抽大細，輸左就乾哂成罐，頂丫．．．都唔知狗仔係咪玩野，玩野囉，兆’ｒ同ｔａｉ勁話幫我頂，勁話我係女仔，隊半罐算，死狗仔話：我除來冇當佢係女仔。食屎架，隊左幾罐啦，就勁ｗｉｎｇ呀，早知之前唔飲啦，嘔完又冇野啦，佢地話買酒，都好ｗｉｎｇ呀行出去果陣，癲架，狗仔同六弟坐向ＯＫ門口，狗仔出黎都冇野，無啦啦越行越嘔ｗｏ，訓左向ＯＫ門口仲嘔添，又坐ｗｏ佢，兆’ｒ同ｔａｉ輪住咩住佢，行行下狗仔又無啦啦訓低，幾經辛苦先拎到佢番去，番到去坐左陣就落左沙灘坐，之後有ｄ勁魚既野囉，連６弟條女都話坐埋一邊，３條女坐埋一邊話唔識佢地啦，佢地３個行過黎我地就轉抬啦，之後ｄ龜黎到，科斗同死肥仔向度嘈，ｄ龜過黎查身分證囉，勁魚爆呀，我地坐埋一邊就係避免呢ｄ野，傻架真係，之後勁樣衰咁走，打的走果陣ｄ龜好搞笑ｗｏ，佢話：唔好講價呀，害撚死ｄ司機叔叔呀。搞笑ｗｏ，爆粗先覺得搞笑，仲講緊點解佢地咁快，佢地都唔知ｔａｉ屋企向邊，跟住佢地果架ｔａｘｉ就停左，狗仔落左車嘔完訓左向度，勁辛苦囉佢地又抬番佢，去到ｔａｉ度搵唔到牌打，勁悶呀，睇佢地玩，六弟輸哂，ｔａｉ一家贏３家，６點狗仔先醒，之後去左打機啦又，番到黎ｂｂｑ，今晚繼續睇呀，仲有呀，好開心呀我，做左版主呀～～

>>May 30, 2004 at 5:54:20 PM GMT+8

2004 年 5 月 25 日 星期二 【炎熱】

尋晚睇埋＜男上女下＞同埋漫畫先訓呀，即今朝既６點到先訓呀，又係有幾個打電話黎啦，驚ｔａｉ搵我唔到，今晚就可以熄電話架ｌａ，冇人可以嘈醒我架ｌａ，今日３點幾佢打左電話黎嘈醒左我，出左去食野，阿ｍｉｕ打黎叫我去ｃａｍｐ，超唔好意ｃ，唔知點推好，叫左幾個都話唔去，搞到打俾佢果陣都好唔知點咁，食埋野又周圍行，去左玩推錢舊野，贏到一張，諗住草勁多一次過影，會開心ｄ掛，ｈａｈａ，冇啦之後都，番到黎就上下網，都冇咩野做，本來睇＜開朗少女＞，但係講普通話版，我想聽韓文，ｓｏ睇左少少就冇睇ｌａ，睇番＜紅豆女＞，好鐘意片頭曲，好好聽呀，唔知點解呢，承俊係唔靚仔架ｂｏ，但我又覺得佢好靚仔ｗｏ，隻眼好靚ｗｏ，ｅｒ．．係好矛盾架！睇左少少，阿媽佢地番左黎，買左野食番黎。哈哈，諗住抖到９月先搵野做呀，向到諗，而家搵野做，個個會考生又爭啦，到遲個幾月，番學果ｄ又搵暑期工，咁就不如９月先啦。而家諗住整個日記呀，而家果個睇黎睇去都睇唔慣！

>>May 26, 2004 at 4:52:19 PM GMT+8

2004 年 5 月 24 日 星期一 【晴】

訓到今朝１２點幾都好似唔係好夠訓咁？！咁約左阿ｍｉｕ佢地唱ｋ啦，佢啦，成日啦，催我唱啦，呀下，淨係識催我啦，今日都好彩冇咁熱ｊａ，尋日又有野我唔記得寫ｌａ，咁尋日朝早元朗有人跳樓啦，ｏ岩ｏ岩老豆渣緊車，無啦啦有人跳樓，睇住佢跌落黎，仲要睇住佢ｄ腦漿爆哂出黎，勁驚呀老豆，仲有心理陰影添呀，我聽到都超驚。咁講番今日啦，去到，ｏ岩ｏ岩佢地等埋ｐｉｎｋｙ先入，阿ｍｉｕ睇到本雜誌係講：ｓａｍｍｉ同蔡ｅ林鬥靚。阿ｍｉｕ就話蔡ｅ林露大脾仲勁過ｓａｍｍｉ露３點，我同ｓｕｋｉ都勁笑，不過ｐｉｎｋｙ都認為咁都真係ｗｏ，之後唱ｋ，突然諗想偷拍低阿ｍｉｕ唱ｋ，之後擺上日記俾人聽，因為真係好好，不過得好少，因為部相機冇電，唱到４點幾我就走左先，約左ｔａｉ，同佢去左搵人，賣埋ｄ書，就同佢去睇帽，睇中左件ｂｅａｍｓ　ｂｏｙ既３，不過佢唔俾我買，叫我唔好追求呢ｄ名牌，向到講講講，之後去左買飛睇＜狙魔人＞，再去搵埋ｐｉｎｋｙ＆ｓｕｋｉ，同佢地食埋野，行左陣，唔知點等到９點幾，佢地又傻傻地，睇到個好得意既垃圾筒，無無聊聊向度拆左黎研究，痴線架，不過勁搞笑ｗｏ，之後去睇＜阿健＞啦！ｗａｈａｈａ，陪ｓｕｋｉ睇架ｊａ，不過佢怕醜唔入ｂｏ．．．ｋａｋａ！我就同ｔａｉ去左打機，之後去睇戲啦，都好好睇呀，好正呀都。睇完同ｔａｉ又食野啦，食完就番黎ｌｕ。

>>May 25, 2004 at 7:13:57 PM GMT+8

2004 年 5 月 23 日 星期日 【清涼】

唉ｙａ～尋日有野唔記得左寫低添呀，咁尋日同Ｔａｉ出左Ｔｓｉｍ　Ｔｓｕｉ啦，出地鐵站果陣，見到前面有兩條ｍｋ女啦，其中一個除褸啦，本來都冇點留意啦，無啦啦Ｔａｉ郁一郁我隻手叫我望下佢啦，望黎望去都冇乜野啦，咪又係ｍｋ人一個啦，佢同我講呢，佢除左件褸果陣，見到佢裙袋攝住對筷字ｗｏ，之後望一望ｍｋ人，再同ｔａｉ對望後，兩個都ｏ哂咀，之後勁講勁笑。好啦！講番今日，考電腦ｗｏ，最慘尋晚冇訓過呀，１點幾已經訓落床啦，訓黎訓去都訓唔到，２點幾起一起身睇碟，但又驚自己起唔到身，就拿拿林番床訓啦，訓到３點幾都訓唔到，起左身上網，ｔａｉ打左電話黎傾電話啦，傾到６點就沖涼，同佢一齊食早餐，佢勁標眼水，我就戴ｃｏｎ戴得好辛苦，超眼訓呀，陪埋阿琪同阿棠食早餐就過去啦，今日唔知做乜＝．＝”，勁認錯人呀，入去考勁眼訓呀，自己又遲到，又坐勁前，個個望住哂，考到９點半到走左，痴線架，１０：３０先考完，點熬呀，本來都唔想走架，見到狗仔都走左，我就走埋啦，睇兩份野睇到我死咁濟，一份黃色，睇到勁眼訓，白色又睇到我發哂光ｗｏ，都係唔識ｇｅ，問埋ｄ平時都唔用既野！考完想搵狗仔拎煙，佢又唔知去左邊，打埋俾雯睇下佢去邊，佢番左屋企訓覺呀，佢就真係嘆啦，搵黎搵去都搵唔到狗仔呀！又唔想行出去咁遠，就走上百鳥搭想買煙啦，但間野冇開，內部裝修ｗｏ，行番落黎，行到死咁濟，側邊ｄ樹又係咁落ｄ好細既葉落黎，一路行一路落葉，搞到拍戲咁，痴線架，落到黎，阿琪先同我講，原來行多條馬路行前ｄ就有個商場，ＯＨ！！！ＮＯ！之後番去先見到狗仔，講番頭先搵佢ｄ野，俾佢勁魚呀！阿雯番到黎勁寸咀囉，今日熱到死咁濟，阿雯黎形容佢間房點正啦，冷氣幾勁啦，考ｍｃ，仲有半個鐘淨，周圍望人地ｄ樣啦，都幾搞笑呀下，諗勁想去游水啦，ｃｏｚ頭先叫我地去個ｃｌｕｂ度游水，考完就搵左阿７食野，ｓｕｋｉ就番去同人地食啦，唉！去左生活之味食，今日元朗周圍都有ｄ棉花飛黎飛去呀，麻煩啦，食完就拿拿林番屋企呀，番到黎拿拿林沖涼訓覺呀！訓緊好多人打黎呀！想死呀下！！５點幾ｔａｉ打左黎話出去啦，超眼訓呀，咁人地打喊努，我又會打架ｍａ，佢向我隔離勁打囉，搞到我打到喊咁呀下，佢又勁笑啦，元朗開ｉ．ｔ實在太正啦，同佢周圍行，食埋野就番黎啦，番到黎又沖涼，沖完９點幾到即訓，又係勁多人打黎，唉！！！！！！！！！！

>>May 25, 2004 at 6:58:21 PM GMT+8

2004 年 5 月 22 日 星期六 【晴】

尋晚仲想試下早訓，但向度典黎典去都訓唔到，到今朝３點幾醒左，叫人陪我食野啦，出左去行囉，都冇野做，就係行啦，去左食ＫＦＣ，同埋借左男上女下黎睇啦，仲想借漫畫架，不過好遲先出去就冇借啦，去埋打機就番黎啦，老埋聽日就都算考完，都好開心呀，而家既我又係勁肚餓呀！好想食雪菜肉絲米加多個火腿奄列呀！冇野講ｌａ就！！睇下電視見到ｎｅｗａｙ　ＮＩＫＩ介紹新歌，愛作戰，聽到少少，就真係唔係好掂呀下。

※學 習 珍 惜 的 過 程 ， 當 然 難 免 會 有 一 點 痛 苦 。

>>May 23, 2004 at 6:48:44 PM GMT+8

2004 年 5 月 22 日 星期六 【晴】

唉ｙａ！唔想溫書ｙａ！！尋晚諗住溫哂兩本電腦ｃｏｎｃｅｐｔ既書，但溫左一本係好簡單果ｄ就睇紅豆女ｌａ，因為紅豆女擺向隔離，都算忍左ｏｋ耐架ｌａ～睇左一集都冇就訓左ｌａ！練定早訓呀～我驚星期一起唔到身呀！尋晚發左個夢好驚呀！３點幾泰打左黎出去啦，呢位大少買野俾佢食啦，仲幫佢買埋個寬頻野掛機，勁好呀我！去佢度同佢傾下做ＥＳＣＯＲＴ既野，ｅｒ．．終於俾我諗到點樣好ｌａ，太開心！之後出番黎果陣，同佢換過寬頻舊野啦，又唔知去邊啦，話一出商場見到咩車就去邊啦，咁就去左觀塘啦，去到．．我諗朝早會好ｄ，因為勁多野食，哈哈！都冇野行．．就去左讚石山啦～又係冇野行，咁就去左ｔｓｉｍ　ｔｓｕｉ啦，去那個星光大道啦，ｅｒ．．就．．好俾人呃咁啦，之後行行下，有人過黎叫我地買花，佢又講到好慘咁，咁就買左俾我啦，會勁樣衰呀，拎住一枝花，佢又咁慘咁，超土呀！拿拿聲番元朗，番番黎去左買埋野食就番ｌｕ。又要溫書ｌａ！勁多野想做呀～又想游水啦，又想打牌啦，又想唱ｋ啦，又想ｓｈｏｐｐｉｎｇ　ｗｏ！超多野！加上ｏ岩ｏ岩ｂｅｌｌａ又話去ｃａｍｐ添！哈哈！！

我 的 面 子 很 重 要．．．．．．．．．．．．．．．．．．．．．．．張小嫻＊

－－－－－－－－－－－－－－－－－－－－－－－－－－－－－－－－－－－－

有 沒 有 發 覺 ， 其 實 你 並 非 一 個 死 要 面 子 的 人 ，

但 在 最 親 密 的 人 面 前 ， 你 卻 挺 愛 面 子 ？



跟 他 吵 架 了 ， 明 明 是 自 己 不 對 ， 但 是 你 無 論 如 何 也 不 會 跟 他 道 歉 。

大 家 冷 戰 的 時 候 ， 你 的 面 子 變 得 非 常 重 要。

為 甚 麼 他 就 不 肯 讓 你 一 下 ？ 他 不 是 說 過 很 愛 你 的 嗎 ？

他 那 麼 了 解 你 ， 為 甚 麼 還 不 明 白 你 ？ 你 已 經 知 錯 了 。



他 平 常 也 不 是 死 要 面 子 的 ， 偏 偏 這 一 次 ，

他 好 像 覺 得 面 子 過 不 去 ， 硬 是 要 和 你 抬 槓 。

他 不 首 先 道 歉 ， 你 是 不 會 道 歉 的 。

他 不 首 先 哄 你 ， 你 是 不 會 再 哄 他 的 了 。

他 在 電 話 那 一 頭 說 ： 「 你 總 該 給 我 一 點 面 子 吧 ？ 」

你 反 駁 ： 「 那 我 的 面 子 呢 ？ 」

於 是 ， 他 三 天 也 不 找 你 。



他 不 找 你 ， 你 當 然 也 不 會 找 他 。

雖 然 你 每 天 都 在 撕 心 裂 肺 的 想 念 他 ， 但 你 絕 對 不 會 首 先 找 他 。



他 在 做 些 甚 麼 呢 ？ 是 不 是 也 在 想 念 你 ？

只 要 他 打 電 話 來 ， 說 幾 句 溫 柔 的 軟 話 ， 你 會 立 刻 撲 到 他 懷 裡 。

可 是 ， 這 個 壞 人 ， 偏 偏 要 和 你 比 耐 性 。

只 要 你 放 下 面 子 ， 首 先 跟 他 說 ： 「 我 很 想 念 你 。 」 他 一 定 會 內 疚 。

但 是 ， 這 麼 沒 面 子 的 說 話 ， 怎 麼 說 得 出 口 ？

難 怪 面 皮 厚 的 人 往 往 能 多 談 幾 次 戀 愛 。

>>May 22, 2004 at 5:22:06 PM GMT+8