2004 年 11 月 1 日 星期一 【陰】

昨晚開始條腰開始好痛.....今早起身我都仲係好痛, 但我都照執野去camp...返到中心依然隱隱作痛, 但係都諗住頂硬上...因為唔想又改更表, 又要佢地唔知搵邊個代我去好...咁麻煩....加上我唔去就無一日假放......到最後都無去到, 始終有咩事累到人就唔係咁好.........
* * *
個個講到腰痛好嚴重.....仲話會影響生育...睬!~ 大吉利是! Touch wood!~
條腰其實真係好痛, 結果食完lunch去睇醫生......醫生竟然話我只不過係咩肌肉勞損......
但係無理由咁痛.........越來越痛...到放工我仲要"秋"返去camp袋野返家......覺得好重.....
"秋"住佢十分吃力...條腰勁痛!!! 幸好有人肯幫我"秋", 仲陪埋我等車~ Thank You~! ^3^
* * *
上的車並不是界咸車, 如果個司機唔係我伯伯的話, 我就要由小巴站行回家~ 好彩~感謝主!~
到落車發覺"秋"個袋行返家係好辛苦.......條路好似長左好多倍咁, 行到唔夠一半已經頂唔順...
At that moment, I feel so helpless, so tired, cold and hurt........ :'_':
返到家, 無乜胃口, 但係要食藥所以唔食野唔得... 食左幾啖飯就沖涼, 食藥, 訓教~
到電話響, 我仲以為已經係第二朝......

>>November 3, 2004 at 3:23:09 PM GMT+8

2004 年 10 月 30 日 星期六 【晴】

今日無去到我表姐個仔的生日會......放棄左見我個女 (程程) 的機會.....
星期日, 放假, 我地去左踩單車~ 大尾篤...幾唔錯~好玩呀~ 好彩兩人一車, 如果唔係就會
十分之累.....咁樣踩單車, 對上一次都係我小時候同D親戚去~ 哈哈!~ 好玩呀~ 一架
"橙色掃把佬"...同我地 "紅色法拉利" 鬥快........ 踩踩下, 仲買雪條食~ yummy~
踩完去食野, 食完野去尖沙咀行下, 萭聖節竟然都唔算太多人~ 記得上年去蘭桂芳, 得個
迫字.....今次都好D~ 唔洗點迫, 又有人同我搭車回家~

>>November 1, 2004 at 5:35:36 PM GMT+8

2004 年 10 月 29 日 星期五 【晴】

今日要九點半返工, 九點先起身....死火~ 立刻極速換衫, 飛奔出門口......竟然可以九點三十五分返到去~ 哈!~ 跟住我就出灣仔送文件, 十一點半都送完, 一個人唔知去邊, 咪返中心......返到去個個都問我做咩返來........其實, 我都有諗過唔返, 不過, 唔知呀, 是但啦...
* * *
放工, 出去搵呀媽食下午茶........但係就陪左佢去睇衫先......唉, 試完又試......四點幾....好肚餓, 我早餐都未食......就係咁, 我就因時間關係五點鐘到唔到沙田.........我本來諗住食完下午茶就出...點知...唉.......食下午茶那時又唔食, 行行下又話肚餓.....叫左又食少少又唔食, 攪到唔想浪費食物的我, 又再食......到晚飯又食.........白咖哩...香, 但係一D都唔辣~ 突然好掛住-金寶-的咖哩!!!

>>October 30, 2004 at 6:11:13 PM GMT+8

2004 年 10 月 28 日 星期四 【晴】

Because of something I was really unhappy, a bit sad, also my waist hurts.........therefore I don't
want to say or do anything.......does anyone notice about that? I don't know, who cares?
At lunch time I can't eat much, so it only take me 5 to 10 mins.......then I went to the computer,
listen to the song and wanna cry but of course I bear .....then I found that only me in the
center everyone go out, a bit sad and feeling helpless...
However~ Thank you ah亨 ask me "what the matter? you feel sick?"
* * * *
今晚我竟然夠膽駕車, 車我表妹去買野, 由南圍去蠔涌, 返屋企取東西, 再去匡湖居惠康再返
南圍~BBQ完自己駕車回家!.......好勁呀~感謝主!...我竟然唔驚喇!~ 有對頭車都OK~ 今次駕車
令我的心情本來唔好都好返D......一個人駕車那種好free的感覺終於回來了~! 多謝你~

>>October 29, 2004 at 5:35:58 PM GMT+8

2004 年 10 月 26 日 星期二 【晴】

今早爸爸媽媽都不用上珽, 佢地出去食早餐, 叫埋我~ 其實都好飽, 都叫左個早餐食....我10點20分仲食緊早餐.....所以就遲到了5分鍾.... :P
* * * *
把口衰都算啦! 我都唔明點解要講到我一文不值~ 講到我無人要...講到有人揀我就那個人有問題...其賨, 聽到我真係好唔開心...........我亦都好介意, 我真係咁差咩? 算......我明的............ :(
* * * *
夜晚, 駕車....蠔涌→北港→西貢→泥涌→廁所.......大角咀→旺角→*將軍澳→廁所→北港→蠔涌
...好勁呀, 好驚呀, 旺角人多車多, 真係好驚好緊張呀!!!

>>October 29, 2004 at 4:48:00 PM GMT+8

2004 年 10 月 24 日 星期日 【晴】

靚靚地的西式棺材 (唔知睇咩戲見過, 西式白色透明的, 好靚的) 穿一套著得我最靚的衫, 著婚紗都幾好, 嫁唔出又未著過, 死都要著~ 或者好靚的連身長裙...(有人話過我著連身裙係好好睇...唔知係咪真呢?...) 要燒車, 屋, 同埋一定要收音機, 電視機......記得過時過節帶我鍾意的鬱金香比我.......
要講實在太多要講........算啦, 我死都唔會有人知, 知都唔會記得, 何況這一切......其實有人出席葬禮都夠

>>October 26, 2004 at 2:50:10 PM GMT+8

2004 年 10 月 23 日 星期六 【晴】

星期日, 有節目, YEAH~ :)
首先落西貢, 做facial, (好貴呀.....唉!..) 然後就等埋佢地去食野, 食完就坐車出去......我地出九龍灣!
出到去, 我地去搵雞蛋仔食, 卒之比我地搵到一檔, 仲要6元咋!~ 有埋格仔餅......好好味咁攪到我兩樣都買晒........食到我好飽.....雞蛋仔又林...唔好味lu.........
跟住, 去戲院買完飛, 我地就去睇車展...(曾幾何時我睇到報紙話有車展都想去睇下).....今日第一次去車展, 好多靚車呀!~ 同愛車人仕去睇車都幾唔錯~
夜晚, 睇 "龍鳳鬥" , 典型的感人劇情~雖然係無 "新警察故事" 咁好睇, 無"假如愛有天意" 咁感動...但係都唔差......男主角知到自己就死, 躲在深山休養, 唔比女主角見, 但係點解連電話都唔聽, 要令女主角擔心....(如果自己心愛的人有絕症就死, 唔比你見最後幾面, 電話又唔聽.....比晒D身家你又點...連死都唔比你知.....係偉大, 但係知道真相咪仲傷得深.....最後一面都無見過更是遺憾)..........仲要臨死前為她想得到的物品做咁多野.....但如果我係sammi我會寧願劉德華話我知佢有絕症, 比我陪佢在山上度過餘下的日子.....留下最後的美好回憶......好過你粒聲出走左.........
唉!...每次睇完這些戲, 我就會諗到底世上會唔會有人心愛我, 背後為我付出...........
the answer is no ! :( 而我付出, 別人也不會感動罷............

>>October 26, 2004 at 2:23:25 PM GMT+8

2004 年 10 月 20 日 星期三 【晴】

今日一早返左工, 係有原因的, 不過唔講啦......... 返工做做下野, 又比人點左去Fax, 跟住下午仲點埋我去鄉事會fax.....一個人成日就係咁對住部fax機.....好不容易等到收工...好心急出去........唉, 你地有所不知, 睇鍾意的人踢波係開心的!!! 睇住佢在球場中跑來跑去, 球來時那份衝勁、活力.....入球更是高興.......(sporty guys are so charming!)
踢完之後, 等佢沖涼.......然後好開心呀, 同佢行波鞋街, 佢同兩個朋友都去睇鞋.......跟住佢話想喝鮮榨庶汁......我地就行幾條街搵........原來鮮榨係好難搵!!!.........同佢講再見之後, 我地先去食野......
食完我坐小巴回家........有D野令我好唔開心...........I can't control myself again..........

>>October 21, 2004 at 7:37:46 PM GMT+8

2004 年 10 月 19 日 星期二 【晴】

今早開會~ 開就業輔導隊都好D, 我起碼都比較清楚佢地講緊咩......但係我要做會議記錄......
開會開到差唔多下午, 跟住就上崇中......返到中心就打返個會議記錄, 真係好討厭,
次次打都好苦惱, 都唔知點打返出黎~ 攪到我好"mung"......
知道今晚係佢做主持, 就諗住放工回家睇娛樂大搜查........however...................

>>October 20, 2004 at 5:15:21 PM GMT+8

2004 年 10 月 17 日 星期日 【微冷】

哈, 今早去了麥記吃早餐!~ 好鍾意坐低慢慢嘆那美味的早餐.......跟住返工無耐又到lunch...
早餐都未消化又食......好飽.......
* * *
放工回家睇娛樂大搜查~

>>October 19, 2004 at 4:56:22 PM GMT+8