2003 年 2 月 20 日 星期四 【晴】

今日好似好累咁，腰酸背痛。( 年紀退化係咪咁架 ?? )
最後又要出去大舅父屋企，好衰架 !! 上次己經問左係咪拎咁多....現在又叫我去拎 !!!
六點幾先番到荃灣，之後咪趕住搵你地班友仔 !!! ( 咁0岩撞到潘婷喎 !! 呵呵 )
我地咪一齊去搵班友仔，傾左一陣啦。henry之後打黎比我，估唔到呀!!!!
( 不過係我主動收線個刻，我只係笑下姐~~~ 佢就又問我 !!! 點解咁開心既你 ?? )
我真係勁覺得佢係唔想我開心lor~~~ << 唔知乜人黎架 !!! 變態 ?

p.s 恭喜恭喜 !!! 珊珊終於得左啦 !! 記住我下年份生日禮物啦 ( 仲記唔記得我想要乜呀 ? )
而我當然唔會少左你個蛋糕啦 !! 我地係咪真係去個度 ( 沙呀 !! 城呀 !! ) ??

>>February 21, 2003 at 11:48:38 AM GMT+8

2003 年 2 月 18 日 星期二 【陰】

今日同apple食飯lor~~ 你都可以叫埋maggie架 !!
我都係覺得個個什果沙律卷好味d !! 今日見到個個男仔呀 !!
個男仔係住係我屋企個座，佢返工我又見到佢喎 !! 佢食完飯個時我又撞到佢 !!
我諗佢係認得我呀 !! 因為佢係咪望下又唔望下我 .........

明天我己經可以破紀錄啦 !! 因為就黎有三十分 !!! 三張地鐵飛呀 !! 勁呀 !! ^3^

>>February 21, 2003 at 11:56:44 AM GMT+8

2003 年 2 月 17 日 星期一 【晴】

今日心情比琴日好番少少了，好多野都冇乜點變到....
係今日去左大舅父屋企拎白金lor~~ 唔想去都冇法 !!!
鬼叫咁近佢屋企吧 ! 仲有買左個阿旺阿媽整既餅一個...好甜呀 ~~
本來最近要去飲既，不過....因為現在發生左這些事，所以唔可以去的 !!

p.s 健康真係好重要的 !! 而家人永遠都係為自己好.....
希望食煙既就少食為妙吧 !! ( 個時因為阿爸又食煙又飲酒而入院....別再要我去擔心啦 !)

>>February 18, 2003 at 12:55:19 PM GMT+8

2003 年 2 月 16 日 星期日 【陰】

今日凍左，個天又少少雨。同我心情一樣~~ ( 個樣真係似勁未訓醒 )
早上既時候，笑都笑唔出。下午比較好d.......
可能同maggie傾左一陣啦，本來唔食飯的，因為冇乜胃口食野。但maggie話唔好..
咁佢就買左個飯一人一半，傾左一陣心情好左d。但還有失落感呢 ~~
下午既時候，行下行下就見到個神情怪怪既女仔，我仲以為佢唔識路咁咪冇理佢lor~
因為佢係咁周圍望黎望去呀 ! 咁我咪繼續行，但冇啦啦有一啪我膀頭喎 !! ( 嚇死人咩 ! )
原來係頭先個個女仔。佢係咁同我講話...佢公司接左個 jobs ....唔知叫我仲乜....
( 佢講乜我都唔清楚呀...因為我個時驚左佢呀 !! 何況我覺得佢一定係搵錯人喎 !! 搵我做怪獸呀 )

我五點之後先得閒，唔該阿黃生唔好再成日打黎煩我呀 !!!!!!!!!!!!!!!!!!!!!!!!!!!!!!!!!!!!!!!!!!!
今日打比apple，因為琴日冇打黎同你講 " 生日快樂 " ，點知原來你病左 ~~~!!
生日快樂之外，每日都要開心，唔好再擔心自己英文吧 !! 努力盡力讀吧 !!!
在此祝你 身体健康 !!

>>February 18, 2003 at 1:21:04 PM GMT+8

2003 年 2 月 15 日 星期六 【陰】

琴晚睇完阿婆最後一面，睇住將個箱推入 lift !!
( 其實我一路都係度諗，究竟係箱入面既佢會係點，入面咁黑 ! 阿婆會冇野嗎 ? )
我地之後各行各番屋企，鐘意食粟米既表弟個家人去左我屋企訓......
大家心情都ok既....煮左個面食佢地就訓覺.....大約兩點幾~~
其實我好驚我訓唔著，因為阿婆.....所以我訓既時候都聽緊收音機 !! 但最後，五點幾都係醒左~
個刻其實我都唔夠膽去廁所，因為我真係感覺到驚個刻 !!! 突然間.....有點微風係咁吹埋黎..
我仲驚架 !! 但聽到有人去完廁所既沖廁聲，我就冇咁驚了......
最後原來係我阿哥黎，原來d微風係風扁黎 架 ! ( 可能連阿哥都訓唔到掛，因為我知佢好少會
咁夜起身去廁所的 !! )

聽住收音機己經成七點幾，我開始又訓著左。但八點幾又起左身 !!
因為我地要去大舅父屋企傾阿婆d身後事，一路講個d....又講個d...( 我雖然睇緊雜誌 )
但聽到佢地既喊聲，我又忍唔住啦 !! 今日真係唔係好夠訓 ~~ 但我還是努力支持住 !!
最後黎傾野個個係細舅父，因為佢要去跑馬拉松。( 佢仲叫阿婆支持佢添 ，而佢又係基督徒 )

其實我自己覺得阿婆係好唔想走架 !!! 細舅父應承話同阿婆去睇眼....又冇件事 !!!
成日都關住自己老婆同個仔咁，其實阿婆係好想你得閒打比佢...同下佢食飯你又知唔知 ?
( 我仲好記得細舅父問阿婆個句：你捨唔捨得我 ? )

其實我...真係唔太相信阿婆既離開。因為我同佢生活既每一刻我都好記得...
記得我細個比佢打 !! 記得我教識佢打電話 !! 記得每次我沖澡既時候，佢都好鐘意話要去廁所 !!
記得佢以前打黎既時候，當我唔想傾既時候，我就會狂講 " 88 "，而佢又好得意咁同你講，
" 88 " "88 " 成日講88 !! 記得你行路慢慢個個樣子 ，仲有我成日摸你既手同腳根 !! ( 因為我覺得好意 ，而你又會同我講個樣個樣.....)

我當我看到妳的衣物，我就想起妳 !! 每當我想起妳既時候，我就會好後悔 !! ( 因為我還未孝敬妳 !!! ) 當我後悔既時候，我就想喊了 !! 知道妳跟阿公還有六七年先可以放埋一齊.....
我就梗加心痛 !! 因為我驚妳會寂寞......... 在遠方生活既妳，記得要開心 !!

p.s 希望我阿媽唔好再怪責自己吧 !!! 可能好多野都係註定左 !!

>>February 18, 2003 at 2:08:16 PM GMT+8

2003 年 2 月 14 日 星期五 【晴】

終於等到今日啦，雖然得最後得五個人去燒野食，兩個冇用既男人同三個女仔。
點解這兩個男人冇用呢 ? 因為叫佢帶野鋪桌子，點知就帶左勁多個垃圾袋 !!!
叫佢買白色棉花糖佢就買彩色，又買錯面包喎 !!! 最重要連水都唔帶~~~
仲話自己個袋有一枝 ( 枝水唔係得你飲架 !!! ) 本來係好開心架 !!!

突然聽到手提響，聽到阿媽喊得好厲害~~ 知道阿婆有事.....
個刻我真係喊唔出，因為要立刻番屋企 !! 仲要你地陪我飛的士 ~!! ( 對唔住..)
好多謝你話借個肩膀 ( 淫賤 )，但我真係哭唔出，阿媽係咁打黎我個心就愈煩 !!
我知你地幾個好擔心我，但我諗我好番冇事架啦 !!
搭的士個個時，我己經唔得啦~~ 去到醫院見到表哥個d，再見到阿婆咁辛苦.....
我地個個都喊曬出黎 !! 之後開始冇乜事........係十一點幾想走的那刻 ~ 竟然突發.....
聽到每一個人對住阿婆講既野，我己經好傷心.........好心痛 !! 見到個心電圖，係咁下降
而佢地又係咁叫阿婆....每句說話都好感動 !! 最後都係走世...
阿婆

>>February 16, 2003 at 7:42:05 AM GMT+8

2003 年 2 月 13 日 星期四 【陰】

今日幾好呀過得，可能係聽日既關係啦!! ( 唔關今日係西方情人節既事 )
下午既時候，當henry比野我個陣，見到個信封痴住朵玫瑰花呀~~
叫我拎比" 時代 " 既維珍 ，我都忍唔住笑 !!! 因為個朵粉紅色既玫瑰花係在公司偷的~~
而且仲要係阿may張桌上偷 、偷都少算緊要 !! 最幣係個朵花係 " 塑膠花 " 呢 !!!!
還有既係，我今日撞到朱茵呀 ~~~ 仲見到個花牌左面有朱茵張相同玫瑰花，咁右面就有
佢男友paul出既cd !!! ( 幾得意呀~~ ) 除左朱茵....仲見到係兒歌節目唱歌既---李嘉仁醫生陪老婆~
我今日偷懶偷左一個幾鐘，慢慢行~~ 佢急佢就會打黎我手提架啦 !!

聽日你又唔去，唔知佢又去唔去喎~ ( 雖說我都算係今次既攪手<< 有多少主見架 !! ^^ " )
但遷就完個個就個個，個個又會咁突發，個個又會咁.....唉... ( 攪到我都冇心情了 )

阿婆仲係醫院呀 !! 聽聞要插喉，講野好辛苦...要快d好番 ( 因為好多人擔心你呀 !! )
p.s 最近勁鐘意聽孫燕姿d 歌 ~ 還有流星花園內既英文歌 !!
情人節雖冇情人，但還有班老友陪。呵呵....

>>February 14, 2003 at 11:00:48 AM GMT+8

2003 年 2 月 12 日 星期三 【晴】

今日都幾開心 !! 因為佢送左樣野比我呀 ^^ ( 我諗住佢講下的呀~ )
唔知係真定係假呢 ?? 不過現在唔洗自己買了....
現在食飯同走既時候都同maggie一齊，嗯~~ 嗯~~~
最後我去左搵婷，仲諗住有個個白馬王子睇添~~( 點知佢冇黎到喎 ! )
琴晚又話幫你計數喎，點知今日又話唔洗，自己計埋~~ 車 !! ( 我計完咪比你當參考lor~ )
等你等左九個字啦，攪到我又要去借書、又要去買面飽、仲有睇左好多野 !!!
今日..........係.......係..........唉~~~

>>February 13, 2003 at 12:22:28 PM GMT+8

2003 年 2 月 11 日 星期二 【陰】

今日又凍番了，真係比個天----氣玩謝(烘平^^ )
好眼訓~ 好眼訓~ 下午冇apple陪我，不過仲有maggie陪我 ~~ ( 我地今日食包呀 )
都幾好傾呀~!! 佢爸...希望長多幾年命 吧 !!
而我阿婆琴晚又入左醫院了，見到佢地咁...唉~~
佢爸有肺癌，我阿婆有肺炎 !! ( 不過佢之前己經試過 ，而婆都唔會北上啦 ! )
最近留意緊一樣野，希望快d擁有他 !!
冇打幾日日記，今日就要補番啦 ~!!

>>February 12, 2003 at 1:04:11 PM GMT+8

2003 年 2 月 10 日 星期一 【晴】

今日好熱，我遲到呀 !! 不過係關mtr事呀 !! 都唔知仲乜要延遲~~
番到去又收多封利是呀 ! 但估唔到係佢~ ( 唔知佢結左婚呀~ 因為唔似lor~ )
" 時代 " 個間野又問我食唔食朱古力了 ( 平時我一定唔會叫朱古力 ^^" )
但我都係覺得 我受唔起佢地d野 !!! 無功不受錄 ~~~
發覺自己開始冇乜記性，他講過d野都唔係好記得了~~~
今日一番到荃灣，就去左我阿麻屋企接表妹。因為我媽陪左我阿婆睇醫生。
咁我接完這隻表妹就番屋企煮飯 ( 其實我都唔知夠唔夠水 )
不過我阿媽話 " 正 " ^^ !! 太高興了 ~~ 阿婆入左院，晚上舅父就去左探佢~~
差唔多成點先番黎我屋企，接唔到我表妹走去阿婆屋企訓 。所以就係我屋企過 ~~

>>February 12, 2003 at 1:47:38 PM GMT+8