| 日記 | 日記主簡介 |
||||||||
2004 年 9 月 30 日 星期四 【晴】 尋晚我諗諗下，送咩俾佢好呢？！佢呢個怪人啦，佢唔會追求ｄ咩咁， 除左＜ｓｈｉｎｅ＞，唔特別、唔騎ｌｅｉ，佢都唔會鐘意，好難搞架佢真係， 之後諗諗下不如打上去啤梨度唱首生日歌俾佢啦，唉，由１１：１５到開始打啦， 打到佢話投票邊個贏都打唔到＞＜，好傷心呀！ 咁今日起左身就諗起好想食茄香牛肉拉麵呀！呵呵，俾ｊｏｅｙ豬搞到我 而家成日去＞＜．．益哂你啦！ｈｅｈｅ，今日睇哂套漫畫ｌａ！ 我覺得好好睇呀！叫＜伊甸之花＞呀！開頭我覺得ｄ畫好核突架， 但可能睇慣左，覺得冇咩野ｌｕ．．ｐｏｐｏ居然ｓｅｎｄ左ｍｓｇ俾 我話祝我中秋節快樂，佢仲記得我．．好感動呀， 諗住出去食野架ｍａ，已經打埋俾ｋｉｎｄ威叫佢陪我，但睇到＜都巿閒情＞講緊 中秋節既野，咁就打俾阿媽，問佢使唔使做節，佢話要ｗｏ．．咁就冇出啦，今晚先ｍａ！！咁就不斷打電話叫人出黎玩啦當然，叫到人居然冇地方！！狗仔老豆向屋企， 去唔到佢度，ｋｉｎｄ威話去我度！你休想！成班人去我度咪要我執野？！ 我寧願５玩！好偉大呀！！呵～但之後阿７打黎話去鴨仔度，有得打牌！ 咁食飯啦又係，食完飯坐左陣，食果ｄ”碌柚”，好食呀！ 等佢地入黎果陣打俾我，佢地班死仔勁耐，到９點半到，冇野做呀， 表妹黎左咪同佢玩下果ｄ啦，強哥打左黎，咁就出左去中心搵佢啦， 中心好多人呀，仲見到黃耀進同苯斌，同佢地２個吹左陣水，黃耀進過 左去好似都幾耐冇見過佢，黑左好多＝．＝，同強哥吹左陣水就走ｌａ， 踩踩下單車，阿ｍｅｎｇ又打黎，話等左鴨仔好耐，過左去搵佢啦， 去到鴨仔度打牌啦當然，都幾多人呀下，阿７ １黎到就寸我！ 問我有冇帶＄黎輸！？即鬧佢呀！咁快咒我輸！去到拿拿林打牌啦當然， 咁我啦、阿ｍｅｎｇ、狗仔同阿７拿拿林坐定先啦，之後鴨仔話佢唔打住先， 梗係好啦！我地都坐定哂啦！哈哈～痴線架佢地，成鬼日都自摸！！ 死ｋｉｎｄ威同我爭牌打啦，俾佢打陣，我過左去玩ｓｈｏｗｈａｎｄ， 死宋龜贏＄，又醉左啦佢！向度發癲，唔知點解覺得傑ｃ今晚多野講左～ 可能係我錯覺，龜仔早就訓左覺！唉，好傷心呀，輸左百幾呀， 唉，仲諗住贏ｄ＄買件褸添，之後又打番牌啦，聽佢地講野笑到我死！ 同阿ｍｅｎｇ打牌真係想打暈佢，成日都食埋ｄ雞糊果ｄ， 佢又死好彩又自摸又有靚花呀！咁都俾佢有３番，俾我地３個勁話佢雞蟲！ 搞到我地ｄ咁有大志既人冇得食！玩到差唔多６點我就走先啦， 好痛呀隻眼！戴ＣＯＮ真煩～ >>October 2, 2004 at 12:34:18 PM GMT+8 2004 年 9 月 25 日 星期六 【晴】 見到ｍａｍｉ個ｆｄ黎左，我呆１呆＝．＝”，開頭我以為阿媽同ｄ親戚傾計， 訓醒個死樣俾佢見到，好樣衰呀＞＜．．個頭又亂， 又戴住眼鏡果ｄ，好烏ｗｅａｒ呀。 ｈｉ完之後就換埋３啦，ｋｉｎｄ威又向度搵野睇囉， 坐左陣就走ｌａ，好肚餓呀～～～出到去都冇野做～ 周圍行下，打陣機就走ｌａ～～～～ 借左漫畫睇呀，好無聊ｍａ，一借就借左１２集， 呢２日唔使悶呀！！ 番到黎食飯呀睇下電視，咁就１日～～ >>September 27, 2004 at 5:22:03 PM GMT+8 2004 年 9 月 24 日 星期五 【晴】 訓多半個鐘就起身啦要，換哂３搞下野咁就出去啦， 都遲左幾分鐘，君宜同啤熊都到左，啤熊仲要同我講：同我睇住佢呀～ 唉，羡慕死我啦＞＜，好難得拍左咁耐拖都仲咁錫佢架！！ 有幾多條仔肯咁早起身送１送條女出黎，之後又番屋企丫？！仲係拍左咁耐拖添～ 其實我諗都有ｄ咁既仔既，只不過我遇唔到姐， 咁等埋苯斌就搭小巴去嶺南啦，今日開學禮呀！去到要排好耐隊呀！麻鬼煩！好多人呀～ 搭車果陣君宜問我：你估我地會唔會係１個禮拜番２～３日架？！ 我仲話：唔係掛？！咁貴學費番得幾日？！＊＊請留意對話．再繼續睇＊＊ 我地３個要分開坐呀，好慘呀，好寂寞呀得自己１個，後面３ 條仔又勁講野，好煩呀！ 個開學禮都冇咩特別，佢講有咩校規果陣，簡單ｄ講，係冇校規既！！ 開學禮完左果陣，咁ｄ人要分科咁走，要咩討論ｗｏ， 咁我地係唔使郁架啦，向番個禮堂度，佢就介紹下旅遊有咩要讀咁啦， 聽落都幾好玩丫，不過都好多野學架都！！會死～～ 咁之後拿拿林搵番君宜，今朝已經見到個人好似係阿倫，原來真係ｗｏ， 唔係ｅ～ｋｉｄｓ果個呀下＝．＝，係既話我會發癲， 咁ｏ岩佢又係讀旅遊，又係向屯門番學，咁搵左君宜再等埋苯斌啦， 我話要去巿中心食野啦，苯斌又話去富泰睇下有咩食， 講左陣，最後當然係我贏左啦！！呵，咁就打的過去啦， 去上次ｊｏｅｙ同我去果間小巴黎度食凍檬呀！！開始唔鐘意食ｌａ， 苯斌真係好搞笑，平時都睇唔出，平時睇佢個樣唔知想點咁， 但佢做ｄ野同講ｄ野都笑死我同君宜，食完就話走啦，仲有大把時間先到我註冊， 咁我同君宜上左輕鐵啦，但勁迫人，苯斌話等下一架過黎， 咁我同君宜落車啦，勁驚呀，無啦啦俾人撞１撞，原來有個男仔踩左落 個ｇａｐ度，嚇死我，好慘呀下。 咁打番俾苯斌啦，佢話行緊過黎＝．＝，唔係掛！有４個輕鐵站咁遠ｗｏ， 我同君宜都呆等佢囉，佢真係冇改錯名！一個字：苯！！ 我同君宜睇住佢跑過黎，笑死我地，咁又等車啦，等勁耐， 諗住行番去架ｍａ，咁見到有巴士，咪拿拿林追啦，苯斌話：唔好追啦！行咪得囉 咁我同君宜都冇理佢，咁就追啦，無啦啦佢１枝箭咁跑過去，笑到我同君宜死。 番到去見到咁多人企向度，我咪企向門口等囉，君宜陪我啦， 咁我等等下，見到有人入左去，跟住又冇出番黎，咁我就問君宜好唔好入去， 但如果話唔係既話咪好樣衰囉，咁咪等囉，咁個工作人員問：你地係等人定 註冊架？！入得架ｗｏ。 搞到成班好似白痴咁，入到去簽個名，拎手冊，影學生相， 係好樣衰咁，個個坐向度等影，我自己出去影果陣，ｆｅｅｌ到好多目光向我度， 勁唔自然咁勉強１笑，跟住佢又話未得住，要影多次， 我又要望多次有冇人望緊我，再勉強１笑！無奈．．． 記唔記得我要大家記得我頭先果句對話呀！？ 咁派完手冊啦，睇下邊日有假放啦，我地全年既假，都冇正常學校既新年咁多假， 聖誕都淨係放２５～２７，２４號都冇得放＞＜．．新年都係３日假！！！ 好快咁搞掂哂就走啦，同佢地２個去坐下啦，ｔｈａｎ見到ｓｕｋｉ ｍａｍｉ， 我都唔記得ｓｕｋｉ又係嶺南，不過佢係副學士， 其實我覺得１０分讀副學士都幾ｓｉｎ呀下！咁傾左陣計，ｓｕｋｉ黎到我地 又係不停講，ｂｅｌｉｂａｌａ咁，隔左陣佢就走ｌａ， 咁我陪君宜等到４：３０，同佢去註冊啦，搞掂又係搭番小巴走， 出到去，去搵番ｋｉｎｄ威佢地啦，龜仔、宋龜佢地都向度， 阿７隔左陣都黎，ｔｈａｎ見到東新ｗｏ．．．唔知點解覺得佢好搞笑呀！ 咁傾左陣就走ｌａ．．等埋狗仔佢地黎，好悶呀，成班友又打機， 之後陪佢地去食野啦，我勁飽呀，好難得我飽呀下！因為註完冊我又食過野黎ｍａ．． 阿７坐我對面又寸我啦！之後買埋酒又去狗仔度啦，去到打陣牌先啦， 食左幾舖阿７，阿７不停鬧我，哈哈，搞到佢唔敢打番子，笑到我死， 佢隻自摸手！食屎！好彩我都唔使輸，贏左好少咁啦，阿７最後都因為隻衰手都贏番， 打完就玩番我地既老ｇａｍｅ，之後有ｄ野我就同ｋｉｎｄ威走左ｌｕ．．． >>September 26, 2004 at 12:20:22 PM GMT+8 2004 年 9 月 23 日 星期四 【晴】 八戒打黎講聽日開學禮ｄ野ｗｏ．．明知我訓緊覺，仲講咁耐＝．＝， 收左線我就起左身啦，好慢咁整下野，換下３果ｄ呢，等好耐車呀！ 出到去要自己好慘咁食野啦，食完野就出去長沙灣拎票啦， ｏ岩ｏ岩上到去，１：０６，佢地１：００ ｌｕｎｃｈ，幾鬼無奈呀！ 尋晚我特登睇佢地幾點食飯，唉，遲左６分鐘ｊａ．． 咁就要行到２：００，去附近行下囉，好ｔｉｒｅｄ呀， 上去拎完就搭車去屯門啦，ｔｈａｎ見到個阿婆係傻果ｄ啦， 佢隔離企左個阿伯ｍａ．．俾佢勁鬧，好慘呀個阿伯， 咁我都企向阿婆隔離，佢都冇鬧過我，之後上車果陣個阿婆係咁同我講：你上啦。 我嚇１嚇咁同番佢講：你上先啦。 上到車好眼訓呀，上去交埋學費就出番元朗呢，走黎走去呀今日要， 出到元朗又要拎ｃｏｎ，今日個驗眼果個同我講話幫我戴ｃｏｎ果ｄ， 我都幾驚下，但都冇咩野，都不錯丫，又唔使自己郁手！哈哈。 番到屋企５：００，無聊向度整日記囉，本來整左個公告板， 但太樣衰ｌａ．．而家整左個真情告白．．快ｄ寫下啦！！得果幾個ｊａ而家。 支持下啦！！！！！！ >>September 24, 2004 at 2:45:06 PM GMT+8 2004 年 9 月 22 日 星期三 【晴】 2004 年 9 月 22 日 星期三 【晴】 出到去見到阿鴻，仲以為佢等傑仔．．原來又係等馮生， 今日有敏玲、ｏ靚妹、我同阿鴻啦，要去１去屯門轉車先啦， 出到青衣賣呀陰公，我就同ｏ靚妹加埋馮生推住架車仔，好搞笑， １０點幾就搞掂啦，咁就去左換車啦又，我就同ｏ靚妹去小學賣帶， 都冇咩野做啦今日，咁自己孤獨地去食拉麵啦，好慘．．． 懷念ｊｏｅｙ呀！！＞＜．．平時佢會陪我食架ｍａ！！ 都唔知幾時先可以再同佢狂影貼紙相，同一齊食拉麵，１張紙巾２份用！！ 我講到好似佢去到好遠咁＝．＝””，誇張左少少添，但我對佢既愛．． 就係咁勁架ｌａ，呵呵呵，永遠懷念陳呂仲德詠兒。 咁食完就無聊地去打機啦，打完上到去ｏ岩ｏ岩好！同ｋｉｎｄ威周圍行下啦， 又去左天水圍啦，搭巴士果陣發生左ｄ勁搞笑既野，笑到我肚痛咁濟， ｋｉｎｄ威之後勁整我囉．．又１次俾我玩到！ｙｅａｈ！！ 但佢唔俾我寫出黎呀，寫出黎１定個個都笑， 咁之後又周圍行啦，行到好ｔｉｒｅｄ呀，隻腳好痛呀， 好早就番到屋企ｌｕ．．．番到黎傾左陣電話，我就向ｓｏｆａ訓著左， 一起身食埋野就好精神呀唔知做咩．．聽日唔使番工！正呀！ 阿媽同我講話佢下個禮拜諗住同老豆去旅行呀，叫我唔好同細佬鬧交～～ >>September 23, 2004 at 2:01:39 PM GMT+8 2004 年 9 月 21 日 星期二 【晴】 咁出到去等馮生啦，同馮生搭小巴去屯門先啦，有＄人果然搭唔慣車， 佢個樣好似想嘔咁？！之後佢借左堯強架車，今日要去東涌呀！ 訓著左咁囉，去度都冇咩野做，今日馮生好好心情咁ｗｏ？！ 冇鬧過我，仲笑住咁同我講野，趁住佢咁既心情，我梗係同佢講我唔做啦！ 佢又話好，本來要叫我做到星期５，但我呃佢話星期５要開學禮， 番埋聽日就得架ｌａ！希望今次係真架啦，我真係懶死唔番架！！ 勁無聊咁，都冇咩野做，向度睇小學ｄ童話書， 又真係幾好睇ｗｏ！！哈哈，無聊就係咁架啦，好鐘意ｄ細佬叫我姐姐， 因為我覺得我都已經開始老架ｌａ．．ｈａｈａ， ｏ靚妹之後都黎左，坐到４：３０就執野走啦，馮生車到我地去到西鐵站， 咁我同ｏ靚妹就搭西鐵走啦，ｏ靚妹其實都幾搞笑架ｗｏ！！ 咁我就去左天水圍搵ｋｉｎｄ威啦梗係，冇見好耐ｌａ（我覺得）， 好掛住佢．．個頭！！睇下佢個頭有ｄ咩變都好ｍａ！！ｗａｈａｈａ～～ 如果佢睇到呢句，１定話：想死出聲。＜～呵呵！ 咁同佢周圍行啦，好耐冇食凍檬ｌｕ．．但ｄ人又話唔食啦下！ 咁買外賣番屋企食囉！！成個鐘先番到屋企。暖左姐，冇野ｇｅ！！ 聽日要７：１５出到元朗！低能架！！！！！！ >>September 24, 2004 at 11:29:54 AM GMT+8 2004 年 9 月 21 日 星期二 【晴】 2004 年 9 月 20 日 星期一 【晴】 等阿媽車埋我走啦，好肚餓呀又，叫阿媽陪我食ｍ記， 我就同ｏ靚妹講我遲起身呢，因為我勁唔想番舖頭，佢又叫我向舖頭等， 坐傑仔車啦，佢地車野俾人，我同ｏ靚妹咪坐向後面訓囉！ 到１０點幾到先去到學校，去到執ｄ野出黎啦，好麻煩呀ｄ家長真係， 好似搞書展咁，係咁睇又問幾＄果ｄ，麻鬼煩，幾個師奶講咩唔抵果ｄ。 之後都冇咩野做，坐向度睇書囉，到２點到我就走啦， 死傑仔又話車埋我落元朗，又要我自己走，勁嬲呀真係！ 平時既我都會冇咩野，但今日約左人唔遲得到架嘛！！ 你以後失戀唔好打過黎呀！我１定唔會幫你架！賤人！ 之後行好遠咁先去到輕鐵站，又好耐先有輕鐵！ 出到去拿拿聲配ｃｏｎ先啦，好快就搞掂啦，向度睇下有咩眼鏡好啦， 諗住番屋企沖埋涼先去架ｍａ．．但ｐｉｎｋｙ打黎話去ｓｕｋｉ度先～ 咁就去啦，哈哈，好似我住果度咁，自己入去咁，就算我打俾佢叫佢開門， 佢都淨係會話叫我自己入黎架啦，咁我慳番果１分鐘吧啦。 咁差唔多４點就去左ｃｌｕｂ啦，丘老師都到左ｌｕ， 入去傾下計囉，之後叫埋ｍａｇｇｉｅ過黎，丘老師講左ｄ野搞到我好想考多次會考， 佢話我其實係可以讀到預科，又話我根基幾好架，話我努力既話就得果ｄ啦， 搞到我好想考多次，勁笑呀，雞尾陳．．．哈哈哈！ ６點幾番到黎ｌｕ．．．．．． >>September 21, 2004 at 11:54:29 AM GMT+8 2004 年 9 月 19 日 星期日 【晴】 而家多左野想買呢，想買對鞋啦，買個ａｎｎａ ｓｕｉ既袋啦同埋眼鏡！ 當然如果夠買多個銀包就夠好呢！哈哈！ 咁今日起左身，渾下渾下咁，睇埋＜野蠻師姐＞既第２隻碟， 上次睇睇下好眼訓呀，好慘呀個ｅｎｄｉｎｇ，有ｄ眼滲滲呀！！ 感性的我！！ｗａｈａｈａ，之後睇埋＜新紮師兄＞， 真係覺得霆鋒前面果執頭髮好核突！！個ｅｎｄｉｎｇ又係慘呀．． 睇睇下眼訓得濟訓著左，起身勁搵野食呀，好肚餓呀！ 隔左陣睇埋賭聖，勁搞笑呀下，都冇咩野做啦今日～ >>September 21, 2004 at 11:19:18 AM GMT+8
|
|
９月２８日
有呀
<br>今日去Ø人氣: 59554
Design & Scripting by ShowHappy.Net