2003 年 3 月 2 日 星期日 【晴】

今日個日子幾特別呀~~ 係03年03月03日~~~
原來我都有個fans 架 !! 原來apple會成日黎睇我日記架喎~~~ ^^ "
不過就只有你知我，而我唔知你呢 ??
番工冇乜野特別呀，因為我諗清楚呀....我現在先得十七歲，仲有大把日子要過....
這份工可以學到咩 ? 開心嗎 ? 滿意自己工作嗎 ?
其實我知的，學既野真係唔係好多~~ 有時真係唔係好滿意自己架 !!
不過每日我都可以開心喎 ! 因為我一諗到某d野就會傻笑 ^3^ 唔知點解呢 ?

>>March 5, 2003 at 11:07:27 AM GMT+8

2003 年 3 月 1 日 星期六 【晴】

今日本來話出旺角既~~ 不過係勁遲決定喎 !! 所以成四點幾先出去....荃灣
本來條" 淫賤 " 話兩個人去既，不過我始終覺得唔係好習慣....
之後都叫埋婷出去呀 ! 又話影卡喎 !! 你又呃我....................................哼 !!
我同婷都睇左好多野啦 !! 勁想買啦....不過佢要等埋份工先得....仲有會考呢 !!
行到半路見到 " 火雞 " 估唔到佢會有我另一個icq number 喎 !! 佢唔講係邊個我都唔知添~~
雖然佢做緊個份工，但都好呀做住先啦 !! 己經個個都有工開 !!
比心機呀 !!! 我都係呀~~ ^^

>>March 5, 2003 at 11:14:38 AM GMT+8

2003 年 2 月 28 日 星期五 【晴】

今日好累呀 !! 因為琴晚成點幾訓，雖然都算係早 !! 但係最慘係同左我表妹訓。
佢訓中間，我本來都以為冇乜野，但夜媽媽既時候，我就係比佢個一腳踢醒。
又踢披，又踢到我~~~ 我好難先再訓得著佢就再黎過。今次仲係咁踢落我個肚。=.="
我又驚驚地喎 !!! 難為我冇得訓，第二朝早我同佢講番，佢就話咁你又唔踢番我 !!
( 今時今日這個表妹既態度實左太差啦 !! ) 四點幾我老豆就落左街買早點比我阿婆...
而我都四點幾就起左身，換衫擦牙，六點幾就去度靈堂。
因為要攪掂埋其他，要入棺了。我地包左架旅遊巴去大澳上山。攪到我都幾眼訓~~
其實我都想有個肩膀可以比我訓一訓覺~~~~ 但卻沒有呢 !?!?
今日又食左好多野，又有勁多個茶果，又有幾箱水喎 !!
" 大澳 " 我都忘了我曾否有來過了.....但現在看到比我既感覺都幾舒服....
不過最衰係燒左阿婆架棚屋呢 !! 就係入土為安個段時間，個henry又打黎...仲要打左兩次黎 !!
我仲以為佢好掂添 ~~~~ 而婷又打黎比我 ，其實我都幾嬲，因為我唔係好想聽電話的。
而婷又係用番個種態度，我話遲d搵你就係啦 !! 又要問點解 !!!!!!!!!! 好煩架~~

攪掂完，我地就去左大澳既酒樓食飯，但三點幾咋 !! 開左八圍，但我地這圍得八個人 !!
但我地就係食差唔多婚宴個d野食，都係第一次八個人食一窩翅咋 !! 好飽好飽~~
而我都係第一次入男廁喎 !! 本來我介意既，不過我老母呀表嬸呀都話冇所謂~~
佢地又去喎，咁我咪去lor~~ 不過都係同女似一樣既 ~~~~ ^^ "

原來阿婆上個星期番左去我大舅父屋企喎 !! 因為我表哥聽到d聲...但佢仲唔知道乜事 !!
仲上網打機....今晚阿婆又番黎啦~~ 我表哥話佢應該知道自己咩左......唔知呢 !!??
我只希望佢開心、安息 !!

>>March 1, 2003 at 1:04:46 PM GMT+8

2003 年 2 月 27 日 星期四 【晴】

今日要去靈堂呀，仲諗住放左工之後先飛的士去........
但又會咁0岩佢叫我下午唔洗番喎 !! 呵呵...但我冇話比佢知我屋企既野...咁我咪算lor~
走咪走lor~ 最後都成一點幾買左盒蝴蝶酥當午餐食..
自己一條友出去大舅父屋企，因為有好多野要攪 ~~~!!!
最後咪換好成套白色衫出去....其實未入靈堂個時有種好寒既感覺...不過唔想入都唔得 !!
見到阿婆個心又..........唉~~~ 由四點幾攪到夜晚十一點幾....都ok既~~
不過個廁所又舊又開左風扁都幾可怕架 ! 而我都摺左好多野比阿婆，希望佢可以開心 !
之後我地就各散東西，不過我地一家就冇番屋企訓，而係去左大舅父屋企訓。

今日這刻好難忘，雖然係第一次，不過我梗加唔希望有下次 !!!!!!!!!!

>>March 1, 2003 at 12:33:02 PM GMT+8

2003 年 2 月 26 日 星期三 【晴】

今日悶呀~~ 咁咪打比你地lor~ 點知~
條淫賤仲要同我嘈喎 !! 婷話個電話冇電喎....我都有去圖書館搵佢的..
但始終見唔到。
最後都有個番工番得辛苦既珊珊陪左我一陣^^ thank you

>>March 1, 2003 at 12:06:50 PM GMT+8

2003 年 2 月 25 日 星期二 【晴】

今日自己一個人食野，冇過己經冇所謂啦 !! ( 知apple唔搵我實有d野~~~ )
的確冇錯啦，去左唱k，但咁0岩又會係旺角撞到既.....
你睇下我地幾有緣啦 !! 今日行緊街既時候，有又兩條女埋黎....
話...." 唔知係咪叫我去佢公司，佢公司有批衫做版，想叫我試著 !! " 佢都冇病既.......

今日又比人老點喎 !! 點左四次啦 ~~~~ 過份架 !! d人都變態既 !!!
公司今次又有個人問我，點解你咁好笑既 ? ( 想笑咪笑lor~ 點解要覺得奇怪呢 ? )

>>February 26, 2003 at 11:24:31 AM GMT+8

2003 年 2 月 24 日 星期一 【晴】

今日見到兩個藝人，一個係" 我唔記得左個名，其實我都唔清楚佢叫乜 "
另一個就係 "薜家燕 " ，真人都唔覺得佢肥的。我仲肥過佢咁既 ~~ ^^
同maggie去左買面包食，買左個勁大個" 椰絲包 " 食，好味道 !! 不過我食唔曬....

仲差五分鐘就五點既時候，婷打黎我手提喎 !! ( 我的確好細聲講野 !! 但我係公司喎 !! )
始終唔方便，但你就好似逼人咁喎 !! 我講遲d打比你就打比你啦 !! 我真係有野做 !!!
你咁做我其實勁想罵你的.......唔好逼我......因為我真係唔鐘意咁 !!

之後淫賤走左番屋企，攪到冇得影相。星期五六我都唔得閒了 !! 又唔知你幾時走喎 !!
不過最後同左sammi、竹竹、屎坑雯、同埋打黎攪到我想鬧人既婷一齊影左卡 。
好好笑.........不過差左珊...apple....同ar no ....

>>February 26, 2003 at 11:15:35 AM GMT+8

2003 年 2 月 23 日 星期日 【晴】

早上起身既時候屋企都係得番我一個 !! 好睬我都識自己起身。
今日henry好遲先番黎，冇左佢既感覺，突然覺得都幾靜下架喎 !!
行街個時候見到個個" 王嘉明 " ，真人都唔係好覺靚。下午既時候咪同maggie去食粥同腸粉~
平時覺得henry好浪費d紙，今次搵黎個andrew完來係勁節儉....張紙細到你呀!!

唔知珊珊今日點呢 ? 琴晚申請左個留言板，不過佢話二十日之後可能會冇喎~~~
四點幾聽到珊珊既電話，知道佢好忙好多野學。突然覺得自己都要學習下佢咁樣。
撘地鐵既時候，我都諗左好奈。我應該點做好呢 ? 好想去學多d野...但唔知想學乜呢 ?
help ....help.......help.....

>>February 24, 2003 at 10:28:03 AM GMT+8

2003 年 2 月 22 日 星期六 【晴】

勁好訓呀琴晚，琴晚唔知係咪阿婆既頭七呢 ? ( 我都唔識計 )
今日十二點幾就比婷嘈醒，咁我當然唔會放過珊珊啦 !!! ( 因為我知佢仲做緊豬lor~ ^^ )
其實我琴晚係有發到夢，不過唔係好記得......
好似係見到阿婆冇死到，仲係到的。見到佢好開心!! 而我地都好珍惜佢~~
就似係死過復活個隻....... ( 可惜只係一個夢 )

唔出街了.....下個星期五要去個度啦 !! 到時希望我唔會喊 !!

>>February 23, 2003 at 1:51:58 PM GMT+8

2003 年 2 月 21 日 星期五 【陰】

琴晚傾電話傾到點幾，今朝都唔想起身。不過可以咁做....
我都係十二點幾打比珊姐，點知仲未起身喎 !! 係打你電話先聽唔到你講乜 ( 其他都聽到既 )
所以我個日係醫院第一個就係打比 " 淫賤 " 就係咁解....

佢下個星期就走啦 !! 其實我都唔係好捨得佢走.....不過算啦 !! 睇佢都唔想留係度 !!
要等佢成年先番，唉~~~~ 算算算算...

今日同隻珊睇玩個個測試喎，勁可怕lor~ 我覺得 !! 但都唔知係咪真既
一隻手指可以睇到咁多野喎 !! 仲話要收錢 ? 要收就唔叫免費測試啦 !!

>>February 23, 2003 at 2:03:01 PM GMT+8