2004 年 8 月 29 日 星期日 【晴】

原以為今日係ｌａｓｔ　ｄａｙ，咁去左青天啦，咁要拎ｄ好大ｐａｃｋ既野啦，勁重ｗｏ，我係咁易講：唉，弱質纖纖既我。＜＝我咁細聲講呢句，都俾人聽到，敏玲聽到咪話：唔係掛？！。阿嘉就呆左囉，哈哈。搞到自己勁魚爆呀下，阿嘉走果陣仲要話：走ｌａ，纖纖。正豐豬同敏玲都笑，唉，無奈呀下，咁今日都冇咩野做，之後訓左啦，醒果陣居然同ｏ靚妹傾計ｗｏ我，本來大家都好似唔係好鐘意大家架ｍａ，但咩都傾下咁啦，佢畫畫好正ｗｏ，好邪惡，之後我走左，出去搵ｊｏｅｙ，去番之前成日去間日本野。
我記得之前同琪講過：如果之後我唔係同番同一個人去食，已經冇咩意ｃ。
琪話：唔係ｇｅ，諗番之前一齊食既情景，果種味道仲會向度既．．
但我尋日去．．我只係覺得好唔開心，但對住ｊｏｅｙ我只好強顏歡笑，之後同佢又去影貼紙相啦，ｌａｓｔ　ｄａｙ　ｍａ，影左３張呀好似，發癲啦我地，又做埋ｄ低能ｂ　ｐｏｓｔ，勁過膠，好耐未過膠，哈哈，我同ｊｏｅｙ都覺得我地影既次數太頻密，咁之後都番左屋企啦，番到黎又訓覺，唔知做咩訓醒好唔開心，好憫，食完飯，ｋｉｎｄ威打黎話狗仔話出去，好彩頭先訓定先姐，唉，唔知發咩癲啦，我平時都識搭完西鐵點落去搭輕鐵既，但唔知做咩咁，我見到郭寶，傾左陣就走啦，但唔知做咩，行行下求其出去啦，居然係５知邊度，又過唔到馬路果ｄ，原來係向天盛囉，無奈地行番過去天慈，就黎等到ｋｉｎｄ威發毛，咁咪同佢打的去狗仔度囉，去到又玩野啦，唉，勁眼訓呀，本來今日ｌａｓｔ　ｄａｙ　ｍａ，但ｏ靚妹話番埋聽日。算！有ｊｏｅｙ向度我先制ｊａ～～無啦啦恰恰打黎同我講ｄ好搞笑既野，佢居然話唔捨得傑仔？！唔係掛！？ｈａａｈ～～～但因為我已經ｗｉｎｇ既關係，同埋佢好白痴，好快就收左線ｌａ～～～

>>August 31, 2004 at 9:24:02 AM GMT+8

2004 年 8 月 28 日 星期六 【晴】

一朝早應承左ｊｏｅｙ去唱ｋ啦，咁我就同ｊｏｅｙ唱住先，我打俾阿欣佢先ｏ岩ｏ岩起身，間房都幾大呀下，我記得上次成１０個人唱都係呢間房，而今日都係呢間房，搞到我地２個覺得有ｄ誇張呀下，又係同ｊｏｅｙ好搞笑咁玩，阿欣黎到就都係咁啦．．唱到１２：３０就走ｌｕ，我地３個去左影貼紙相呀！！好無奈地失敗２次囉，第１次就我地唔記得左係向裏面揀，個個走哂出去，咁就食屎啦，錯哂，得１張囉，學生相咁呀下，第２部我地唔記得揀分割啦，４大張出黎，１人揀１張，ｌａｓｔ果張就猜贏拎啦，ｊｏｅｙ拎左啦，之後等埋正豐豬黎，一齊影，係冇咁好玩架下。同佢影左１張啦，算係成功架ｌａ！！今日奀豬生日，同佢影左張卡啦，發癲既今日，影咁多唔知做咩呀下，。走果陣勁大雨呀，ｊｏｅｙ走左，我就陪阿欣去等車啦，之後出左沙田諗住買禮物ｍａ，但間Ｄｉｓｎｅｙ搬左，正豐豬勁魚我－，－”，唉．．唔知買咩好囉係，行左陣，咁ｏ岩果ｄ咩賣月餅，幾個歌星黎啦，到Ｉ　ｌｏｖｅ　ｕ　ｂｏｙ’ｚ果陣，正豐豬大笑囉，話佢地好ｘｘ啦，行多陣就走ｌｕ，咁佢又話眼訓，咁我就搵霆霆啦，小新都向度，話去打牌，仲有一個我唔識既人，唉，其實我唔係好想去，因為要去錦田，我唔想去，但話左去，唔去既話俾霆霆打死，同霆霆勁玩，冇平時寸咁多我啦，睇唔出小新屋企都幾靚呀下，仲好大＝．＝，向佢間房打牌啦，佢又開住個電視，搞到分散哂我ｄ注意力，輸＄既我係，之後打打下有個走左，咁小新阿哥打啦，佢地兩兄弟講野好鬼搞笑，笑死我同霆霆，小新傻下傻下咁好得意，打到１１：００到就走啦。

>>August 31, 2004 at 9:04:04 AM GMT+8

2004 年 8 月 27 日 星期五 【雨】

今日又入唔到日記ｌａ！！咁今朝早要幫ｊｏｅｙ啦，ｓｏ我去左輔助會啦，都ｏｋ眼訓呀下，唔緊要啦，做到下星期一都唔做啦，咁今日都係咁啦，都冇咩野做，同敏玲佢地圍埋一齊傾計，又勁同阿欣細聲講大聲笑，咁到４：００，傑仔順便車埋我地啦，咁我就搵阿邊個啦，同佢去左睇＜狂蟒之災２＞啦，未開場同佢去左ｍ記度坐，飲波羅特飲呀，哈哈，好無聊呢，但我好耐冇飲ｌａ＞＜，我而家勁爆蒼呀！！ｓｏ淨係飲野ｊａ，都幾好睇丫，都幾搞笑呀，仲以為不嬲好煩果個都死，幫手唔會死，錯哂既，全程搞笑果個都唔使死既！？睇完去左搵阿欣呀，同佢去剪髮呀，咁我地兩個同ｆａｎｎｙ都５識去，ｓｏ　ｆａｎｎｙ之後黎左，剪完咪打的去＜有叉用＞ＢＢＱ囉，好得意呀個名，哈哈，唉，都唔知今晚黎做咩既，Ｄ人又唔熟，又唔識，成晚痴住阿欣囉我，好快燒完野食啦，唉，ＪＯＥＹ又唔向度，好悶呀，到１２點幾周圍行下啦，我都覺得如果冇落雨又唔係夜晚既話好靚呀呢度，又會有好多野玩，到１２點幾某４個人啦，當然有我啦，但都唔可以公開名啦，咁就走啦，要扮哂唔係一齊走，好無謂呀，又要驚人知，我同某女仔兜路行，約番去銀座啦，４個坐到兩點幾到走啦，唉．．．好無奈呀今晚，最衰阿欣睇我今晚過１２點係鬼節啦，搞到我好驚，打俾狗仔求救呀，哈哈，叫佢收留我，但最後都冇去呀，最後打的番屋企ｌｕ．．．．

>>August 31, 2004 at 8:47:12 AM GMT+8

2004 年 8 月 24 日 星期二 【晴】

６：４５就要起身ｌａ＞＜．．好慘呀，睇到尋晚有人打俾我，我又係聽左電話既．．但我唔記得呀．．．真係又發作呀，今日又要去鳳一啦，初頭馮生又勁鬧人啦，心情今日勁差，之後有個家長又同馮生嘈，嘈到想打人咁，佢地鬧到勁大聲，勁驚呀我，勁一陣無啦啦發我地脾氣，咁之後我同ｊｏｅｙ走啦，我地出屯門啦，去搞番毅進ｄ野呀要，去食野先啦我地，去明將度食野，我地發癲囉，我地爭扎緊去大拇指食野好定係去千葉食呢？咪用最公平既方法，就係公字啦，之後又向大拇指門口大笑一陣，就去左明將食，無聊既我地，最後兩間都唔揀，正豐豬之後黎左，我同ｊｏｅｙ仍然大笑，講勁多白痴野，笑到我肚痛，ｊｏｅｙ話：次次同親你食野都好慘呀下。次次都笑到我咁。＜＝我覺得應該係我講囉，每食一啖就大笑一次。笑到我飽，之後去左行街啦，又係爆笑啦，之後走果陣，ｊｏｅｙ問前面果個係咪我個ｆｄ。佢話我電話ｗａｌｌｐａｐｅｒ果個。我都睇唔出向後面，睇佢個袋都唔係ｓｕｋｉ平時用開果個，之後見到炭炭，之後同佢地玩囉，係咁整炭炭個頭，佢又係咁叫我扁扁。之後落到元朗周圍行，行行下諗住搵阿妹走，但跟住ｓｕｋｉ話搵我，咁咪同佢行囉，行完打左陣機就走ｌａ～今日我行行下街阿媽叫我唔好咁夜番，佢話有人向屋企附近燒屍～嘩，嚇我咩，７月１４先搞ｄ咁既野，咁今日未黑就拿拿聲番屋企ｌａ～

>>August 25, 2004 at 12:16:45 PM GMT+8

2004 年 8 月 23 日 星期一 【晴】

Ｐｉｎｋｙ，Ｈａｐｐｙ　Ｂｉｒｔｈｄａｙ。
　ｈｏｐｅ你．．早日搵到你既白馬王子．．談一場最棒既戀愛！！

咁今日既我係放假架啦．．．因為ｐｉｎｋｙ生日ｍａ，本來話去唱ｋ既，但我話今日下午我要出長沙灣，就話我遲ｄ搵佢，但佢話佢都好ｔｉｒｅｄ，但又唔知點同我講唔去，ｓｏ今日冇去啦，咁１２：３０到，好眼訓既我呀，成日都要咁早起身，咁１２：３０搵埋ｍａｍｉ出長沙灣啦，等佢果陣，睇到有對情人鬧交，淨係睇到個男仔好似好慘咁？之後同阿媽不停傾計，好似好耐冇傾咁。出到去要等好耐呀，搞到成４：００先走，咁就約左１個神祕人唱ｋ啦，唔可以講佢叫咩名既，咁去旺角唱啦，神祕人向門口傾電話，ｗｉｌｌｉａｍ係裏面自己唱，無奈地入左去，唱到唔記得某ｄ野，唱到９：００我先識睇時間，係勁唔好意ｃ，ｓｏ唔敢打番俾ｂｅｌｌａ，唱完去打左陣機就番黎ｌｕ。

>>August 25, 2004 at 11:37:01 AM GMT+8

2004 年 8 月 22 日 星期日 【晴】

咁今日要去沈香林啦，同阿儀一齊去，不停狂傾計囉，好搞笑囉係，聽到好多是非呀，都冇咩做，唔知點解傾極都有ｇｅ？！佢都幾得意丫，今日既我又係放下午既，我已經討厭呢份工ｌａ，咁係我同Ｊｏｅｙ自己走啦，咁我講左ｄ野俾佢知啦，佢就好激動啦，哈哈，聽佢ｄ形容詞好搞鬼，之後佢講起我個留言轉左，跟住就叫佢幫我錄啦，我地不停咁講點樣錄啦，向度一路食野一路大笑啦，２個低ｂ婆，一路行去輕鐵站都仍然一路大笑，我地係不停咁錄左成１０次都有，次次我係向隔離大笑，但ｊｏｅｙ係好ｐｒｏ咁唔笑，之後搵左狗仔同ｋｉｎｄ威加埋呢個鄭一鳥，佢地又係打機囉．．無奈地睇囉，咁就周圍行下買咩俾ｐｉｎｋｙ好ｌａ，好煩ｙａ，咁打打下機話去許留山，因我生左好多倉既關係，叫左個凍龜食，超難食呀，佢地又不停爆粗鬧我叫我快ｄ，好慘咁食哂。之後搵埋兆’ｒ去食野啦，之後佢又講ｄ野我知啦，之後我就話玩包剪，輸左打一巴，我特登輸，但佢地知我點解要特登輸，就話：唉，算啦，係咁易整一下算啦。之後我就乘機發揮，向度喊啦，我係無奈地知道果個係差過我，但我唔知點解喊。之後去狗仔度啦，去到開頭玩７．８．９，強哥教既！但之後都話唔話，因為ｋｉｎｄ威飲左２杯，之後玩ｄ低ｂ　ｇａｍｅ，就係玩猜輸要跟贏果個做動作，宋龜勁搞笑，宋龜係做將２隻腳擺向頭後面，狗仔輸左要做，咁佢個死人肚腩都做唔到啦，輸咪俾人打一拳啦。之後玩番骯盅，我又好快咁死左，之後我、無智、狗仔同傑ｃ向度發癲，我又向度喊，就黎癲ｌａ我＞＜，佢地不停咁講呢ｄ咁既人點解仲值我去諗。無智仲要係都唔知係唔係安慰我，

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
無智話：我之前條女呀，跟左個白粉仔都唔揀我，你話我可以點丫？！唔通好似你咁呀！？
本來我個心好番少少～之後狗仔入左黎～
無智話：狗仔你話啦，我之前條女跟左個白粉仔，你話我有冇好似佢咁先？！
狗仔就話：你飛條女先既。
無智：Ｏｈ！ｓｈｉｔ！你唔好跟爆ｍａ，我呃到佢架ｌａ。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
之後另１段係鬧哂我咁既．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
鄭１鳥：你諗佢做咩姐，你都識講佢係豬西啦，你仲諗佢做咩先。
我話：咁我係仲鐘意佢就係鐘意佢架啦。
鄭１鳥：你有幾可見到有人由中４拍到結婚呀？！
我話：咁我有諗過架ｍａ。
鄭１鳥：你咁認真做咩，大家都咁細個。
我話：我真係有諗過一世，我冇玩，我１路都好認真！！
鄭１鳥好認真咁同我講：但人地唔係認真丫ｍａ。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

最後果句真係令我醒一醒！！原來我係咁天真，當個個都話佢差我好多果陣，咁樣令我更無奈咁諗：你寧願搵１個差我好多既，你都唔要我？！＜＝咁樣令我更無奈。佢地又係咁講：ｈｅｙ，佢咁既豬西樣，係搵到咁既質素架啦，如果佢搵到個好過你既先再喊啦。＜＝我５知俾咩反應好，之後就係不停玩骯盅，不停咁飲，我唔想諗，原來我改變你外表既同時，你連個心都改變埋。但我卻不停等待奇蹟，我呢世人都５覺自己好運過，我諗我都係空等呢個奇蹟架ｌａ。究竟神幾時先會俾最好既野我，幾時我先至等到，宋龜話：神５會玩人架，佢一定會將ｄ最好既野擺向最後，等你好好咁享受神俾你既野。＜＝我最想要既，我冇可能會再再次擁有架ｌａ，咁幾時先會再有呀？？！！．．．．．．．．．．．．咁到３點就走ｌａ，勁肚餓，但得７－１１，咁就去左買野食，去左無智屋企樓下食，食埋就打的番黎ｌａ，係勁辛苦．．

＊＊我知道果件事．．我會諗：如果呢件事係真既，如果你又係鐘意佢既，記住唔好再好似我咁失敗！而家佢就等於當初既你一樣，你就同我當初一樣，會認為你唔會走，到我改變你之後，你就認為你可以有更好既人等緊你！到有一日．．佢一樣會咁諗架ｊａ。＊＊

>>August 24, 2004 at 2:51:08 PM GMT+8

2004 年 8 月 20 日 星期五 【晴】

尋晚同左強哥同阿倫出去啦，仲想叫強哥落Ｇａｍｅ’ｓ打下部機，睇下有幾大力添．．哈哈．．未領教個黑帶有幾大力，但部機壞左，咁之後落左Ｊａｚｚ　ｂａｒ啦，叫左ａｎｇｅｌ黎啦又，又係玩骯盅啦，仲有咩玩丫我地，咁我係不停中招啦下，俾阿倫指完我飲就成日都中招啦我，之後我、ａｎｇｅｌ同埋阿倫都話想去跳舞啦，因為都ｗｉｎｇ　ｗｉｎｇ地，之後諗到果間，去到原來執左，咁就落Ｄ啦諗住，但果間都執左呀，無耐地坐向門口囉，元朗ｄ　Ｄ場都執哂，咁就話去食野啦，係勁眼訓囉，咁食完野就同強哥打的走啦，番到黎拿拿訓覺啦，

咁今日係唔使番工啦，想同某人講生日快樂．．今朝９點幾起左身．．去左屯門碼頭啦，５知做咩勁肚痛，但又唔敢坐，因為好多昆蟲，數小時後．．．向度喊左陣，係勁心痛，不停諗自己點解要咁樣？？點解今日等既係我，而唔係佢？點解今日自己呆等數小時，仍然心甘命抵？點解今日喊果陣係得我自己一個？點解我明知不可能實現既約定，我還堅信奇蹟？咁之後我就打俾狗仔佢地，叫哂佢地出黎，開頭阿７黎到先啦，麻鬼煩啦佢，佢話我本雜誌過左期，叫我買過本＼．／，又要去買過，又勁寸我啦，成日都勁講頭大易暈，又話我手ｄ粒粒係因為夜生活不協調，低能！咁之後無智黎到又係寸死我啦，無奈呀完全，之後佢地黎到，媚佢地又係最遲到啦．．無智佢又嘈嘈嘈啦，咁就冇等佢啦，搭船去東涌先啦，上到船笑死我，宋龜係咁同狗仔講海狗石。之後去左搭巴士去大澳ｌａ，轉到我暈咁濟＝．＝，去到係好失望呀下，係勁細，又冇地方行，周圍都好似街巿咁，好臭，去左食野先啦，食完野去左搭船啦，好似觀光船果ｄ，我地７個包哂架船，哈哈，之後出到海果陣，狗仔話猜輸左要企去船頭扮鐵達尼啦，哈哈，我勁話好啦，反正我諗我５會咁好彩掛，但佢地話唔好，驚跌，超．．．．之後無智拎左張ｃｈａｉｒ擺左去船頭坐，佢話好正，叫我試下，我坐上去，佢地想推我落去＝．＝，之後一路企船頭，好正呀！！仲見到ｄ勁細條既咩”親魚”一排排咁跳起呀，好靚呀！不停都有添架，之後諗住再去埋沙灘，但佢地話得咁少時間唔去，咁就周圍行啦，１５ｍｉｎ就行哂啦，咪坐向碼頭等船囉，向　度吹水囉，番到去，阿欣話去唱ｋ，咁咪去囉，落到元朗搵埋阿禮，再等埋阿欣就去左食野啦，食食下野，咁阿欣講番上次同傑仔食野，馮生入到黎又坐埋一齊啦，咁我之前聽過啦ｍａ，佢講到馮生段野果陣，之後好驚訝咁講馮生呀，見到馮生同ｗｉｎｎｉｅ，ｗｉｎｎｉｅ之後指住我同阿禮，我諗佢係睇唔到阿欣囉，唉，又唔知會點啦之後，咁等埋傑仔打黎，去唱ｋ，唱之前叫左阿禮去打下部機，之後見到有兩個不停咁打，想破記錄咁，阿禮話叫埋傑仔落黎，哈哈，佢咁大隻，我都想知會唔會破記錄呀下，但果個人係咁打，都唔肯走，勁悶就走啦，去左Ｇｒｅｅｎ　ｂｏｘ，勁迷你呀下間房，勁眼訓呀，不停滴眼葯水呀要，之後俾我撞破件事啦，完全係震憾囉，但係覺得好心淡囉，阿欣咁都唔話我知，之後鬥問野囉，我真係覺得好荒唐呀下，雖然廿一世紀都唔係咁過份呀下？！唱到３點到，阿禮送埋我去打的就走ｌｕ．．．．．

>>August 22, 2004 at 6:00:37 AM GMT+8

2004 年 8 月 19 日 星期四 【晴】

今朝早去左田家炳啦，睇哂本＜假如從來沒有他＞，好正個個ｅｎｄｉｎｇ，想喊咁濟！！低能架今日，得３０幾份書，俾成百幾二百個袋我，最大既問題係．．．要我搬走，因為傑仔趕唔到番黎，大佬呀，玩野咩？！到走果陣好慘呀，搬住箱野走，想叫Ｊｏｅｙ幫手，但佢仲未走得，咁我就去左良景等佢，等勁耐呀，唉。之後佢黎到同我一齊拎去舖頭，輪流拎，ｄ人見到咁大箱野，係咁問我地係咪賣書囉，我地又不停講笑，笑到我腳軟咁濟，之後去左＜茶軒＞度食野，都唔好食既，想食上次雜誌介紹果個咩白汁咩架，但Ｊｏｅｙ勁叫唔好食，話好油，冇野講，咁之後同佢周圍行啦，見到人地排隊買咩鞋，咩限量版，睇佢地排隊唔知點解好想笑，繼而ｊｏｅｙ陪我去毅進註冊，仲搞埋轉科ｄ野，唔知得唔得啦，同ｊｏｅｙ研究點寫封信，笑死，之後搭西鐵啦，壞左＝．＝”，無奈中，出到去陪佢去舊屋拎埋信就走ｌｕ．．我去左電髮同染髮，染左隻色，好似染左黑色咁，傷心，搵埋ｍａｍｉ就番黎啦，唉，強哥叫我出去，成日甩佢底都唔好意ｃ啦，咁咪出囉，唔講ｌａ，要出ｌａ．．．．

>>August 20, 2004 at 1:36:26 PM GMT+8

2004 年 8 月 18 日 星期三 【晴】

今日係百般無奈啦～咁朝早番伯特利派書，我未入到雨天操場果陣，我就好驚啦，因為聽到娜姐把聲，我就拿拿林走番出藍球場啦，等佢地架車黎囉，但我地係睇少呢１０幾份書囉，我地冇帶補書，又冇帶膠袋，咁阿家去元巿拎番再番黎啦，但佢番到黎，我地先記得冇拎番包書膠，咁冇理啦，咪同正豐豬打交囉，冇野做呀，聽眼訓呀，同阿家講表姐囉，都冇野做啦。原來尋晚志偉打過俾我呀，我又係聽左，我又係唔記得我講過ｄ咩，我又開始發作ｌａ＝．＝，咁都冇野做，咪訓覺囉，落雨ｗｏ，襯番今日ｄ無奈既心情啦，咁馮生黎車雪芳走，咁我就番ｈｏｍｅ　ｌａ，番到黎訓死左呀下，訓到６點幾，中間好多人打俾我啦，毅進都收左君宜ｌｕ，咁我地就可以一齊番學ｌａ，哈哈。馮生都有打俾我，咁我係訓緊覺架ｍａ，佢聽到我番緊覺把聲就話：做咩一番到屋企就變左豬豬呀！？起左身ｏｎｌｉｎｅ囉，冇野做，到７點幾要出去食飯。見到表姐，表姐就話：喂喂喂，過黎問你ｄ野先。＜＝我都估到咩事啦下。果然正豐係冇祕密呀下，連佢都知，死人傑仔啦。表姐又話：年年正豐都有緋聞，但估唔到今年係你ｗｏ！？＜＝之後佢就一路寸我ｌａ，唉。

>>August 19, 2004 at 2:58:34 PM GMT+8

2004 年 8 月 17 日 星期二 【晴】

真係唔知點樣形容今日好，咁我今日係準時的！！傑仔都罕有咁早到？！阿沖都話佢轉性呀？！但係因為馮生今日又係７：４５，如果遲既話俾馮生鬧，咁今日上到車既氣芬好有問題呀下，馮生今日好似好有野咁啦下，去到見到阿禮，又寸咀啦ｄ人，冇野講，咁去到好熱既係，淨係排書都好熱ｌａ，濕哂，馮生一黎到勁鬧人啦係，發癲啦又，今日阿欣勁俾佢鬧，個個都俾佢鬧咁濟啦，係勁鬧果隻，好好彩咁熬到走啦下，咁本來我放，阿欣番ｇｅ，但阿欣話佢條仔今日得閒，咁咪我番囉，佢今日全日黑面，都唔知點算好呀，咁同阿欣＆ｊｏｅｙ去左椰林閣食野，勁笑呀，ｊｏｅｙ又寸我呀，又勁笑呀，完全坐到唔想走，之後自己好孤獨咁番去啦，番到去見到郭生，佢勁問我野，我又勁眼訓，我又冇理佢，之後撞到對門，勁魚，我望去後面見到郭生呆左咁望住我，我就話：唔準笑呀下。跟住佢笑住咁走ｌａ走。番到去都冇野做，淨係打電話，咁之後我勁眼訓，就同馮生講我想早走，我係要有好大既勇氣呀下，打打下電話，眼眉跳，咁有人話女仔右眼跳就好架ｍａ，但我諗（今日老細黑面，又俾人鬧，仲會有咩好野丫？！），之後毅進打左俾我，話收左我，佢話收我，我係好開心，但之後佢話收我讀物理果陣我係喊出黎咁濟囉，我係勁唔想讀架，我原本都唔係諗住之後做有關於物流既野既，但報果陣係老豆想我讀，我先至報ｊａ　ｍａ，都唔知開唔開心好，之後有得放早啦，７：００就走啦，番到黎想ｕｐｌｏａｄ相，但又冇呢個心機，算啦。聽日番伯特利派書，太美好，唔使咁早起身。

>>August 18, 2004 at 1:28:55 PM GMT+8