2003 年 2 月 7 日 星期五 【晴】

呼今日星期6呀~~要返工呀! 琴晚都算夜訓既~~so都幾累下嫁! 好彩呢排都唔算太多野做姐! 今日有alex仔、carol、rockies我地幾個lor! 都唔知做咩好啦~~悶到暈啦! 計下計下自己都唔夠數啦~~呢期死啦! 所以唉~~算啦! 都唔知倣咩好啦~~打電話俾人吹吹水lor、寫下日記啦、畫下畫啦! 今日本來有得踢波嫁~~之不過.......佢地踢2點到4點呀! 我又要返工bor! 都冇得踢~~我好想踢呀! 腳痕呀~~算啦! 喂周傑、肥威~~我22號放假呀book場踢波同約人踢呀! 記住呀~~ 話咁快就放工啦! 大雄江少佢地成班叫我出黎食飯wor~~之不過唔去啦! 反而去左同wingwing一齊搵佢d表姐唱k啦! 有表姐表妹~~初初我都係好怕羞嫁 都唔知點咁話曬都第一次見咋! 所以都幾驚嫁~~不過玩過左佢地都幾好人既! 又好玩又攪笑~~哈哈! 好耐都冇唱k啦~~所以好多歌都唔係咁記得點唱啦! 我未唱之前仲好驚會失禮人tim呀~~我怕會唱得唔好呀! 不過女朋友仔叫我放心~~咁都好d呀! 唱完之後我地去左吹吹水啦~~佢地都幾好傾呀幾好玩呀! 不過佢地就惡左dd啦~~我都有d驚呀! 好彩有女朋友仔睇住我姐~~都放心d....佢地呀仲教我''老要黎話既唔係要黎錫既'' 我就認為唔係咁啦~~結果我行動黎証明.....老婆仔要黎錫唔係要黎話既! kakaka~~~面都紅曬啦! heeee~~送左佢返屋企我自己都返屋企啦! 點知~~~訓鬼左過隆tim! 死火啦~~去到田灣先黎落車咋! 激死啦~~不過算啦! 話時話真係幾累下嫁~~不過返到屋企都未訓住呀! 同女朋友仔傾電話啦~~同埋睇祖記呀~~yeah! win呀! 聽日放假呀~~幾好呀! 聽日約左女朋友仔剪頭髮呀~~唔知剪咩hair好呢?

>>February 10, 2003 at 10:47:36 AM GMT+8

2003 年 2 月 6 日 星期四 【晴】

今日一朝起身條腰就痛痛地啦! 好眼訓呀~~如果可以訓多陣就好啦! 家下我平均每日around訓6個鍾度啦! 唔理呀~~星期日我一家要訓死呀! 叉足番d電呀~~ 番到公司......唉! 唔係咁happy呀~~因為之前個booking既酒店唔firm呀! 攪到要refund啦~~灰灰地啦! 不過好彩攪掂番單咋......都冇咁驚呀~~ 因為今個月我要跑3千幾蚊數呀!! 都唔知點跑好啦~~實死火啦! lunch我地冇出去食呀~~留返係公司叫M仔食咋~~ 都幾特別嫁個feel! 之後都係咁坐住等收啦~~不過今晚要開會呀! 所以要上總行開會呀! 家下公司成日請人呀~~有幾個新同事啦! 開到8點度啦就走得啦! 開完會就有大單野做啦~~就係向d同事逗逗利是啦! 幾封啦~~都好過冇既! 呀~~有樣野未講tim! 開會前帶左alex,maggie,carol去左掃街呀! 掃街即係係條街周圍食野呀~~幾好味呀! 佢地都開心呀~~ 講返開完之後啦! 我去左搵女朋友仔飯飯呀! 打邊爐呀~~好耐都冇打啦! 好好味呀~~食完諗住打波既! 之不過都冇人打為有算啦~~走果陣好彩有阿曾陪姐~~都冇咁悶! 係車度講下呢樣果樣啦~~落車我就澎澎聲返屋企啦! 即打俾女朋友仔報平安啦~~KAKAKA!! 白白完就打俾女朋友仔啦~~傾左一陣女朋友仔就吹我訓啦! 呼~~但係我都唔想訓住~想同女朋友仔傾下電話先呀! 我聽到收音機播''開始戀愛''~~都真係幾好聽呀!d歌詞野野都到曬肉嫁~~ 所以咁啦~我就即打俾女朋友仔唱俾佢聽呀! 反而仲俾佢話我唔訓呀! Heeee!! 聽日要返工啦~~唔知聽日會點呢? 話左同女朋友仔一齊cut hair 呀! kaka~~~new look !

★開始戀愛 E-kids★

願wingwing可死心塌地 還待我體貼入微 不准和男仔傾計睇戲挽手臂
在以往都不顧忌 從未會這般小器 偷睇妳的手機記錄查閱妳
這個這個無聊大使天天都找妳 不知怎的開始害怕被處死
何事我會妒忌我會擔心靚仔搶走妳? 何事我每次都不知不覺越來越想妳?
腦袋不停為妳轉到企不起
我想妳笑 我想妳跳 我想識法術 想留住妳
就算我不懂秘技 還是會懂得親妳 花光我餘生心機都要滿足妳
遇挫折不需退避 每件難事我擔當得起 充當妳的保鑣早晚維護妳
常常常常懷疑自己高攀不起妳 不知怎的開始害怕被處死
那些配角 太討我厭 我想將佢o地 變作空氣
和妳看日落逛海灘 有心不需吃飯 陪妳看電視到五更 從未渴睡
和妳要日日見 算不算貪? 太緊會不會散? 誰決定緣份期限?
其實我會妒忌我會擔心靚仔搶走妳 其實我每次都不知不覺越來越想妳
腦袋不停為妳轉到企不起 我想你笑 我想你跳 我想識法術
~~想留住妳 想迎合妳 想融入妳 *想一生霸住妳*~~

>>February 8, 2003 at 9:07:30 AM GMT+8

2003 年 2 月 5 日 星期三 【晴】

嘩.......今日起身仲pk過琴日呀! 頂呀~~累死呀! 琴日都冇咁累呀~~唔知點解今日累既..... 起身已經得番半條命咋! 返到公司即訓左係度啦~~訓左一陣陣啦! 累死啦~~朝早又冇客bor! 又唔知做咩野好wor......真pk! 唉~~死火啦! 家下dayday都係咁~~又冇客家下又要跑多d數wor......激死呀! 我有d驚驚tim呢個月......跑唔夠就pk啦~~ 成日都冇野好做呀~~打下日記啦! 搵人吹下水啦......累死啦! 直到lunch江少出左黎飯飯呀~~ 佢病左呀!出黎吹吹水啦~~ 大家講下2月14果日有d咩好做啦! 佢仲未plan好點嫁~~哈哈! 我呀~~plan好啦! 仲諗埋送咩禮物tim呀~~食完番去又係咁呆啦......放學啦! 坐都未坐夠1個字就已經訓鬼左啦! 真係訓死嫁......d同學仔話 miss頭先叫你bor~~呀! 我都唔知既? 有人叫過我都唔知tim 唉......休息果陣有個同學仔問我個''Del Piero所時扣''係邊度買wor? 攪笑呀~~我都唔識佢嫁bor! 突然咁問我都冇乜點so佢啦~~到最後果半個鍾頭我先至冇訓 真係聽書咋~~呼! 累死呀~~另外係返屋企途中突然又有個小姐問我個''Del Piero所時扣''又係邊度買呀! 我都俾佢嚇嚇呀~~咁攪野嫁!! 返到屋企啦....諗住白白飯飯既時間! 突然立仔打黎叫我落去食糖水wor! 我落左去呀~~仲即call埋阿曾出黎tim呀! 我地去左樓下飲杯野啦! 大家吹下水啦~~咩都講一餐呀! 我地都好耐冇見啦~~不過感情依然好好既! 哈哈.....幾好呀~~阿曾仲係咁''傻下傻下'' 阿立都係''型下7下'' 阿倫又係''呆下呆下'' 我地仲講好左28號真係成班一齊飯飯呀! 講左好多野呀~~最衰聽日我要work呀 立要school 曾要sleep呀! 如果唔係會傾多陣既~~kakaka! 算啦~~28號大家再''把忌廉論英雄''啦! 到時唔知有幾人去呢? 返到屋企就即打俾女朋友仔啦~~嘩佢食左好多野呀! 又粉又面~~我都想食呀! 唉左唔耐呀~~女朋友仔就叫我sleep啦! 聽話覺覺啦~~呢排我都好聽話覺覺呀! 所以我都算早訓呀~~

(阿立呀~~你講過嘆個tea要有''意大利coffee''+''芝士蛋糕''先至係正呀! 之前食開係咁既......但係突然得番杯''意大利coffee''而冇左''芝士蛋糕'' 會係好唔慣~~我知你食開果件''芝士蛋糕'' 但係......你始終都係要搵過一件''芝士蛋糕''黎嘆tea嫁~~ 慢慢搵咪可以搵到心水果件啦!)

>>February 7, 2003 at 4:17:34 AM GMT+8

2003 年 2 月 4 日 星期二 【晴】

好累呀~~佢地今朝7點半先走咋! 佢地打左成晚牌啦......佢地真係好野呀! 唔洗訓既.....咁又係既~~唔洗做係唔同D嫁啦~~ 我起左身澎澎聲清理案發現場.......更住白白啦! 今早要返總行trainning呀! so 見到好多同事呀~~不過都幾好既~~可以順便逗逗利是呀! 唔好話呀~~總行上面都幾多利是嫁! 唔錯呀~~都逗左幾封成績唔錯呀~~上到1點就lunch啦! 之後要返工嫁.......不過都係咁啦! 又係冇野做啦.....唉! 越冇野做就越會亂諗野啦~~ wingwing佢由朝到下午都冇打過俾我呀......! 點算好呀? 如果係平時既話佢一起身就打俾我啦......依家就 ''>_<''.... 呼! 放左工.....冇野做呀! 仲諗住佢會黎接我啦~~唉! 空歡喜一場啦~~我冇返屋企住呀~~ 去左中央留言send e-card俾wingwing呀! 我好驚呀~~唔知佢會有咩樹屋企又冇人聽,手提又唔通~~唉! 我打左俾勤勤問下佢點啦! 原來佢地一齊飯飯~~當堂冇咁驚呀! 我幾傻仔呀~~知佢冇樹我喊左出黎呀! 都唔知點解會既~~到左8點我就走啦~~係車度我訓著左呀! 一聽到電話聲仲以為係佢打黎tim! 點知唔係呀~~不過......落左車冇幾耐佢就打俾我啦! 勁開心呀~~開心到呀! 之不過佢去左打波呀~~又冇叫我wor! 對唔住呀~~女朋友仔唔好嬲啦! 嬲得多唔靚靚嫁啦~~之後返到屋企佢打俾我呀! 講左一陣佢就話過黎搵我啦! 我地一齊飯飯呀~~不知幾咁開心呀! 一見到佢我都唔知講好啦~~只知道開心咋! 12點啦~~佢要走啦好唔捨得呀~~不過算啦! 早d返屋企冇咁危險呀! 佢返到去就叫我覺覺啦~~如果俾著平時我實唔訓住......不過我好聽佢話呀! 即訓呀~~kakaka!

(女朋友仔呀~~對唔住呀! 成日都激親妳要妳唔開心.......sorry ar ! 妳知唔知呀~~妳成日冇打俾我.....我真係好驚嫁! 成日都唔知點咁......唉! 倫倫好怕呀......!! 驚驚呀~~妳下次唔好再咁樣嚇阿倫倫啦~~好冇! 至多倫倫再聽妳話多dd啦~~)

>>February 6, 2003 at 2:42:56 AM GMT+8

2003 年 2 月 3 日 星期一 【晴】

死啦死啦~~成9點3啦! 大獲啦~~實遲大到啦! 我一開眼已經遲左到啦~~我澎澎聲刷牙洗面啦! 跑~~跑~~跑~~去搭車返到公司......下? 岩岩開門咋wor~~點解既! 問番tour~~佢地話呢兩日都係開10點既! 好彩~~番到去都冇咁驚呀! 仲以為pk啦~~真係''luck'' ''cookies'' '' 大肚臍'' 啦~~heeee! 番到去又係咁啦~~得個坐字啦! 個心都仲未放完假~~個心仲係依依不捨個chinese new year 呀! 唉......算啦! 都係聽女朋友仔講俾心機做野仲好啦~~ 返到去同alex仔maggie豬幾個一齊吹下水~~講下新年點過啦!! maggie就冇野做係屋企~~alex仔就要返工啦! 我都好好彩嫁啦~~唔洗work! lunch既時候大雄同江少都出左黎陪我飯飯呀! 大雄佢今日出糧就話買電話啦! 結果我同江少名陪佢買左部6100呀~~佢不知幾咁開心呀! 成日話正呀!正呀~~俾佢激死啦! 而江少就聽日先返工呀! 睇見佢地唔洗返住幾好呀! 唉......lunch後就大件事啦! 唔知點解wingwing佢又激左我啦! 佢又唔打俾我又唔同我傾計wor! 驚驚呀~~成個下午都提心吊擔咁呀! 係度成日望下部電話睇住有冇打黎呀! 唉.....放左工大雄江少黎左接我呀! 不過我唔係想佢地黎接我~~我想''妳''黎接我呀! 我地3個行左一陣~~就上左黎我屋企度啦! 吹吹水~~諗住食飯既~~之不過.....要等埋其他friends呀! 要成12點半呀~~唉! 都冇咩心機啦~~女朋友仔成晚都冇打俾我呀~~好灰呀! 灰死啦~~去到飲茶茶時我都係好灰都冇咩心機啦! 算啦~~不過到最後女朋友仔佢終於打俾我啦! 開心曬呀~~人都醒d呀! 諗住澎澎聲返屋企先同佢傾啦~~點知....佢地成班話上黎我度打牌wor! heeee~~有打呀~~成7個人呀! 佢地好開心呀~~有得打! 之不過......我諗住同女朋友仔傾電話時.....唉都冇咩心機傾呀大家都! 對唔住呀~~女朋友仔......我唔知妳仲咩樹呀! 之不過我見妳咁我好擔心妳呀! 收左線之後......佢地有佢地打牌啦......而我同江少就訓啦.....不過我地冇訓到呀! 兩個人吹左好多水呀.......咩都講一餐! kakaka~~~我講左好多野俾佢聽呀......咁樣樣都幾呀! 難得可以同朋友仔痛快咁傾計......兄弟講d野始終都唔同d嫁~~ 講講下我地就訓左啦......呼呼!

(今晚同成班朋友一齊飲夜茶......今次既feel好特別呀! 比起之前既好唔同......唔知點解呀~~大家或者耐冇見啦! 食野果陣好似冇咩野講咁.......大家都好陌生咁! 之前唔係嫁~~咩都蹹一餐.......又好玩又攪笑wor! 依家都唔係咁啦~~所以大雄好想用打牌黎保持住感情呀! 其實大雄咁諗都好正常既.....佢都想keep住d感情既! 唉......)

>>February 5, 2003 at 8:14:38 AM GMT+8

2003 年 2 月 2 日 星期日 【晴】

呀~~好眼訓呀! 好累呀~~琴晚又夜訓wor! 今日又要一早起身bor~~唉! 要跑步呀~~一早八點就上左山頂啦! 同契媽契老豆同埋細路去左跑呀! 好凍呀~~你地唔知咋! 上面真係凍到呀~~p係度呀! 震曬呀~~不過上面都好有氣氛有好多人都唔怕凍上左去跑呀~~幾好呀! 眼見個個都好開心呀~~都好有新年feel呀! 到跑啦~~唔知點解今日跑得好舒服! 唔得上次跑得咁辛苦呀~~雖然成績麻麻之不過都好嫁啦! 女朋友仔下次我捉埋妳上去跑呀! kakaka~~跑完就澎澎聲返屋企sleep啦! 好累呀~~訓訓訓~~訓到成4點度就出街街啦! 過左去吉之島搵埋女朋友仔一齊行呀! 嘩~~今日我見到佢第一眼果陣時呀! 我差d暈左係度呀! 好彩我有番咁上下內攻~~先冇流鼻血同暈低咋! 佢今日勁靚呀~~真係好靚呀! 我第一次見佢咁靚......唔知妳地信唔信呀? 我覺得佢真係全港最靚果個呀! 仲靚過香香呀~~佢今日著左條裙仔、白色日本tee、黑色長襪、容祖兒既髮型......嘩真係好索嫁! 家下諗番起都...笑曬口啦! 我真係未見過咁靚既女仔呀~~佢可能係全細界最得既女朋友仔呀! 今日見佢咁索反而令到我有dd驚呀~~我好驚呀!咁靚令到我好似親唔起佢咁tim! 唉~~不過.....唔驚得咁多嫁啦! 總之我會盡力啦~~我要對''妳''有信心呀! 不過我地今晚就唔係咁開心咁啦~~.....唉! 新年留留攪成咁! 之不過.....好彩都冇咩樹都係alan衰啦! sorry 呀~~唔好嬲倫倫啦! 呀~~聽日要返工啦! 話咁快就完啦我個新年假期......好唔捨得呀! 如果可以好似女朋友仔咁就好啦~~起碼可以同佢街街啦! 唉.....返到屋企......都冇咩做啦! 打下機食粒糖就覺覺啦~~呼!
(唉.....直到今日~~所逗既利是都唔係太多呀! 比起上年之前都差左既! 唉~~唔知聽日點呢? 應該會係好悶既~~因為係啖季呀!)

>>February 4, 2003 at 9:35:08 AM GMT+8

2003 年 2 月 1 日 星期六 【晴】

今日係初二呀! 琴日大家逗利是既成績好唔好呢? heeee~~~個個型仔索女實逗左唔少啦! .......今日好悶呀! 冇野好做呀~~起身食下糕糕咋~~打下機咁就過左一day啦! 原本叫大雄江少wingwing過黎打牌之不過~~失敗左呀!! 唉~~算啦 仲諗住今日同女朋友仔睇下戲、街街下啦! 不過佢要飯飯呀~~so....算啦! 又過左去爺爺度飯飯啦! 食完就返家啦~~今日都過得幾悶嫁! 夜晚同女朋友仔傾下電話啦~~之不過.....我又激親佢啦! 佢唔係咁開心呀~~......我都唔係咁開心啦! 赤口真係赤口呀! 唉~~聽日倫倫要跑步呀! 發財跑呀~~不過我都唔係咁想跑呀! 因為累呀~~又要早起身bor~~唉! 今日都過得唔係咁開心嫁啦~~

(呀~~還掂家下係新年就不如講下新年既野呀! 仲記得細細個果陣~~我成日跟住屋企人一齊出去拜年呀! 由朝出到黑呀! 拜呀拜呀~~不停咁出去拜呀! 所以細細個果陣會逗到好多利是嫁~~由初一至初十都逗呀! 不過到家下大個仔啦! 都已經冇同屋企人一齊出去啦~~家下唯一既利是都只係屋企人俾嫁啦! 不過都過得去呀~~喂喂唔知你地又逗得多唔多呢? kakaka~~新年永遠都係細路仔最開心既日子之一~~我都唔例外既! 又有得逗利是又有得食糖果~~真係開心呀! 仲可以放假街街、打下牌幾好呀! 成家人甚至朋友都可以開開心心咁過! 而我最鍾意就係逗利是~~其次就係有好多糖糖可以食呀~~因為我好鍾意食糖糖嫁! .......新年真係好呀~~之不過家下就麻麻啦! 點解呀? 我想放假咁過新年呀~~以前有假放不知幾好呀! 家下要返工啦~~冇以前玩得咁free啦! 睇見女朋友仔呀~~d朋友仔呀! 都可以放假玩下我都唔係點咁啦~~不是味兒啦! 不過算啦~~我要努力呀! 再多幾個月我就會好d嫁啦~~家下仲要辛苦下啦! 女朋友仔妳等我呀!!)

>>February 4, 2003 at 7:31:42 AM GMT+8

2003 年 1 月 31 日 星期五 【晴】

''公起發才''公起發才'' 今日係年初一~~首先同大家拜個靚年先! 返緊學既就''學業進步'' 返緊工既''工作順順利利'' 總之就個個''身體健康'' ''搵多多錢'' 靚仔就更靚仔、靚女就更靚女~~ 今日都算早起身呀~~點幾啦! 我仲係好累呀~~琴晚玩左成晚! 今日一早女朋友仔就打黎叫醒我啦! 幾好呀~~新一年第一把聲就係聽到''李太''把聲真係好sweet呀! 更住就過左去搵女朋友仔呀! 打牌啦~~玩下啦! 夜晚我要過爺爺飯飯呀! kakaka~~~過到去就逗利是啦! 嘩~~屋企人都俾左幾多利是呀!! 好開心呀~~恩恩妹妹又好靚靚wor! 佢不知幾好唱口呀! 或者係因為琴晚女朋友仔送左件衫衫俾佢啦! 勁開心呀~~又靚呀! 成個公主仔咁呀! 今晚d送好豐富呀! 食左好多fish呀~~食''morse斑''魚翅''冬姑''勁好味呀! 食完野之後同左屋企人打下麻雀呀! 打到好夜呀成兩點呀!
今晚開頭打得唔係咁順咋~~不過越打越好! 到最後結果我嬴左成32蚊呀! 幾好幾好呀~~最開心既都係呢日啦! 講樣野過你地知呀! 年年既初一我都係咁旺會嬴錢嫁! kakaka~~好攪野呀~~今晚恩恩妹妹佢打俾女朋友仔呀~~搵佢講''公起發才''呀! 好攪笑呀~~妹妹同女朋友仔講'妳要小心d哥哥呀~~唔好成日俾哥哥扼啦!!''哈哈~~ 好攪笑呀! 叫公起女朋友仔越黎越靚女wor! heee~~同埋女朋友仔佢今日好靚呀! 著裙裙呀! 又剪左頭髮當堂成個人都靚女曬呀! 不過冇得同佢街街呀! 如果可以街街就仲好啦~~

(羊年咩咩咩~~女朋友仔妳有咩野野新年既願望呀? kakaka~~倫倫個新年願望就係要越來越愛妳! 我地既感就越來越好呀~~唔知妳又係唔係咁諗呢? 新年啦~~妳要努力俾多幾分心機逗利是呀! 知冇? 逗多d儲下d老公本呀~~heeee!! 女朋友仔呀~~妳剪左個新look真係好靚靚嫁! 係wor都未同妳講tim! 祝妳越黎越索越靚女~~越來越愛倫倫! 學業進步~~)

>>February 4, 2003 at 4:59:56 AM GMT+8

2003 年 1 月 30 日 星期四 【晴】

廿九啦! 今日係年廿九啦~~琴晚打機打到天光啦! 今日成點先起身咋~~冇同女朋友仔出街呀today! 有得踢波啦~~正呀! 好耐都冇去踢波啦! 計計下都成兩個月冇踢啦! 好開心有得踢~~之不過踢到落去就......麻麻地啦! 或者耐冇踢啦~~跑多兩步都冇氣啦! 射球波都冇咩力又冇乜角度啦! 唉~~屎左好多啦! 大獲啦~~踢完之後返屋企白白染埋頭髮就過左去爺爺度食團件飯啦! 呼~~永遠最整齊既日子就係呢一日啦! 好熱鬧呀~~d送又好好味wor! 食完之後我地成家人就打打牌啦! 知不過......我輸左十幾蚊啦! 唉~~打到成12點啦! 更住就同左女朋友仔出左去行年宵啦! 搵埋佢d表妹一齊諗住行花市啦~~點知......唉! 大雄同肥鵬出左黎搵我地呀! 唉......佢地又冇人陪bor~~結果我同wingwing同左佢地一齊呀! 唉~~想開心dd過都唔得既~~不過算啦! 見佢地又好似好悶咁.......行到咁上下就有大單野啦! 大雄唔係咁開心.....令到今年既廿九有d唔開心啦! 不過我做左樣低b野呀~~女朋友仔成日都要我送花花俾佢呀! 結果今晚我送左花花俾佢啦~~heee我扮去次所呀~~更住我就澎澎聲出左去買花花俾女朋友仔啦!! 你地估下我送咩花俾佢呀! heee~~劍蘭呀! 係唔係好''樑''呀? 不過到最我都送番支百合俾佢呀! 唔好嬲啦女朋友仔~~妳聽住呀~~14號我送支花花過妳呀! heee~~行到成6點幾呀! 收曬鋪送埋wingwing番屋企我都返啦~~累死人啦! 呼........聽日就新一年啦! 羊咩咩~~今年發生左好多野呀~~識左女朋友仔啦! 多左個老婆仔啦~~ 新一年啦~~新既開始啦! 舊既衰氣走呀走呀~~羊年要同女朋友仔更開心咁一齊!

(........呢幾日都講左d我係中五時所參加既比賽~~今日不如講下中五時係班房既趣事呀!! 仲記得f.5時~~我地成班同學都可以話係幾齊心既! 點解呀? ........例如測驗,默書我地成班就會好齊心咁''出貓貓''啦 上堂一齊唔聽書訓覺覺啦~~ 一齊上堂倒亂玩啦!激到d miss阿sir勁嬲呀! 就連欠交功課都一齊呀~~ 咁你話啦我地係唔係成班都咁齊心呢~~哈哈! 仲有d仲攪野既~~一到lunch果陣成班就好似冇食飯幾日咁,成大班衝埋去爭飯食咁呀! 唔理三7廿1拎左先算呀! 好攪野呀~~諗番起d場面 真係好想笑呀! 就連d叉叉快子都爭住要~~大家爭在未開拖咋! heee~~仲記得肥波叫呢d做''餓狗搶屎''攪笑~~ 另外有d都幾攪笑既野嫁~~如果有條友仔俾其他同班同學蝦既話or玩既話......我地成班或者其他同學就會''蜂擁而上''一齊走上去幫拖一齊蝦呀! 勁攪野呀~~做其他野都冇咁齊心呀~~呢樣野呀! 大家真係都好齊心呀!! 理得你係乜水呀~~打左先算呀! 哈哈~~如果你冇d power 我諗你都死硬嫁啦! 家下諗番真係好回味嫁......不過呢d回憶都只可留番係腦海之中咋!)

>>February 4, 2003 at 4:16:36 AM GMT+8

2003 年 1 月 29 日 星期三 【晴】

呀~~呀~~勁眼訓呀! 琴晚成晚掛住試部新電話呀! 加埋大雄同江少黎左我屋企一齊睇下波吹吹水呀~~ 我返到屋企都成點lor~~頭頭都頂得順既~~但下半場就已經頂唔浦啦! 眼訓到呀~~係wor都未講話睇邊對波tim!! 利物浦主場火併阿仙奴~~勁呀!!之不過呢兩隊我都唔太好感啦! 但見係佢地咋~~先睇下咋! 幾辛苦呀~~到完場最終由希斯基頭除打平呀! 當堂大雄激到暈呀! heee~~之後我地就一覺訓到大天光啦! 直到今朝起身都ok既~~之不過家下就頂唔浦啦! 真係好唔得呀~~今晚仲要街街tim~~都唔知點死啦! 呼~~最衰既~~今日天氣又係好凍呀! 我真係暈啦~~返工返到呆下呆下咁! 放左工去左邊呢? ........呀記得啦~~女朋友仔黎左接我更住諗住同埋大雄江少君君一齊行年宵之不過......江少約埋佢成大班friends加埋大雄又出黎呢當堂冇曬忍啦!! 呼不過算啦~~早知係咁就返覺覺豬仲好啦! 不過同女朋友仔一齊都好既~~我地行左一陣間啦!就去左食元氣啦~~又食啦! 真係好好味呀! 正呀~~之後........都唔記得點啦! 好野聽日就年廿九啦! 就黎新年啦~~yeah! 又有得逗利是啦! 不過今晚都年廿八洗白白先得呀! kakakak~~~

(講左d開心既~~家下講下d唔開心既......踼波最唔想既事係咩呀? 咪就係輸波lor~~每個一落場既球員都唔想輸......結果呢日我地輸左呀!! 由於第一場我果隊同from7果隊都嬴左波~~所以呢場我地名符其實既''兩個只能活一個''呀!! 所以呢場我地上上下下都好緊張好大壓力......呢場既陣容: 肥威 蕭健輝 肥鬼 nigle 賓仔 老明 我呀~~打後備呀~~事但啦!! 由於呢場對手強呀~~所以我地要打打守勢波啦!! 一開波我地即係下風啦! 只不過係上半場幾分鐘我地就已經俾人地狂攻啦! 係一面倒既攻勢~~因為我地知道差對手一皮所以我地既戰略係守和~~等再博射十二碼呀! 和左半場啦~~我地成功左一半啦!! 只要守埋下半場就得嫁啦~~下半場中段我入場啦~~之不過都係要守住呀! 人地又中柱又中眉~~嚇到我地喊呀!! 咇咇~~完場啦! 攪掂啦~~成功左一半啦!! 守和啦~~而下步就係互射十二碼啦!! 第一輪人地射先.....唔入~~ 到蕭健輝射啦.....射斜左~~ 第二輪啦人地勁射入左呀 到nigle都係勁射~~入埋!! 最後一輪啦~~人地都係入左啦 而我地射最後一輪既係我~~主角永遠都係最後出場既~~主角會係最後出黎救左地球既......所以我好鍾意最後做主角嫁!! 之不過.....今次我唔想做主角呀!! 到我射果陣好大壓力呀! d人所有既目光都注視緊我......入就英雄唔入就.....唉!! 全隊上上下下都睇緊我頭~~就連其他識我既都黎睇我支持我.....望住個龍門! 射左定射右好呢? 心大心細結果射左波冇乜力既又冇角度既一球.....呼咁就輸左啦! 傷心呀~~真係好傷心呀~~我唔甘心咁就輸左去啦! 激死呀~~個自己一個人坐左係度不停咁諗點解咁嫁? 唉......直到依家我仲係好怪自己.....一手一腳由天堂去到地獄呀!! 諗番起都傷心呀~~呼......不過點都好啦! 我發誓過呀! 以後都唔會有呢件事再發生多次呀!! 所以家下既倫倫咪越踢越好lor! 有名俾你地叫啦!!!Del Pi Alan ar~~heeee!!)

>>February 4, 2003 at 3:07:18 AM GMT+8