2003 年 4 月 8 日 星期二 【陰】

琴晚臨訓前聽到個唔係咁好既消息,就係女朋友仔部電腦又傻左啦.....呼!佢好唔開心呀!!見佢咁我都一樣唔係咁開心既咋~~我又唔知可以點做好bor!幫又幫唔到佢....我.....呼!! 希望女朋友仔唔好再為左部腦而咁唔開心啦!呼......攪到我訓都訓得唔樂啦!!

另外琴晚歐冠杯八強戰已經展開啦!結果.....曼聯都係要輸,皇馬真係皇馬呀!一打真君想佢輸都幾難啦~~ 另外AC就摸和左阿積士啦!!一個字''悶'' AC就大可放心啦~~因佢次回合返主場踢!實食冇痴牙啦~~相反曼聯就......危危地咁啦!就算番到主場佢地都冇十足把握贏啦!! 老費自己知自己事啦!1.要贏兩球或以上2.主力冇得出(史高斯同加利仔) 呼~~我諗老費呢獲真係頭痕啦!呢個四強席位都.......都難入下啦!!希望佢次回合有計啦~~

另外今晚就到祖記出場啦.....yeah!!掂曬呀~~雖然係對不敗之師巴塞 但係我信祖記可以一戰既!佢呢場坐和望贏啦~~掂呀!如果佢呢場唔贏既話到次回合去魯營度想贏都好難啦!! 所以唔洗講呀~~sure win!尼維特睇你啦~~ 另一支意甲國米就要火併華倫啦~~舊老闆對舊員工呀!!不過我都想國米贏既為意甲爭光呀!! 呢兩場波我諗又要為左佢地而挨眼訓啦~~

今日一早起身已經呆呆地啦!因為琴晚......大戰lor! 今日遲到呀~~唔係因為我眼訓遲起身呀~~而係公司個開門佬佢遲咋!唉.....第三次啦PK啦~~ 因為琴日我冇返呀!所以今日就留左比較多野要做啦~~呼!忙啦~~!! 但係.....我做起野上黎都係冇咩心情因為.....掛住女朋友仔呀!唉.....更住lunch時間江少出左黎搵我一齊食飯呀!!結果我地去左維園度食啦~~一路食就一路吹水啦! 佢又冇工返啦~~唉!我地仲講下放復活節果幾日有咩節目好?之不過.....講lor!都係得個講字lor~~ 食完返公司啦~~又係得個坐字啦!呼.....但係收到風馬來西亞果邊唔俾香港人入境呀!嘩真係越攪越勁啦~~好彩冇booking係手姐! 都唔知仲會攪到幾時啦~~遲d真係咩地方都唔洗去嫁啦!!唉.....生意難做啦~~到家下我只係做左$881.2咋!比$3750仲有一大段距離呀!唉.... 放左工都冇街好去嫁啦.....返屋企飯飯/白白/打機!呼~~咁又一日啦!!不過係返屋企之前我.....做左件大事呀! 係咩事就唔講啦~~等你地有機會見到我既時候就知道嫁啦!kakaka~~

不過收到個好消息既.....就係女朋友仔部電腦冇樹啦!用得番啦~~仲要係佢自己攪掂tim!真西利呀~~抵鍚!!

>>April 9, 2003 at 7:42:42 PM GMT+8

2003 年 4 月 7 日 星期一 【雨】

呼.....今日又係要咁早起身呀!!之不過今日既早起身唔係因為我要返工wor.....而係去睇醫生呀!! 所以今日就冇返工lu琴晚我仲諗住唔洗咁早起身tim!! 但係都要辛苦啦~~一早就去左馬會睇門診啦!!冇計啦~~鬼叫係地個倫哥冇錢咩!! 睇完返到屋企一陣咋!!女朋友仔就上左黎啦~~佢千里迢迢咁過左黎陪我!!我都好開心呀~~ 因為可以同佢一齊呀ma~~一齊食杯面咋咁就當lunch啦!!但係我地都食得好開心好sweet呀!! 佢呀~~仲搶埋人地包''卡樂B''呀!!激死人啦~~之不過見係老婆仔咋!!算啦~~ 更住我地睇左一陣電影我就送佢搭車啦!!而我都返屋企準備去踢波lu!! 正呀~~有得踢波呀!!好耐都冇踢波啦!!終於有得踢兩野啦~~掂曬!! 去到球場今日都幾多人下呀~~唔錯呀!!今日一落場既狀態都唔錯呀!!多番沿住邊線堆進!!成攻突圍呀!! 更外今日我大部份時間都係留後做後衛嫁!!幾好幾呀~~可惜仲差一個入球呀!! 呼....算啦!!下個星期又有得踢都好過冇呀!!仲要係跑馬地~~仲好呀!! 走果陣突然返風呀!!凍都呀~~我諗個天開始玩野嫁啦!!呢排都係落雨多嫁啦~~ 真係保佢大啦~~如果真係落埋雨既話咁就....大獲呀!!我諗客都冇多件呀!! 好累呀~~但係我要頂住呀~~因為今晚有大戰呀!!就係.....皇馬火併紅魔鬼呀!!

等我黎分析下啦!!呢對真係歡喜怨家呀!! 因為佢地牙齒印深lor~~kakak!!近呢幾年佢地都成日碰頭嫁啦~~如果你係佢地是但一邊fans我諗你會心痛啦!!因為大家都唔想對到對方呀~~ 相反如果你只係其他隊既fans我諗你會比較心涼啦!!因為見到佢地自相殘殺lor!! 又或者呢場的而且確係場好波呀!!作為球迷一定睇到....余痴余醉啦!!(我知實寫錯未嫁啦)哈哈~~ 如果你係一個球迷我諗你一定唔會錯過呢場波啦!! 1.兩隊半斤百兩2.星光泣泣3.多靚仔呀4.實力比併 卡斯拿斯對巴夫斯/希亞路對費迪南/卡路士對碧咸/費高對傑斯/施丹對堅尼/魯爾對史高斯/ 總之就一個字好睇呀!!

>>April 9, 2003 at 5:19:34 AM GMT+8

2003 年 4 月 6 日 星期日 【雨】

好耐好眼訓呀!!原本仲諗住琴晚早d訓更住起身睇下國米點輸既tim!! 不過到最後都係起唔到身呀~~太累啦!!訓呀~~訓呀~~ 更住今日聽番先知國米又失分啦!!掂曬啦~~進一步將距離拉開啦!! 祖記Hand佢5分啦!!睇黎呢鋪都坐定粒六嫁啦!! yeah~~好彩羅馬完場前10分鐘連入兩球迫和咋!!真係要多謝蒙迪拿呀!!kaakka~~~ 仲有幾場咋....老實講句AC已經冇機嫁啦~~自己傻仔啦!!上場贏祖記都唔珍惜!!而Inter仲有機既....但係微lor!!如果你係個識睇波既球迷....到呢刻都已經知道個結果嫁啦!!唉..... 同埋3隊都要踢歐聯,正所謂有分齊齊失!!哈哈~~不過點計都係Inter唔著數嫁啦!!佢仲有關AC未過!! 兩兄弟自相殘殺啦~~祖記魚人得利!!又冠軍啦~~勁呀!!不點都好今年既意甲真係好睇左啦!! 起碼米蘭相雄甦醒/拉素死咬唔放/柏馬跑左出黎/中遊份子又有番咁上下/祖記依然咁勁呀!!但係....差隊Roma呀!!

返到公司呆下呆下咁.....呼!!過左一個極悶既早上呀!! 但係一到下午就大獲啦!!我講過既~~上次個阿婆佢上鬼左黎呀!! 又上黎嘈啦~~一個字''煩''!!上次又係咁今次又係咁~~又呢樣又果樣!!激死呀!! 佢鬧左Alex仔一餐呀.....之後你地都應該知我會有咩後果嫁啦!!唉..... 真係....大PK呀~~更住主任打落黎叫我地呢排放咁d大假呀!!因為呢排都冇客嫁啦~~都唔洗咁多人嫁啦!! 所以出此下策~~絕呀!!不過我都未諗好放邊幾日好啦? 放假果幾日我要踢football/打basketball/badminton/同女朋友仔街街呀~~kakaka!! 另外....琴日我又有單野啦!!好彩我今次自己攪得掂個客咋~~因為琴日我俾個價唔岩呀!!應該貴d野.....結果我照同佢講啦!!好彩佢好人咋!!冇咩野~~冇發癲咋!!驚驚呀~~ 因為今日生左單大野所以我今日都冇乜點玩呀!!好靜下呀.....費事又俾Alex仔鬧啦!! 放左工女朋友仔黎左接我放工呀!!好開心呀~~可以見下佢!! 更住我地行左一陣就飯飯啦!!又一次去左''無鈄氣''度呀!!好味呀~~更住我地睇下VCD!! 因為我都累累地咁就早d返屋企啦~~返屋企白白!!打下日記~~玩下CM就覺覺啦!!呀~~呢排我都聽人講CM度阿''Rooney''好勁嫁bor!!如果你地有玩既~~不仿買黎試下呀!!kakaak~~~聽日有得踢波呀~~正呀!!好耐都冇踢波啦!! 掂曬~~kakka!!

>>April 8, 2003 at 11:31:07 AM GMT+8

2003 年 4 月 5 日 星期六 【陰】

呀~~好鬼眼訓呀!!不過點都要起身嫁啦~~死野呀!!今日仲要係返旺角tim!! 我慢條思理咁呀~~結果遲到tim!!今個月第二次啦!! hee~~去到旺角間星晨我嘩左一聲呀!!因為我係第一次黎嫁~~不過最主要既係!!好大呀~~真係好有大行feel呀!! 我咪係度不停咁問lor!!好大呀~~成個大鄉里咁呀!!當堂我都有d俾佢個大場嚇左一嚇啦!!呼..... 所以今日我做幾個客既時候都好怯!!有d驚呀.....同埋今日我拍果兩個同事都係我第一次拍咋!! 有少少驚呀~~因為怕會係佢地面前出羞呀!!好驚失禮人呀~~呼!! 估唔到大行旺角d客同銅鑼灣一樣唔係咁多姐!!之不過我留意到好多野呀~~就係佢地d野好整全呀!! 無論酒店/機票/單張.....都好整!!我可以講句冇野係冇嫁!!我都嚇左一野呀!! 呼.....突然我有少少想過檔黎旺角tim!!更住都冇咩野啦~~飯飯!! 食完之後都係咁啦~~不過有客既時候我都唔會做既反而俾左佢地兩個!!費事好似吵客做咁啦~~!! 今日都見到幾個識開既領隊主任係度.....估唔到呀!!咁都撞到~~話咁快又放工lu!! 原本約好左大雄出黎陪佢買波衫既!!之不過.....佢唔出呀!!反而叫我幫佢買左先......是但啦!! 佢買拜仁作客果件呀!!整埋個''迪斯拿''上去.....幾靚呀!!唔錯呀~~都要成$600呀!! 我都有少少心動tim!!都好想買呀.....呼~~算啦!!老婆要緊呀!! 更住就返屋企lu~~咁就一日啦!!冇驚冇險又一日啦!! 返到屋企打邊爐睇下金像獎....打下機!!睇下website同埋女朋友仔傾下電話又一日lu!! 我想快d到4月10號呀!!因為.....咁~咁~咁~咁~!!kkaakak~~ 聽日....唔做咁多客啦!!反而想睇多d''airline''既資料!! 我要用呢個月熟讀Asia呀!!我要比心機呀~~

sorry ar ~~琴日冇同大家講故仔tim!!今日try again la ~~ 去到中四度!!我就開始慢慢咁轉型啦......由一個基會主意者!!變成為....二傳手/副鋒!! 但係時間越長我既踢法都越唔同.....慢慢咁由前鋒變成中場啦!! 呼.....因為果陣我地班波友老實講句係冇一個正統既中場Keyman球員!! 所以我地以前既踢波好簡單.....喂!!大腳踢上去等d前鋒跑啦~~就係咁!! 所以我地要改變下啦.....而我就係果個中場啦!! 開頭都唔慣既.....但慢慢就慣啦!!差唔多每次既攻勢都由我發板/策劃啦!!自此之後我就係隊中踢呢個位置啦!! 另外我地仲成立左隊波出黎呀~~叫藍色風暴呀!!雖然唔係咩大球會!!但我地成班自在踢波尋求樂趣姐!! 而我就諗都唔諗一選就選左件10號仔黎著啦!!因為.....我鍾意''戴志偉'' 同埋10號仔就象徵係中場人物!!攻擊果隻.....當我每次著上件10號時我都好開心嫁..... 我成日都諗唔知我地隊波幾時會成為班霸呢?我要我地越黎越勁呀!!

>>April 6, 2003 at 2:26:04 PM GMT+8

2003 年 4 月 4 日 星期五 【陰】

今日因為放假唔洗做所以可以訓晏d呀~~正呀!!有得抖下啦!! 不過我8點幾就起左身打個電話俾女朋友仔啦!!因為佢今日要拜山呀~~ 所以我咁鬼早就打俾佢~~等佢有個驚喜都好呀!!我之後try again sleep !!訓到12點就起身啦~~ 收拾好一切就出去lu!!我今日book左場約好左成大班朋友仔一齊出黎玩呀!! 首先去左打table tennis更住再打badminton再直落去BBQ呀!!好豐富呀~~今日個planning!! 都幾開心下啦~~因為大家又耐冇見呀!!今日打波d骨頭都唔聽使既!!或者耐冇做運動啦~~ 不過話曬都寶刀未老呀!!kakak~~之後就去BBQ lor~~我地上左去水塘度B呀!! 今日都幾多人下啦~~難得見到有咁多人我都好開心呀!!因為大家可以吹下水玩下遊戲呀!! 食到飽飽大家就出黎玩下d低b遊戲啦!!有''解手''同''信心跌''..... 當大家玩解手時都好開心之不過.....信心跌就.....或者大家都驚啦!!唔係咁相信對方~~所以都唔係咁放心咁玩呀!! 呼.....又一次嬲親女朋友仔啦!!今次我唔知自己錯乜.....只知道令到相方都唔係咁開心啦!! 結果.....我自己一個人靜下啦!!坐左好耐好凍!!不停咁諗好多野.....甚至有d諗頭想''一+心=1'' 唉.....究竟我出左咩問題?我唔識得做人男朋友呀?定點?我好唔開心......阿爺琴日先入左醫院哼!!我仲有心情玩既.....冇人性!! 呢排係我身邊的確有好多問題圍繞住我!!愛情/屋企/朋友/公司.....我一一都未能解決得到!! 呼.....''我不是一百分''更住就走啦!!因為我聽日要返工呀!!佢地就好啦~~放假!! 我就要早起身咁辛苦一日~~其實我個''博頭''好酸痛/好累呀!!想有人按摩下.....不過都係冇嫁啦!! 送女朋友返屋企途中大家都冇咩野有講有笑.....我仲講得笑就即係冇野啦!!攬住wingwing既感覺好正!! 呼.......我返到屋企白白完同佢傾左一陣電話!!諗住傾埋就覺啦.....點知!!又係咁..... 唔只今日其實呢排成日都係咁.....講講下就會唔開心!!呀.....點解會咁嫁!! 聽左d我好hurt既野呀.....

我想問下你地.....你地識既Alan有冇變左!! ......我身邊有好多人都問我洗唔洗為左個女仔變咁多!!值唔值.....我會答值!!為左佢咩野都值..... 我身邊咁多人都知我因為佢而變......點解?妳總係唔相信我係為妳變..... 個心當堂刺左一下呀!! .......我唔會鍾意第二個!!我唔會走!!但我只會為妳一個人改變.....明白嗎?

>>April 5, 2003 at 7:53:26 PM GMT+8

2003 年 4 月 3 日 星期四 【陰】

又係咁啦~~好老實咁同你地講啦!!我諗我呢個月都係咁傻下傻下咁過嫁啦......唉! 坐下呀~~睇下報紙呀!!玩下大Dee呀~~如事者咁又一日嫁啦 唉.....冇野好做呀ma~~我今日仲叫埋另外間行既人一齊玩netbig2 tim 呀~~哈哈!! 不過話時話我都係到收緊風~~睇下第二間行有冇生意嫁bor!!好彩同我一樣姐!! 如果唔係就驚啦~~呀!仲有呀~~今日出左間表啦!!好不幸我呢個4月都要返10am至7pm呀!! 我唔鍾意呀.....激死人呀!!最衰既係~~星期日要返工呀!!本來我係唔洗返嫁ma~~點知要頂行呀!!仲要走到過去旺角呀!!真係唔得你死呀~~ 唉.....都唔知因乜解究要我返呀?又唔見其他cleck返wor~~!!不過.....都好既~~因為可以留返16號放番假!!而且16號可以話係半個重要既日子既~~因為果日book左場踢波呀!!仲要係跑馬地呀~~爽呀!!家下諗下都已經好興奮好緊張嫁啦!!哈哈~~到時我都用盡全力去踢呀!!唔會留手~~去盡呀!! 呼.....咁就放工鬆人啦!!又一日啦~~好快又一個禮拜啦!!爽曬啦~~正呀!!聽日放隻可以抖下訓個夠啦!! 不過聽日我都幾忙下呀~~因為約左大雄/江少/君君wingwing/肥鵬/婷婷/明仔成大班一齊去打table tennis and badminton呀!! 掂曬~~kakaka!!最衰星期日要返工如果唔係就爽曬!!哈哈~~

因為今日都冇咩大樹發生.....好啦咁我就再講下我既足球生涯啦!! 講下點解我會做前鋒呀!!除左我鍾意入球個feel但係我鍾意踢前鋒既另一個原因係.....我偶像''恩沙基'' 點解會鍾意佢呀?一黎佢當時係效力''祖雲達斯''二黎我好鍾意佢果種獨特既踢法!! 佢果種踢法係好令人氣憤討厭因為佢係個完完全全既''機會主意者''~~簡單黎講''獨食'' 哈哈....另外佢仲成日越位成日浪費入球機會!!之不過係咁~~但係佢可能因為越位而波浪費左好幾個機會!!但係佢只要把握到一個機會就足夠嫁啦!!另外佢仲以勤力同速度見稱.....所以我鍾意佢!! 或者我鈿個果陣冇咩技術啦又唔夠譫上腳啦!!所以我為有選擇呢種踢法.....但係人會變既!!同埋我倨咁樣既踢法係唔可以令我生存既!! 因為咁我就要令自己轉變一下啦.......而我就因為咁而慢慢咁轉營啦!! 想知我轉左咩踢法咩位置就要留意一下聽日我個日記啦!!多謝.....多謝.....

>>April 4, 2003 at 1:14:20 PM GMT+8

2003 年 4 月 2 日 星期三 【陰】

好累呀!又好眼訓呀!因為琴晚睇左英格蘭踢果d屎波呀~~
一d皇者霸氣都冇呀!!佢地跟本都唔知自己踢緊咩波!!都冇自己一套波既~~唉!!
都唔知佢點死呀!!雖然係羸左波呀~~但係如果你有睇既話都眼怨啦!!呼......
不過如果你有睇既話當碧咸入第二球果陣有d野會留意到....就係入左波之後既興祝啦!!入波係開心呀~~之不過只係得碧咸係特別開心呀!!因為佢入呀ma~~更住就只有佢曼聯隊友陪佢開心咋!!
其他就.....heee!!唔洗講啦~~有d同場踢波各自修行既feel呀!!踢波踢成咁就不如唔好踢啦.....咁樣都唔知佢地點得到冠軍啦!!
所以我對佢地係今介歐洲國家杯我絕不睇好佢地既!!反而.....意大利/法國/捷克/荷蘭!!都走唔出呢幾隊嫁啦~~

返到公司你地又估下做會做d咩呀?又係咁呀~~
水靜河飛呀!!唉....不如收鋪仲好啦~~唔好話客呀!!蚊都冇隻呀!!
唉....真係~~''迫澎你個隆的咚呀''!!想死呀~~悶到死嫁啦!!
所以今日又暈遊lor~~得個坐字!!坐呀坐......坐到lunch食飯訓一陣!!
起身又坐呀~~坐呀坐!!想聽多電話都唔得呀!!今日咪搵左女朋友仔大雄呀~~佢地傾下計吹下水lor!!
呼~~又一日啦!!過得.....唉!!都唔知以後既日子點挨啦!!
不過今日係收工前都俾我收到個客wor~~hee!!好好彩呀!!仲諗住呢幾日都冇計嫁啦~~今日仲係得我一個有單開嫁咋!!kakak~~勁嗎?
都有成300蚊既!!都好過冇啦~~之不過比我要跑既目標仲有一段距離呀!!
唉....愁曬啦~~呼!!放左工返屋企飯飯啦~~諗住玩一陣CM啦!!但係真係好累呀~~頂唔順啦!!
我咁就訓鬼左啦.....一訓就訓到差唔多12點啦!!哈哈~~即刻起身白白啦!!更住就同女朋1仔玩icq啦!!
呼.....同時我聽左兩個唔係咁好既消息呀!!唉.....

呼.....仲記得中1,2既時候我係完完全全冇乜踢波嫁~~因為我踢開果班波友又唔同校加上我果班同學子都唔係咁鍾意踢波有既都只不過係果一兩個反而鍾意打波......
呼.....有d失落嫁!不過冇計啦~~所以中1,2,3我都係打波多過踢但係我又唔係完全冇踢波嫁wor....我有時都會參加學校個團契既足球活動嫁!!
哈哈~~都好過冇呀!
之不過我有幾日會好唔開心嫁.....就係當學校舉行''足球比賽''我就會唔太開心啦!!
因為眼見人地踢反而自己只可以係場邊睇.....心情''灰''死啦!
唉.....之不過係中尾既時候有少少轉變就係timtim帶左我同格離班既人仔踢波呀!!仲記得有.....肥波/人袁/Penny/肥鬼/腳子.....好多好多都唔記得lor!呼......
終於有得踢返波啦!開心死啦.....自此之後我都成日同埋佢地一齊踢波lor!!有時去黃記/華貴/華富......但係我最鍾意既係''跑馬地''既人造草地呀!
仲記得我第一次去既時候心情好緊張因為我咁大個仔第一次去咁high卡既地方踢波嫁~~哈哈!
呢場波我仲鬼死咁博命呀~~周圍走唔停因為太開心啦!太興奮啦~~你地估下我有冇波入?肥仔林俊杰右路角球開出Alan近柱迎接應聲入網呀!GoalGoal~~
呢球我會永遠咁記住佢.....自此之後我每逢有得去跑馬地我都好開心會俾心機全力去踢既!
呀~~我都未講!果阡時我踢既位置係前鋒呀!點解我會踢前鋒......因為我鍾意入波果一種感覺!!唔知你地覺唔覺呀?當你入左波果種感覺真係難以形容嫁!由其係關鍵既或者係特別重要既~~入完波果刻既feeling真係爽呀!

>>April 3, 2003 at 6:37:45 PM GMT+8

2003 年 4 月 1 日 星期二 【晴】

嘩.....頂呀!!今日名符其實既水靜河飛呀!! 想搵條友仔入黎都難呀~~真係!!之不過又唔係完全冇野做wor~~反而係d煩野呀!! 就係之前做既ticket/package一係就refund一係就廷期~~唉總之就煩啦!! 就好似今日咁我有個阿婆直情上埋黎搵我講數tim~~shit ar !!條友似住自己有些少錢係度扮曬野呀!! 激Q死呀~~又呢樣又果樣!!結果我又俾Alex話左獲啦!!呼.....個條阿婆呀!!如果我唔係著緊公司衫返緊工....睇下我嘈唔嘈佢啦!!頂佢個仔呀~~ 呼....咁就攪掂左單啦!!更住就真係冇曬野做lu~~成個上午係度睇website睇阿哥哥既新聞.....我越睇就越心傷啦!!唉.....可惜呀!! 我就睇報紙呀~~而alex就係度掛住玩netbig2啦~~佢玩到成3千啦!! 痴曬線嫁啦~~就連平時好認真既Carol都玩埋一份啦!! 咁你地話啦~~都唔知呢個月點做落去啦!!係呀~~今個月我要做$3750呀!!雖然係少左,之不過.....low seaon加埋肺炎再加打仗!呼~~都唔知點做啦!!盡力啦!! lunch今日食唔曬呀~~呼!!攪到自己直到放工都胃痛呀!!放左工諗住返屋企飯飯覺陣既~~但係女朋友仔打黎呀!!叫我陪佢飯飯呀!!咁呀.....no problem la !!出到去旺角比平時真係少左人呀!!或者係肺炎啦~~行左一陣就去左食日本野啦!! 都唔錯嫁~~有機會一齊呀!!更住我肚仔痛呀~~但我仍然堅持送埋女朋友仔返屋企先呀!! 因為我擔心佢呀~~唔打緊wor女朋友仔我知妳擔心我嫁啦!!放心啦~~為左妳我撐得住呀~~!! 返到屋企傾下計咁就一日啦!!呼.....呢兩日同女朋友仔出街都好開心呀!!或者.....夏天已經黎到啦!! 女朋友仔呀~~講樣野過妳知呀!!一到夏天我就癲嫁啦!!因為我鍾意呀~~我諗妳遲下出街真係要睇實我拖實我啦!! i like sunny ar ~~但係我更愛妳呀!!kkkakaa~~

好耐都冇同大家''想當年''啦!! 今日不如講下.....我既足球生涯呀!!哈哈~~希望唔會悶親你地啦!!如果你問我幾時開始touch個足球呀? 應該係小學4年班既時候呀! 仲記得果陣既我咩都唔識淨係知道足球係用腳踢既姐~~其實果陣我一d都唔識踢波!一味得個走字......所以我細細個踢波係踢''蜜蜂鬥''嫁!! 同埋以前我咩都唔識都唔知自己踢咩位既?淨係識得追住個波lor!自始之後我就慢慢開始踢足球呢個運動啦!! 呼.....慢慢慢咁樣我就鍾意左足球啦~~同時都慢慢咁進步啦!!仲記得開頭我係踢得最屎果個黎既~~眼見d朋友仔咁勁我好冇耐!!所以我地每次有波鬥既時候我都係做後備嫁咋! 坐係場邊睇佢地踢.....呼!所以我決心要踢好佢!唔可以再坐後備啦~~所以果陣時我就連書都唔溫又唔返補習呀!!一味掛住踢波....踢波.... 好攪野嫁~~我地一放學實會講''喂~~兩點鍾公園水池度等!唔準放飛機呀!''就係咁我一個禮拜7日/7日當中我有成4日走鬼左去踢波啦!! 之不過要付出代價嫁.....就係返到屋企俾人散到上天彭呀!!哈哈..... 經過一年時間我開始慢慢咁有d成績出黎啦~~我好開心嫁~~由其係我識得''鈄西/拉西''既一日!! 我成日都睇見人地踢個波出黎果陣點解會識得轉彎既?仲記得我係場邊踢果陣有個阿叔走埋黎話一齊''猜波'' 果陣我好驚嫁~~人因佢係大人呀!我驚會失禮呀.....但係佢同我講左句野令到我轉變都幾大下既!! ''細路....踢波1.要技術2.要譫大~~既然落得黎踢波就要放譫去踢!落得場就要應真去踢好場波佢.....你唔夠技術咁又點!至緊要有心呀! 你冇心既話就連落場既資格都冇呀!俾心機慢慢學啦.....俾d信心啦!''果陣時聽完之後我都唔知佢講乜Q....或者仲細個啦!但係我依家明白啦~~更住既日子有佢教我踢波呀!佢可以話係我第一個師傅呀! 我好開心呀.....因為可以同個勁人踢波教我野!呢....咪就係佢教我''拉西/鈄西''嫁lor.....我好開心嫁!因為我識得點樣將個波轉彎呀!!heeee....... 之後我就慢慢再學埋''掃把腳''/''滴波''/''斬波''/''推波''/''窩利''/''澎澎聲既射波''.......好多好多!仲有樣絕招''倒掛金鈞''呀~~但係我由此到終都未洗過出黎呀!因為.....太難啦!!小學時間我既足球生涯就係咁啦......聽日講埋中學既時候啦!請多多包涵.....見諒見諒~~

>>April 2, 2003 at 7:20:44 PM GMT+8

2003 年 3 月 31 日 星期一 【晴】

今日係.....4月1號呀!!新既一個月啦~~ 咁即係代表我又要由零開始比心機再努力咁去跑數啦! 呼~~要比心機啦!!之不過我都唔係咁睇好呢個月啦~~ 因為....你地都知啦!!家下香港攪成咁都唔知幾時先好返呀?唉....元氣大傷呀!! 咩呀~~仲話香港會成為''翼浮''真係唔得你死呀~~如果真既話我諗我日日真係得個坐未嫁啦!! heee~~唔洗做日日玩機呀!!就好似今日咁呀~~ Alex就由朝玩到晚呀個netbig2~~佢開始玩到傻傻地嫁啦!! 不過佢都好西利呀!!玩左成100鋪呀~~有成差唔多二千蚊呀!!你話佢係唔係傻左啦~~連電腦都唔式話留返聽日再戰過wor!! 哈哈~~今日有帶飯飯嫁!!之不過女朋友仔話出黎一齊食咁冇所謂啦!!我地去左食''car boy noodle''呀!! 但係.....唉!!早之知就唔食好過食啦~~呼!! 算啦~~今日收夜呀成7點呀~~其實呢排都係放7點嫁啦!!因為果味野lor~~肺炎呀!! 呼~~返10放7啦!!其實今日都算係半個好開始既~~因為.....我開左張單呀!!雖然賺得唔太多!!但係都好過冇呀~~我其實好驚今個月食蛋嫁!! 好彩呀~~咁樣對呢個月都有返dd信心咁大把啦!!之不過我自己都覺得自從要跑數開始個人都壓力大左呀!! 就連陪女朋友仔既時間都少左呀~~對唔住呀!!wingwing~~ 對唔住呀~~唔好嬲倫倫啦!! 放左工又係幾累咁啦~~返工就係咁啦!!返工放工訓覺起身!! 依家都覺得自己冇咩野好做啦~~返到屋企打下機啦!!on9~~icq~~同女朋友仔傾下電話啦!!呼.....想做其他野都幾難啦!! 返到屋企都唔知做咩好啦~~玩下CM啦!!開始摸熟啦!!明白點玩啦~~之不過玩玩下就....大件事啦!! 就係''哥哥''佢.....死左呀!!!自殺呀.....開頭女朋友仔打黎同我講!!我都唔信....唔係玩呀fa!!但原來係堅嫁.....唉!! 點解咁嫁?我之後同大雄講仔佢都以為我講笑呀!!呼.....我有d傷心呀!!唉~~聽日又頭條嫁啦!!都唔知呢排香港係唔係黑仔呀~~又肺炎又打仗又攪d咁既野!!唉..... 咁就過左一日啦!!唔知聽日又會發生d咩事呢?呼.....''希望在明天''有咩野都要向前望,唔好望返後面呀!!

>>April 1, 2003 at 4:50:51 PM GMT+8

2003 年 3 月 30 日 星期日 【晴】

呀~~好累呀!!因為琴晚唔夠訓呀~~一起身成個人都好似暈遊咁啦!! 自己姓乜都唔知呀~~呼!!累死人呀~~所以我自己都諗今日既狀態唔會好得去邊啦!! 今日係3月既最後一日~~咁就大獲啦!!因為又到另一個月啦!! 而另一個月我又要由零慢慢咁再開始過努力過啦!!我諗你地知我講咩呵?唉....辛苦呀!!唔知下個月要跑幾多數呢? 突然我好驚自己唔得呀!!因為係人都知家下咩環境啦~~仲要咩野肺炎又打仗!!真係呀~~ 都唔知攪到幾時呀?我諗下個月我有2千蚊都已經好開心啦!!返到公司又係咁呀!!坐下/睇下報紙/玩下啤牌~~開始都覺得有少少悶啦!! 但係有樣野就好想啦~~就係放假呀!!唔知點解呢排成日都好想抖下放下假既~~ 今日收到下個月既''奸表''呀~~清明我要返呀!!所以公司就俾返日假我呀~~唔錯呀!!而我就簡左4月16號呀!!因為..... 呢日有得踢波呀!!仲要係跑馬地呀~~所以我必定到場呀!!我死都死去呀!! 另外見到復活節有成4日放假又係好開心既姐~~冇死啦!!家下都可以諗家果幾日去邊啦!! 不過今日都算有個好開始既~~因為我收左條友仔呀!!佢係去YYC搭AC既!!聽日佢話上黎俾錢呀~~唔知堅定流既姐?希望唔好水我啦!! 放左工原本可以去同大雄江少肥鵬佢地打波既~~之不過好累呀我!!所以堆左呀!!下次先打啦~~ 所以我就返屋企lu~~返到去白白飯飯就抖下啦!!真係好累呀~~就連琴日同女朋友仔街街既時候佢都話我個樣殘左呀~~謝曬咁呀!! 呼.....真係要抖下至得啦!!如果唔係就唔靚仔嫁啦~~

(講下d題外話呀~~今日我搭車見到個露大背既女仔呀!! 佢著d衫又少布wor~~係街度行過既人都望人望佢既!! 心諗~~洗唔洗呀?同埋個女仔唔係大個嫁~~只不過係小妹妹咋!!真係細風日下呀!!攪錯呀~~ 家下天氣時冷時熱佢已經咁啦~~遲下夏天佢仲得了既!!唔洗著啦~~哈哈!! 各位我講呢單野出黎唔係讚佢呀!!而係你地覺唔覺家下既細路仔越來越''型''呀? 比著以前我地中學都係傻仔黎既姐!!傻下傻下咁~~之不過家下果d就.....呼!! 好唔同啦~~細界變啦!!我有時會諗呂知遲下我個仔呀女呀又會變成點呢?)

>>March 31, 2003 at 1:42:04 PM GMT+8