2003 年 2 月 26 日 星期三 【晴】

今日一早就有條友仔打黎啦.....我又眼訓又懶wor!費事聽啦~~點知.....女朋友仔打我手提第一句鬧我仲咩唔聽電話啦! 死火啦~~頭先打黎果個電話原來係佢黎嫁.....俾佢鬧死啦! 不過都唔緊要呀~~女朋友仔都肯打黎叫我起身啦!咁都幾好呀~~ 今日差dd就遲到啦......好彩好彩呀! 返到公司攪掂埋個鬼佬booking先......呼!今日聽返女朋友仔打聲好似開心返啦....冇咩野啦!我個心都舒左一口氣啦! 聽日就結算啦~~今個月我本來要做$3750既數嫁但係今日為止都係得果$3075咋! 呼......冇計啦~~lunch同wingwing食完飯之後就陪maggie一齊搬行啦!我只係幫佢姐~~我唔洗走人既!沙田呀~~勁遠呀! 返到CB都已經差唔多收工啦~~放左工諗住返屋企既!但係我留左d野係女朋友仔度呀!kaakak~~個靚靚銀包呀! 唉....有個借口可以俾女朋友仔見到我tim! 過到去佢屋企接埋佢就出左去太古食飯啦!我地去左食必勝客呀! 係搭車途中.....有個人仔打俾女朋友仔呀!佢地傾得好開心!同學仔黎嫁..... 我有少少唔開心啦!因為果個人仔死到唔肯收線.......激死人啦!之後我地食野啦~~我同佢一人一婉湯湯啦!但係我搶左佢dd黎飲呀!結果...... heee~~我地一路傾計就一路食野!食完我地仲去埋冒險樂園呀!玩左少少啦~~更住我地去散散步行海滂啦! 我地都好耐冇咁行過啦.....送埋佢返屋企我自己都返屋企啦! 返到屋企諗住白白完同女朋友仔傾下電話啦!但係佢話累wor! 諗住我白白完佢訓左嫁啦~~結果未wor!等埋我呀!傻豬黎嫁~~ 我諗住傾一陣就覺覺啦!因為我知佢累嫁啦~~ 但係傾下又多d傾下又多d!結果傾左幾耐下呀都~~但係......到最後我地本來好地地就因為dd野而攪到大家有d唔開心啦! 呼......算啦算啦......

(如果依家有兩條路你選:左面係行舊路右面係行新路!你會選邊條黎行呀? 家下你地既倫倫就係有兩條路可以選~~舊同新!舊既路就代表以前既我/新既路就代表依家既我! 你地覺得我應該點呀?其實我好有心好想試下行條新路......因為.........但係行左呢條所謂既新路又未必係好既!例如.....冇人領情啦/反而係得不嘗失嫁! 哼.....我都唔知點講好啦?其實...... 呀!我諗起你地有冇試過認真?都幾難嫁......認真講就易做就難啦! 原來有陣時認真果頭都唔係件好事黎嫁!呼~~ 仲有呀?你地又有冇試過擔心/緊張一個人呀? 如果你係男仔仲係拍緊拖既.....我諗你地會試過!但係.....如果你未對過女朋友仔緊張擔心既話我諗你呢個男朋友好極都有限啦! 之不過......有時我真係唔明既?咩時候應該緊張擔心? 唉......過份擔心係唔好既我知!但係....... 當你真係鍾意/愛一個人果陣!呢d野通常自己都發覺唔到既~~right? 真係好攪野嫁.....人真係好唔知點咁既! 愛永遠會令人麻目.....為左愛情可能會少左朋友但係....... 古語有云''愛得深傷得深''但係我成日都諗如果你對另一伴愛得唔深既話倒不如唔好愛啦! 其實依家既Alan唔知可以點做好啦!對愛情我唔係專家......如果我個朋友問我野我會答佢會幫到佢但到我自己既時間就唔知可以點做啦! 真係嫁~~我睇到既覺得既都係出於我既諗法!未必會令人得到應同~~ 我想咁樣既野人地可能會覺得我係錯既......如果可以既話我想企出黎睇下自己出左咩問題呀? 因為場外人永遠都係最清楚既~~反而場內人就係最傻最蠢最睇唔清既人呀! 哼~~今日既日記我都唔知自己講緊咩啦! sorry呀~~老係増加麻煩俾你!我會自己.....諗諗嫁啦!緊張/擔心或者唔太識合我啦~~反而傷心/失望會更加識合我啦!)

>>February 28, 2003 at 2:57:04 AM GMT+8

2003 年 2 月 25 日 星期二 【晴】

呼~~仲諗住琴晚睇波tim! 不過到最後都係冇睇到~~因為我知女朋友仔唔想我睇既......所以就乖仔d唔睇啦! 不過今日差d起唔鬼到身呀!好彩好彩.......真係好唔得呀!一冇左女朋友仔就起唔到身啦........唉!女朋友仔妳睇妳幾鬼重要呀! 返到公司都係咁啦~~跟埋果兩個booking就冇野好做啦! alex仔佢今日好好人呀~~請我地食早餐呀!好味呀..... 做野都醒神d呀!成日都唔太有野做啦~~不過今晚就約好左成班同事一齊踢波呀! 有少少緊張tim.......因為可能耐冇踢掛!你地知倫倫幾屎嫁啦! 同埋呢場波可以要黎當熱身.....要黎做準備黎對肥鬼嫁! 死啦.....家下我成日都驚肥鬼仲係會成日own goal tim !哈哈~~ 另外今日我見唔到女朋友仔啦......要踢波!不過唔緊要啦~~女朋友仔妳搵住又南做住妳男朋友仔先啦!kakaka~~開心死妳啦! 呀~~lunch果陣我見到謝天華呀!佢好型仔嫁~~羊咩蘇 衫衫又型 帶副超 勁呀! 咁岩佢仲係大家樂買下午荼! 大家樂d人好似未見過明星咁wor~~行埋去望住人地bor!傻傻地既!仲同人握手tim呀! 真係攪野呀~~仲要個個都係師奶tim呀! 唉....代阿天華可憐呀! 坐呀坐呀......咁就放工啦~~踢波lu......呼! 不過諗住走人既時間黎左個鬼佬客wor....頂呀!你地都知倫哥d英文有幾勁嫁啦......之不過我都應付得到!驚驚呀~~不過咁都好既起碼都叫第一次攪掂既英佬客呀! 好既開始呀~~之後我同d''OA''去先踢住先啦......更住魚旦明同豬基都黎埋啦!最後甘仔都黎埋啦.....我地都幾多人下呀!之不過黃記仲多人呢!仲諗住今日跑馬仔冇咁多人tim! PK啦~~不過我地都照踢仲贏埋呀~~勁! 好耐都未試過踢街場會贏波啦! 原來佢地成王同事踢波都幾勁下嫁wor!睇唔出呀~~我地都連贏左3場呀! 仲有呀~~我地仲係同阿新果隊波踢嫁~~到最後果場我終於有波入啦! yeah~~好耐冇入波啦!仲要係街場tim呀.....講真呀!出去踢街場真係有難度過對自己友嫁! 好開心呀~~終於打破入球荒啦!咁樣星期日果場就得得地啦! yeah......我地踢到9點半就走啦! 好累呀~~或者我耐冇做運動啦!累累呀~~ heee.....返到屋企就澎澎聲攪埋部腦先啦!家下只係差on9咋就攪掂嫁啦! 呼.....開頭都仲係攪唔掂既!之不過唔知攪左d咩就ok啦! 復活啦~~你地個大魔王番生啦!以後就有得玩icq啦同女朋友仔.....yeah!

>>February 27, 2003 at 2:06:14 AM GMT+8

2003 年 2 月 24 日 星期一 【晴】

.......可以點講呢?今日可以係開心又可以係唔開心既~~先講開心啦!就係今日終於攪掂左兩單客仔啦!好耐都未開單啦~~苦呀! 都可以話幾好既~~因為都有唔錯既profit既! 不過琴日睇到個成績就麻麻地啦~~唉! 5clerk個當中我只係排第4咋~~激死倫倫啦! 希望呢幾日會好返d生意仔啦~~下個月我要.....加油呀! 另外唔開心既係.....雖然今日係見到女朋友仔~~佢唔同左好多呀!又斯文又得體~~呀!好唔同呀~~好唔慣呀! 唔知係好定唔好啦~~我有d驚!唔係.....應該係好驚呀! 例如:''女朋友仔呀~~我今晚睇波呀!得唔得呀?~~是但你啦你咪睇lor'' 死啦~~平時佢唔係咁嫁~~平時佢實叫我唔好睇話聽日返工呀!唔準睇呀~~之後我就會好聽話嫁啦! 但係......唉!好唔慣呀~~女朋友仔唔好咁啦~~另外夜晚傾電話又好似唔係咁想傾咁......唉!之後又唔係咁既~~我地係傾到唔想收線既.......呼! 都唔知係好定唔好啦~~雖然係好斯文大個左.....但係....我都係鍾意之後既wingwing多d呀! 佢今日有黎接我放工既.....陪我去take電腦啦!更住就係咁啦~~好怪呀!唉..... 返到屋企我自己攪番部野啦!setup 返好d野先~~用win XP呀~~都幾易下既! 但係仲未!可以上網住......因為我有成3個月冇交月費啦!所以就俾人cut左啦!好心痛呀~~成千銀呀! 不過見番部野好返都好d.....唉~~另外仲有件開心野既~~就係聽日出糧啦!好野呀~~正呀!等左好耐啦.....永遠最富有既一日就係出糧既一日......之不過.....唉! 又要交網費又要供computer.....我諗下個月都唔會出咩街嫁啦..... 今晚一到12點我就要落去銀行睇下出左糧未先? 出左要即刻交俾中央呀!kakka~~

(呀~~係bor今個月28號你地仲記唔記得要出去食飯飯呀? 約好左嫁啦~~你地成班唔好放我L平呀! 講下d時間地點食咩呀~~果日有幾個choose既:打邊爐($80-90)日本料理($75-85)巴西燒烤($80-90)有3個choose呀!你地可以俾俾意見既~~由你地話事去邊度! 另外時間方面9:30pm得? 因為夜d既話會平dd! 係銅鑼灣食既~~而人仔方面....Alan 賓仔 阿立 阿曾 阿邦 波仔 肥權 阿wing 周傑 阿庭 肥文 肥威 阿華 .....如果仲有人既話冇任歡迎呀! 希望你地會去啦~~因為we are long time no see la ! 出黎talk talk ar .....而以上既野食我都去過曬嫁啦~~水準方面係ok既~~大可放心呀! 如冇意外我星期三星期四會打俾你地成班comfirm嫁啦!等我電話啦~~或者你地自頭羅網打黎搵我啦!)

>>February 26, 2003 at 4:56:38 AM GMT+8

2003 年 2 月 23 日 星期日 【晴】

今日......呼!我又返番上去總行lu~~點解??因為Carol放左假呀~~主任叫左我上去撐住先啦!!哈哈~~一早我其實已經唔知醒啦!!因為琴晚一戰.....好累呀!!kakakak~~查實我今日就應該返早既即係9am但我扮曨野返左10am!!呵呵~~太累啦!訓多陣啦~~扮傻仔啦!呼...... 返到去......都唔知做乜好啦!聽下電話先.....又整下自己個file啦!因為下個月落返分行既時候要有自己一個既file啦!哈哈~~以前我好期待有自己一個既file呀~~家下願望達成啦!yeah~~呵呵!!

今日lunch.....你地估下我同左乜水食??之唔係主任LOR~~佢突然間叫左我去吃呀!呀~~都唔知點解啦!結果我地去左間野叫肥肥既餐廳度呀!叫左兩碟野一齊食呀!!呀~~間野d野食都幾正嫁wor~~好得下呀!之後我地邊吃邊吹啦!唉...... 乜都講呀~~到到夠鍾鬆人啦!睇見張單要成$34蚊!嘩~~我身上得果廿幾蚊咁點算呀??點呀??突然佢出手拎左張單話請我吃呀~~哈哈!!多謝曬呀~~kakaakk!心諗好彩好彩呀!kakakaak~~好啦!!飽飽啦~~下午再做過啦!時間過得好快呀~~一陣就收工啦!不過話時話今日都唔知自己係唔係返緊工既!都冇認真做過野呀~~哈哈!!

收左工啦~~去接小公主啦!見到皇太后呀!我即刻請安啦~~''萬歲萬歲萬萬歲...''kakaakak~~真攪野呀!之後我同左小公主行左陣啦!更住就搭車車啦~~點知......嘩!有個傻佬不停咁望住我呀~~佢真係飯嫁!仲同我笑呀~~拜拜埋呀!哈哈~~ 到目的地啦!我地今晚又係打邊燼呀~~諗住食唔知乜Q但冇曬呀!失望呀~~我就走左去買其他野食拾拾下啦!kakaakak~~有雲吞同埋福字面呀!kakakak~~正呀!!爽呀~~飽死啦!今獲真係......哈哈!之後送左小公主返皇宮啦!自己都返屋企啦~~諗住....... 搭2X上車之際!先醒起冇錢呀!所以轉搭77啦~~點知岩岩開左,睇見99開車啦!唔好理三7廿1啦!上左車先啦!結果唔洗多講呀......行左幾個字先返到屋企啦!呼......返到屋企白白上陣網啦!好累呀~~撐唔住啦!要訓啦......呼!

今日同主任嗲計.....唉!聽到d唔係咁好既消息!我都好唔開心好唔知點啦!就係減人工啦!頂佢個仔呀~~岩岩先升左已經冇得加人工嫁啦!家下仲要減,咁點算呀?玩我咩?所以我真係要好好諗清諗楚啦.....點算好呢?

返埋聽日又放假啦!要撐埋佢呀~~

聽日又要教波啦!哈哈~~不過我都有份落場踢埋!希望會布好既表現啦~~

>>October 31, 2003 at 4:46:58 PM GMT+8

2003 年 2 月 23 日 星期日 【晴】

幾精神啦~~雖然琴晚玩得夜但係冇有怕呀! 唔知點解今日既心情比較輕鬆開心呀?或者琴日可以同wingwing一齊啦!幾好幾好呀~~ 今朝一返到公司都算幾有野做既! 呀~~野野都係咁嫁wor!每逄星期一都係咁嫁! 不過做做下都冇野做啦~~直到lunch我冇食野呀~~反而過左去298度買電腦呀! .......希望聽日就有得用啦!唔知得唔得呢? 我好耐都冇玩電腦啦~~不過今日就真係辛苦左DD既! 冇得食野~~結果我叫左人幫我買M仔既''apple pie'' and''hambuger'' 頂住先啦~~不過今日臨放工前收左兩個客啦! 唉~~不過我對佢地都唔係太大期望嫁啦! 放左工陪大雄去買衫衫呀! 佢話表哥結婚wor! 見丁佢買我都個心都想買tim~~唔得出左糧我要出去買先至得呀! wingwing呀妳陪我一齊買好唔好呀? 我好累啦~~更住就返屋企白白之後同女朋友仔傾下電話就覺覺啦! sleep.....

(講埋展翅d野先啦~~仲記得到左第二日時 阿sir同我地講要由A地去到B地......途中要到某幾個必到點影埋相! 嘩.....小野啦~~之不過我d隊員個個就好驚啦! 因為個路程都幾長下既!佢地個個未行都已經唉聲嘆氣啦~~又話唔得又呢樣又果樣!激死呀! 果時我同佢地講左一次我地所行既方法係點先啦!plan好曬路線先行啦~~結果我果隊係最尾出法既一隊! 係臨出法前我仲同佢地講要係6點前到目的地......佢地個個都嘩呀!之不過我同佢地講''唔洗咁驚呀~~俾d信心自己啦~又未行又點知得唔得呢?做人要有信心先得嫁ma~~總之比心機啦! 更住我地成隊就向住6點前呢個目標而行啦! 我仲建議休息既方法係......每到一個point先至休息一次! 雖然係辛苦左少少但係.....試左先啦!我地由最尾出發直到係第一隊呀! 西利唔西利呀?其實我果隊都有幾個女仔嫁~~唔好睇少d女仔呀!其實佢地都好西利嫁~~所以就算妳係個女仔都唔好睇小自己呀~~玩下手其實妳都可以行過好多個山頭嫁! 哈哈~~ 其實我地所行既路都唔易嫁要過幾個山啦~~d路又崎嶇bor~~總之你玩過先至知啦! 你地可能唔知啦~~我地成隊人係過終果刻成隊面上都係開心嫁~~好有一種自豪滿足感呀! 即係.....由冇信心至到信心爆曬呀~~果種感覺真係.....真係好好玩嫁.....好有意義呀! 呀仲有呀~~到最後一日我地仲玩跳海呀!哈哈~~係唔係傻呢~~不過都幾好玩既!跳碼頭......都唔錯呀!仲記得大雄果陣唔夠擔跳嫁死狗呀!喊曬j咁既~~諗起都好笑呀! 俾著你唔知敢唔敢跳呢? 哈哈......)

>>February 25, 2003 at 7:38:14 AM GMT+8

2003 年 2 月 22 日 星期六 【晴】

今日都成點先起身呀!因為太耐啦~~我呀!以後逄放隻我都辰痛痛快快咁訓呀! yeah~~之不過今日女朋友仔要同朋友仔去街街呀! >_<.....女朋友仔都有叫我去既~~之不過......好貴呀! 其實我都好想去既~~但係...... 算啦!我同左阿細路出左去睇電腦呀! 最衰個PK仔呀~~如果唔係佢部野就唔會壞啦!激Q死呀~~ 算啦唉.....你地等下倫倫啦!倫倫將會係不久既日子就可以復活嫁啦! 更住行行下仲見到死肥鬼呀!FATRAY呀~~佢返左黎啦!同佢講左幾句啦~~攬左兩野啦!個feel好正呀~~我諗以後我好耐冇見既朋友都會咁樣樣攬攬既!......你地估下我倒頭來有冇陪wingwing去呀? kakaka~~我咁緊張擔心老婆仔我自自然然緊係會陪佢一齊去啦! 哈哈~~貴就貴啦! 另外今日又係我個咩咩呢? 唔知點叫佢tim? 貞貞呀~~佢係wingwing個表妹呀!佢.....都幾靚仔啦! 份人就比較傻左dd咁大把啦~~其實佢都傻得幾Q既! 我地一行7個人仔呀~~去左天樂里newway度呀! 有其中兩個我係唔識既~~都係boy黎既! 唔知點解開頭我係冇咩心機玩嫁~~又冇心機唱k又冇心機食野!都唔知可以點啦~~仲攪到女朋友仔好唔開心tim! sorry ar ~~我牙痛呀!同埋唔係咁舒服呀! 開頭我就比較靜既因為怕羞嫁ma~~你地都知我係王家歸仔黎嫁啦! 呼~~不過最唔開心既係......女朋友仔佢飲酒呀! 我唔鍾意佢飲呀~~我好唔鍾意呀! 佢同人仔玩''six鍾''輸左飲杯~~雖然佢輸得唔多但係......我總之就唔鍾意啦! 好激氣呀~~我話代佢飲又唔制wor!女朋友仔妳聽日要go to school 嫁!又要early get up bor~~我係怕妳辛苦先係咁咋~~知冇! 下次妳要記得俾我飲呀!其實我都飲得兩野嫁~~豬豬! 呼~~又唔著多年衫bor~~唉!我真係真係好好好擔心妳呀~~我係妳身邊就可以睇住妳照顧妳但係我唔係度妳就要自己睇住自己嫁啦! wingwing.....唱到成12點呀我地!諗住送wingwing返屋企嫁啦!點知佢叫我唔洗送唔好曬錢wor.....唉!個一個幾十算得咩呀?至緊要係妳既姐! 結果佢唔俾呀~~我送左佢上落lor為有.....但係倫倫咁鍾意佢點會捨得呀! 結果雖然車車開左但係我跑呀!追車車~~ 好西利呀!! 我好似.....拍戲咁嫁好型仔嫁! 上到車雖然俾女朋友仔話但係no problem la ! right ? 女朋友仔自己小心呀~~我好掛住妳呀!

>>February 24, 2003 at 9:54:45 AM GMT+8

2003 年 2 月 21 日 星期五 【陰】

好野今日有得返工呀!唔洗聽日返我至鍾意呀~~之不過今日原本我係放假嫁!一早約好左隊波去踢波嫁! 唉~~結果冇得踢~~都幾失望嫁!因為我好耐冇踢波啦!我想同佢地踢波呀! 唉~~今日一早返到公司都係冇咩野好做既! 唉~~算啦今個月都睇到化曬嫁啦! 為有等下個月努力啦! 成日掛住同Rockie吹吹水啦~~呼!但係佢傻傻地嫁成日打日嫁~~勁痛呀! 不過今日就多左個壞消息啦~~就係maggie要調行走人啦~~呼!有d唔捨得tim 因為冇人再可以俾我蝦啦!又冇野食啦~~女朋友仔放心啦!我唔捨得佢唔係我鍾意左佢呀! 反之落黎既係Rockie呀~~佢成日都話自己係無間道既華仔wor! kakak~~真攪野呀! 都冇生意啦~~為有等放工啦!放左工我同女朋友仔去左.....睇電腦呀! 你地都知嫁啦~~倫倫部野死左嫁啦! 睇到我同倫倫都暈啦~~都唔知買邊部好啦! 又怕貴又怕壞都唔知點啦......更住我地行呀行呀! 行到咁上下我地去左......死火啦唔記得左tim! 呀~~呢排呢唔知點解我d記憶越來越差嫁bor! 真係好怪呀?就好似.....利華古遜既27號矮矮地德國國家果個係乜水呀? 真係大件事呀! 我只記得既係.....果晚好累!想睇波都有心冇力呀! 仲有呀~~仲記得果晚我仲話女朋友仔成日都咁夜訓呀! 激死呀~~我都想佢早d訓咁樣個人都精神d人都靚靚呀! 係地話係唔係啦~~女朋友仔呀!聽話啦!保妳大啦~~我都成日聽妳話早d訓啦! 妳都聽下我話啦~~得唔得呀? 呀~~記得啦!果晚我地去左Monkey果間鋪度食日本野呀! 正到~~暈呀!飽死tim呀~~雖然唔係平係好味道lor! 下次有機同你地去呀! ~~呀仲未同你地介紹tim monkey係wingwing個好兄弟呀!佢地出生入死嫁!上包山落油獲呀! 勁呀~~家下諗番起佢果度d魚生真係very good呀!!

>>February 24, 2003 at 9:54:12 AM GMT+8

2003 年 2 月 20 日 星期四 【晴】

嘩......返到公司就好似個死城咁呀! 點解?咪就係冇客先係咁lor~~唉!都唔知點死啦呢個月! 都唔知可以點做好啦~~成日都係得個坐未咋......直到lunch我過左去灣仔食呀!同d Account既同事一齊食lor! 更住返到公司都係咁啦~~真係得個坐字啦! 我仲同alex仔,maggie三個一齊打機lor! 攪野呀~~邊有人返工返到打機嫁! 哈哈~~到放工啦女朋友仔黎左接我呀! 幾好呀~~唔錯呀! 更住我地去左睇下呢樣睇下果樣啦~~一出到黎我就俾女朋友仔話我今日著衫著得好7啦~~哼! 激死呀~~之後我地去飯飯啦!落左citysuper度食呀! 都幾好味嫁~~雖然係貴左dd~~之不過no problem la !都幾好味嫁bor~~ 我地都係食日本野既~~勁多呀!又大又好味呀~~正呀! 飽死我同wingwing啦~~更住我地去食TCBY呀~~半路我個好恩恩打俾我呀! 佢問我''哥哥你聽日黎唔黎我既生日會呀?'' 死火啦~~聽日係佢生日tim!我話俾佢聽要返工呀!所以......佢一聽到就唔開心啦!仲唔聽我電話tim呀! 唉.....對唔住呀恩恩!我都好唔開心呀~~仲想>_<....呼! 我人唔到禮都要到呀! 更住我同wingwing一啊食雪糕一路散步行維園呀! 幾浪漫呀!我地仲睇人打tennis呀!攪笑呀~~人地浪漫都去海邊吹吹風啦!而我地~~哈哈! 攪野啦~~之後送埋wingwing返去都冇野做啦!我都白白啦~~白白完就打俾佢啦~~傾左唔係好耐咋~~就sleep啦!算啦~~聽日慢慢再傾啦!

(今日講埋展翅既最後一個活動啦~~我諗呢個都係最好玩最開心既!點解呀~~或者玩得開心啦! 呢個活動係個3日2夜既camp黎嫁~~仲要係一個唔係咁簡單既camp呀! 仲記得果陣時我地香港仔呢邊同青衣果邊分幾組啦! 我果組都幾難頂嫁~~因為都有幾多麻煩友嫁~~有蠢既有懶既有傻既又有癲既! 咁你話啦~~我點攪? 不過慢慢黎啦~~不過呢個camp真係好嚴嫁!講一句粗口就要做10下掌壓啦!都幾甘下嫁! 哈哈~~如果有講就冇事啦!之不過我果組就係有個''粗口王''呢~~真PK呀! 我記得呀~~我地果組total做左成250下掌上壓呀! 哈哈~~仲記得第一日就開始要行山啦~~不過第一日都係碎料黎姐! 不過第一晚就有d野啦~~因為我地要行夜山呀! 唔準開電桶摸黑黎行~~要行崎嶇既路~~可想而之有幾難啦!沿途仲係冇阿sir睇住嫁~~我既組員佢地都未玩過呢d野嫁~~so佢地話驚wor! 傻既傻既~~行左先知!可能會係好好玩既呢! 不過行果陣好攪野嫁~~我行頭一個搭住一個黎行!反而最後果個就......kakaka! 我仲要一路行一路講鬼故tim呀! 仲唔嚇到最尾果個喊口~~yeah! 之不過最開心既係......到目的地果刻呀! 我地係第一隊到嫁~~而且個個阿sir都話我地既成績好好呀!又好有合作精神wro~~幾好呀!唔錯唔錯呀! 不過可能仲係第一日啦~~大家都係差d野咁既! 反而大雄唔係同我一組bor!kakakk~~~佢果組d人!冇眼睇啦~~激死佢啦! 哈哈~~我地到左終點就開始起營啦! 不過佢地一d都唔識既~~死火啦!唔知今晚訓訓下會唔會.....哈哈!! 好累呀~~咁就要早d訓啦!因為聽日既路途會更難呀! 呀~~不過我又學左樣野既!雖然我地成組人都唔識對方但係......玩玩下就識嫁啦!都係果句啦~~至緊要唔怕羞放擔去馬呀! 其實交一個朋友好簡單既~~只不過係邊個出聲先既姐! 無論係男係女都係咁既~~如果你想識個女仔咁就天要放擔去馬啦!真係唔好怕羞呀~~ 俾d心機啦~~!聽日再講埋啦!kakaka~~唔知會唔會悶親你地呢?)

>>February 22, 2003 at 5:48:03 AM GMT+8

2003 年 2 月 19 日 星期三 【晴】

今日都算幾精神啦~~講個壞消息俾你地聽下呀! 琴晚祖記輸左波呀!唉.......激死呀! 如果唔係尼維特果球中柱都冇野既~~不過呢場輸都冇計啦~~成隊波有成7個人仔病左! 激死呀~~下場到祖記主場就死硬啦曼聯!kakakak~~ 不過琴晚阿''納豆''都打過長途俾我嫁啦~~叫我頂呀Del Piero同Di Viao wor~~之不過費事啦! 呢d分組賽少料啦~~我推左呀! 我叫阿''納豆''去到決賽或者真係唔得既時候先call 我機啦! 因為我要返工呀~~費事女朋友仔擔心我啦! 更何況我係秘密武器黎嫁ma~~有名你地叫啦''Del Pi Alan''呀~~ma! 算啦~~都係搵錢返工緊要d呀! 今日返到公司都冇野做啦~~手頭上既客仔都攪掂曬啦! 又冇新既客仔bor~~so......成個早上係度靜坐lor! 打打俾女朋友仔啦~~唱首歌仔過佢聽啦~~kakaka!好唔好聽呀女朋友仔~~ 今日lunch我同左分店主任食呀~~幾驚呀!有種壓力呀!話曬都主任呀~~同佢一齊食都有得益既! 就係可以聽下佢講下做領隊既苦況啦苦與樂~~又可以聽下d故仔wor!咪就係鬼故lor! 唉......成個月啦~~成個月都係咁靜咁吉呀! 死硬啦~~呼! 放左工同大雄去take眼鏡呀!! 佢有個新look呀~~都幾攪野嫁!好有新鮮感呀! 攪到我都心動tim~~都想整番副tim! 之不過聽日我又要陪女朋友仔一齊去take眼鏡呀! 唉~~死火啦女朋友仔有副新眼鏡啦!咁樣即係又靚女左啦~~驚驚地tim! 唔知佢帶左新眼鏡會點呢? kakaka~~

(琴日講完第一階段~~今日就講下第二階段啦! 呢個階段更好玩好開心呀~~點解? 依家講你地知呀! 第二階段主要既係領袖訓練同群體精神呀! 嘩~~開正我果飯呀! 頭果幾堂各同學都互相認識先但係~~大家都始終差d野咁呀! 直到第一個戶外活動.......仲記得呢個活動係要去到彩虹果頭玩既! 而呢次既行動係.......''攀石''呀! 聽左有冇d驚呢?呢個唔係個簡單既攀石場~~而係個有5樓高既攀石場呀!驚唔驚呀~~開頭我地成班個個都怯怯地嫁~~ 不過眼見另一區既人仔玩得咁勁~~我地成班都唔甘心所以......發奮啦! 仲記得我地果邊有個女仔仲玩到喊J呀~~哈哈!攪笑呀~~ 之不過佢喊果陣我地成班都好支持佢呀~~不停講d支持佢既說話呀!結果佢得左呀~~都攀到成3樓嫁~~女仔黎講好勁嫁啦! 到大雄果陣佢最都驚驚地既~~更住佢一上左去就仲話好爽呀!個feel......佢攀完都好有自豪感嫁~~成功感呀! 咪就係咁咋ma~~係未攀之前見到好似攀唔到既但都未試過咁又點知呢? 有時d野真係要試過俾信心自己先至做得成嫁! ''咩都可以輸信心一定唔可以輸''~~家良教既!哈哈~~總之有d野未做先黎怕左佢既!咁樣你做咩都冇用都唔得嫁啦~~right? 到最後攀既係我......到我果陣我好有信心嫁~~點解呀?玩過掛~~個阿sir問我! 你要用幾多時間攪掂~~我諗都唔諗就答佢5分鐘之內! 結果......你地估下呀! 有陣時做人有個目標.....而你向住果個目標而做事呢! 你做既事真係會事半工倍嫁~~信心真係最緊要嫁!)

>>February 21, 2003 at 3:14:16 AM GMT+8

2003 年 2 月 18 日 星期二 【晴】

呀~~幾眼訓呀! 唔知點解呢? 或者夜左dd訓啦~~兩點度啦! 不過起左身好伊就攪掂曬d野啦bor~~刷完牙洗埋面諗住出門口啦! 點知....急屎wor! 攪野呀~~去到車站走左班車tim! 死火啦~~ 好彩返到去仲有時間姐~~都冇咁驚呀! 不過原來早上得我自一個人咋~~因為carol佢dayoff呀! 有dd驚tim~~但係又有少少唔驚bor~~哈哈!都唔知點啦 成日都係得個吉啦~~我自己都只係聽左1個電話咁大把咋! 激死呀~~想做下野都唔得既! 呼~~今日又係咁啦!唔係冇客既! 有就有既之不過都係得個問啦~~留左電話但係都冇影既! 算啦~~呢個月都空多吉少嫁啦! 唉~~lunch飯飯啦!食完都唔知做咩野好啦! 又係咁啦~~直到放工...... 我過左去搵女朋友仔呀!一齊去take ''J Card''更住行下果頭啦~~我地仲不停咁睇電腦呀~~佢就問個sells D野啦! 而我呀~~掛住打機lor! 哈哈~~我知女朋友仔想買部NEW嫁啦~~女朋友仔呀!! 至多我贊助妳呀~~好冇? 大家俾心機儲下錢呀~~遲d一齊買呀! 更住.....我地又食呢樣果樣呀! 到最後我地都係打邊爐呀!! 又係好飽呀~~又係勁多野食呀! 飽死呀~~好累呀! 之後就送wingwing返屋企啦! 我都返屋企覺覺啦~~就算今晚有波睇都唔睇啦~~因為我應成左女朋友仔唔睇呀! sleep la ~~

(仲記得第一日返展翅果陣.....同大雄一齊! 見到其他同學有傻既有型既有7既~~哈哈! 不過最靚仔既都係我呀!~~講笑姐! 其實呢個展翅所學既野係比較......點講好呢? 係學校學唔到既~~ 但係呢家野既主旨係職前培訓呀! 目的係令d細路點樣去見工,點樣搵份岩自己既工作啦!! 第一階段就係咁啦~~如果你問我學到d咩既! 我只可以答到你學到點樣搵到份岩自己既工啦! 學習到群體生活啦~~其實真係好難講嫁! 你要上下堂先得既~~但係.....有用既!我可以話俾你知~~真係有用既! 可以話係學習於遊玩啦! 玩左好多又有趣又有意義既遊戲呀! 之不過上堂期間我既同學好攪野嫁~~傻既傻得幾得意嫁! 基本上個課程教到求職技巧~~啦! 合作性呀仲有~~明白到合作既重要性呀!無論係工作上定喜戲都好重要呀~~唔錯唔錯呀! 我仲識到D新朋友呀~~kakaka! 呀~~仲記得教我果個Miss都幾靚女嫁! 有幾分似石子林嫁~~唔好嬲呀女朋友仔! 另外個課程仲有証書嫁~~唔知有冇用呢?最初我係咁諗既! 但家下係有用嫁張野~~所以我咪搵到呢份工lor!! 聽日我講下第二階段既課程呀!)

>>February 20, 2003 at 4:33:58 AM GMT+8