2002 年 12 月 10 日 星期二 【陰】

本來好開心，因為apple黎左我屋企整左碗仔翅 ( 搵仔翅 ^^ )比我食。真係幾好味架 !
咁當然同街邊個d唔同啦 ! 個傻婆珊仲問有冇醋 !! (真係當我屋企係食市呀 )
冇同班朋友去唱 k 呀! 因為之前己經約好左今日去我屋企 ~ 同埋珊去見工呀!!!
之後都出左旺角，勁黑仔呀我~ 傾計電話個時apple比野我整跌曬 ~
又整爛左人地鋪頭d野 ，但我一拎起就...就己經上下分開跌爛曬 =.=" ( 第一次咋 )
好可怕呀..好可怕呀 !! 但佢冇叫我陪喎~~ ( 攪到我勁過意唔去，但apple個d就叫我走....咁我梗係唔係有心啦 !! 但如果個個都係咁...唉~~唉~~~ )
去左間鋪頭買左個 " 特大光蘇餅 " 比 " 曹三多"，不過其實佢話係要最細個個...^^ "
但我同佢講最細係咁大lor ~ haha..

>>December 12, 2002 at 6:46:49 AM GMT+8

2002 年 12 月 9 日 星期一 【陰】

好凍好凍...十二點前去左打邊爐^^ D蝦好好食呀 !! 食到好飽..所以要夜d去訓,,,
差唔多零晨既三點四十四分，我仲係度玩緊icq，同緊個 icq既男仔傾計。
傾傾下真係講得好0岩~ 起碼有乜唔明我都可以問佢而佢又可以問番我 !! 冇諗過我會咁夜黎寫日記....因為平時都係下午黎寫 。但..個心....
<<<< 其實鐘意一個人都幾辛苦 ~ 我完全唔知應該去做乜~ 都唔知你諗緊乜 !! 好難明
<<<< 比左一個月時間，有比機會掛，但完全唔係我想要個d ~ 追一個人就係咁呀 ??
<<<< 睇得出唔在乎，唔放係個心度，我覺得己經唔算鐘意一個人了。
<<<< 鐘意一個人會掛住佢，想見到佢，想知佢既近況... 介意佢所做所想...
<<<< 以前好鐘意聽留言，因為我記得我試工個日好唔開心，聽番曬之前你既留言，或者
<<<< 唔係個日，己經好感動。(攪到想哭添~~~ 哈哈 !! 不過最後當然冇～～)
<<<< 唔知由幾時開始係對你有種好感，但你既感覺好忽冷忽熱....
　<<<< 睇得出你係重視朋友好多好多添 ~~ (幾好既 !! 有個朋友咁重情重義 ! ! )
<<<< 以前我都係咁，但可惜別人唔係咁諗呢 ! 淡個種感覺我好明白 ，所以我唔會再重感情
<<<< 太深，結果唔好受。( 如要重感情，那就一齊重吧 ! )
<<<< 下一步我諗你都係咁對我，我都唔諗太多，我知點做 ^^ ~~~
今日生日，雖然唔會有太多人陪我過，但每一句生日快樂己經代表左你既心意 !!
禮物並不是最重要的。" 希望我想要既，我好快會得到 !!! ( 生日願望 )

>>December 9, 2002 at 8:31:33 PM GMT+8

2002 年 12 月 8 日 星期日 【陰】

今日個天氣愈黎愈凍，真係唔想起身。琴晚佢真係打左黎 呀 !!!!
每年都打黎同我講生日快樂既男生一名...真係好可怕 !! 仲話聽日佢得閒叫我出黎.....
哈哈...不過我次次都話唔洗 ~~ 我諗佢今晚唔會又打黎掛~~~
講又講呀~~琴日個條對住空氣講野 既 傻婆 打黎嚇死人呀~~~夜媽媽 !!
今日又收到另一張生日卡 ^^ 仲要係一個同月同日生日既日send黎...但點解要我打電話比佢!!
聽日仲收到 lam佳佳 用flash 整比我既蛋糕 ~~真係好開心呀 ~ 第一次收到這個 !!
多謝佢啦 ~~ 唔知醜既 lam 佳佳 !!
琴晚發左個夢 ，夢見我阿爸買左個蛋糕比我 !! 哈哈 ~~真好笑~~因為佢都唔會咁做 ~~
平時都唔多同佢講野...真係發緊夢了 ....
<<< 要求，你將會得到 ~ 找尋，你會發現 ~ 敲門，門將為你而開 。 >>>
<<< 人人都應有問必有得 ，有尋必有獲，凡敲門之人，門必為之而開。>>>
馬賽福音 7: 7-8

>>December 9, 2002 at 6:49:52 AM GMT+8

2002 年 12 月 7 日 星期六 【陰】

今日真係好凍好凍....琴晚聽收音機時佢話會跌幾度....真係凍冰冰 呀~~
唔知邊個打黎....成日都係unknow ...!! 討厭....
琴日臨出門口時打左電話去勞工處.....^^ 不過又有少少後悔添~~點解唔去見教畫畫個d先 ~
今日一開 icq 就收到一個 icq 識既朋友的一張生日卡...估唔到佢會send比我... 多謝曬 ~
唔知佢係外國生活如何 ~ 不過我覺得佢好勁...因為自己整豆腐花食 !! 仲要係男仔黎 !!
點都好...多謝你~~ ^^
其實有時生日自己一個過都冇乜野....因為一輩人都係得一個生日姐 ~ !! 就係出世個日 ~

>>December 8, 2002 at 8:22:47 AM GMT+8

2002 年 12 月 6 日 星期五 【晴】

今日真係好熱，見到個太陽咁曬都唔想出街....
本來諗住出唔到去，因為要睇住個表妹。點知姨媽打黎話唔洗...叫我可以出街^^ "
之後就約左成個幾月冇見既" 婷婷 "，本來諗住唔陪大佬過生日，但唔想佢唔開心，因為少人去......但去到都好多人..大約十個到。去左大圍踏單車，好曬.....
租單車都要講價，因為好貴，之前踏都係二十幾，現在五十幾，不過最後都講價成功。因為有兩個叫價高手....登登....有珊珊同大口 !!! 強呀~~~..比我就未必會咁做 !!
由大圍踏到到沙田....再由沙田踏番去大圍.....累死人呀~~ 不過都估唔到會撞到 " 肥必 "個d ~
好睬今次我冇跌親....哈哈 !! 不過佢地有點就.......
番到荃灣又撞到人，中一讀個班d男仔~~~ 唔理 !! 照行 !! 其實我地班友既男仔真係有少少唔同左....大個左呀 !! 祝大口英文愈黎愈勁 !! 搵番個女朋友 !!
好多謝yip ~ 今日收到我今年既第一份生日禮物 ^^ 真係冇諗過....

>>December 8, 2002 at 8:10:03 AM GMT+8

2002 年 12 月 5 日 星期四 【晴】

死啦~ 佢真係打黎搵我~~ 每年我既生日前個幾日佢就打黎....
過埋十二點就係" 大佬興 " ，這係大口怪既生日...

原來珊珊真係最正常個個~~難怪我地d唔正常既....人先會原諒你 ^^ " 同接受你~
不過，你真係好勁。因為你識對住空氣講野同埋食碗 ...哈哈...仲有食吉野家既碗 ~

>>December 8, 2002 at 7:43:09 AM GMT+8

2002 年 12 月 4 日 星期三 【晴】

今日都係咁啦~~又係咁過~~我都好乖啦 !! 臨出門口都攪掂好曬d家務..但番到黎咪又 係比人罵...唉~ 次次都係咁 ... 好過份呀~~算 !!!
星期六都唔知點...出去定唔出去好 ? 但出街又要帶埋表妹去...她是一級大煩人 !!!
不得不得啦...唯害我的小女孩~~ 不可能帶她出街呀 !
最近同婷傾開電話...講野真的不太同以前般...認真了許多 ~~ 但我還是傻傻的一人呀 !
其實只想氣氛好些...悶悶的有時真的很可怕呀 ! 但我認真的時候我真的很認真呀 ~~
來得快，去得快。 我也不想是這樣的呀 !! 我也有傷過的~ 傷過就知道個種心情 " 淡 "的感覺 ~~
獨立，有自信，有要求，有膽量，我都要去學習得以前梗好 ^^ "

>>December 5, 2002 at 4:52:52 PM GMT+8

2002 年 12 月 3 日 星期二 【晴】

差不多這幾星期三apple都黎我屋企^^....今日仲黎我屋企炒菜吃..味道都唔差既...
下個星期三你係咪真係黎整碗仔翅食架 ?? 係就好了..不過唔好乜都落曬~~~
今日心情幾燥 !! 每一次帶親堂妹過黎...再加埋個表妹就煩上加煩 !!
個個玩完..整完d野又唔應..又唔執...佢又話係佢...佢又話係佢整 ....妖~~~勁黑人憎呀 !!
唔通係我整架 ???? 乜都玩一餐..仲將d水整入個電話度 !~~~ 過份呀！！
個衰人表妹...攪到我好嬲呀..對住佢好辛苦...相比佢阿哥..我喜歡佢大佬多d.
起碼識尊重人...有禮貌過佢妹...雖然兩個都好差 !! 不過我覺得係佢屋企攪成咁 ...鍚個女仲多過個仔..買野又買比個女....唔理個仔...表弟脾氣都唔係太好..仲要加埋佢個勞氣阿爸 !!
關係又點會好呀 !! 攪到個仔咁.....有冇諗過自己都有錯 ??

>>December 4, 2002 at 9:51:59 AM GMT+8

2002 年 12 月 2 日 星期一 【晴】

今日去左見工...唔知點呢 ? 不過都係冇乜信心..因為我就是這類人呀 !!
又要等..等到又要去上堂~~ 自己又好鬼多心喎..成日留意其他工...
請又好唔請又好..我都係有得有失既~~!! 這就是一個經驗呀!! 一個成長必經的路啦 ~~
估唔到見工咁快就見完~~ 唔知係咪自己太差呢 ? 可能對我冇興趣..
因為琴日睇左本面試技巧...本書係咁講 !! 我仲借左本心靈雞湯既關於勇氣...仲有兩本包裝一本摺紙.....^^ " 不過都預左睇唔曬...因為之前都試過啦 !!
點都好..都係唔好咁多心..等下啦...仲有時間呀!! 何況這年預左係比自己摸索下條路既
今日一開icq就見到隻 lam佳佳 喎 !! 同左佢傾計...真係羡慕佢可以識咁多台灣妹 ^0^

>>December 3, 2002 at 7:13:31 AM GMT+8

2002 年 12 月 1 日 星期日 【陰】

今日真係好唔開心..琴晚諗左成晚..唔知點打電話去問..差d攪到訓唔著 !!
四點幾先訓...阿媽就八點半打黎叫人收衫 ...落雨呀 !! 激死呀~~! 叫左佢明知天氣唔好就唔好拎d衫出去曬..明知冇太陽..最後咪又係攪到我...!!!
係張床look左半個鐘頭先可以再訓番著~~唉...訓到一半又打電話黎~妖~~最後十二點幾先起身..起身又要幫個衰大佬執床 !! 食完d野又唔執..哼!!!! 之後又整番熱d飯去比表妹食...攪個野攪個野...差唔多一點..佢應該放學搭緊lift上黎...但我明明睇閉路電視見到佢架 !! 之後一點十分..佢仲未番...攪到我出去左搵佢...我打電話比我媽....話佢仲未番...個刻好驚佢有事...因為琴日既野同埋自己平時唔落去接佢既關係~~
之後我去問左對面我既以前朋友既細佬..!! 問佢見唔見佢搭lift 點知佢話唔見佢搭lift.....
我仲驚...好驚佢唔知會唔會比人...咩...定罰留堂..!! 我由十八樓落左幾層去搵佢...唔見佢又行番上十八樓..驚佢番黎我又唔知...點知又冇...再由十八樓上到去二十七樓..再落番去地下搵佢 ...再由另一邊既樓梯上到二十七樓...再落番去十八樓....一邊行樓梯個刻...好驚..個心跳得好快...我媽就不停咁打黎罵我....其實我差d哭左出黎...好想係唔知幾多樓跳落去 ~~
我番左屋企之後...大約一點三十五分...我係閉路電視見到佢含住糖咁番黎搭lift ...真係好嬲 !!!!
好過份...之後問佢邊個叫佢去街市...佢話係佢同學迫佢去...!! 如果佢唔想去既話就唔會跟佢啦 !!
成日講大話...有時我覺得佢好煩..但有時只不過係頑皮....唔應該咁對佢..但佢成日講大話 !!
唔迫佢都唔講真話 !! 乞人憎~~~~
最後..原來我成個半月冇搵婷了...琴日同佢傾計...原來佢發生左d咁既事.. ..我都唔知~~!!
佢地己經好少理佢...我同佢算係好...但我估唔到自己忘記左佢...對唔住 !

>>December 2, 2002 at 7:41:51 AM GMT+8