2004 年 7 月 20 日 星期二 【晴】

尋晚本來傾完電話就訓架ｌａ，阿ｍｉｕ打黎問我出唔出，我都話唔出，但傾左陣電話之後，強哥打黎，唉，我都唔好意ｃ話唔去啦，佢之前叫過我出咁多次都冇出。彈左起身啦，１２：００去到上水火車站等佢，勁眼訓呀，隻ｃｏｎ又搞到我隻眼好辛苦，同佢搭到九龍塘先啦，再打的去到唔知邊度，再打過的過海，去到蘭桂芳．．好似冇我想像中咁啦，可能因為我地果間既問題啦，可能我覺得好似間ｃａｆｅ，ｓｏ都覺得冇咩野啦。去到，廣聯、阿ｎｉｕ、Ｄｅｉｂｉ都到左啦，我開頭未見過佢個人，仲以為佢係一個ｍｋ、好扮野果ｄ人啦，但唔係ｗｏ，好ｃ文呀佢，佢地成晚講不同國家既粗口啦，但我一句都記唔到，好難記呀，哈哈。有時阿ｍｉｕ又玩Ｄｅｉｄｉ，恰佢唔係好識中文丫ｍａ，坐左陣就轉場啦，同佢地去拎＄先啦，仲見到兩個人啦，成晚我都冇咩野講．．因為同佢地都唔熟．．但廣聯仲記得小學果陣我係同佢一間，佢仲話記得恰過我添，真係唔係好記得，不過我記得我地同一間小學啦，一路行Ｄｅｉｂｉ都有同我傾下計咁，都冇咩野既．．拎完＄就轉場啦，呢間先令我覺得有蘭桂芳ｆｅｅｌ　ｍａ！！之後飲左ｄｄ酒啦，開頭都冇咩野講，因為又嘈，同佢地又唔係好熟，都冇咩野講，俾廣聯話我玩靜坐囉，之後坐左過強哥度就好ｄ啦，都飲下酒啦，飲ｗｉｓｋｙ，但溝ｓｏｄａ，ｓｏ都冇咩野啦，飲到有ｄ　ｗｉｎｇｗｉｎｇ地就去左跳舞啦，開頭同強哥跳啦，因為我同強哥講我未見過佢跳，佢就同左我出去跳，但跳左陣，強哥唔係好掂，因為佢飲左好多酒，同佢番去坐下啦，之後果個好似叫阿寶既，話叫林咩咩咩飲，好似架車名咁架，唔記得左ｌａ，好過癮架ｗｏ杯酒，係３杯野咁啦，之後有一杯好似白酒既野啦，就燒一燒就有火咁啦，加埋另外一杯唔知咩野啦，有火果杯，同另外果杯仔一齊倒落第３杯酒度，係要ｄ火一路落一路飲哂杯野，勁叫啦我地，阿ｍｉｕ話杯野甜甜地，不過好勁，６０幾度呀，之後再飲飲下落去跳舞啦又，好好玩呀，同阿ｍｉｕ跳果隻好搞笑架，哈哈，我覺得今次跳好過上次向大６落舞池跳，可能今次多ｄ人好玩ｄ啦，之後佢地幾個男仔又講阿倫生日嘈人呀果ｄ啦，我呀、雞仔呀、Ｄｅｉｂｉ唔ｏ岩傾啦，又跳舞囉，哈哈，玩到５：００就走啦，強哥醉左，要扶佢，唉，超辛苦呀，好彩有４條仔幫手，之後等好耐車，個個訓哂，阿倫仲霸哂後面張凳，佢訓哂成張凳，之後好辛苦先拎到強哥落車，咁我就走ｌａ，番到黎拿拿林沖涼呀，好驚俾老豆見到我呀，費事佢又話我玩到朝早先番啦，我尋晚都係同阿媽講我約左小學同學ｊａ，哈哈，尋晚好似唔係幾好意ｃ咁，廣聯生日都要佢出＄，如果幾百都會話好咩丫，但尋晚枝ｗｉｓｋｙ都＄１２００，仲有其他酒果ｄ，真係好似唔係幾好咁，但佢都淨係話：開心咪得囉。就係咁ｌａ．．訓訓下，細佬ｄ同學又打黎嘈住哂，麻煩，訓到４點幾都好似唔夠咁？！勁ｔｉｒｅｄ呀ｓｏ狗仔叫我出去游水都冇出，好眼訓呀～我都好奇怪點解我今日唔想出街，阿媽番黎都話：你傻左呀？！居然唔出街？！

>>July 21, 2004 at 12:37:35 PM GMT+8

2004 年 7 月 19 日 星期一 【晴】

今日都ｏｋ開心架ｌａ，首先係唔使自己搭車出去先啦，老豆朝早車我出去啦，等埋馮生，同阿兒就去左李兆忠，阿善同嘉寶都向度，勁忙呀又係，勁寫ｏｒｄｅｒ　ｆｏｒｍ囉，ｄ人又係好煩架囉，同阿兒鬥呻囉！之後都冇咩野做，都係４個一齊傾下計咁啦，馮生話俾放半日，同埋聽日都可以放，咁我就放左啦，我好似成日都放咁！？拿拿林打俾狗仔出黎，之後都冇野做啦，行行企企，傾下計咁就得ｌｕ～到１：００，阿善同嘉寶要番倉，嘉寶勁叫我唔好放陪佢，傻啦！！之後同阿兒走啦，去左天水圍搵人再搵埋狗仔同兆’ｒ，去左打機，之後自己食野，發生左樣好開心既野啦，哈哈，不過唔講得ｇｅ，落去話俾狗仔同兆”ｒ聽，佢地勁寸我啦下！之後搵埋佢地，打多陣就俾人寸走左啦我，好冇品既我，之後兆’ｒ黎左搵我，勁度憎某人啦，之後出左元朗，想買件３換左佢，因為我唔想著住呢件番工３，但搵唔到，ｓｏ行多陣，打多陣機就走ｌａ，強哥叫我今晚出去蘭桂芳，唉！！唔知出唔出好呀，佢成日約我都冇出，但我又勁眼訓ｗｏ！！最緊要既係，呢排成日都生蒼呀～～～～今日番到黎都繼續研究部電話，唔知點入ｍｐ３，終於都成功左。我未換電話之前，一直都諗，我好唔好將之前我仲未ｄｅｌ既相，ｓａｖｅ落電腦呢！？你ｄ相我仲要黎做咩？！真係唔知～～但最後我都冇ｓａｖｅ落電腦，因為我真係想放棄你，雖然好困難，我以為越耐我會越唔鐘意你，會越黎越憎你，但我錯，時間都係唔會沖淡一切，我越黎越掛住你，究竟今日你打黎呢個電話，係咪有野想同我講？定係好普通既打錯？！原來你講１句說話，真係好比佢１００句。

>>July 20, 2004 at 11:59:45 AM GMT+8

2004 年 7 月 18 日 星期日 【晴】

唉～～又要番工ｌａ，今朝早要去蔡章閣呀又，約左ｊｏｅｙ佢拎番ｄ野俾我就分開走ｌａ，一朝早ｄ心情勁差囉！！ｄ人問野我都勁敷衍同勁惡，勁煩咁啦！！ｄ師奶真係煩到嘔，坐到１：００就走ｌａ，約左ｊｏｅｙ　ｍａ，番到倉數完＄，馮生叫我同ｊｏｅｙ落門巿幫手呀，之後諗住落樓下打的既，馮生俾左＄我地，但之後見到唔知邊個，因為我唔知佢個名，咁佢就車埋我地去ｌａ，去左吉之島食野，要好快咁食完走啦，去到門巿，好多人，好驚，但我唔使執，只係企向門口，勁無聊，點下貨，上下野咁！向呢度ｄ時間過得快好多呀，行行企企咁就一日，８：３０到，我就同ｊｏｅｙ走ｌｕ，勁眼訓呀，番黎沖埋涼食埋野，傾左陣電話就訓ｌａ～

>>July 20, 2004 at 11:39:18 AM GMT+8

2004 年 7 月 17 日 星期六 【晴】

到今朝早ｋｉｎｄ威無啦啦發燒．．３９．４呀，無啦啦發燒，走又唔係，唔走又唔係咁，之後佢話向度訓啦，咁我咪訓張梳化床囉，第一次訓，不錯呀下，哈哈！之後睇番佢，退左又燒番咁，到１點幾嘈醒佢，叫佢番屋企訓同抖下，之後出左去啦，之後搵埋ｍａｍｉ就番黎ｌａ．．唉，又要番工ｌａ．．番到黎食野，上下網咁啦，到６：００，阿媽無啦啦叫我出去食飯，又係同蔡窿華佢地啦，同佢地去唱ｋ呀，唱左陣ｊａ都係，本來應該唱到１０：００，但佢地個個都話肚餓，唱到８：００就走ｌａ，仲有５杯野飲未叫就走，好豪呀覺得，哈哈。反正阿窿哥請啦，同佢地玩色盅啦，好搞笑，之後去左食海鮮，食埋就番ｌａ．．好眼訓呀！唔講ｌａ～～

>>July 18, 2004 at 2:27:36 PM GMT+8

2004 年 7 月 16 日 星期五 【晴】

今朝早要好早咁起身出去啦，７：３０就要出到去呀！！去到，阿兒、阿ｌｉｎｇ同ｐａｎｄａ都向度，等埋馮生車我地去啦，一去到要入袋果ｄ，好ｅａｓｙ姐，俾馮生鬧足一朝早囉，好煩呀佢真係，ｄ家長又問問問，佢又鬧鬧鬧，成朝都好嘈嘈嘈，做到死咁濟，ｄ師奶真係麻鬼煩，一個問題問１０幾廿次，答到我死咁濟，到ｌｕｎｃｈ食飯都冇時間咁濟，食一兩啖就有人黎買書，做到４點幾呀痴線，但好彩馮生話走得，唔使番倉，同阿ｌｉｎｇ、嘉寶、ｊｏｅｙ一齊走，出去搵狗仔佢地，歐佬都向度？！兆’ｒ同ｋｉｎｄ威都向度！阿７、無智就打波啦，勁悶呀今日，之後佢地去買野食去我度ｂｂｑ啦，傑ｃ都黎左，勁驚俾佢整，等埋毛伯黎昆埋佢＄就去我度，個個都．．哈哈．．算吧啦。發癲囉，又隊酒啦，好搞笑呀，佢地唔知點樣搵到我ｎ年前玩既滑板車，跟住坐向上面，等人推，勁搞笑，笑死我，兆’ｒ仆左兩次，咁樣佢地都玩得出，之後又拎堂妹ｄ單車同狗仔鬧快踩到囉，哈哈，猜輸左飲野果ｄ，宋龜仲醉左講左ｄ勁白痴既野，但兒童不宜就唔公開ｌａ，之後睇＜咒怨輪迴＞啦，睇到我訓左，勁眼訓ｍａ，之後諗住叫醒ｋｉｎｄ威，我一開門，聽到有聲，嚇死我！！原來個死ｋｉｎｄ威撞到野，勁俾佢地魚我囉，因為我聽到聲之後大叫再走ｍａ。哈哈。玩玩下我就訓左ｌａ．．

>>July 18, 2004 at 2:21:30 PM GMT+8

2004 年 7 月 15 日 星期四 【晴】

一朝早我又遲起身啦，叫ｍａｍｉ車我出去啦，跟住自己諗諗下．．唔係ｗｏ．．我遲到都冇人知冇人理架啦，之後勁慢咁去蔡章閣ａｇａｉｎ啦，我都唔知原來朝早３號風球，係ｄ家長講我先知＝．＝”，之後學校ｄ人同我講話就黎８號風球，叫我執野走，咁就打俾郭生問佢使唔使番倉啦，居然要ｗｏ！！番到去拆＄啦又係！！拆完＄佢叫我幫手搞ｄ答案，低能架真係，嘉寶、阿珊、ｈｅｉｄｉ同ｃｉｃｉ都向度，ｈｅｉｄｉ都唔係佢地講咁乞人憎姐其實．．可能佢冇鬧過我，ｓｏ我唔覺佢有咩問題，佢仲同我講左幾句野，都笑笑口咁講，冇咩問題丫我覺得，不過算啦，呢度係是非地，我都明架ｌａ．．到１２點幾郭生先話ｄ暑期工走得，即ｈｅｉｄｉ要留低，咁我就同ｃｉｃｉ走啦，佢去天水圍搵佢ｂｆ，咁我又去埋啦，橫掂有人陪搭車，唉，我發覺我地一ｄ都唔夾囉，大家鬥搵大家咁，之後去搵埋狗仔同毛伯，去左打機，無聊至極，淨係睇佢地打，打到４點到就走啦，去到元朗借碟同周圍行下啦，之後就走啦，番到黎第一時間訓覺呀！！醒左傾左陣電話又再訓過ｌａ．．真係勁ｔｉｒｅｄ呀～～

>>July 18, 2004 at 9:29:42 AM GMT+8

2004 年 7 月 14 日 星期三 【晴】

始終我都不能避免要去蔡章閣啦，今日我都唔記得幾點起身ｌａ，沿途想買ｄ漫畫都冇我想睇既，ｅｒ．．好快咁就去到果度啦，計早左呀我，去到仲有時間食埋個ｍ記添，全日都好煩呀！ｄ師奶係咁問問問，煩到死，ｌｕｎｃｈ好寂寞咁自己一個去左大叉樂食野啦，行好遠呀，呢ｄ咁熱既天氣勁想行穿出去，但開左勁多書店，勁驚咁，費事俾人纏住啦，咁就好熱咁啦，個半鐘時間食飯真係勁耐，坐左都ｏｋ耐，之後因為怕熱既關係，都係選擇穿商場架，勁驚囉，係咁問問問ｄ人，又唔肯俾我走，仲見到嘉莉＝．＝”，之後番到去都係睇書同聽歌，都幾易過架今日，坐到４：００就走啦，係勁慢咁執野果ｄ啦，番到去好快咁拆完＄啦，今日馮生心情好似好好咁，俾番車＄我居然．．之後成班人一齊執書套，我係行行企企咁囉，都冇野做，一番到黎，ｃｉｃｉ見到我地好似好開心咁，因為佢今日幫ｈｅｉｄｉ手整野，佢地又係勁快既人黎啦，ｃｉｃｉ勁俾人催囉，ｓｏ一見到我地就同我地去左第二個倉幫手啦，到７：３０果陣，郭生超乞人憎囉，又話唔知咩唔得呀咩唔好呀咁，要執一執，麻鬼煩啦，又遲放，之後開始放８：３０呀＞＜．．麻鬼煩啦又係，之後又係成班一齊走，好嘈呀我覺得我地，勁大笑勁大發癲，拿拿林買埋野食就番黎啦。

>>July 18, 2004 at 9:17:13 AM GMT+8

2004 年 7 月 13 日 星期二 【清涼】

勁熱呀．．．．咁今朝早啦．．．因為勁抵錫既ｆａｎｎｙ．．令我今日唔使去咁遠，我今日只係較早左半個鐘起身ｊａ．．我以為我之前番學果陣已經訓練有數，可以15分鐘搞掂啦，但係唔得ｇｅ＝．＝”，臨出門口阿妹又係咁叫我等埋佢ｗｏ，之後勁快咁啦，因為約左人，同佢一齊番去啦，熱死，我尋晚同今日都一路驚，驚聽日有人認得我，會過黎寸我．．今朝番到去見到班主任啦，講左兩句就去校務處ｌａ，果個書記見到我都好似唔知我黎想點咁，我唔係覺生既身份黎到，平時有個人超寸架ｍａ，今日幾鬼好禮貌呀，向度坐囉又，食下野呀，上左ｌｉｂ借雜誌睇啦，ｍｉｓｓ　ｋｗｏｋ見到我都係唔知我黎做咩咁啦，佢話我電左髮好ｄ，哈哈，我尋日叫定ｍａｇｇｉｅ落黎搵我陪我架，佢今日完左散學禮就落左黎搵我ｌａ．．佢升到呀．．開頭佢話升唔到真係有點擔心．．之後傾左陣佢就上番課室拎成績表，到放學果陣，宋龜同ｋｉｎｄ威落黎玩左陣野啦，好快佢地就走左，我就勁悶咁坐到１：００，今日係一張都收唔到既，打俾嘉寶約埋佢一齊番倉ｌａ．勁眼訓呀，等車果陣見到ｍｉｓｓ　ｓｉｕ，傾左陣啦又係，好似畢左業之後冇咁憎佢．．我搭搭下輕鐵訓著左，一起身果陣見到青山村，即刻彈起身衝出去，但衝唔到，好無奈咁望住嘉寶同Ｊｏｅｙ，再搭番轉頭囉要，番到去，我一張都收唔到，ｓｏ唔使拆＄，要同嘉寶執包書套，執到我發癲咁濟，阿ｌｉｎｇ都黎幫手，太好ｌａ．．同３個一齊吹下水都不錯，咁橋我個位有箱遮住，咁就向度傾電話啦，睇黎下次要帶定ｈａｎｄ３啦，搞到我條頸咁鬼痛，之後我都唔記得做過ｄ咩ｌａ．．隔左咁耐啦都．．

>>July 18, 2004 at 9:01:25 AM GMT+8

2004 年 7 月 12 日 星期一 【晴】

今朝因為訓唔夠同阿媽嘈左＝．＝””，起左身去食埋個ｍ記就自己一個去田家炳，低ｂ架，間學校咁僻！勁搵！今日得１４張單，又勁眼訓，訓左幾次，我以前係唔信ｓｕｋｉ話食食下飯會訓著，但我而家信ｌａ．．．因為我今日寫寫下野訓著左＝．＝．．．中下中下咁撞親個頭，算啦，到１點就打俾馮生話冇人買，問可唔可以早走，因為我真係勁眼訓！！之後打俾阿ｓｏ，約埋佢一齊番蒼，仲撞到ｐｉｎｋｙ添，番到去又係數＄，食埋飯又執下野，咩都做下咁啦，本來我聽日應該去蔡章閣架，但我叫ｆａｎｎｙ同我調轉，因為佢去伯特利．．成功左，我同ｐｉｎｋｙ＆阿ｓｏ講阿善ｄ野，佢地勁激動囉！有個家長，發癲架！！佢話買書，又要我搭番車番去收張單，話坐到４：００，坐到４：００都係得佢一張單囉！！番到蒼俾郭生睇，佢話：搞錯呀，麻Ｘ煩，真係唔想爆粗鬧佢架，有冇搞錯呀？！＜＝勁激動，我勁想笑，之後話俾ｐｉｎｋｙ＆阿ｓｏ聽，佢地都勁笑，仲要想像埋佢個樣先搞笑。今日都好準時放工，放工就同阿善、國寶、ｊｏｅｙ一齊走啦，ｊｏｅｙ真係好搞笑呀！向輕鐵勁笑！之後拿拿林番黎ｌａ，超眼訓呀～～～～～ｐｉｎｋｙ仲打黎叫我打牌＝．＝””，咁不如要我條命．．吧啦．．

>>July 13, 2004 at 2:24:46 PM GMT+8

2004 年 7 月 11 日 星期日 【晴】

尋日去左睇＜蜘蛛俠２＞ｌａ，ｅｒ．．都係咁啦，睇到好眼訓既我！到今朝有點驚驚地，ｂｅｃｏｚ個個都話馮生好惡，而我今日要跟佢車，一朝早約埋ｊｏｅｙ一齊等啦，仲見到國寶，等埋阿兒就去邱子田ｌａ，係做到想死咁濟囉！！不停咁寫收據，有ｄ人又話漏左寫乜寫物咁，我同阿兒又要搵番俾佢地，做到唔停咁呀！之後馮生走左，我地都鬆一鬆啦，好驚俾佢鬧，但阿兒已經中左！搞到１點到就執野走啦，去樓下食埋野就上番蒼啦，好搞笑架食果陣，ＪＯＥＹ真係好搞笑！！上番去就要數＄果ｄ，爭＄３００，唉，同左郭生講，佢又話遲ｄ再講，之後幫阿ｓｏ執書，唉，好憫呀今日，而家又要去冇冷氣既蒼，麻煩，狗仔打俾我叫我通頂，唉，勁唔知點好！又想玩又要番工，但最後都俾人引誘左去既，ｈａｈａ，放工就成班一齊行，好開心咁，勁笑勁笑咁啦，一諗番ＪＯＥＹ　ｌｕｎｃｈ講既野就不停咁笑，勁開心聽日係出去１０：００～４：００！又可以遲起身，又可以唔使留咁耐向蒼，約埋ｋｉｎｄ威向唔知咩村啦，我成日都將坑尾村同糖方村調轉，搞到我地兩個約左唔同地方等，之後去左朗屏搵狗仔，兆’ｒ都向度，行行下落雨ｗｏ！！他媽的．．．濕左啦又，傑ｃ同客家一早到左，之後娜姐都黎左，打牌囉！！勁好彩咁食左舖爆棚，一開始叫糊，之後到我摸牌就自摸！狗仔手風好，狗仔向度果陣，我都勁好手氣，但狗仔走左我就輸番，玩玩下就訓左，超眼訓呀，佢地又阻住哂，又要拉人起身隊酒，玩左陣太眼訓頂唔順訓左，訓到５：００　　ｋｉｎｄ威要番屋企，嘈醒左我．．咁我都走啦，我打的番到黎就拿拿林訓ｌａ。

>>July 13, 2004 at 2:14:00 PM GMT+8