2003 年 3 月 22 日 星期六 【陰】

珊珊真係為我好了，打黎叫我起身 =.="
悶左成半日，係屋企玩左半個鐘電腦..............
同阿媽去左一陣街，我既覺得係.....好鬼死悶呀 !!!!!!!!!!!!!
佢又唔想行，我話去個度又唔去，唉~~~~ ( 下次同佢去街都係諗清楚 )



>>March 24, 2003 at 11:09:26 AM GMT+8

2003 年 3 月 21 日 星期五 【晴】

其實佢邊識魔術呀 !! ( 佢只不過鐘意玩" 實派 " !! 雖然我係第一個知道，但我咪又係
第一個比佢呃 !! )
琴日出左去荃灣呀，咪又係行行睇睇咁lor~
之後我d屋企人咪急call，不過唔係call我番屋企，而係call買野 !!
又幫阿哥買野，又幫阿媽買野。所以拎野時就叫左做 " 左老母，右阿哥 " !!
因為左手個d野係我阿媽，又個d野係我阿哥。而我個d野呢 ?? 當然冇手拎啦 !!
所以請左個 " 都幾好力既 阿四 " >>> 珊珊 幫我拎呀............

四哥打黎應該係叫我去下個星期個個野.....( 咪係鄭sir個個lor )
女仔傾電話咁靜先似番個女仔架 ???

>>March 23, 2003 at 7:38:27 AM GMT+8

2003 年 3 月 20 日 星期四 【晴】

唉~~~ 今日發生左一件事，勁唔開心之餘仲有好驚添 !!
真係覺得自己勁冇用呀，咁都可以唔見左本野 !!! 自己唔見自己野都心痛啦 !!
何況我係整唔見人地d野，仲驚呀 ! 係我搵緊既同時，佢就打黎叫我唔洗搵了。
因為連佢都知我跌左佢本野......唉...唉.........唉...........唉...............
( 好好睬個條保安執到，如果唔係我就pk啦...!! 不過我番去搵個陣....個保安起碼見過我兩次架 !!
佢明知我個樣似搵緊野，又唔點樣幫我喎...!! )

跟住本來係勁冇心情睇戲，不過最後都係去左睇。
估唔估到我會同邊個去睇呀 ?? 答案： 大佬苗。( 因為我推唔到星期六，所以就......
本來諗住星期六可以叫埋" 珊珊 " 去睇，因為我驚冇野同佢講呀出到黎 !!!!!!! )
以前成班朋友一齊佢都好似唔多出聲，何況對住我呢 ? ( 係icq就會傾 )
不過今次出黎，我就勁多野講 ( 我不嬲都好嘈，講野又大聲，不過係d男仔唔鐘意 )
佢請左我睇 " 紐約風雲 " ，因為佢之前同阿yip睇左......the next station is Tin Hau !!!!
最好笑係...佢自己食曬成包爆焀 !! ( 因為我唔想食，so咪叫佢自己吃 )

p.s 不過大佬苗都幾有大佬風度呀 !!! 不過始終怪怪咁~~~
我要緊加小心緊加小心做野.......唔可以再係咁 !!


>>March 23, 2003 at 7:41:24 AM GMT+8

2003 年 3 月 19 日 星期三 【陰】

呵呵......今日終於開戰啦 !! 個夢都幾準架喎 !! ( 不過係d咁自私既人先會開戰 !! )
下午既時候去左" 紅螞蟻 " 食野 ( 當然有同maggie ) ，仲有飲左杯咖啡。
不過飲完都係咁眼訓既 ?? 激死我了 ~~~~~
由於落雨既關係，再加上我阿媽打黎叫我要去買傘 。so都乖乖地咁去買 !!
去左" 屈人市 " 買lor，本來諗住買個把有公仔個個 ( 不過可惜係粉紅色呢 !! )
咁咪捒番blue色呀 !! 點知買左之後，一開 ........原來個把傘有幾行心心架 !!
激死我啦........咁番到公司，henry咪話e...你買左傘呀 ? 仲問乜唔問我借呀 ?
佢見到把傘有心心，佢都係度笑啦.....=.="

>>March 20, 2003 at 10:47:20 AM GMT+8

2003 年 3 月 18 日 星期二 【陰】

琴日apple差唔多陪左我半日呀~~~ 真係好呀 ^^ "
今日發生左一件事，我覺得傾係個d野咁 ( 唔係人 )，咁我咪係度分析lor。

件事係咁既： 下午既時候我係某一商業大廈，由十六樓搭lift落去 G 樓既時候......
部lift冇拉拉係六樓開門喎，當然係冇人入lift 啦 !! 但最重要既係.....
有塊木板差唔多貼住lift個度門，連少少位都冇可能企到 。
一塊木板遮住，都唔知係入面有乜事發生。唔知有冇人添 ~~
我諗佢唔會按完個制就立刻拎塊木板遮住掛 ???
咁我當然覺得似係個d " 野 " 啦 !!!


>>March 20, 2003 at 11:12:12 AM GMT+8

2003 年 3 月 17 日 星期一 【陰】

今日天氣我都幾鐘意。因為冇太陽既關係，加上陰陰天。又大風喎 !! 好正架 ~~
henry 放假，所以d野都係andrew攪掂，佢安排d野都係差d既。

唉~~ 下午既時候，peter打黎。因為佢己經同我表哥同姑姐去泰國了。
我姑姐話叫我又唔去喎 !! ( 佢都冇叫我，其實我都想去呀 ! 不過想去台灣先喎 !! )
聽聞d人話台灣冇乜野行又冇乜野食，不過.....好似話這個時候整番個溫泉浴就" 正 " !!

番到屋企又聽到d野，唉~~ 又估唔到係咁 !! ( 這兩個舅父真係煩，又去賭錢 !! )
真係聽到我心都黎煩 !! 點解d人咁鬼鐘意去賭錢喎 !!
<<<< 幫你還錢個d人就慘了 !! 唔好再死性不改啦 !! >>>>

p.s 今代( 自己 )吸取左上一代，就會知道要點對自己下一代 !


>>March 18, 2003 at 10:39:40 AM GMT+8

2003 年 3 月 16 日 星期日 【晴】

今日等你等到我眼訓，雖然你今晚走 !! 但我真係等左你成個鐘了。
由十二點幾話出黎，等到我放工你都未出。等埋我番到荃灣你仲未出~~~ 我先唔再等你 !!

成日呃我 !! 成三四次啦 !! 你條" 死淫賤 " !! ( 我先唔會跟你去美國呀 )
打杖呀~!! 走人啦梗係 ! ( 你都痴痴地，仲話放我入個行李到 !! 留左個位比我咁客氣 )
不過你個行李放唔入我架啦 !! 你都係放 " 珊珊 " 入去啦 ^^ cc......c...cc.....
我就唔會去送你機架啦 ~!! 自己保重啦~~ 下年咪再番過黎玩下...
( 無論做野又好讀書又好，你自己比心機啦 !! 有時間就打黎鬧下咬 吧 !! )

諗放工既時候阿suen，打比我....呵呵 !! ( 不過 =.=" 真係太遲發現了 !! )
我仲未有時間比野比小曇添~~~~ 幣啦 !!


>>March 17, 2003 at 11:23:12 AM GMT+8

2003 年 3 月 15 日 星期六 【晴】

今日執野執得好辛苦，都唔知點解次次都係我去執 !!
有好多書都係我阿哥架喎 !! 大掃除我地就唔駛執...但有時間就要比人迫去執了 。
但多數我都唔係好自願，而我自願既時候通常屋企都冇人架 ^^ "
掉左好多書啦 !! 因為我阿媽話唔讀書就掉喎 ~~~唉~~
咁我當然又駁嘴啦 !! 你就唔讀 ，人地個個屋企都想個仔女讀多d.....但你就叫我唔好讀 !!
你話啦~~ 阿媽喎 !! 真係攪錯 ~~
我老哥今日又病病地了，因為佢比左個網我睇，睇到我都寒呀 !!
http://www.funeralhk.com/ ( 唔信就自己去睇啦 )

p.s 最近又好鐘意聽張敬軒既 " 太遠 " ，d歌詞都唔錯呀 !!

>>March 17, 2003 at 11:42:33 AM GMT+8

2003 年 3 月 14 日 星期五 【晴】

今日番工，早成半個鐘起身都唔係好想。
因為琴晚傾電話傾到好悶，你兩條友都唔講野咁，悶死我啦 !!
淫賤又唔係太開心 ( 不過你真係要諗清楚點好....我覺得你唔需要為你老豆個句說話而咁 )
冇左個份工咪再搵過啦 !! ( 或者好多野都係" 註定 " !! )

之後同你地去行街，仲見到網上有佢既相~~~~ 個個 " 女人 "。問人借錢個個呀 !
佢係咁拍個" 男仔 "，嘩~~~ 我地當然立刻走啦.....太可怕了。

p.s 淫賤太過份啦，我打比你又話我唔0岩，咁你唔出都講聲~
唔洗我地等你呀 !!

>>March 16, 2003 at 6:08:43 AM GMT+8

2003 年 3 月 13 日 星期四 【晴】

今日好似唔夠訓咁 !! 雖然琴晚冇傾電話，不過..........
發夢發到我傻呀 !! 唔知係咪發夢去左" 下面 "呢 ? 因為我見到我阿婆 !!
仲有見到個我唔識既阿伯同我地傾計，話阿婆係度過得好好,,,,,,,
但個個阿伯都唔係人黎架 !!! 而我隔離就有個....好似我識定唔識既男仔陪我~~
又見到maggie陪我去食" 蘿蔔糕 "，但個d蘿蔔糕既食法...怪怪地咁 !!

可能諗得太多人個人，所以先會見到佢地啦。
" 屎明 " 又教左我加音樂入去了，佢話配得幾好喎 !! ( 但我真係唔覺係關讀過 " art " 事 )
點都好啦 !! 再次多謝你啦 ~~
其實首歌係孫燕姿既 " we will get there " 。

>>March 16, 2003 at 6:23:01 AM GMT+8